ပလိၵ်ႈ/ယႄး ၵူတ်ႇထတ်းတီႉလႆႈယႃႈမဝ်းၵမ် 2 သႅၼ်မဵတ်ႉပၢႆ တီႈတူဝ်သိုၵ်းလူင်ပွင်ၸိုင်ႈမၢၼ်ႈ 2 ၵေႃႉ ၼႂ်းၸႄႈဝဵင်းတႃႈၶီႈလဵၵ်း။ မိူဝ်ႈဝၼ်းတီႈ 5/7/2020 ယၢမ်းၵၢင်ၶမ်ႈ ယူႇတီႈပလိၵ်ႈ ၵူတ်ႇထတ်းၼႂ်းၵႃးသိုၵ်းမၢၼ်ႈ 2 ၵေႃႉ ၸဝ်ႈႁၢၼ် ထုၼ်းလိၼ်းဢွင်ႇ တင်း ႁူဝ်ႁၢၼ် ၼၢႆႇၸူဝ်း ၽူႈမီးၸၼ်ႉၼႂ်းတပ်ႉသိုၵ်းလူင်ပွင်ၸိုင်ႈမၢၼ်ႈ ဢၼ်တူၵ်းပုၼ်ႈၽွၼ်းဝႆႉ တၢင်းၸႄႈဝဵင်းမိူင်းယွင်း၊ ၵူတ်ႇထတ်းတီႉလႆႈ တီႈပွၵ်ႉမႄႈၶၢဝ်...

ၵူၼ်းမိူင်းတႆး ဢၼ်လုၵ်ႉတၢင်းမိူင်းထႆး ပွၵ်ႈၶဝ်ႈမႃးတၢင်းမျႃႉဝတီႇသေ ၶိုၼ်ႈမႃးတၢင်းမိူင်းတႆး ႁူဝ်ၵူၼ်းတင်းမူတ်းမီး 1,960 ပၢႆ ၼႆယဝ်ႉ။ တႄႇဢဝ် ဝၼ်းတီႈ 27/5/2020 တေႃႇထိုင် ဝၼ်းတီႈ 6/7/2020 ၽွင်းထူပ်းၽေးတၢင်းပဵၼ်ၶူဝ်ႊဝိတ်ႉ 19 ၼႆႉ ၵူၼ်းမိူင်းတႆး ဢၼ်လုၵ်ႉတၢင်းမိူင်းထႆး ပွၵ်ႈမႃးတၢင်းပွတ်းမျႃႉဝတီႇ ၸႄႈမိူင်းယၢင်းၽိူၵ်ႇသေ ၶိုၼ်ႈမႃးတၢင်းမိူင်းတႆး မိူဝ်ႈလဵဝ်မီးႁူဝ်ၵူၼ်း 1,966 ၵေႃႉယဝ်ႉ...

လုင်းၸၢႆးမွင်ႇ ၵေႃႉထုၵ်ႇသိုၵ်းလူင်ပွင်ၸိုင်ႈမၢၼ်ႈ တီႉၺွပ်းပေႃႉထုပ်ႉႁၢဝ်ႈႁႅင်း ၽွင်းႁၢင်လိူၼ်ၵျုၼ်ႊပူၼ်ႉမႃးၼႆႉ ယၢမ်းလဵဝ် လႆႈၶႂၢင်ႉလူင်းႁူင်းယႃ ပွၵ်ႈႁိူၼ်းယေးယဝ်ႉ။ ဝၼ်းတီႈ 5/7/2020 လုင်းၸၢႆးမွင်ႇ ဢႃယု 60 ပီ ၵူၼ်းဝၢၼ်ႈဢႅၵ်းၵျီး ဢိူင်ႇပၢင်ႇလေႃႉ ၵေႃႉထုၵ်ႇသိုၵ်း လူင်ပွင်ၸိုင်ႈမၢၼ်ႈ တီႉၺွပ်းထဵတ်ႈထၢမ်ပေႃႉထုပ်ႉႁၢဝ်ႈႁႅင်းသေ လႆႈသူင်ႇယူတ်းယႃတူဝ် တီႈႁူင်းယႃလူင်ၵျွၵ်ႉမႄး ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼၼ်ႉ ယၢမ်းလဵဝ် ႁၢႆၶႅၼ်းမႃးယဝ်ႉလႄႈ လႆႈၶႂၢင်ႉလူင်းႁူင်းယႃ...

ၽွင်းလူင်ၾၢႆႇၼွၵ်ႈမိူင်း မိူင်းဢိင်းၵလဵတ်ႈ ၻူဝ်ႊမိၼိၵ်း ရႅပ်ႉ ပိုၼ်ၽၢဝ်ႇမိူဝ်ႈဝၼ်းၸၼ် ဝၼ်းတီႈ 6/7/2020 ၼၼ်ႉဝႃႈ ၸွမ်ၸိၵ်းသိုၵ်းလႄႈ ၵႅမ်ၸွမ်ၸိၵ်းသိုၵ်းလူင်ပွင်ၸိုင်ႈမၢၼ်ႈၼႆႉ တမ်းဝၢင်းၽႅၼ်ၵၢၼ်လီလီသေ ၽဵဝ်ႈမူၺ်ႉၶိူဝ်းၵူၼ်း ရူဝ်ႊႁိၼ်ႊၵျႃႊလႄႈ ၸင်ႇလႆႈပိုၼ်ၽၢဝ်ႇဢဝ်လိူင်ႈပၼ်တူတ်ႈတၢမ်ႇၵႂႃႇ ဝႃႈၼႆ။ ၵဵဝ်ႇၵပ်းလွင်ႈၼႆႉ Mark Farmaner ဢၼ်ပဵၼ် ၽူႈၸိသင်ႇ တီႈ Burma Campaign UK လၢတ်ႈတီႈၶၢဝ်ႇ...

သင်ၶၸဝ်ႈလႄႈၽူႈယႂ်ႇၵူၼ်းလူင် ၼႂ်းဢိူင်ႇ ႁူမ်ႈၵၼ်လူင်းလၢႆးမိုဝ်း သၢၼ်ၶတ်း လွင်ႈ ၶုတ်းထၢၼ်ႇႁိၼ် တီႈၼႂ်းဢိူင်ႇႁၢႆးသႅင် ၸႄႈဝဵင်းလၢႆးၶႃႈဝႆႉၼၼ်ႉ ၶွမ်ႊပၼီႊ ၶိုၼ်းမႃးႁူပ်ႉထူပ်း သင်ၶၸဝ်ႈ တုၵ်းယွၼ်းႁႂ်ႈထွၼ်ပၼ်ၶေႃႈသၢၼ်ၶတ်းဝႆႉၼၼ်ႉၶိုၼ်း ဝႃႈၼႆ။ ဝၼ်းတီႈ 6/7/2020 ယၢမ်းဝၢႆးဝၼ်း 13:40 မူင်းၼၼ်ႉ ၶွမ်ႊပၼီႊ ဢၼ်တေမႃးၶုတ်းထၢၼ်ႇႁိၼ်တီႈလၢႆးၶႃႈၼၼ်ႉ ပွႆႇၵူၼ်းမႃးႁူပ်ႉထူပ်းၸဝ်ႈသြႃႇလူင် ၵျွင်းႁေႃၶမ်း ဝဵင်းလၢႆးၶႃႈသေ တုၵ်းယွၼ်း ႁႂ်ႈထွၼ်ၶိုၼ်း...

ၼႂ်းႁူဝ်လိူၼ် ၵျူႊလၢႆႊၼႆႉၾူၼ်တူၵ်းႁၢဝ်ႈႁႅင်းလႄႈ ၼမ်ႉႁူၺ်ႈၼမ်ႉလွႆၼွင်းထူမ်ႈ ပၢင်သဝ်းၵူၼ်းပၢႆႈၽေးသိုၵ်းမိူင်းရၶႅင်ႇ ဢၼ်မီးၼႂ်းၸေႈဝဵင်း မျွၵ်ႉဢူးလႄႈ ဝဵင်းမျေႇပူင်ႇ။ ပၢင်သဝ်းၵူၼ်းပၢႆႈၽေး ရႅၷ်ႉၵႃႉၶျွင်း ဢၼ်မီးၼႂ်းၸေႈဝဵင်း မျေႇပူင်ႇၼၼ်ႉ ၵူၼ်းပၢႆႈၽေးသိုၵ်း 100 ၼႃႈႁိူၼ်းပၢႆ လႆႈပၢႆႈယၢၼ်သုမ်ႉပၢင်သဝ်း။ ပၢင်သဝ်းတီႈ ရႅၷ်ႉၵႃႉၶျွင်း ၼႆႉပဵၼ်ၵူၼ်းပၢႆႈၽေးသိုၵ်း လုၵ်ႉတီႈဝဵင်း မျေႇပူင်ႇ ၊ မိၼ်းပျႃး၊ မျွၵ်ႉဢူး ၸိူဝ်းၼႆႉ မႃးယူႇသဝ်းဝႆႉ မီးၼႃႈႁိူၼ်း...

ႁႅင်းၵၢၼ်မိူင်းႁူမ်ႈတုမ် ၸိူဝ်းလုၵ်ႉတၢင်းမိူင်းလၢဝ်း ပွၵ်ႈမႃးတၢင်းတႃႈၶီႈလဵၵ်း ၽွင်းႁၢင်လိူၼ်ၵျုၼ်ႊၼၼ်ႉ ၸပ်းၸိူဝ်ႉမႅင်းၶူဝ်ႊဝိတ်ႉ 19 မႃးၵေႃႉၼိုင်ႈ ။ ဝၼ်းတီႈ 4/7/2020 ယူႇတီႈႁွင်ႈၵၢၼ်ပၢႆးယူႇလီ လူင်ပွင်ၸိုင်ႈ ပိုၼ်ၽၢဝ်ႇဝႃႈ ၵူတ်ႇထတ်းႁၼ်ၸိူဝ်ႉမႅင်း ၶူဝ်ႊဝိတ်ႉ 19 ၵေႃႉထူၼ်ႈ 311 ပဵၼ်ၽူႈၸၢႆး ဢႃယု 40 ပၢႆ၊ ပဵၼ်ႁႅင်းၵၢၼ်ဢၼ်ၵႂႃႇႁဵတ်းၵၢၼ်တၢင်းမိူင်းလၢဝ်းသေ ပွၵ်ႈၶဝ်ႈမႃးတၢင်းတႃႈႁိူဝ်း ဝၢၼ်ႈပုင်ႇ...

လူင်ပွင်ၸိုင်ႈလႄႈ ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ၸိူဝ်းလူင်းလၢႆးမိုဝ်း NCA တူၵ်းလူင်းလႆႈၸႂ်ၵၼ် တႃႇတေၸတ်း ပၢင်ၵုမ်လူင်ပီႁူဝ်ပၢၵ်ႇ 21 ပၢင်လူင် ၼႂ်းဝၼ်းတီႈ 12 ထိုင် 14 လိူၼ်ဢေႃႊၵတ်ႊသ် ဝႃႈၼႆ။ တေႃႇၸေႃးမျႃႉရႃႇၸႃႇလိၼ်း ၽူႈပွင်ၵၢၼ်ငဝ်ႈငုၼ်း ၸုမ်းယိပ်းၵွင်ႈၵၢင်ႇ ရၶႅင်ႇ ALP လၢတ်ႈဝႃႈ “ ပၢင်ၵုမ်လူင်ၵမ်းၼႆႉ ယွၼ်ႉပိူဝ်ႈၶူဝ်ႊဝိတ်ႉ 19...

ၵူၼ်းပၢႆႈၽေးသိုၵ်း ၸွမ်းလႅၼ်လိၼ်တႆး - ထႆး ႁူဝ်ၵူၼ်းႁူၵ်းႁဵင်ပၢႆ ႁူပ်ႉတၢင်းယၢပ်ႇၽိုတ်ႇ လွင်ႈၶဝ်ႈၼမ်ႉတၢင်းၵိၼ်၊ လွင်ႈတႃႇတေၵႂႃႇၼႄပၢႆးယူႇလီ တၢင်းမိူင်းထႆးလႄႈ လွင်ႈလုၵ်ႈဢွၼ်ႇ တႃႇတေၵႂႃႇၶိုၼ်းႁူင်းႁဵၼ်း ၸိူဝ်းၼႆႉ၊ ယွၼ်ႉလူင်ပွင်ၸိုင်ႈမိူင်းထႆး ၸီႉသင်ႇပိၵ်ႉဢိုတ်းၽၵ်းတူ ၶဝ်ႈဢွၵ်ႇၵႂႃႇမႃးၸွမ်းလႅၼ်လိၼ်တႆး - ထႆး။ ၵူၼ်းပၢႆႈၽေးသိုၵ်း ၸွမ်းလႅၼ်လိၼ် တႆး - ထႆး ႁူဝ်ၵူၼ်း 6,000 ပၢႆၼၼ်ႉ...

သိုၵ်းလူင်ပွင်ၸိုင်ႈမၢၼ်ႈ ၶၢၼ်းၵူၼ်းဝၢၼ်ႈ တေႃႉၶဝ်ႈၼမ်ႉတၢင်းၵိၼ်သူင်ႇပၼ်ၶဝ် တီႈတပ်ႉပၢင်သဝ်းလွႆတွၼ်း ၸႄႈဝဵင်းမိူင်းၵိုင်၊ ၼိုင်ႈလိူၼ် ဢမ်ႇယွမ်း 2 ပွၵ်ႈ။ ဝၼ်းတီႈ 5/7/2020 ယၢမ်းၵၢင်ၼႂ် သိုၵ်းလူင်ပွင်ၸိုင်ႈမၢၼ်ႈ ဢၼ်ပၵ်းဝႆႉတီႈလွႆတွၼ်းၼၼ်ႉ ၶၢၼ်းၵူၼ်းဝၢၼ်ႈ လူင်ၸၢမ် ဢိူင်ႇႁူဝ်ၶၢႆး ၸႄႈဝဵင်းမိူင်းၵိုင် ၸိုင်ႈတႆးပွတ်းၸၢၼ်း၊ ထူဝ်ႈ 3 လမ်း ၵႂႃႇတေႃႉဢဝ်ၶဝ်ႈၼမ်ႉတၢင်းၵိၼ် တီႈဢိူင်ႇႁၢမ်းငၢႆးသေ သူင်ႇၸူးတီႈတပ်ႉပၢင်သဝ်းၶဝ်...

ၵူၼ်းမိူင်းပွတ်းလႅၼ်လိၼ်တႆး - ၶႄႇ မုင်ႈမွင်းႁႂ်ႈၽူႈမီးပုၼ်ႈၽွၼ်း တင်းသွင်မိူင်း ပိုတ်ႇၽၵ်းတူလႅၼ်လိၼ်ဝႆးဝႆးၼႆႉ၊ ယွၼ်ႉတုမ်ႉတိူဝ်ႉၵၢၼ်ႁႃၵိၼ်လဵင်ႉတွင်ႉ ၼႃႈႁိူၼ်းလိူဝ်ႁႅင်း။ ၸၢႆးႁိၼ်လဵၵ်း ၸုမ်းၶၢဝ်ႇထုင်ႉႁူၺ်ႈလီႈ မူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ “ ၽၵ်းတူပိၵ်ႉဢိုတ်းမႃး မီးၶၢဝ်းတၢင်း 3 လိူၼ်ပၢႆယဝ်ႉယင်းပႆႇပိုတ်ႇ၊ ၵူၼ်းမိူင်းၸွမ်းလႅၼ်လိၼ်ၼႆႉ မွင်းႁႂ်ႈပိုတ်ႇၼႃႇၶႃႈယဝ်ႉ ၽၵ်းတူၼႆႉ။ ၵၢၼ်ႁႃၵိၼ်လဵင်ႉတွင်ႉ ယၢပ်ႇၽိုတ်ႇလိူဝ်ႁႅင်းၶႃႈဢေႃႈ။ ဢမ်ႇၸၢင်ႈၵႃႉၶၢႆၵၼ်လႆႈလီလီ။ ၶူဝ်းၵုၼ်ႇတႄႉ တေႃႉသူင်ႇၶဝ်ႈဢွၵ်ႇၵႂႃႇမႃးလႆႈယူႇ...

ငဝ်းလၢႆးတၢင်းပဵၼ်ၶူဝ်ႊဝိတ်ႉ 19 တီႈမိူင်းဢွတ်ႊသတြေႊလီႊယိူဝ်ႊ ႁၢႆႉႁႅင်းမႃးထႅင်ႈ၊ သင်ႇပိၵ်ႉဢိုတ်း Lockdown ထႅင်ႈပွၵ်ႈၵမ်းမႂ်ႇ၊ ၵူၼ်းသၢမ်ႁဵင်ပၢႆ ဢမ်ႇလႆႈဢွၵ်ႇတၢင်းၼွၵ်ႈ။ မိူဝ်ႈဝၼ်းတီႈ 04/07/2020 ၼႂ်းၸႄႈမိူင်း ဝိၵ်ႊတေႃႊလီႊယိူဝ်ႊ ၶွင်မိူင်းဢွတ်ႊသတြေႊလီႊယိူဝ်ႊ ၼၼ်ႉ မီးၵူၼ်းၸပ်းၸိူဝ်ႉမႅင်း တၢင်းပဵၼ်ၶူဝ်ႊဝိတ်ႉ 19 ၽိူမ်ႉမႃးထႅင်ႈမႂ်ႇမႂ်ႇ ၼႂ်းဝၼ်းလဵဝ် 108 ၵေႃႉ၊ ၸွမ်းၼင်ႇလွၵ်းသဵၼ်ႈမၢႆ ဢၼ်မီးၵူၼ်းၸပ်းၸိူဝ်ႉမႅင်းမႃးၼၼ်ႉ ဝၼ်းၼႆႉၼမ်သုတ်း၊...

တပ်ႉသိုၵ်းလူင်ပွင်ၸိုင်ႈမၢၼ်ႈ ယႃႉသူၼ်ၶဝ်ႈၵၢပ်ႇ တႅပ်းပႅတ်ႈတူၼ်ႈၶဝ်ႈၵၢပ်ႇ ၵူ ၼ်းမိူင်း ဝၢၼ်ႈထီႇမၢၼ်ႈ ၸႄႈဝဵင်းသီႇသႅင်ႇ ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်း ။ မိူဝ်ႈဝၼ်းတီႈ 3/7/2020 ယၢမ်းၵၢင်ၶမ်ႈၼၼ်ႉ တပ်ႉသိုၵ်းလူင်ပွင်ၸိုင်ႈမၢၼ်ႈ တီႈသီႇသႅင်ႇ ဝႃႈပဵၼ်တီႈလိၼ်တပ်ႉၼႆသေ ယႃႉတႅပ်းသူၼ်ၶဝ်ႈၵၢပ်ႇ ၵူၼ်းဝၢၼ်ႈ လူႉၵွႆတင်းၼမ် ။ ၵူၼ်းသီႇသႅင်ႇ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ “ၸႂ်ႈၶႃႈဢေႃႈ ပဵၼ်သိုၵ်းမၢၼ်ႈ မႃးယႃႉတႅပ်းပႅတ်ႈၶႃႈယဝ်ႉ။...

ၸဝ်ႈၶူးဝႃးဝုၼ်းၸုမ်ႉ ယူႇတီႈထမ်ႈမိူင်းၵႅတ်ႇ ၸႄႈဝဵင်းမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်းသေ တႅမ်ႈလိၵ်ႈမဵတ်ႉတႃႇထမ်ႇမတြႃး ထိုင် ၽီသၢင်သတ်းၵူၼ်း ၼႂ်းဝၼ်းၶဝ်ႈဝႃႇသႃ၊ သူင်ႇမဵတ်ႉတႃႇၽႃႇဝၼႃႇ ႁႂ်ႈတင်းလုမ်ႈၾႃႉၸဵဝ်းပူၼ်ႉၵၢပ်ႈၵႃႇလၶူဝ်ႊဝိတ်ႉ။ မိူဝ်ႈဝၼ်းတီႈ 3/7/2020 ၼၼ်ႉ ယူႇတီႈၸဝ်ႈပေႃႈသိလ်ထမ်းၶူးဝႃးဝုၼ်းၸုမ်ႉ တႅမ်ႈလိၵ်ႈမဵတ်ႉတႃႇ ထမ်ႇမတြႃးထိုင် လုၵ်ႈသိတ်ႇတပႄးတပၢၼ်းတမ်းၸႂ် တင်းသဵင်ႈ ဢိၵ်ႇတင်းပေႃႈမႄႈတၵ်ႉၵႃႇသတ်ႉထႃးတင်းလၢႆ ၵူႈဝၢၼ်ႈၵူႈမိူင်း၊ ၽီသၢင်သတ်းၵူၼ်းတင်းလၢႆ တွၼ်ႈတႃႇၼႂ်းဝၼ်းၶဝ်ႈဝႃႇသႃ လိူၼ်ၵဝ်ႈမူၼ်း (ၾၢႆႇမိူင်း) ဢမ်ႇၼၼ်...

ၼႂ်းသွင်ဝၼ်းၼႆႉ ယူႇတီႈၶွမ်ႊမသျိၼ်ႊ ၵေႃၵမ်ၵၢၼ်လိူၵ်ႈတင်ႈမိူင်းႁူမ်ႈတုမ် ဢၼ်ႁွင်ႉဝႃႈ ပျီႇထွင်ႇၸူႉယူၺ်းၵွၵ်ႉပွႆးၵေႃႇမတီႇၼၼ်ႉ ပိုၼ်ၽၢဝ်ႇမႃးဝႃႈ ပၢင်လိူၵ်ႈတင်ႈ 2020 ၼႆႉ တေၸတ်းႁဵတ်းၼႂ်းလိူၼ်ၼူဝ်ႊဝႅမ်ႊၿိူဝ်ႊ ဝၼ်းတီႈ 8 ဝႃႈၼၼ်သေယဝ်ႉ ယူႇတီႈပႃႇတီႇၽႂ်မၼ်းၵေႃႈ လုၵ်ႉတီႈလိူၼ်ၵျူႊလၢႆႊ ဝၼ်းတီႈ 1 ၼႆႉ လူင်းသူၼ်းတုမ် ပိူဝ်ႈတႃႇပႃႇတီႇၽႂ်မၼ်းလႆႈယဝ်ႉ ဝႃႈၼႆ။ ၵူၺ်းၵႃႈ ၵၢၼ်သူၼ်းတုမ်ဢၼ်ၼႆႉ မၼ်းဢမ်ႇၸႂ်ႈၵၢၼ်ႁႃသဵင်၊...