ၵၢၼ်သုၵ်ႉယုင်ႈဢူၼ်မေႃးႁၢဝ်ႈႁႅင်းၼႂ်းမိူင်းမၢၼ်ႈဢမ်ႇၼိမ်သဝ်း ၼပ်ႉၶၢဝ်းတၢင်းယိုတ်ႈယၢဝ်းမႃးၸမ် 80 ပီ ။ မူႇၸုမ်းၸိူဝ်းၸဝ်ႈငိုၼ်းသႃး ဢၼ်ႁူမ်ႈၵၼ်တင်းလူင်ပွင်ၸိုင်ႈ /ၽူႈၼမ်းၸိုင်ႈမိူင်းၸိူဝ်းဢမ်ႇဝူၼ်ႉၶွပ်ႈထိုင် ၵူၼ်းမိူင်းမိူဝ်းၼႃႈၼၼ်ႉ ဢွၼ်ၵၼ်ပၵ်းတႃႁႃတူၺ်းၶူဝ်းၶွင်သၽႃႇဝဢၼ်ဢွၵ်ႇၼိူဝ်လိၼ်တႂ်ႈလိၼ် ၼႂ်းၼႃႈလိၼ်ၸၢဝ်းၶိူဝ်းလႄႈမိူင်းႁူမ်ႈတုမ်။ တႃႇႁႃၼမ်ႉတွၼ်းၽွၼ်းလႆႈ ၽွင်းငုမ်းပႃမိူဝ်ႈၼမ်ႉၶုၼ်ႇ ။   မိူၼ်ၼင်ႇ ၸုမ်းယိပ်းၵွင်ႈၵၢင်ႇလၢႆမူႇလၢႆၸုမ်းဢၼ်ဝႃႈႁဵတ်းတႃႇသုၼ်ႇလႆႈၸိူဝ်ႉၸၢတ်ႈၸၢဝ်းၶိူဝ်းၼႆၼၼ်ႉၵေႃႉ ပဵၵ်ႉသမ်ႉမီးမၵ်းမၢႆဢဵၼ်းဢၢၼ်းပူတ်းပွႆႇၸိူဝ်ႉၸၢတ်ႈလႄႈၵွပ်ႈၵူႈၽႅၼ်ႇလိၼ်တူဝ်ၵဝ်ႇ တႃႇ ၵၢၼ်လွတ်ႈလႅဝ်း ထၢင်ႇႁၢင်ႈ ႁိုဝ် မိူင်းၵွၼ်းၶေႃၼႆသေတႃႉ ၾၢႆႇၼိုင်ႈၵေႃႈ တိုၼ်းႁဵတ်းတႃႇသၢင်ႈဢဵၼ်ႁႅင်းဢူငဝ်းၼႃႈတႃတူဝ်ၵဝ်ႇ- ၼႆၽႂ်တေထဵင်လႆႈ။ ၼႂ်းၵႄႈငဝ်းလၢႆးသုၵ်ႉယုင်ႈလူင်ၵၢၼ်မိူင်းဝၼ်းမိူဝ်ႈၼႆႉ...

ဝၼ်းတီႈ 21/7/2020 မီးၵူၼ်းလၵ်ႉမႃးပႅတ်ႈယုၵ်းယၢၵ်း တီႈၾင်ႇတၢင်း ႁိမ်းပႃႇပႅၵ်ႇ တၢင်းၵႂႃႇပႅတ်ႈယုၵ်းယၢၵ်း ပွၵ်ႉၵၢၼ်ႇၵျီး ဢၼ်မီးၾၢႆႇၸၢၼ်းဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်း။ တေႃႇၶျႄႇရီႇၵျေႃႇ ႁူဝ်ပဝ်ႈၸုမ်းၼႅင်ႈသၢၼ် သီၶဵဝ်လုမ်ႈၾႃႉလိပ်းၶီး ( ရှင်သန်ကမ္ဘာမြေ အစိမ်းရာင်ကွန်ယက် ) ဝဵင်းတူၼ်ႈတီး လၢတ်ႈဝႃႈ ၶႂ်ႈႁႂ်ႈၵူၼ်းၵူႈၵေႃႉမီးၼမ်ႉၸႂ်ၵႂႃႇပႅတ်ႈယုၵ်းယၢၵ်း ႁႂ်ႈထိုင်တီႈပၢင်ႇပႅတ်ႈယုၵ်းယၢၵ်းပုၼ်ႉ- ဝႃႈၼႆ။ “ ပေႃးၵႂႃႇထႅင်ႈဢမ်ႇၵႆၵႃႈႁိုဝ် ပေႃးတေထိုင်တီႈပႅတ်ႈယုၵ်းယၢၵ်းယူႇယဝ်ႉၶႃႈၼႃႇ။  ပိူၼ်ႈပေႃးဝႆႉပၼ်တီႈပႅတ်ႈယုၵ်ႉယၢၵ်းယဝ်ႉ ထုၵ်ႇလီဢွၼ်ၵၼ်ၵႂႃႇပႅတ်ႈထိုင်တီႈမၼ်းယူႇ။...