ထဝ်ႈယိင်း ဢႃယု 87 ပီ ဢၼ်ၸပ်းၸိူဝ်ႉမႅင်းၶူဝ်ႊဝိတ်ႉ - 19 တီႈမူႇၸေႊ ၸိုင်ႈတႆးပွတ်းႁွင်ႇၼၼ်ႉ မေႃယႃ လႆႈသူင်ႇၵူတ်ႇထတ်းတူၺ်းတၢင်းပဵၼ် မၼ်းၼၢင်း 2 ပွၵ်ႈ၊ ဢွၵ်ႇၶေႃႈတွပ်ႇမႃး ပဵၼ် Negative ဢမ်ႇထူပ်းႁၼ်ၸိူဝ်ႉမႅင်းသေ ယူႇတီႈမေႃယႃ ၶဝ်လႆႈပၼ်ၶႂၢင်ႉလူင်းႁူင်းယႃယဝ်ႉ ဝႃႈၼႆ။ မၼ်းၼၢင်းၼႆႉလႆႈလူင်းႁူင်းယႃ မိူဝ်ႈဝၼ်းတီႈ 9/5/2020 ။ ၻွၵ်ႊတိူဝ်ႊ...

ၼႂ်းၶၢဝ်းၶိဝ်းတၢင်းပဵၼ်ၶူဝ်ႊဝိတ်ႉ 19 လိူင်ႇၽႄႈမႃးၼႆႉ ၵဵဝ်ႇၵပ်းလူၺ်ႈလၢႆးဢၼ်လူင်ပွင်ၸိုင်ႈ လူလွမ်တူၺ်းထိုင်ပိူဝ်ႈတႃႇပေႃႈမႄႈၵူၼ်းမိူင်းၼၼ်ႉ ယွၼ်ႉဢမ်ႇမီးလွင်ႈၸတ်းၵၢၼ်ၽဵၼ်ႈလီ သေယဝ်ႉ ႁၼ်မီးမႃးလွင်ႈႁုၵ်းႁၢႆႉမၼ်းသွင်သၢမ်လွင်ႈ။ ၼိုင်ႈၼႆႉ-ၸႅၵ်ႇမႅင်ႇၶဝ်ႈၼမ်ႉတၢင်းၵိၼ်ပၼ်ပေႃႈမႄႈၵူၼ်းမိူင်း ဢမ်ႇမႅၼ်ႈလွၵ်းသေယဝ်ႉ ဢမ်ႇၸွမ်းပိူင်မၢႆမီႈ ၵႅတ်ႇၶႄႁႄႉၵင်ႈတၢင်းပဵၼ်သေယဝ်ႉ ႁဵတ်းႁႂ်ႈၵူၼ်းမိူင်းယၢပ်ႇၽိုတ်ႇၸွမ်း။ သွင်သမ်ႉ-ၼႂ်းဝၼ်းသွင်ဝၼ်းၼႆႉၵူၺ်း လႆႈႁၼ်လူင်ပွင်ၸိုင်ႈမိူင်းတႆး ဢိၵ်ႇပႃးၸုမ်းလၢႆလၢႆၸုမ်း မႃးၸႅၵ်ႇပၼ်ၽႅၼ်ႇတူမ်းသူပ်းပိူဝ်ႈတႃႇၵူၼ်းမိူင်း သမ်ႉႁဵတ်းႁႂ်ႈၵူၼ်းမိူင်းပဵၼ်ပုၵ်ႉပဵၼ်ဝႃ ပဵၼ်ၾုင်ပဵၼ်ၵႄလူင် ၶွၼ်ႈၵိုၼ်းၵၼ်သေယဝ်ႉ ႁဵတ်းႁႂ်ႈတုမ်ႉတိူဝ်ႉပၢႆးယူႇလီ ပိူဝ်ႈတႃႇၵူၼ်းမိူင်းလႆႈမႆႈၸႂ်ၸွမ်းထႅင်ႈ။ ၶေႃႈသၢမ်-ဢၼ်ႁၢႆႉသုတ်းၼႆႉသမ်ႉ ပိုၼ်ၽၢဝ်ႇႁႂ်ႈလူင်းႁဵတ်းမၢႆၾၢင်သိမ်ႊၶၢတ်ႉ (SIM card) ၾူၼ်ႊမိုဝ်းထိုဝ်ၶွင်ၸႂ်မၼ်း၊...

ယူႇတီႈၼႃႈလိၼ်ၶိုၵ်ႉတွၼ်းမၢႆ 4 မိူင်းလႃး သူင်ႇတူဝ်ႁႅင်းၵၢၼ်မိူင်းႁူမ်ႈတုမ် ပွၵ်ႈၶဝ်ႈမႃးထႅင်ႈ တၢင်းၵဵင်းတုင်ၼပ်ႉႁူဝ်ပၢၵ်ႇ၊ ဢၼ်လုၵ်ႉတၢင်းမိူင်းလၢဝ်းၶဝ်ႈမႃးၵေႃႈမီး။ ဝၼ်းတီႈ 8/5/2020 ယၢမ်းၵၢင်ၶမ်ႈ ႁႅင်းၵၢၼ်မိူင်းႁူမ်ႈတုမ် ဢၼ်လႆႈၵုမ်းတူဝ် Quarantine တီႈတၢင်းမိူင်းလႃး တဵမ် 21 ဝၼ်းယဝ်ႉၼၼ်ႉ ယူႇတီႈၽူႈမီးပုၼ်ႈၽွၼ်း ၼႃႈလိၼ်ၶိုၵ်ႉတွၼ်းမၢႆ 4 မိူင်းလႃး လႆႈမွပ်ႈပၼ် တၢင်းလူင်ပွင်ၸိုင်ႈ သူင်ႇပွၵ်ႈမႃးတၢင်းၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း...

ထဝ်ႈယိင်း ဢႃယု 87 ပီ ဢၼ်တိတ်းၸပ်းၸိူဝ်ႉမႅင်းၶူဝ်ႊဝိတ်ႉ - 19 ၵူၼ်းမူႇၸေႊၼၼ်ႉ ယူႇတီႈမေႃယႃၶဝ် လႆႈသူင်ႇၵူတ်ႇထတ်းတၢင်းပဵၼ်ထႅင်ႈ ဢွၵ်ႇမႃးၵႂၢမ်းတွပ်ႇပဵၼ် Negative ပွၵ်ႈၵမ်းသွင်။ ၶေႃႈၵူတ်ႇထတ်းၵမ်းတီႈ 2 ၼႆႉ ၶေႃႈတွပ်ႇမၼ်းဢွၵ်ႇမႃးဝၼ်းတီႈ 8/5/2020 ။ ၸၢႆးႁိၼ်လဵၵ်း ၸုမ်းၶၢဝ်ႇထုင်ႉႁူၺ်ႈလီ မူႇၸေႊ ႁၢႆးငၢၼ်းလၢတ်ႈၼႄတီႈၽူႈတွႆႇႁွၵ်ႈဝႃႈ “ ယူႇတီႈမေႃယႃ မူႇၸေႊ...

ပေႃးတၢင်းပဵၼ်ဝူႊႁၢၼ်ႊမိူင်းၶႄႇ (ၶူဝ်ႊရူဝ်ႊၼႃႊ ဢမ်ႇၼၼ် ၶူဝ်ႊဝိတ်ႉ - 19) ယဵၼ်လူင်းယဝ်ႉ ဢၢၼ်းဝႆႉ တေၸတ်းႁဵတ်း ပၢင်ၵုမ် ၵၢၼ်မိူင်းၸၼ်ႉၸိူဝ်ႉၸၢတ်ႈ (ND) တႆး တီႈဝဵင်းလၢင်းၶိူဝ်း ၸိုင်ႈတႆးပွတ်းၸၢၼ်း ဝႃႈၼႆသေတႃႉ  တေႃႇထိုင် ယၢမ်းလဵဝ် ၼႂ်းမိူင်းႁူမ်ႈတုမ် ၵူၼ်းၸပ်းတၢင်းပဵၼ်ၶူဝ်ႊဝိတ်ႉ - 19 ၶႂ်ႈဝႃႈ မီးၵူၼ်းတိတ်းၸပ်းၸိူဝ်ႉမႅင်းၼႆႉ...

ၽၵ်းတူလႅၼ်လိၼ်တႆး - ထႆး (ၶူဝ်မႄႈသၢႆ - တႃႈၶီႈလဵၵ်း) လႆႈပိၵ်ႉဢိုတ်းမႃး မီးၶၢဝ်းတၢင်းလိူၼ်ပၢႆယဝ်ႉ တေႃႇထိုင်မိူဝ်ႈလဵဝ် ပႆႇပိုတ်ႇ၊ လွင်ႈတေပိုတ်ႇဢမ်ႇပိုတ်ႇဢၼ်ဝႃႈၼၼ်ႉ ဢိင်ၼိူဝ်တၢင်းၾင်ႇမိူင်းထႆးၵူၺ်း ဝႃႈၼႆ။ ၶူဝ်လႅၼ်လိၼ်တႆး - ထႆး တႃႈၶီႈလဵၵ်း - မႄႈသၢႆၼႆႉ လႆႈပိၵ်ႉဢိုတ်းမႃးပဵၼ်တၢင်းၵၢၼ် မိူဝ်ႈဝၼ်းတီႈ 23/3/2020 ၊ ယူႇတီႈလူင်ပွင်ၸိုင်ႈမိူင်းထႆး ၸီႉသင်ႇႁႂ်ႈပိၵ်ႉဢိုတ်းဝႆႉၸူဝ်ႈၶၢဝ်း...

ၵူၼ်းမိူင်းမၢၼ်ႈ ၸိူဝ်းၺႃးတူတ်ႈတၢမ်ႇၶွၵ်ႈဝႆႉၼႂ်းမိူင်းၶႄႇသေ ပူၼ်ႉတူတ်ႈဢွၵ်ႇမႃးၶိုၼ်းၼၼ်ႉ လူင်ပွင်ၸိုင်ႈၶႄႇ သူင်ႇမွပ်ႈ ပၼ်ၶိုၼ်းတီႈလူင်ပွင်ၸိုင်ႈမိူင်းႁူမ်ႈတုမ် တႃႇ 260 ပၢႆ ။ ဢၼ်ၸဝ်ႈၼႃႈတီႈၶႄႇ သူင်ႇၶိုၼ်းႁႅင်းၵၢၼ်မၢၼ်ႈမိူဝ်ႈဝၼ်းတီႈ 7/5/2020 ယၢမ်းၵၢင်ၼႂ် ၼၼ်ႉ ႁႅင်းၵၢၼ်ၸိူဝ်းၵႂႃႇ တူၵ်းၶွၵ်ႈ တီႈမိူင်းဝူႊႁၢၼ်ႉ (တီႈဢၼ်တႄႇပဵၼ်တၢင်းပဵၼ် ၶူဝ်ႊဝိတ်ႉ 19) ၼၼ်ႉၵေႃႈပႃး။ ၸိုင်ႈမိူင်းၶႄႇ လႆႈသူင်ႇ မွပ်ႈပၼ်...

ႁႅင်းၵၢၼ်မိူင်းႁူမ်ႈတုမ် ဢၼ်ထုၵ်ႇၵုမ်းတူဝ် Quarantine ဝႆႉတီႈဝဵင်းလၢဝ်ႇၵၢႆး ၼႂ်းၼႃႈလိၼ်ၶိုၵ်ႉတွၼ်း ၵူဝ်းၵၢင်ႉ(ၵဝ်ႈၵၢင်ႉ) ၼၼ်ႉ တဵမ်ဝၼ်းၵုမ်းတူဝ်ယဝ်ႉလႄႈ ၸဝ်ႈၼႃႈတီႈသူင်ႇပွၵ်ႈမိူဝ်းဢွင်ႈတီႈယူႇ ၽႂ်မၼ်း မီးႁူဝ်ၵူၼ်း 300 ပၢႆ။ ၼႂ်းၸႄႈဝဵင်းလၢဝ်ႇၵၢႆး ၼၼ်ႉသုၼ်ၵုမ်းတူဝ် Quarantine Center တင်းမူတ်း မီး 8 တီႈ။ ပဵၼ်ႁႅင်းၵၢၼ်မိူင်းႁူမ်ႈတုမ် ဢၼ်လုၵ်ႉ တၢင်းမိူင်းၶႄႇသေ ပွၵ်ႈၶဝ်ႈမႃး...

ၼႂ်းၸႄႈဝဵင်းတႃႈၶီႈလဵၵ်း တီႉလႆႈယႃႈမဝ်းၵမ် ယႃႈမႃႉ 3 သႅၼ်မဵတ်ႉ၊ ႁွင်ႈၵၢၼ် ၾၢႆႇၽဵဝ်ႈမူၺ်ႉယႃႈမဝ်းၵမ် ပိုၼ်ၽၢဝ်ႇဢွၵ်ႇဝႆႉ။ ဝၼ်းတီႈ 7/5/2020 ယၢမ်းဝၢႆးဝၼ်းမွၵ်ႈ 1 မူင်း ယူႇတီႈပလိၵ်ႈတႃႈၶီႈလဵၵ်း ၵူတ်ႇထတ်းတီႉလႆႈ ၼႂ်းၵႃး Fortuner လမ်းၼိုင်ႈ တီႈႁိမ်းဝၢၼ်ႈၽၵ်းႁီႉ (တႂ်ႈ) ၼိူဝ်သဵၼ်ႈတၢင်း တႃႈၶီႈလဵၵ်း - မိူင်းသၢတ်ႇ ၼႂ်းၸႄႈဝဵင်းတႃႈၶီႈလဵၵ်း...

ၼႂ်းဝၼ်းလဵဝ်ၵူၺ်း ၵူၼ်းၼႂ်းမိူင်းႁူမ်ႈတုမ် တိတ်းၸပ်းၸိူဝ်ႉမႅင်းၶူဝ်ႊဝိတ်ႉ - 19 ပုင်ႈၶိုၼ်ႈမႃး ပဵၼ် 14 ၵေႃႉ ၵမ်းလဵဝ်။ ဝၼ်းတီႈ 7/5/2020 ယၢမ်းၵၢင်ၶမ်ႈ 8 မူင်း ယူႇတီႈႁွင်ႈၵၢၼ်ပၢႆးယူႇလီလႄႈ ၾၢႆႇလဵၼ်ႈႁႅင်း ပိုၼ်ၽၢဝ်ႇဢွၵ်ႇဝႃႈ ၵူတ်ႇထတ်း ႁၼ်ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ - 19 တင်းမူတ်း 14 ၵေႃႉ။...

လူင်ပွင်ၸိုင်ႈထႆး ပိုၼ်ၽၢဝ်ႇ  ၶၢႆႉဝၼ်းပိုတ်ႇႁဵတ်းဝႂ်ႁေႃႈရူတ်ႉၵႃး (ဝႂ်ၶပ်းၶီႇ) ပတ်းပိုၼ်ႉတူဝ်ႈမိူင်းထႆး ၵႂႃႇထႅင်ႈတၢင်းၼႃႈတေႃႇပေႃးထိုင် ပိုၼ်ၽၢဝ်ႇပူတ်းယႃႉပႅတ်ႈငဝ်းလၢႆး ၶိုၵ်ႉၶၵ်ႉ။ မိူဝ်ႈဝၼ်းတီႈ 7/5/2020 ယူႇတီႈလူင်ပွင်ၸိုင်ႈထႆး ႁွင်ႈၵၢၼ်ၾၢႆႇတေႃႉသူင်ႇတၢင်းလိၼ် လႆႈပိုၼ်ၽၢဝ်ႇ  ဝႃႈ-  ၶၢႆႉဝၼ်းပိုတ်ႇႁဵတ်း ဝႂ်ႁေႃႈရူတ်ႉၵႃး ရူတ်ႉၶိူင်ႈ (ဝႂ်ၶပ်းၶီႇ) ပတ်းပိုၼ်ႉတူဝ်ႈမိူင်းထႆး၊ တင်ႈတႄႇ ဝၼ်းတီႈ 7/5/2020 ၵႂႃႇ တေႃႇပေႃးထိုင် ပိုၼ်ၽၢဝ်ႇပူတ်းယႃႉပႅတ်ႈငဝ်းလၢႆးၶိုၵ်ႉၶၵ်ႉ-ၼႆယဝ်ႉ။ ၼႂ်းလိၵ်ႈပၢႆႉပိုၼ်ၽၢဝ်ႇၼၼ်ႉ...

ထဝ်ႈယိင်း ဢႃယု 87 ပီ ဢၼ်တိတ်းၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ - 19 တီႈမူႇၸေႊၼၼ်ႉ ယူႇတီႈမေႃယႃၶဝ် လႆႈသူင်ႇၵူတ်ႇထတ်းတၢင်းပဵၼ်ထႅင်ႈသေ ဢွၵ်ႇမႃးၵႂၢမ်းတွပ်ႇပဵၼ် Negative ၵမ်းႁႅၵ်ႈ ဝႃႈၼႆ။ ဝၼ်းတီႈ 6/5/2020 လႆႈႁူႉဝႃႈ ၽွၼ်းၵၢၼ် (တၢင်းပဵၼ်) ဢၼ်လႆႈၵူတ်ႇထတ်းၸိူဝ်ႉမႅင်းၶူဝ်ႊဝိတ်ႉ - 19 တီႈထဝ်ႈယိင်း ဢႃယု 87...

ဝၢႆးသေလူင်ပွင်ၸိုင်ႈ ဢိၼ်ႊၻီႊယိူဝ်ႊ ပိုၼ်ၽၢဝ်ႇယွၼ်ႇယၢၼ်းပူတ်းယႃႉပႅတ်ႈ ၵၢၼ်ဢိုတ်းႁၢၼ်ႉ တင်ႈတႄႇႁူဝ်လိူၼ်မေႊမႃးၼႆႉ ၵူၼ်းမိူင်းဢွၼ်ၵၼ်ၵႂႃႇ ၽိုတ်ႉႁိမ်ၵၼ်သိုဝ်ႉလဝ်ႈ၊ ႁဵတ်းႁႂ်ႈၵူၼ်းၸပ်း ၸိူဝ်ႉမႅင်းတၢင်းပဵၼ် ၶူဝ်ႊဝိတ်ႉ ၵိုင်ႉၵၢင်ႉၼမ်ၶိုၼ်ႈမႃးဝၼ်းလဵဝ် ႁိမ်းသီႇႁဵင်။ တီႈမိူင်းဢိၼ်ႊၻီႊယိူဝ်ႊၼႆႉ ၽွင်းၶၢဝ်းၸိူဝ်ႉမႅင်းတၢင်းပဵၼ် COVID-19 ၽႄႈလၢမ်းမႃးႁႅင်းၼၼ်ႉ မီးၵၢၼ်ႁပ်းဝၢၼ်ႈဢိုတ်းမိူင်း (Lockdown) ၵႅၼ်ႇၶႅင်၊ ၸႂ်ႉမၢႆမီႈၵုမ်းၵမ်ႁၢဝ်ႈႁႅင်းသေတႃႉ ၵူၺ်းၵႃႈ ဢိင်ၼိူဝ်လွင်ႈတၢင်းလၢႆၸိူဝ်ႉလၢႆလွင်ႈသေ ထိုင်မႃးၼႂ်းႁူဝ်လိူၼ်မေႊၼႆႉ ယူႇတီႈလူင်ပွင်ၸိုင်ႈ ပိုၼ်ၽၢဝ်ႇယွၼ်ႇယၢၼ်းပွႆႇလူမ်ပၼ်မႃး။...

ၸဝ်ႈပေႃႈသိလ်ထမ်းၶူးဝႃးဝုၼ်းၸုမ်ႉ သူင်ႇလိၵ်ႈမဵတ်ႉတႃႇထိုင် ၵူၼ်းမိူင်း ၼႂ်းဝၼ်းလိူၼ်ႁူၵ်းမူၼ်းလႄႈ သူင်ႇမဵတ်ႉတႃႇ ဢတိတ်ႉထၢၼ်ႇ ႁႂ်ႈရေႃးၵႃႇလူင် ၵႃလလူင်းမိူင်းၼႆႉ ၸဵဝ်းႁၢႆၸဵဝ်းၶႅၼ်း ဝႃႈၼႆ။ ဝၼ်းတီႈ 6/5/2020 ပဵၼ်ဝၼ်းလိူၼ်ႁူၵ်းမူၼ်း (ဝၼ်းဝိသႃႇၶႃႇပူးၸႃး) ၸဝ်ႈပေႃႈသိလ်ထမ်းၶူးဝႃးဝုၼ်းၸုမ်ႉ ဢၼ်ယေႃး တူဝ်ၶဝ်ႈထမ်ႈ တိုၵ်ႉတိုဝ်းၵမ်သိလ် ယူႇတီႈထမ်ႈမိူင်းၵႅတ်ႇ ဢိူင်ႇမိူင်းၵႅတ်ႇ ၸႄႈဝဵင်းမိူင်းတူၼ် ၸႄႈတွၼ်ႈမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်းၼၼ်ႉ သူင်ႇလိၵ်ႈမဵတ်ႉတႃႇထိုင် ၵူၼ်းမိူင်း...

ၵူၼ်းမိူင်းပွတ်းထုင်ႉမၢဝ်း ႁူမ်ႈၵၼ်ၼႄၵၢင်ၸႂ် တုၵ်းယွၼ်းတေႃႇၾၢႆႇၸဝ်ႈၼႃႈတီႈၶႄႇ တီႈလႅၼ်လိၼ်တႆး - ၶႄႇ တၢင်းပွတ်းၼမ်ႉၶမ်းႁႂ်ႈလႆႈသူင်ႇၶူဝ်းသူၼ် ၶဝ်ႈၶၢႆမိူင်းၶႄႇ။ ဝၼ်းတီႈ 6/5/2020 ယၢမ်းၵၢင်ဝၼ်း ယူႇတီႈၵူၼ်းမၢၼ်ႈႁၢတ်ႇႁိၼ် တင်း မၢၼ်ႈသေးၶုၼ်ႇ ၸႄႈဝဵင်းၼမ်ႉၶမ်း ၶဝ်ႈၵႂႃႇ ၼႄၵၢင်ၸႂ် တုၵ်းယွၼ်းတေႃႇၸဝ်ႈၼႃႈတီႈၶႄႇ တီႈမၢၼ်ႈတိုင်းၶမ်းဢွၼ်ႇ ၾင်ႇမိူင်းၶႄႇ၊ ဢိင်ၼိူဝ်လွင်ႈတၢင်းၵၢၼ်ၵႃႉၶၢႆ ၸွမ်းလႅၼ်လိၼ် ဢမ်ႇပဵၼ်ၵၢၼ်သေ ႁဵတ်းႁႂ်ႈၸဝ်ႈသူၼ်ၶဝ်ႈၵၢပ်ႇ(ၶဝ်ႈၾႃႉ) ႁူပ်ႉလွင်ႈယၢပ်ႇၽိုတ်ႇလိူဝ်ႁႅင်း၊...