ပီႈၼွင့်တႆးၼႂ်းၸႄႈမိူင်းယၢင်းလႅင် ႁူမ်ႈၵၼ်ၸတ်းႁဵတ်းပၢင်ပွႆးႁူမ်ၸူမ်းႁပ့်တွၼ်ႈပီမႂ်ႇတႆး 2113 ၼီႈ ၸတ်းပႃးပၢင်ယုၵ့်ယွင်ႈၸဝ်ႈၶူးမေႃ ။
ဝၼ်းတီႈ 7 – 8/12/2018 သင်ၶၸဝ်ႈလႄႈ ၵေႃလိၵ်ႈလၢႆးလႄႈၾိင်ႈငႄႈတႆး ၼႂ်းၸႄႈမိူင်းယၢင်းလႅင် ႁူမ်ႈၵၼ် ၸတ်းႁဵတ်းပၢင်ပွႆးႁူမ်ၸူမ်းႁပ့်တွၼ်ႈပီမႂ်ႇတႆး 2113 ၼီႈလႄႈ ၸတ်းပၢင်ယုၵ့်ယွင်ႈၸဝ်ႈၶူးမေႃ ၸဝ်ႈဝေႃးရၶႄ့ တီႈဝဵင်းဝႃးရၶႄ့ ၸႄႈမိူင်းယၢင်းလႅင် မီးၸွမ်ၽွင်းလူင် ၸႄႈမိူင်းယၢင်းလႅင် ဢူးဢႄႇ ၽွင်းသဵဝ်ႇလႄႈ ၽူႈယႂ်ႇ ၵူၼ်းလူင်ၼႂ်းလူင်ပွင်ၸိုင်ႈလႄႈ ၵူၼ်းဝၢၼ်ႈၵူၼ်းမိူင်းၶဝ်ႈႁူမ်ႈတင်းၼမ်။
ၸဝ်ႈသုပၺ်ႇၺႃႇ (သၢႆလိူၼ်) လၢတ်ႈၼႄႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ၼႂ်းပၢင်ပွႆးၼႆ့ မီးၽူႈယႂ်ႇၵူၼ်း လူင်မႃးပၼ်ဢဵၼ်ႁႅင်းၵူၼ်းၼုမ်ႇလႄႈ ၸွႆႈပၼ်ငိုၼ်းၵမ့်ထႅမ်တႃႇပၢင်ပွႆးၸိူဝ်းၼႆ့ဢေႃႈ။ ႁဝ်းၶႃႈယူႇတၢင်း ၼႆ့ၵေႃႈဢမ်ႇလူင်လိုမ်းမိူင်းတႆးႁဝ်း ၵဵဝ်ႇလူၺ်ႈၾိင်ႈႁိတ်ႈႁွႆးလိၵ်ႈလၢႆးၸိူဝ်းၼႆ့ၵေႃႈ ႁဝ်းၶႃႈဢွၼ် ၵၼ်ၶတ်းၸႂ်ယူႇၶႃႈ ပေႃးပဵၼ်လႆႈၶႂ်ႈႁႂ်ႈ ပီႈၼွင့်တႆးႁဝ်းမီးလွင်ႈၵပ်းသိုပ်ႇၵၼ်ၼမ်ၼမ် ၼင်ႇႁိုဝ်တေ မီးလွင်ႈႁၵ့်ပႅင်းၵၼ်လႄႈၸမ်ၸႂ်ၵၼ်မႃးၼၼ့်ဝႃႈၼႆ။
တီႈဝဵင်းဝေႃးရၶႄ့ၼႆ့ ႁူဝ်ႁိူၼ်းၵူၼ်းတႆးမီးမွၵ်ႈ 60 လင် ၼႂ်းၸႄႈမိူင်းယၢင်းလႅင်ၼႆ့ ၵမ်ႈၼမ်ပီႈၼွင့် တႆးယူႇသဝ်းဝႆ့တီႈ ဝဵင်းလွႆၵေႃႇ (လွႆၶေႃ)၊ ၽႃသွင်း၊ မႄႈၸႄ့၊ ဝၢၼ်ႈမႂ်ႇ၊ သႃးတေႃး လႄႈတီႇမေႃးသေႃႇ ၸိူဝ်းၼႆ့ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ