ၸုမ်းဢူၺ်းလီပွတ်းႁွင်ႇ 3 ၸုမ်း TNLA၊ AA ၊ MNDAA ႁူပ်ႉဢုပ်ႇၵၼ် တင်းၶွမ်ႊမသျိၼ်ႊလွင်ႈငမ်းယဵၼ် မိူင်းမၢၼ်ႈ (PC) တီႈမိူင်းၶႄႇ ဝႃႈၼႆ။

ဝၼ်းတီႈ 12/12/2018 တူဝ်တႅၼ်းၸုမ်းဢူၺ်းလီပွတ်းႁွင်ႇ 3 ၸုမ်း တင်း PC ႁူပ်ႉဢုပ်ႇၵၼ် တီႈမိူင်းၶုၼ်ႊမိင်ႊ ၸႄႈမိူင်း ယုၼ်ႊၼၢၼ်ႊ ၸိုင်ႈမိူင်းၶႄႇ ဝႃႈၼႆ။

ၶပ်ႉမၢႆလွင်ႈႁူပ်ႉထူပ်းၵၼ်ၼႆႉ ဢၼ်ယူႇတီႈၸုမ်းဢူၺ်းလီပွတ်းႁွင်ႇ 3 ၸုမ်း လႆႈဢွၵ်ႇၶေႃႈ ပိုၼ်ၽၢဝ်ႇၵႂႃႇၼၼ်ႉ ၵဵဝ်ႇ ၵပ်းလွင်ႈၼၼ်ႉသေ ၶိုၼ်းမႄးဢုပ်ႇဢူဝ်းငူပ်ႉငီႉ ထတ်းသၢင်ၶိုၼ်း ၸိူဝ်းၼၼ်ႉ ဝႃႈၼႆ။

PC တင်း ၸုမ်းဢူၺ်းလီပွတ်းႁွင်ႇ 3 ၸုမ်းၼႆႉ မိူဝ်ႈပူၼ်ႉမႃး လိူၼ်သႅပ်ႊထႅမ်ႊၿိူဝ်ႊ တင်း လိူၼ်ဢွၵ်ႊ ထူဝ်ႊၿိူဝ်ႊ ၼၼ်ႉ လႆႈႁူပ်ႉၵၼ်မႃး။ လိူၼ်ၼႆႉသမ်ႉ လႆႈႁူပ်ႉၵၼ်ထႅင်ႈၵမ်းၼိုင်ႈ တင်းမူတ်း လွင်ႈႁူပ်ႉဢုပ်ႇၵၼ်ၼႆႉ မီး 3 ပွၵ်ႈပႃး ပွၵ်ႈၼႆႉယဝ်ႉ ဝႃႈၼႆ။

ၸုမ်းဢူၺ်းလီပွတ်းႁွင်ႇ 3 ၸုမ်းၼႆႉ ပဵၼ်လုၵ်ႈၸုမ်း FPNCC ဢၼ်ၸုမ်းဝႃႉ UWSA ဢွၼ်ႁူဝ်ၼမ်းၼႃႈဝႆႉၼၼ်ႉ။ ၼႂ်းလုၵ်ႈၸုမ်း FPNCC ၼၼ်ႉသမ်ႉ ပႃးဝႆႉ တပ်ႉသိုၵ်းဝႃႉ UWSA၊ ၶၢင် KIA၊ ပႃႇတီႇမႂ်ႇသုင်ၸိုင်ႈတႆး SSPP ၊ ၵူဝ်းၵၢင်ႉ MNDAA၊ မိူင်းလႃး NDAA၊ တဢၢင်း TNLA၊ ရၶႅင်ႇ AA ၸဵမ်ၸိူဝ်းၼႆႉ။

ၶေႃႈမုလ်း – Irrawaddy