သင်ၶၸဝ်ႈတႆး တူၼ်ၼိုင်ႈလႄႈ ၸၢဝ်းတႆး 2 ၵေႃ့ ဢၼ်ႁဵတ်းသၢင်ႈၵၢၼ်ၵူၼ်းတင်းၼမ် ပူၵ်းပွင်ပၢႆး ပၺ်ၺႃလႄႈ ပိုၼ်ၽႄႈသႃသၼႃ လႆႈႁပ့်သူးရၢင်းဝလ်း Naga Award တီႈမိူင်းၵွၵ်ႇၸိုင်ႈထႆး။
ဝၼ်းတီႈ 08/12/2018 ၾၢႆႇႁဵတ်းၵၢၼ်သႃသၼႃလုမ်ႈၾႃ့၊ ၾၢႆႇပူၵ်းပွင်ၵူၼ်းၼုမ်ႇလႄႈ ၾၢႆႇသိုဝ်ႇၶၢဝ်ႇထႆး ႁူမ်ႈ ၵၼ်ၸတ်းႁဵတ်း ပၢင်မွပ်ႈယိုၼ်ႈသူးရၢင်းဝလ်း Naga Award ပၼ်ၽူႈၵူၼ်းလီ ဢၼ်ႁဵတ်းသၢင်ႈ ပူၵ်းပွင်တူင်ႇ ဝူင်းၵူၼ်း ၊ ပၢႆးပၺ်ၺႃ၊ ပၢႆးသႃသၼႃၸိူဝ်းၼႆ့ ၽူႈဢၼ်လႆႈႁပ့်သူး ဢၢၼ်ႇႁူဝ်ပၢၵ်ႇၼၼ့် ပႃးတႆး 3 ၵေႃ့ မိူၼ် ၼင်ႇၸဝ်ႈတူၼ်ၶူး Dr.ၼေႃႇၶမ်းလႃ့ ၶူးပူင်သွၼ်ၸၼ့်ၸွမ်ပုတ့်ထ မိူင်းတႆး ဝဵင်းလူင်တူၼ်ႈတီး၊ ၸဝ်ႈလႅင်းသႂ် ႁိူင်း ၽူႈၼမ်းသိုၵ်းၵူၼ်းမိူင်း ထုင့်ပၢင်ႇလႅင်းသႂ် ၸႄႈဝဵင်းၼမ့်ၸၢင်၊ ၼၢင်းၸၢမ်လႅင်း ၸဝ်ႈၶွင်ႁၢၼ့်ၶၢႆၶူဝ်းတႆး ငူၺ်ႇၸၢၼ်ႇဢဵင်ႇ ဝဵင်းလူင်တူၼ်ႈတီး ၸိူဝ်းၼႆ့။
ၸဝ်ႈတူၼ်ၶူး Dr.ၼေႃႇၶမ်းလႃ့ လၢတ်ႈတီႈၸုမ်းငဝ်းႁၢင်ႈသဵင်တႆးဝႃႈ – “ ဢၼ်ၸဝ်ႈလႆႈႁပ့်သူးၼႆ့တႄ့ ဢမ်ႇတိုၼ်ႇတဵၼ်ႈဢမ်ႇလၢၵ်ႇလၢႆးသင် ယွၼ့်ဝႃႈဢၼ်ႁဵတ်းမႃးၸိူဝ်းၼၼ့် ဢမ်ႇလႆႈမုင်ႈမွင်းသင် ၵူၺ်းၵႃႈပိူၼ်ႈသမ့်ႁၼ်ထိုင်ႁဝ်းသေ တွၼ်ႈပၼ်သူးႁဝ်းၼႆ့ပဵၼ်ဢၼ်မီးႁႅင်းၸႂ်မႃး လႄႈ သိုပ်ႇႁဵတ်းသၢင်ႈၼႃႈၵၢၼ်ၵႂႃႇမိူဝ်းၼႃႈယူႇ ” ဝႃႈၼႆ။
ၼႂ်းပၢင်မွပ်ႈယိုၼ်ႈသူး Naga Award ၼၼ့် လႆႈမွပ်ႈယိုၼ်ႈပၼ် မီးၽူႈဢၼ်ႁဵတ်းၵၢၼ်တွၼ်ႈတႃႇ ၵူၼ်းၼမ်လႄႈ ၽူႈဢၼ်ပိုၼ်ၽႄႈၽုတ့်ထသႃသၼႃ မိူင်းထႆး၊ မိူင်းၵမ်ႊပူႊၶျႃႊ၊ မိူင်းသီရိလင်းၵႃႊ၊ မိူင်းဢိၼ်းၻီႊယိူဝ်ႊ၊ မိူင်းလၢဝ်း၊ မိူင်းပင်းၵလႃႊၻဵတ့်ၶျ် မိူင်းၶႄႇလႄႈ မိူင်းႁူမ်ႈတုမ်မၢၼ်ႈၸိူဝ်းၼႆ့ ၼပ့်ဢၢၼ်ႇႁူဝ်ပၢၵ်ႇ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ