ၾၢႆႇၽဵဝ်ႈမူၺ်ႉယႃႈမဝ်းၵမ် ပိုၼ်ၽၢဝ်ႇဝႃႈ တီႉလႆႈယႃႈမဝ်းၵမ် တီႈၵႃးလမ်းၼိုင်ႈ ၼႂ်းၸႄႈဝဵင်းလွႆလႅမ် ၵႃႈၶၼ်ၼပ်ႉႁူဝ်မိုၼ်ႇလၢၼ်ႉ။
ဝၼ်းတီႈ 24/5/2020 ႁွင်ႈၵၢၼ်ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် ပိုၼ်ၽၢဝ်ႇဢွၵ်ႇမႃးဝႃႈ ယူႇတီႈ ၽူႈမီး ပုၼ်ႈၽွၼ်းပလိၵ်ႈၶဝ် လႆႈပႂ်ႉၵူတ်ႇထတ်းရူတ်ႉၵႃး တီႈႁိမ်းဝၢၼ်ႈႁူဝ်တႅင်ႉ သဵၼ်ႈတၢင်းလူင်လွႆလႅမ် – တူၼ်ႈတီး ၸႄႈဝဵင်းလွႆလႅမ် ၸိုင်ႈတႆးပွတ်းၸၢၼ်း။ ၵူတ်ႇထတ်းတီႈၵႃးၶွင် ၶုၼ်ႇၸၢမ်ႇဢူးလႄႈ ဝူၺ်ႇလိၼ်းထုၼ်းၼၼ်ႉ တီႉလႆႈယႃႈICE ၼမ်ႉၼၵ်း 1,625 ၵီႊလူဝ်ႊ၊ မႅၼ်ႈတႃႇၶၼ်ငိုၼ်းမၢၼ်ႈ 4 မိုၼ်ႇလၢၼ်ႉ (ကျပ်သိန်း 40 ဘီလီယံကျော်)- ၼႆယဝ်ႉ။
ၼႂ်းလိၵ်ႈပိုၼ်ၽၢဝ်ႇၼၼ်ႉ ဢွၵ်ႇဝႆႉဝႃႈ ယူႇတီႈၽူႈမီးပုၼ်ႈၽွၼ်း လႆႈထတ်းထၢမ်သေႁူႉဝႃႈ ၵူၼ်းသွင်ၵေႃႉၼႆႉ ၵဵဝ်ႇၶွင်ႈတင်း ၵူၼ်းယူႇတၢင်း ၸႄႈမိူင်း ယၢင်းၽိူၵ်ႇ ၵေႃႉၼိုင်ႈ၊ ထႅင်ႈၵေႃႉၼိုင်ႈ ဢၼ်ၵဵဝ်ႇၶွင်ႈထႅင်ႈတႄႉ ပဵၼ်ၵူၼ်း တၢင်းမိူင်းသူႈ ဝႃႈၼႆ။
ယႃႈမဝ်းၵမ် ဢၼ်တီႉလႆႈၸိူဝ်းၼႆႉ ယူႇတီႈ တပ်ႉပလိၵ်ႈမၢၼ်ႈ လွႆလႅမ် ၵုမ်းၵမ် ဝႆႉသေ ၽူႈၵဵဝ်ႇၶွင်ႈ လႄႈ ၵူၼ်းယူႇလင်ၵေႃႈ ၾၢႆႇတပ်ႉပလိၵ်ႈမၢၼ်ႈ တိုၵ်ႉငွႆးလင်ဝႆႉယူႇ ဝႃႈၼႆ။
ပူၼ်ႉမႃးမိူဝ်ႈဝၼ်းတီႈ 22/5/2020 ယၢမ်းဝၢႆးဝၼ်း 3 မူင်းၼၼ်ႉၵေႃႈ တီႉလႆႈယႃႈမႃႉ ၼိူဝ်သဵၼ်ႈတၢင်းလူင် ဢွင်ႇပၢၼ်း – ယႂႃႇငၢၼ်ႇ ၸႄႈဝဵင်းဢွင်ႇပၢၼ်း ၸိုင်ႈတႆးပွတ်းၸၢၼ်း တႃႇငိုၼ်း 2,480 သႅၼ်ပၢႆ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ