ပလိၵ်ႈ တီႉလႆႈယႃႈၾိၼ်ႇၽိူၵ်ႇ(ႁႄႊရူဝ်ႊဢိၼ်ႊ) ၼမ်ႉၼၵ်း 815 ပွင်ႇ (369 ၵီႊလူဝ်ႊၵရမ်ႊ) တူၵ်းမႅၼ်ႈၶၼ်ငိုၼ်း 4.7 ၻေႃႊလိူဝ်ႊ တီႈႁိမ်းဝဵင်းတူၼ်ႈတီး ၸိုင်ႈတႆးပွတ်းၸၢၼ်း။

ပူၼ်ႉမႃး မိူဝ်ႈဝၼ်းသဝ် (8/12/2018) ယၢမ်းႁူဝ်ၶမ်ႈၼၼ်ႉ မီးၵႃးတၢင်ႇၵုၼ်ႇလမ်းၼိုင်ႈ ၵိုတ်းဝႆႉတီႈ ႁိမ်းဝတ်ႉ/ ၵျွင်း တီႈၼိုင်ႈၼႂ်း ဝဵင်းတူၼ်ႈတီး ၾၢႆႇပလိၵ်ႈ လႆႈၵူတ်ႇထတ်းတူၺ်းသေတီႉၺွပ်းလႆႈ ယႃႇၾိၼ်ႇၽိူၵ်ႇလႄႈ ၵူၼ်းၸွမ်းၵႃး 2 ၵေႃႉ ဝႃႈၼႆ။

သိုဝ်ႇၶၢဝ်ႇ RFA ဢွၵ်ႇဝႆႉဝႃႈ “ လွၵ်းၵၢတ်ႇယႃႈမဝ်းၵမ်ၼႆႉ ၵမ်ႈၼမ် ၸႂ်ႉတိုဝ်းၵၼ် ယႃႈမႃႉ ၵူၺ်းၵႃႈ ၵၢၼ်ၽုၵ်ႇသွမ်ႈ သူၼ်ယႃႈၼႂ်းမိူင်းတႄႉ ယွမ်းလူင်းၵႂႃႇတင်းၼမ်” ဝႃႈၼႆ။

မိူဝ်ႈပီ 1970 – 80 ၼၼ်ႉ ၼႂ်းမိူင်းႁူမ်ႈတုမ် ဢၼ်ၽုၵ်ႇသွမ်ႈယႃႈၾိၼ်ႇၼႆႉတေလႆႈဝႃႈ ၼမ်လိူဝ်ပိူၼ်ႈ ၸိုဝ်ႈသဵင် ၵေႃႈယႂ်ႇ ၸွမ်းလႅၼ်လိၼ် မိူင်းမၢၼ်ႈ၊ မိူင်းထႆးလႄႈ လၢဝ်း တၢင်းပွတ်း သၢမ်ၸဵင်ႇၶမ်းလူးၵွၼ်ႇ။ လင် ၼႆႉမႃး သူၼ် ယႃႈဢၼ်ဢွၵ်ႇၼမ်တီႈသုတ်းသမ်ႉ ပဵၼ်တၢင်းပွတ်းမိူင်း ဢႅပ်ႊၾၵၢၼ်ႇၼိတ်ႉသထၢၼ်ႇ ၸိူဝ်းၼႆႉ။