ဢိင်ၼိူဝ် ထုၵ်ႇပူၼ်ႉပႅၼ် သုၼ်ႇလႆႈသုၼ်ႇပဵၼ်ၵူၼ်းသေ ၵူၼ်းမိူင်းၸႄႈဝဵင်းၵျွၵ်ႉမႄး ၼပ်ႉႁူဝ်မိုၼ်ႇ လုၵ်ႉႁိုၼ်ႇၼႄၵၢင်ၸႂ် သၢၼ်ၶတ်း လွင်ႈသိုၵ်းလူင်ပွင်ၸိုင်ႈမၢၼ်ႈ ဢၼ်တဵၵ်းတဵင်ပေႉၵိၼ်လူလၢႆ ၶႃႈႁႅမ်တၢႆ ၵူၼ်းမိူင်းဢၼ်ဢမ်ႇမီးတၢင်းၽိတ်းသင်ၼၼ်ႉ။ လွင်ႈၼႆႉ ပဵၼ်လၢႆးႁူဝ်မူမ်ႈပိူၼ်ႈတဵၵ်း- ႁူဝ်လဵၵ်းပိူၼ်ႈဝႄႈ သေတႃႉၵေႃႈ ယိုင်ႈတဵၵ်းယိုင်ႈမႅၼ်း ဢၼ်ဝႃႈၼၼ်ႉၵေႃႈဢမ်ႇၽိတ်း။ မိူဝ်ႈဝၼ်းတီႈ 10/07/2020 ၵူၼ်းဝၢၼ်ႈၵူၼ်းမိူင်း လၢႆဝၢၼ်ႈလၢႆဢိူင်ႇ ၼႂ်းၸႄႈဝဵင်းၵျွၵ်ႉမႄး ၼပ်ႉႁူဝ်မိုၼ်ႇ ဢွၼ်ၵၼ်ဢွၵ်ႇမႃးတူင်ႉၼိုင် ဢဝ်လၢႆးၵတ်းယဵၼ်...

ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး (SHRF) ဢွၵ်ႇၽိုၼ်တၢမ်းငဝ်းလၢႆး လွင်ႈသိုၵ်းလူင်ပွင်ၸိုင်ႈမၢၼ်ႈ  ပူၼ်ႉပႅၼ်သုၼ်ႇလႆႈၵူၼ်း ၽွင်းပိုတ်ႇၼႃႈသိုၵ်းတေႃႇ RCSS/SSA ႁိမ်းဢွင်ႈတီႈၾၢႆယေးယႂႃႇ တွၼ်ႈၼိူဝ် ၼႂ်းၸႄႈဝဵင်းၵျွၵ်ႉမႄး။ မိူဝ်ႈဝၼ်းတီႈ 09/07/2020 ယူႇတီႈ ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး (SHRF) ဢွၵ်ႇၽိုၼ်တၢမ်း ငဝ်းလၢႆး လွင်ႈသိုၵ်းလူင်ပွင်ၸိုင်ႈမၢၼ်ႈ ပေႃႉထုပ်ႉၶႃတူဝ်ၶႃၸႂ်ၵူၼ်းဝၢၼ်ႈၵူၼ်းမိူင်းလႄႈ ယိုဝ်းၵူၼ်းမိူင်းတၢႆလၢႆလၢႆ ၽွင်းပိုတ်ႇၼႃႈသိုၵ်းတိုၵ်းယိုဝ်း ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး (RCSS/SSA) ၼႂ်းၸႄႈဝဵင်းၵျွၵ်ႉမႄး...

လုမ်းတြႃး ၼမ်ႉၸၢင် ႁွင်ႉ ၾၢႆႇသိုၵ်းလႄႈ ၾၢႆႇၸဝ်ႈသူၼ် (ၵူၼ်းၶူဝ်လမ် ဢၼ်ၺႃးသိုၵ်းယိုတ်းလိၼ်သူၼ်သေ ၶိုၼ်းဢဝ်လိူင်ႈၸွႆးတြႃး တေႃႇ) ၼၼ်ႉ မႃးၶိုၼ်ႈလုမ်း 4 ပွၵ်ႈၼႆႉ ၾၢႆႇသိုၵ်းဢမ်ႇမႃးသေၵမ်း။ ၶလရ 66 ဢၼ်ပၵ်းၶူဝ်လမ် ယိုတ်းလိၼ်သူၼ်ၵူၼ်းမိူင်းပိုၼ်ႉတီႈသေဢမ်ႇၵႃး မိူဝ်ႈဝၼ်းတီႈ 9 လိူၼ်ၵျုၼ်ႊ ပူၼ်ႉမႃး  ၶိုၼ်းဢဝ်လိူင်ႈ ၸွႆးတြႃးတေႃႇ ၸဝ်ႈသူၼ်...

ၵူၼ်းဝၢၼ်ႈ ပွတ်းၸေႈဝဵင်းၵူတ်ႉၶၢႆ ၵႂႃႇၶုတ်းႁႆႈ ၺႃးမၢၵ်ႇတႅၵ်ႇတိူဝ်ႉသႂ်ႇလႄႈ မၢတ်ႇၸဵပ်း 7 ၵေႃႉ ။ ဝၼ်းတီႈ 8 ယၢမ်းၵၢင်ဝၼ်းတဵင်ႈၼၼ်ႉ ၵူၼ်းဝၢၼ်ႈ ၼမ်ႉၶွၼ် ဢိူင်ႇပၢင်ၵႆႇ ၸေႈဝဵင်းၵူတ်ႉၶၢႆ  7 ၵေႃႉၵႂႃႇၶုတ်းႁႆႈ သေၵႂႃႇတိူဝ်ႉၺႃးမၢၵ်ႇလုၵ်ႈၼိုင်ႈ တႅၵ်ႇတိူဝ်ႉသႂ်ႇ မၢတ်ႇၸဵပ်း လႆႈသူင်ႇႁူင်းယႃ။ ပဵၼ်ၵူၼ်းၸၢႆး 2 ၵေႃႉလႄႈ...

ၵူၼ်းမိူင်းၵျွၵ်ႉမႄး ၼပ်ႉမိုၼ်ႇ ပႆတၢင်းၼေၵၢင်ၸႂ်လဵပ်ႈဝဵင်း တုၵ်းယွၼ်းႁႂ်ႈသိုၵ်းလူင်ပွင်ၸိုင်ႈ ႁပ်ႉပုၼ်ႈၽွၼ်းဢၼ်လႆႈ ပေႃႉထုပ်ႉလႄႈ ယိုဝ်းၵူၼ်းဝၢၼ်ႈ ၽွင်းပၢင်တိုၵ်း၊ ၺႃးပလိၵ်ႈႁၢမ်ႈႁႄႉ လႆႈထဵင်မေႃးသုၵ်ႉယုင်ႈၵၼ်။ ဝၼ်းတီႈ 10/7/2020 ယၢမ်းၵၢင်ၼႂ် 9 မူင်း ၵူၼ်းမိူင်းၵျွၵ်ႉမႄးဝၢၼ်ႈ ပၢင်ၵႅၼ်၊ ဝၢၼ်ႈဢႅၵ်ႉၵီးလႄႈ ၵူၼ်းၼႂ်းဢိူင်ႇပၢင်ႇလေႃႉ ဢိူင်ႇႁၢႆးၵုၺ် ၸိူဝ်းၼႆႉ မွၵ်ႈ ၼိုင်ႈမိုၼ်ႇ ၼေၵၢင်ၸႂ်တေႃႇတပ်ႉသိုၵ်း လူင်ပွင်ၸိုင်ႈ...

သင်ႇၶၸဝ်ႈဢိၵ်ႇၵူၼ်းမိူင်း သြႃႇတၵ်ႉၵႃႇ ဝၢၼ်ႈႁူၺ်ႈၵဵင် ၸႄႈဝဵင်းတၢင်ႉယၢၼ်း ႁူမ်ႈၵၼ်ၽုၵ်ႇ တူၼ်ႈမႆႉ မိုၼ်ႇပၢႆ ပိူဝ်ႈတႃႇထိူၼ်ႇၶဵဝ်ၸမ်ႉၼမ်ႉလိူင်ႇ။ မိူဝ်ႈဝၼ်းတီႈ 07/07/2020 ပွတ်းၼႂ်တႄႇယၢမ်း 09:30 မူင်းတေႃႇထိုင် 10:30 မူင်း ယူႇတီႈသင်ႇၶၸဝ်ႈ (ႁူဝ်ပဝ်ႈသင်ႇၶႃႇၼႃယၵတူင်ႇဝဵင်းတၢင်ႉယၢၼ်း) ဢိၵ်ႇ ၵူၼ်းဝၢၼ်ႈၵူၼ်းမိူင်း ႁူမ်ႈၵၼ် ၽုၵ်ႇတူၼ်ႈမႆႉ ဢွင်ႈတီႈလွႆမွၵ်ႇၵွၼ် ၵွင်းမူးပုတ်ႉထၵယႃႇ ဝၢၼ်ႈႁူၺ်ႈၵဵင် ဢိူင်ႇႁူၺ်ႈၵဵင်...

ဝူင်ႈပူၼ်ႉၼႆႉ ဢမေႊရိၵၼ်ႊတင်းၶႄႇ သွမ်ႈတိုၵ်း ႁိုဝ် ၾိုၵ်းသိုၵ်းတိုၵ်းယိုဝ်း ၼႂ်းပၢင်ႇလၢႆႇၶႄႇၸၢၼ်း မိူဝ်ႈလဵဝ်ၵၼ်၊ ၼႄဢဵၼ်ႁႅင်းသိုၵ်းၶတ်းတႃႉတေႃႇၵၼ်။ ဝႅပ်ႊသၢႆႊ South China Morning Post ၶွင်ႁွင်ႊၵွင်ႊ ဢွၵ်ႇဝႆႉဝႃႈ -မိူဝ်ႈပူၼ်ႉမႃး တင်ႈတႄႇ ဝၼ်းပုတ်ႉ ထိုင်ဝၼ်းဢႃးတိတ်ႉ (01-05/7/2020) ၼၼ်ႉ ယူႇတီႈတပ်ႉသိုၵ်းၶႄႇ လႆႈသွမ်ႈတိုၵ်းႁိမ်း ၵုၼ်ၽႃႊရႃႊသဵလ်ႊ ၼႂ်းပၢင်ႇလၢႆႇၶႄႇတႂ်ႈ/ၸၢၼ်းဝႆႉ။...

ပၢင်ၵုမ် JMC ဢၼ်လႆႈၵိုတ်းလိုဝ်ႈယင်ႉဝႆႉ 2 ပီပၢႆၼၼ်ႉၶိုၼ်းမႃးၸတ်းႁဵတ်းပၢင်ၵုမ်ၵမ်းထူၼ်ႈ 19  ၼႂ်းဝၼ်းတီႈ 7 လႄႈ8 /7/2020 တီႈ ႁူင်းႁႅမ်း Horizon Lake View Hotel ။ မီးၽူႈၶဝ်ႈၸုမ်း ၾၢႆႇတပ်ႉသိုၵ်း လူင်ပွင်ၸိုင်ႈလႄႈ ၾၢႆႇၸုမ်းယိပ်းၵွင်ႈၵၢင်ႇၸၢဝ်းၶိူဝ်း၊တူဝ်တႅၼ်းၵူၼ်းမိူင်းၶဝ်ႈႁူမ်ႈ။ ဢုပ်ႇၵုမ်ၵၼ်လၢႆလွင်ႈလၢႆၾၢႆႇ။ ပိူင်လူင်...

ၸွမ်းၼင်ႇႁွင်ႈၵၢၼ်ၾၢႆႇယူႇလီ ၸိုင်ႈမိူင်း ပရႃႊသီးလ် ပိုၼ်ၽၢဝ်ႇဢွၵ်ႇမႃးသေ သိုဝ်ႇၶၢဝ်ႇလၢႆလၢႆမိူင်း ႁၢႆးငၢၼ်းဝႆႉဝႃႈ ၸွမ်ၸိုင်ႈမိူင်း ပရႃႊသီးလ် ဢႃယု 65 ပီ တိတ်းၸပ်းတၢင်းပဵၼ် ၶူဝ်ႊဝိတ်ႉ 19 ဝႃႈၼႆ။ ၶၢဝ်ႇၸွမ်ၸိုင်ႈမိူင်း ပရႃႊသီးလ် သႆး ပူဝ်ႊသူဝ်ႊၼႃႊရူဝ်ႊ တိတ်းၸပ်းၶူဝ်ႊဝိတ်ႉၼႆႉ ဢွၵ်ႇမႃးမိူဝ်ႈဝၼ်းတီႈ 7/7/2020  ။ သိုဝ်ႇၶၢဝ်ႇၵူၼ်းမိူင်း ပရႃႊသီးလ် ထတ်းသၢင်ဝႃႈ...

တွၼ်ႈတႃႇတွတ်ႈၶႅပ်းမႄးလူင်ႈၼႃႈပၼ် တႃႇပၢင်လိူၵ်ႈတင်ႈ ဢၼ်တေၸတ်းၼႂ်းဝၼ်းတီႈ 8 လိူၼ် ၼူဝ်ႊဝႅမ်ႊပိူဝ်ႊတေမႃးၼႆႉၼၼ်ႉ ယူႇတီႈလုမ်းတၢင် မိူင်းႁူမ်ႈတုမ်မၢၼ်ႈၵဵဝ်ႇလူၺ်ႈမိူင်းထႆး ဢွၵ်ႇလိၵ်ႈပိုၼ်ၽၢဝ်ႇဝႆႉဝႃႈ ႁႅင်းၵၢၼ်ယၢၼ်မိူင်း ၸိူဝ်းယိပ်းဝႂ် ၶၢမ်ႈမိူင်း ပၢတ်ႉသပွတ်ႉ ဢၼ်လူင်ပွင်ၸိုင်ႈသွင်ၸိုင်ႈမိူင်းဢွၵ်ႇဝႆႉပၼ်ပဵၼ်တၢင်းၵၢၼ် ၊ ၸိူဝ်းမီးသဵၼ်ႈမၢႆႁူဝ်ႁိူၼ်း(ဢဵင်ႇထွင်ႇၸုၸႃႈယိၼ်း မိူင်းႁဝ်း) ၼၼ်ႉ တၢင်ႇယိုၼ်ႈဝႂ် တင်ႈတႄႇဝၼ်းတီႈ 3 လိူၼ် ၵျူႊလၢႆႊၼႆႉၵႂႃႇလႆႈယဝ်ႉ ဝႃႈၼႆ။ ယူႇတီႈလုမ်းတၢင်...

ပိူဝ်ႈတႃႇႁႂ်ႈၵူၼ်းဝၢၼ်ႈၵူၼ်းမိူင်း မီးဝႂ်ၵပ်းတူဝ်ၵူႈၵေႃႉၼႆသေ ၽွင်းၼႃႈပၢင်လိူၵ်ႈတင်ႈၼႆႉ ၸဝ်ႈၼႃႈတီႈ ၵိင်ႇၸႄႈဝဵင်းၵႃလီႉ ႁဵတ်းပၼ်ဝႂ်ၵပ်းတူဝ်ၵူၼ်းမိူင်းၵႃလီႉ  ၸႄႈဝဵင်းၵုၼ်ႁဵင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း  ။ တင်ႈတႄႇၽွင်းႁၢင်လိူၼ်ၵျုၼ်ႊပူၼ်ႉမႃး တေႃႇထိုင်မိူဝ်ႈလဵဝ် ၸဝ်ႈၼႃႈတီႈ တီႈဝဵင်းၵႃလီႉ ႁွင်ႈၵၢၼ်ၾၢႆႇဝႂ်ၵပ်းတူဝ် (လဝၵ) ပိုၼ်ၽၢဝ်ႇပိုတ်ႇႁပ်ႉႁဵတ်းပၼ်ဝႂ်ၵပ်းတူဝ်ၵူၼ်းမိူင်း (မၢတ်ႈပူင်ႇတိၼ်ႇ) ဝႆႉယူႇ။  ၵူၼ်းမိူင်း ၸိူဝ်းယူႇသဝ်းၵိၼ်သၢင်ႈ ၼႂ်းဝၢၼ်ႈၼႂ်းဢိူင်ႇၵူႈၵေႃႉ ၸိူဝ်းပႆႇမီးဝႂ်ၵပ်းတူဝ်ၼၼ်ႉ ၵႂႃႇလဝ်ႈယိုၼ်ႈယွၼ်းႁဵတ်းလႆႈယဝ်ႉ ဝႃႈၼႆ။ ၸၢႆးတႆးထိူၼ်ႇ...

တႄႇႁူဝ်လိူၼ်ၼႆႉမႃး ၸဝ်ႈၼႃႈတီႈထႆး တီႉၺွပ်းလႆႈ ၵူၼ်းမိူင်းႁူမ်ႈတုမ် လုၵ်ႉတၢင်းတႃႈၶီႈလဵၵ်း လၵ်ႉၶၢမ်ႈၼမ်ႉသၢႆ ၶဝ်ႈမိူင်းထႆး မႄႈသၢႆႁိမ်းပၢၵ်ႇၵေႃႉ။ ဢိင်ၼိူဝ်တၢင်းပဵၼ်ၸိူဝ်ႉမႅင်းၶူဝ်ႊဝိတ်ႉ 19 ၽႄႈလၢမ်းၼႂ်းမိူင်းသေ ၼင်ႇႁိုဝ်တေၵႅတ်ႇၵင်ႈၵုမ်းလႆႈ တၢင်းပဵၼ်လႄႈသင်၊ ၼင်ႇႁိုဝ်တၢင်းပဵၼ် ပေႃးတေဢမ်ႇၽႄႈလၢမ်းႁၢႆႉႁႅင်းၼၼ်ႉလႄႈသင်၊ တင်ႈတႄႇဝၼ်းတီႈ 23/3/2020 မႃး ယူႇတီႈလူင်ပွင်ၸိုင်ႈထႆး ၸီႉသင်ႇႁႂ်ႈပိၵ်ႉဢိုတ်းၽၵ်းတူမိူင်း ၸွမ်းလႅၼ်လိၼ်ၵူႈတီႈ။ ၵူၺ်းၵႃႈ လႅၼ်လိၼ်တႆး-ထႆး ပွတ်းတႃႈၶီႈလဵၵ်း-မႄႈသၢႆၼၼ်ႉ ဢမ်ႇလႆႈၶၢမ်ႈၶူဝ်ၵေႃႈ...

ပလိၵ်ႈ/ယႄး ၵူတ်ႇထတ်းတီႉလႆႈယႃႈမဝ်းၵမ် 2 သႅၼ်မဵတ်ႉပၢႆ တီႈတူဝ်သိုၵ်းလူင်ပွင်ၸိုင်ႈမၢၼ်ႈ 2 ၵေႃႉ ၼႂ်းၸႄႈဝဵင်းတႃႈၶီႈလဵၵ်း။ မိူဝ်ႈဝၼ်းတီႈ 5/7/2020 ယၢမ်းၵၢင်ၶမ်ႈ ယူႇတီႈပလိၵ်ႈ ၵူတ်ႇထတ်းၼႂ်းၵႃးသိုၵ်းမၢၼ်ႈ 2 ၵေႃႉ ၸဝ်ႈႁၢၼ် ထုၼ်းလိၼ်းဢွင်ႇ တင်း ႁူဝ်ႁၢၼ် ၼၢႆႇၸူဝ်း ၽူႈမီးၸၼ်ႉၼႂ်းတပ်ႉသိုၵ်းလူင်ပွင်ၸိုင်ႈမၢၼ်ႈ ဢၼ်တူၵ်းပုၼ်ႈၽွၼ်းဝႆႉ တၢင်းၸႄႈဝဵင်းမိူင်းယွင်း၊ ၵူတ်ႇထတ်းတီႉလႆႈ တီႈပွၵ်ႉမႄႈၶၢဝ်...

ၵူၼ်းမိူင်းတႆး ဢၼ်လုၵ်ႉတၢင်းမိူင်းထႆး ပွၵ်ႈၶဝ်ႈမႃးတၢင်းမျႃႉဝတီႇသေ ၶိုၼ်ႈမႃးတၢင်းမိူင်းတႆး ႁူဝ်ၵူၼ်းတင်းမူတ်းမီး 1,960 ပၢႆ ၼႆယဝ်ႉ။ တႄႇဢဝ် ဝၼ်းတီႈ 27/5/2020 တေႃႇထိုင် ဝၼ်းတီႈ 6/7/2020 ၽွင်းထူပ်းၽေးတၢင်းပဵၼ်ၶူဝ်ႊဝိတ်ႉ 19 ၼႆႉ ၵူၼ်းမိူင်းတႆး ဢၼ်လုၵ်ႉတၢင်းမိူင်းထႆး ပွၵ်ႈမႃးတၢင်းပွတ်းမျႃႉဝတီႇ ၸႄႈမိူင်းယၢင်းၽိူၵ်ႇသေ ၶိုၼ်ႈမႃးတၢင်းမိူင်းတႆး မိူဝ်ႈလဵဝ်မီးႁူဝ်ၵူၼ်း 1,966 ၵေႃႉယဝ်ႉ...

လုင်းၸၢႆးမွင်ႇ ၵေႃႉထုၵ်ႇသိုၵ်းလူင်ပွင်ၸိုင်ႈမၢၼ်ႈ တီႉၺွပ်းပေႃႉထုပ်ႉႁၢဝ်ႈႁႅင်း ၽွင်းႁၢင်လိူၼ်ၵျုၼ်ႊပူၼ်ႉမႃးၼႆႉ ယၢမ်းလဵဝ် လႆႈၶႂၢင်ႉလူင်းႁူင်းယႃ ပွၵ်ႈႁိူၼ်းယေးယဝ်ႉ။ ဝၼ်းတီႈ 5/7/2020 လုင်းၸၢႆးမွင်ႇ ဢႃယု 60 ပီ ၵူၼ်းဝၢၼ်ႈဢႅၵ်းၵျီး ဢိူင်ႇပၢင်ႇလေႃႉ ၵေႃႉထုၵ်ႇသိုၵ်း လူင်ပွင်ၸိုင်ႈမၢၼ်ႈ တီႉၺွပ်းထဵတ်ႈထၢမ်ပေႃႉထုပ်ႉႁၢဝ်ႈႁႅင်းသေ လႆႈသူင်ႇယူတ်းယႃတူဝ် တီႈႁူင်းယႃလူင်ၵျွၵ်ႉမႄး ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼၼ်ႉ ယၢမ်းလဵဝ် ႁၢႆၶႅၼ်းမႃးယဝ်ႉလႄႈ လႆႈၶႂၢင်ႉလူင်းႁူင်းယႃ...