ဝၼ်းတီႈ 21/7/2020 မီးၵူၼ်းလၵ်ႉမႃးပႅတ်ႈယုၵ်းယၢၵ်း တီႈၾင်ႇတၢင်း ႁိမ်းပႃႇပႅၵ်ႇ တၢင်းၵႂႃႇပႅတ်ႈယုၵ်းယၢၵ်း ပွၵ်ႉၵၢၼ်ႇၵျီး ဢၼ်မီးၾၢႆႇၸၢၼ်းဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်း။
Photo Credit to Living Earth Green Network :ၵူၼ်းမႃးလၵ်ႉပႅတ်ႈယုၵ်းယၢၵ်းၼႂ်းပႃႇပႅၵ်ႇ ၾၢႆႇၸၢၼ်းဝဵင်းတူၼ်ႈတီး
တေႃႇၶျႄႇရီႇၵျေႃႇ ႁူဝ်ပဝ်ႈၸုမ်းၼႅင်ႈသၢၼ် သီၶဵဝ်လုမ်ႈၾႃႉလိပ်းၶီး ( ရှင်သန်ကမ္ဘာမြေ အစိမ်းရာင်ကွန်ယက် ) ဝဵင်းတူၼ်ႈတီး လၢတ်ႈဝႃႈ ၶႂ်ႈႁႂ်ႈၵူၼ်းၵူႈၵေႃႉမီးၼမ်ႉၸႂ်ၵႂႃႇပႅတ်ႈယုၵ်းယၢၵ်း ႁႂ်ႈထိုင်တီႈပၢင်ႇပႅတ်ႈယုၵ်းယၢၵ်းပုၼ်ႉ- ဝႃႈၼႆ။
“ ပေႃးၵႂႃႇထႅင်ႈဢမ်ႇၵႆၵႃႈႁိုဝ် ပေႃးတေထိုင်တီႈပႅတ်ႈယုၵ်းယၢၵ်းယူႇယဝ်ႉၶႃႈၼႃႇ။ ပိူၼ်ႈပေႃးဝႆႉပၼ်တီႈပႅတ်ႈယုၵ်ႉယၢၵ်းယဝ်ႉ ထုၵ်ႇလီဢွၼ်ၵၼ်ၵႂႃႇပႅတ်ႈထိုင်တီႈမၼ်းယူႇ။ ဢမ်ႇၶႂ်ႈႁႂ်ႈပႅတ်ႈ တီႈႁိမ်းတၢင်း ၸိူင်ႉၼႆ။ ၶႂ်ႈႁႂ်ႈ ႁဵတ်းၸွမ်းမၢႆမီႈ ၵၼ်ဢိတ်းၼိုင်ႈ” -ဝႃႈၼႆ။
ပႅတ်ႈယုၵ်းယၢၵ်းဝူၺ်ႇႁင်ႈၸိူင်ႉၼႆႉ ႁဵတ်းႁႂ်ႈတုမ်ႉတိူဝ်ႉသိင်ႇဝႅတ်ႉလွမ်ႉသေဢမ်ႇၵႃးၽွင်းၶၢဝ်းၵႅတ်ႇၶႄႁႄႉၵင်ႈ ၶူဝ်ႊဝိတ်ႉ 19 ၼႆႉ ထုၵ်ႇလီဝႆႉၼၵ်းၼိူဝ်လွင်ႈမူတ်းသႂ် ၊ၽူႈမီးပုၼ်ႈၽွၼ်းၵေႃႈႁႂ်ႈသႂ်ႇၸႂ်ဢဝ်လိူင်ႈပၼ် ဝႃႈၼႆ။
မၼ်းၼၢင်းသိုပ်ႇလၢတ်ႈဝႃႈ – “ၵမ်ႈၼမ်ပဵၼ်ယုၵ်းယၢၵ်းတီႈႁူင်းငၢၼ်း။ တၢင်ႇရူတ်ႉၵႃးမႃးပႅတ်ႈၼႂ်းပႃႇပႅၵ်ႇ ။ မၼ်းႁဵတ်းႁႂ်ႈပႃႇပႅၵ်ႇဝူၺ်ႇႁင်ႈသေဢမ်ႇၵႃး ႁဵတ်းႁႂ်ႈသိင်ႇဝႅတ်ႉလွမ်ႉဢမ်ႇမူတ်းသႂ်။ ယိင်ႈၶႅၼ်းပဵၼ်ၶၢဝ်းတၢင်းပဵၼ်ၵႃႇလ ယၢမ်းလဵဝ်ၼႆႉ ယိင်ႈၶႅၼ်းလမ်ႇလွင်ႈၶႃႈဢေႃႈ”- ဝႃႈၼႆ။
ၾၢႆႇၽူႈမီးပုၼ်ႈၽွၼ်းၵေႃႈ ယင်းထုၵ်ႇလီ သႂ်ႇၸႂ်ဝႆႉၼၵ်းၼိူဝ်မၢႆမီႈၼႆႉသေ ဢဝ်လိူင်ႈပၼ်တူတ်ႈတၢမ်ႇ တီႈၵူၼ်းၸိူဝ်းမႃးပႅတ်ႈယုၵ်းယၢၵ်းၶၢင်ႈတၢင်းၸိူင်ႉၼႆယူႇ တေႃႇၶျေႇရီႇၵျေႃႇ ၸီႉၸမ်ႈၼေၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ