တႃႇတေႁႄႉၵင်ႈ ၸိူဝ်ႉမႅင်းဝႆးရတ်ႊသ် ၶူဝ်ႊရူဝ်ႊၼႃႊ လႆႈၼိုင်ႈၾၢႆႇၼိုင်ႈတၢင်းၼႆသေ ၶွမ်ႊမတီႊပွင်ပဵၼ်ပၢင်ပွႆး ဝၼ်း ၶိူဝ်းတႆး ဝဵင်းမူႇၸေႊ ဢုပ်ႇဢူဝ်းတႅပ်းတတ်းၵၼ်ဝႃႈ တေဢမ်ႇၸတ်းႁဵတ်းပၢင်ပွႆး ဝၼ်းၶိူဝ်းတႆးႁိုဝ် ဝၼ်းၸိူဝ်ႉၸၢတ်ႈ ၸိုင်ႈတႆး ၶွပ်ႈၶူပ်ႇ 73 ပီ။ ဝၼ်းတီႈ 29/1/2020 ယၢမ်းဝၢႆးဝၼ်း 1 မူင်း ၶွမ်ႊမတီႊပွင်ပဵၼ်ပၢင်ပွႆးဝၼ်းၶိူဝ်းတႆး ၸႄႈဝဵင်းမူႇၸေႊ ၸတ်းႁဵတ်းပၢင်ၵုမ် ဢုပ်ႇဢူဝ်းၵၼ်...

ၾႆးမႆႈႁိူၼ်းၵူၼ်းဝၢၼ်ႈၼႂ်းဢိူင်ႇမိူင်းၵူဝ်း ၸႄႈဝဵင်းတႃႈၶီႈလဵၵ်း သွင်လင် ယွၼ်ႉၾႆးမႆႈႁိူၼ်းသေ မီးၵူၼ်းလူႉတၢႆၸွမ်း ၵေႃႉၼိုင်ႈလႄႈ မၢတ်ႇၸဵပ်းၵေႃႉၼိုင်ႈ။ ဝၼ်းတီႈ 29/1/2020 ယၢမ်းႁူဝ်ၶမ်ႈ မွၵ်ႈ 6 မူင်းၼၼ်ႉ ၾႆးမႆႈႁိူၼ်းၵူၼ်းဝၢၼ်ႈ 2 လင် တီႈဝၢၼ်ႈပၢင်ဢၢင် ဢိူင်ႇမိူင်းၵူဝ်း ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း။ မႆႈပႃးၽူႈယိင်းၵေႃႉၼိုင်ႈ လႆႈလူႉတၢႆၸွမ်းလႄႈ ၽူႈၸၢႆးၵေႃႉၼိုင်ႈ လႆႈ မၢတ်ႇၸဵပ်း။ ၸၢႆးတိင်း...

ႁႅင်းၵၢၼ်မိူင်းႁူမ်ႈတုမ် ၼႂ်းမိူင်းလၢဝ်း ဢွၼ်ၵၼ်ပွၵ်ႈႁိူၼ်းၶိုၼ်း ယွၼ်ႉတၢင်းပဵၼ်ဝႆးရတ်ႊသ်ၶူဝ်ႊရူဝ်ႊၼႃႊ ဢၼ်ၽႄႈဝႆး ၼႂ်းမိူင်းၶႄႇၼၼ်ႉ။ ၼႂ်းဝၼ်းတီႈ 28-29/1/2020 ၶၢဝ်းတၢင်း 2 ဝၼ်းမႃးၼႆႉ ႁႅင်းၵၢၼ်မိူင်းႁူမ်ႈတုမ် ၸိူဝ်းၵႂႃႇႁဵတ်းၵၢၼ်ၼႂ်းမိူင်းလၢဝ်းၼၼ်ႉ ဢွၼ်ၵၼ်ပွၵ်ႈၶိုၼ်းၶဝ်ႈမႃးတၢင်းတႃႈႁိူဝ်းဝၢၼ်ႈပုင်ႇ ဢိူင်ႇမိူင်းၽူင်း(ၵ) ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း ယွၼ်ႉတၢင်းပဵၼ်ၶူဝ်ႊရူဝ်ႊၼႃႊ ဢၼ်ပဵၼ်ယူႇတၢင်းမိူင်းၶႄႇၽႄႈဝႆး ဝႃႈၼႆ။ လုင်းၸၢႆးၵျေႃႇ ၵူၼ်းတႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ “ၼႂ်းၶၢဝ်းတၢင်း 2 -3...

ဝႆးရတ်ႊသ်ၶူဝ်ႊရူဝ်ႊၼႃႊၽႄႈ ၼႂ်းမိူင်းၶႄႇၼၼ်ႉ ၼင်ႇႁိုဝ် တေဢမ်ႇတုမ်ႉယွၼ်ႈၵႃႈၶၼ်ၶူဝ်းၵုၼ်ႇၼၼ်ႉ ယူႇတီႈၽူႈမီး ပုၼ်ႈၽွၼ်းၼႂ်းမိူင်းလႃးၶဝ် တေၵုမ်းၵမ် ၵႃႈၶၼ်ၵုၼ်ႇႁႂ်ႈၼိမ်တဵင်ႈၵႂႃႇ။ မိူဝ်ႈဝၼ်းတီႈ 29/1/2020 ၼၼ်ႉ ၼႃႈလိၼ်ၶိုၵ်ႉတွၼ်းမၢႆ 4 မိူင်းလႃး ၸိုင်ႈတႆးပွတ်းဢွၵ်ႇၶူင်း ဢွၵ်ႇလိၵ်ႈပိုၼ်ၽၢဝ်ႇ တေ ၵုမ်းၵမ် ၵႃႈၶၼ်ၶူဝ်းၵုၼ်ႇသိၼ်ၵႃႉ ယႃႇႁႂ်ႈပုင်ႈၶိုၼ်ႈသုင်။ ႁႂ်ႈလႆႈသိုဝ်ႉၶၢႆၸွမ်းၼင်ႇၶၼ်မၢၼ်ႇမႅၼ်ႈတေႃႇၵူၼ်းမိူင်း ၼႂ်း ၼႃႈလိၼ်ၶိုၵ်ႉတွၼ်းမၢႆ 4 မိူင်းလႃးၵႂႃႇ...

တပ်ႉသိုၵ်းလူင်ပွင်ၸိုင်ႈမၢၼ်ႈ ဢၼ်မႃးပုတ်ႈတူင်ႉၼိုင်တီႈဢိူင်ႇမိူင်းၵႅတ်ႈ ၸေႈဝဵင်လႃႈသဵဝ်ႈၼၼ်ႉ  တဵၵ်းၶၢၼ်းၵူၼ်းမိူင်းၵႅတ်ႈ သူင်ႇရူတ်ႉၵႃးလႄႈထေႃႈလႃႈၵျီႈ ႁဵတ်းၵၢၼ်ၸွႆႈၼႂ်းတပ်ႉၶဝ်ၵူႈဝၼ်း ၵူၼ်းမိူင်း ယၢပ်ႇၽိုတ်ႇတႃႇ ႁႃၵိၼ်လဵင်ႉတွင်ႉ။ တပ်ႉသိုၵ်းလူင်ပွင်ၸိုင်ႈ ၶမယ 362 ဢၼ်လုၵ်ႉမိူင်းၶျၢင်း မႃးပုတ်ႈလၢႆႈတပ်ႉ 368 တီႈဢိူင်ႇမိူင်းၵႅတ်ႈ ၸေႈဝဵင်းလႃႈသဵဝ်ႈ ၼၼ်ႉ ၼွၵ်ႈလိူဝ် ဢၼ်ၶၢၼ်းၵူၼ်းမိူင်းဝႆႉယဝ်ႉ သင်ဝႃႈလူဝ်ႇၸႂ်ႉရူတ်ႉၵႃး လႄႈထေႃႈလႃႈၵျီႈ ၶၢဝ်းလႂ်ၵေႃႈ ႁွင်ႉၶၢၼ်းထႅင်ႈ ႁဵတ်းႁႂ်ႈၵူၼ်းမိူင်း  ...

(မွၵ်ႇမူဝ်ႁဵဝ်းၶမ်း သူင်ႇၶၢဝ်ႇ) ပၢင်ဢုပ်ႇဢူဝ်းၶူၼ်ႉၶႂႃႉ တွၼ်ႈၵၢၼ်သၽႃးၸိူဝ်ႉၸၢတ်ႈလႄႈ လွင်ႈၾၼ်(ယိူင်းဢၢၼ်း) ၾႅတ်ႊၻရႄႊ ၸတ်းႁဵတ်းတီႈ ဝဵင်းလူင်တူၼ်ႈတီး မီးၽူႈၶဝ်ႈႁူမ်ႈထွမ်ႇၸွမ်း 50 ပၢႆ။ ဝၼ်းတီႈ 28/1/2020 ယၢမ်းၵၢင်ၼႂ် 8 မူင်းၶိုင်ႈ ထိုင် 12 မူင်းၶိုင်ႈ ယူႇတီႈၸုမ်း PI (Pyidaungsu Institute) လႄႈ ၸုမ်း...

ၼၢင်းယိင်း သွင်ၵေႃႉမႄႈလုၵ်ႈၵႂႃႇႁႃၽိုၼ်းသေ ယဵပ်ႇၺႃးမၢၵ်ႇမႅင်းၾင်လိၼ် တႅၵ်ႇသႂ်ႇ မၢတ်ႇၸဵပ်းႁၢဝ်ႈႁႅင်း လႆႈႁၢမ် သူင်ႇႁူင်းယႃ လူင်ဝဵင်းလႃႈသဵဝ်ႈ။ ဝၼ်းတီႈ 28/1/2020 ယၢမ်းၵၢင်ၼႂ်မွၵ်ႈ 10 မူင်းပၢႆၼၼ်ႉ ပႃႈယႃၼူၼ်း ဢႃယု 49 ပီ တင်း လုၵ်ႈယိင်း လူၺ်းသႅင်လၢဝ် ဢႃယု 13 ပီ ယဵပ်ႇၺႃးမၢၵ်ႇမႅင်းၾင်လိၼ် တီႈသူၼ်ၼဵင်ႈ...

မၢႆမီႈယုၵ်းယၢင်ႇတႃႇၵႅတ်ႇၶႄႁေႉၵင်ႈလွင်ႈႁဵတ်းႁၢႆႉၸႃႉၼိူဝ်ၼၢင်းယိင်း ဢၼ်ႁူမ်ႈၵၼ် တိုတ်ႉၸၼ်မႃး ၶၢဝ်းတၢင်း 7 ပီၼၼ်ႉ ယူႇတီႈ သၽႃးလႆႈတမ်းဝၢင်းၼေပၼ်ၵူၼ်းမိူင်းတႃႇလဵပ်ႈႁဵၼ်း မိူဝ်ႈဝၼ်းတီႈ 25 /1/2020။ ၼႂ်းပၵ်းပိူင်ယုၵ်းယၢင်ႇ ၶေႃႈမၢႆမၢတ်ႈတႃႈ 15 ၼၼ်ႉပႃးဝႆႉဝႃႈ ၼၢင်းယိင်းၵေႃႉ ဢၼ်ၺႃး ၵၼ်ႉ ၸၼ် လူလၢႆၼၼ်ႉ ၸၢင်ႈႁႄႉၵင်ႈပတိသၼ်ႇထေႇလႆႈၼင်ႇၸႂ်ၸဝ်ႈၵဝ်ႇ၊ ႁႃတၢင်းႁူႉ လႄႈႁပ်ႉတၢင်း ၸွႆႈထႅမ် တႃႇပၢႆးယူႇလီၵဵဝ်ႇၵပ်းလွင်ႈၽႄႈၸိူဝ်ႉၽၼ်း...

ႁႅင်းၵၢၼ်မိူင်းႁူမ်ႈတုမ် ၸိူဝ်းၶဝ်ႈၵႂႃႇႁဵတ်းၵၢၼ်တၢင်းမိူင်းၶႄႇၼၼ်ႉ တေႃႈလဵဝ် ဢွၼ်ၵၼ်ပွၵ်ႈၶိုၼ်းမႃး မိူင်းႁူမ်ႈတုမ် ၵၼ် ယွၼ်ႉတၢင်းပဵၼ်ဝႆးရတ်ႊသ်ၶူဝ်ႊရူဝ်ႊၼႃႊ။ တႄႇဢဝ် ၽွင်းၶၢဝ်းပီမႂ်ႇၶႄႇ မွၵ်ႈဝၼ်းတီႈ 21 လိူၼ်ၵျႅၼ်ႊၼိဝ်ႊရီႊ 2020 ၼႆႉမႃး ယွၼ်ႉပီမႂ်ႇၶႄႇၵေႃႈပိူင်ၼိုင်ႈ၊ ယွၼ်ႉဝႆး ရတ်ႊသ်ၶူဝ်ႊရူဝ်ႊၼႃႊၽႄႈ ၼႂ်းမိူင်းၶႄႇၵေႃႈပိူင်ၼိုင်ႈသေ ႁႅင်းၵၢၼ်မိူင်းႁူမ်ႈတုမ် ၸိူဝ်းၵႂႃႇႁဵတ်းၵၢၼ် ၼႂ်းမိူင်းၶႄႇ ၸိူဝ်း ၼၼ်ႉ ဢွၼ်ၵၼ်ပွၵ်ႈၶဝ်ႈမႃးၶိုၼ်း ၼပ်ႉႁူဝ်ပၢၵ်ႇၵေႃႉ...

သွင်မႄႈလုၵ်ႈ တိူဝ်ႉၺႃးမၢၵ်ႇၵွင်ႈ လူႉတၢႆထင်တီႈ ၼႂ်းၵႄႈပၢင်တိုၵ်း တပ်ႉသိုၵ်းလူင်ပွင်ၸိုင်ႈမၢၼ်ႈတင်း တပ်ႉသိုၵ်း TNLA ၼႂ်းၸႄႈဝဵင်းၵျွၵ်ႉမႄး။ ဝၼ်းတီႈ 28/1/2020 ယၢမ်းဝၢႆးဝၼ်း 3 မူင်းပၢႆ ၼၢင်းသူၺ်ႇၸိင်ႇ လႄႈ လုၵ်ႈယိင်း ၼၢင်းၶမ်းဢိင်ႇ သွင်မႄႈလုၵ်ႈလႆႈၶမ် ၼႂ်းၵႄႈပၢင်တိုၵ်း တပ်ႉသိုၵ်းလူင်ပွင်ၸိုင်ႈမၢၼ်ႈတင်း တပ်ႉသိုၵ်း TNLA တီႈႁိမ်းဝၢၼ်ႈပၢင်မၢၵ်ႇမိုဝ်း ၸႄႈဝဵင်းၵျွၵ်ႉမႄး ၸိုင်ႈ...

ၽၵ်းတူ လႅၼ်လိၼ်တႆး - ၶႄႇ တၢင်းပွတ်းမူႇၸေႊ ဢမ်ႇဢိုတ်း ပိုတ်ႇပၼ်ၵူၼ်းၶဝ်ႈဢွၵ်ႇ မိူၼ်ပၵ်းၵဝ်ႇပိူင်ၵဝ်ႇၵူၺ်း ၽူႈ တႅၼ်းသၽႃး မူႇၸေႊလၢတ်ႈ။ ဝၼ်းတီႈ 28/1/2020 ၵူၼ်းမိူင်းလႄႈ ၸဝ်ႈၼႃႈတီႈၾၢႆႇၵဵဝ်ႇၶွင်ႈ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇၸတ်းႁဵတ်းပၢင် ၵုမ်ၶိုၵ်ႉၶၵ်ႉ ဢုပ်ႇဢူဝ်းၵၼ် ၸွင်ႇတေဢိုတ်းၽၵ်းတူ ၶဝ်ႈဢွၵ်ႇမိူင်းႁႃႉ ဢမ်ႇဢိုတ်း။ လႆႈၸႂ်တူၵ်းလူင်းၵၼ်ဝႃႈ တေဢမ်ႇ ဢိုတ်း...

မိူဝ်ႈၼႆႉဝၼ်းတီႈ 29 ယၢမ်းၵၢင်ၼႂ် 8 မူင်းၶိုင်ႈ ၼၢင်းယိင်းၶႄႇ ၵေႃႉၼိုင်ႈ ဢႃယု 32 ပီ ဢၼ်မႃးဢႅဝ်ႇယဵမ်ႈမိူင်းထႆးၼၼ်ႉ တၢႆတီႈႁူင်းႁႅမ်း ရီႊသွတ်ႊလင်ၼိုင်ႈ တီႈၸေႈဝဵင်းမႄႈရိမ်း ၸေႈတွၼ်ႈၵဵင်းမႆႇ မိူင်းထႆး။ ၸဝ်ႈၼႃႈတီႈၵႂႃႇၵဵပ်းတူဝ်တၢႆ ၵူတ်ႇထတ်းတူၺ်းတႄႉ ဢမ်ႇႁၼ်ႁွႆးပေႃႉထုပ်ႉၶႃႈႁႅမ်။ ဢူၺ်းၵေႃႉမၼ်းၼၢင်းလၢတ်ႈဝႃႈ ၶမ်ႈဝႃးမၼ်းၼၢင်းယင်းၵိၼ်ၵျေႃႇတင်းဢူၺ်းၵေႃႉသေ ၶၢင်းဝႃႈ ဢမ်ႇယူႇလီ ၼႆယူႇ။ ၼႂ်ၼႆႉ...

သိုၵ်း TNLA ပိုၼ်ၽၢဝ်ႇ ယွမ်းႁပ်ႉဝႃႈ လႆႈယိုဝ်းမႅၼ်ႈမေႃသွၼ်ႁူင်းႁဵၼ်းၸၼ်ႉငဝ်ႈ တၢႆၵေႃႉၼိုင်ႈ ၼႂ်းၸႄႈဝဵင်းၵူတ်ႉၶၢႆ ၸိုင်ႈတႆး ပွတ်းႁွင်ႇ။ မိူဝ်ႈဝၼ်းတီႈ 24/1/2020 ယၢမ်းၵၢင်ၶမ်ႈမွၵ်ႈ 7 မူင်းၼၼ်ႉ လူၺ်းမျုႉမူၺ်းဢွင်ႇ  မေႃသွၼ် တီႈႁူင်းႁဵၼ်းၸၼ်ႉငဝ်ႈ လူင်ပွင်ၸိုင်ႈမၢၼ်ႈ ၼၼ်ႉၺႃးယိုဝ်းတၢႆ တီႈႁွင်ႈသဝ်းမၼ်းၼၢင်း ဝၢၼ်ႈ ႁူၺ်ႈၶူၵ်ႉ ၸႄႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ။ TNLA ဢွၵ်ႇၶေႃႈပိုၼ်ၽၢဝ်ႇ...

ၽႅၼ်ႇပူၵ်ႉသူပ်း/ ၶူးၼင် (Mask) ဢၼ်တမ်းၶၢႆၸွမ်းၵၢတ်ႇ၊ ၸွမ်းႁၢၼ်ႉၶၢႆၶူဝ်း ၼႂ်းဝဵင်းၵဵင်းတုင် ဢမ်ႇမီးတႃႇသိုဝ်ႉၶၢႆမူတ်း သဵင်ႈဝႆႉ ၵူၼ်းမိူင်းၵဵင်းတုင်လၢတ်ႈ။ ၸူဝ်ႈၶၢဝ်းၸိူဝ်ႉမႅင်းဝႆးရတ်ႊသ်ၶူဝ်ႊရူဝ်ႊၼႃႊ လိူင်ႇၽႄႈမႃးၼမ်ၼႆႉ ၵူၼ်းမိူင်း တႆး ပွတ်းဢွၵ်ႇၶူင်း တၢင်းပွတ်းၼႃႈလိၼ် ၶိုၵ်ႉတွၼ်းမၢႆ 4 ၸႄႈဝဵင်းမိူင်းလႃး ၸိူဝ်းၼႆႉ ဢွၼ်ၵၼ်သိုဝ်ႉၽႅၼ်ႇပူၵ်ႉပၢၵ်ႇတူမ်းသူပ်းသႂ်ႇႁႄႉၵင်ႈ တၢင်းပဵၼ်။ ၸၢႆးၼူၼ်း ၵူၼ်းၵဵင်းတုင် လၢတ်ႈတီႈၽူႈတွႆႇႁွၵ်ႈဝႃႈ “ တေႃႈလဵဝ်...

ရူတ်ႉၵႃးသုၼ်ႇတူဝ်လမ်းၼိုင်ႈ ပိၼ်ႈၶႂမ်ႈ ၼႂ်းၵႄႈ သီႇပေႃႉ - လႃႈသဵဝ်ႈ ၵူၼ်းၼႂ်းၵႃးမၢတ်ႇၸဵပ်း လႆႈႁၢမ်သူင်ႇႁူင်းယႃ။ မိူဝ်ႈၼႆႉ ဝၼ်းတီႈ 28/1/2020 ယၢမ်းၵၢင်ၼႂ် 10 မူင်း ၵႃးလမ်းၼိုင်ႈ ပဵၼ်ၽေးဢုပၢတ်ႈ ပိၼ်ႈၶႂမ်ႈ တီႈဝၢၼ်ႈပၢင်သဝ်ႈ ႁိမ်း တၢင်းၽႄ 9 လၵ်း ၼႂ်းၵႄႈသီႇပေႃႉ - လႃႈသဵဝ်ႈ...