ၶုၼ်ႁေႃၶမ်း ၶျႃးလ်သ် လႄႈ ၼၢင်းၶၢင်းႁူဝ် ၵႃႊမီႊလႃႊ မိူင်းဢိင်းၵလဵတ်ႈ ဢႅဝ်ႇယဵမ်ႈႁွတ်ႈထိုင်ၸိုင်ႈမိူင်း ဢမေႊရိၵၼ်ႊ ဝၼ်းတီႈ 27 -30/04/2026 ။

ဝၼ်းဢၼ် ၶုၼ်ႁေႃၶမ်းဢိင်းၵလဵတ်ႈႁွတ်ႈထိုင်ဢမေႊရိၵၼ်ႊၼၼ်ႉ ၸွမ်ၸိုင်ႈထရမ်ႉ လႄႈမေးၼၢင်း မီႊလႃႊၼီႊယႃႊ မႃးပႂ်ႉႁပ်ႉတွၼ်ႈထိုင် ၶူင်ႇႁိူဝ်းမိၼ်တပ်ႉလူမ်းဢမေႊရိၵၼ်ႊ တီႈၸႄႈမိူင်း မႄႊရီႊလႅၼ်ႊ သေ ႁွင်ႉမိူဝ်းၶၢမ်ႇၶႅၵ်ႇတီႈႁိူၼ်းႁေႃၶၢဝ်ၸွမ်ၸိုင်ႈ။

ဝၢႆးလင်ၶၢဝ်းတၢင်း ၼၢင်းႁေႃၶမ်း ဢႄႊလိသပႅတ်ႉ ဢႅဝ်ႇယဵမ်ႈဢမေႊရိၵၼ်ႊ မိူဝ်ႈပီ 2007 ယဝ်ႉ ၶၢဝ်းတၢင်းၵမ်းၼႆႉ ၸင်ႇၶိုၼ်းပဵၼ်ၶၢဝ်းတၢင်း ၵမ်းဢွၼ်တၢင်းသုတ်း တွၼ်ႈတႃႇၶုၼ်မိူင်းဢႅဝ်ႇယဵမ်ႈၵၼ်။  သမ်ႉပဵၼ်ပႃးထႅင်ႈ မၢႆတွင်း ဢမေႊရိၵၼ်ႊပူၼ်ႉလွတ်ႈၼႂ်ႈမိုဝ်းဢိင်းၵလဵတ်ႈ ၶွပ်ႈတဵမ် 250 ပီ။ ၾၢႆႇၼိုင်ႈ ဢိင်ၼိူဝ်ပၢင်တိုၵ်းၼႂ်းဝၼ်းဢွၵ်ႇၵၢင်ၼႆႉသေ NATO လႄႈ မိူင်းဢိင်းၵလဵတ်ႈ ဢမ်ႇၶႂ်ႈႁႂ်ႈဢမေႊရိၵၼ်ႊၶဝ်ႈပႃး ။ ဢွၼ်ၵၼ်ႁၢမ်ႈႁႄႉဢမေႊရိၵၼ်ႊလႄႈ ထိုင်တီႈ ဢမ်ႇသႂ်ၼိူဝ်ၵၼ်ဝႆႉ။ ၼႂ်းငဝ်းလၢႆးၸိူင်ႉၼင်ႇၼႆ ၶုၼ်ႁေႃၶမ်းဢိင်းၵလဵတ်ႈ ၵႂႃႇဢႅဝ်ႇယဵမ်ႈဢမေႊရိၵၼ်ႊပဵၼ်တၢင်းၵၢၼ်ၼႆႉ လႆႈဝႃႈ ငဝ်းလၢႆးလီတွၼ်ႈတႃႇ ၵၢၼ်ၵပ်းသိုပ်ႇၵပ်းသၢၼ်ၵၼ် ၼႂ်းၵႄႈ သွင်ၸိုင်ႈမိူင်းၸိၵ်းၸွမ်ၼႂ်းလုမ်ႈၾႃႉ ။

ပဵၼ်ၼႂ်းငဝ်းလၢႆးဝၢႆးလင် ၸွမ်ၸိုင်ႈထရမ်ႉ ၺႃးငွႆးယိုဝ်းတီႈပၢင်ၵိၼ်ၶဝ်ႈႁူမ်ႈမူႇလႄႈ ၶၢဝ်းတၢင်းၶုၼ်ႁေႃၶမ်းဢိင်းၵလဵတ်ႈ ၵႂႃႇမိူင်းဢမေႊရိၵၼ်ႊပွၵ်ႈၵမ်းၼႆႉ လွင်ႈႁူမ်ႇလူမ်ႈၼႅၼ်ႈၼႃဝႆႉ လႆႈႁူႉၼင်ႇၼႆ။

ၶုၼ်ႁေႃၶမ်းၶျႃႊသ် ၼႆႉဝၼ်းဢၢင်းၵၢၼ်း မိူဝ်ႈဝႃး – မၼ်းၸဝ်ႈၶဝ်ႈမွၵ်ႇလၢတ်ႈၶေႃႈၵႂၢမ်းတီႈၼႂ်းသၽႃး ဢမေႊရိၵၼ်ႊ။ ၶုၼ်ႁေႃၶမ်းဢိင်းၵလဵတ်ႈ တိုၵ်းသူၼ်းလၢတ်ႈၵႂႃႇဝႃႈ – တႃႇႁႂ်ႈႁၵ်ႉသႃဝႆႉလွင်ႈၵပ်းသိုပ်ႇဢမေႊရိၵၼ်ႊလႄႈဢိင်းၵလဵတ်ႈမၼ်ႈၵိုမ်းယိုၼ်းယၢဝ်း၊ သွင်ၸိုင်ႈမိူင်း တၢင်းႁၼ်ထိုင်လႄႈလွင်ႈပွင်ႇၸႂ် ဢမ်ႇမိူၼ်ၵၼ်ယူႇသေတႃႉၵေႃႈ ႁႂ်ႈယိူၼ်ႉၵၼ်ႈႁၵ်ႉသႃဝႆႉလွင်ႈလီတေႃႇၵၼ်။

ပၼ်ႁႃၼႂ်းလုမ်ႈၾႃႉဝၼ်းမိူဝ်ႈၼႆႉ ယူႇတီႈမိူင်းလႂ်မိူင်းၼိုင်ႈတေယိပ်းၵမ်ၵႄႈလိတ်ႈၵႂႃႇႁင်းၵူၺ်းၸဝ်ႈၵဝ်ႇၼႆႉ  မၼ်းဢမ်ႇငၢႆႈငၢႆႈ ဝႃႈၼႆ။

 ၼႂ်းဝၼ်းပုတ်ႉ 29/04/2026 ၼႆႉသမ်ႉ ၵႂႃႇဢႅဝ်ႇယဵမ်ႈတူၺ်းႁူင်းၼႄပိုၼ်းၵဵဝ်ႇၵပ်း 9/11 ဢၼ်ပႅၼ်ႊတႃႊၵွၼ်ႊ တႃႊဝႃႊ ၺႃးႁိူဝ်းမိၼ်ၶဝ်ႈၽႃႇသႂ်ႇထိုင်တီႈၵူၼ်းတၢႆတင်းၼမ်။ ဝၼ်းၽတ်းတီႈ 30/04/2026 သမ်ႉတေၵႂႃႇဢႅဝ်ႇတီႈၵုၼ် ပႃႊမိဝ်ႊၻႃႊ ။

Ref; AFP,BBC