ဝၼ်းတီႈ 13/05/2020 သိုဝ်ႇၶၢဝ်ႇၼွၵ်ႈမိူင်းပိုၼ်ၽၢဝ်ႇဝႃႈ Dmitry Peskov  ၽူႈၶၢၼ် ပၢၵ်ႇလႄႈ ၵူၼ်းၸမ်ၸႂ် ၸွမ်ၸိုင်ႈမိူင်း Russia Vladimir Putin ၸပ်းတၢင်းပဵၼ် Covid 19 သေၶဝ်ႈယူတ်းယႃတူဝ်တီႈႁူင်းယႃ။

Dmitry Peskov  လၢတ်ႈဝႃႈ “ ၶႃႈႁဝ်းၸပ်းတၢင်းပဵၼ်ၶူဝ်ႊဝိတ်ႊ -19 မိူဝ်ႈလဵဝ်ယူတ်း ယႃတူဝ်ယူႇတီႈႁူင်းယႃ၊ ပေႃးမႃးတူၺ်းၵူၼ်းႁဵတ်းၵၢၼ်ၼႂ်းၸုမ်း လူင်ပွင်ၸိုင်ႈႁဝ်း ၸပ်းတၢင်းပဵၼ်ၵၼ်ၼႆသေ လၢႆၵေႃႉတေလွမ်မႆႈၸႂ်ဝႃႈ ၸွမ်ၸိုင်ႈၵေႃႈတေၸၢင်ႈတိတ်းၸပ်း ႁိုဝ်ၼႆ။ လွင်ႈၼႆႉ ၶႃႈၶႂ်ႈလၢတ်ႈဝႃႈ ယႃႇမႆႈၸႂ် ႁဝ်းဢမ်ႇလႆႈထူပ်းၵၼ်မီး 1 လိူၼ်ပၢႆယဝ်ႉ ၊ မၼ်းၸၢႆး ၵေႃႈၵူတ်ႇထတ်းပၢႆးယူႇလီယူႇတႃႇသေ ၾၢႆၼိုင်ႈ ပၢင်ၵုမ်ၵေႃႈႁဵတ်းၼိူဝ် Online ၵူၺ်း” ဝႃႈၼႆ။

ၸိူင်ႉၼၼ်ႉၼင်ႇၵဝ်ႇ မိူဝ်ႈဝၼ်းတီႈ 01/05/2020  သိုဝ်ႇၶၢဝ်ႇၼွၵ်ႈမိူင်းပိူၼ်ၽၢဝ်ႇဝႃႈ ၸွမ်ၽွင်းလူင်မိူင်း Russia  Mikhail Mishustin  ၵေႃႈ ၸပ်းတၢင်းပဵၼ် Covid 19 ၼႆသေ ပိုၼ်ၽၢဝ်ႇၵိုတ်း လွင်ႈႁဵတ်းသၢင်ႈၼႃႈၵၢၼ်ၸူဝ်ႈၶၢဝ်း ။

မိူင်း Russai ၼႆႉၵူၼ်းတိတ်းၸပ်းတၢင်းပဵၼ် Covid-19 ၵိုင်ႉၵၢင်ႉၼမ်ၶိုၼ်ႈမႃး မိူဝ်ႈလဵဝ် ပဵၼ်မၢႆ 2 ၼႂ်းလုမ်ႈၾႃႉ။

ဢၢင်ႈဢိင်ၶၢဝ်ႇတီႈ Bangkokbiznews