ၽူႈတႅၼ်းၽွင်းပႃႇတီႇႁူဝ်သိူဝ် ဢိၵ်ႇၸဝ်ႈၼႃႈတီႈၾၢႆႇဝႂ်ၵပ်းတူဝ် လၢႆလၢႆၸႄႈဝဵင်း ၼႂ်းၸိုင်ႈတႆး လူင်းပိုၼ်ႉတီႈ ၸွႆႈထႅမ်ၵူၼ်းမိူင်း ႁဵတ်းပၼ်ဝႂ်ၵပ်းတူဝ်/မၢႆၾၢင်။ ၽွင်းႁၢင်လိူၼ်ၵျူႊလႆႊ 2020 မႃးၼႆႉ ၼႂ်းၸိုင်ႈတႆးလၢႆလၢႆၸႄႈဝဵင်း ယူႇတီႈၽူႈတႅၼ်းၽွင်း ငဝ်ႈငုၼ်းတီႇမူဝ်ႇၶရေႇၸီႇၸိူဝ်ႉၶိူဝ်းတႆး (SNLD) ႁိုဝ် ပႃႇတီႇႁူဝ်သိူဝ် ဢိၵ်ႇတင်း ၸဝ်ႈၼႃႈတီႈ ၾၢႆႇၵူတ်ႇထတ်းၵူၼ်းၶဝ်ႈမိူင်း (လဝၵ) ဢွၼ်ၵၼ်လူင်းပိုၼ်ႉတီႈ ၸွႆႈထႅမ်ပီႈၼွင်ႉၵူၼ်းမိူင်းတႆး ႁဵတ်းဝႂ်ၵပ်းတူဝ်ၵူၼ်းမိူင်း /မၢႆၾၢင် (မၢတ်ႈပူင်ႇတိၼ်ႇ)။...

ၵူၼ်းမိူင်းၵေးသီး ၸိူဝ်းဢွၼ်ၵၼ်ၵႂႃႇတူၺ်းသဵၼ်ႈၸိုဝ်ႈ တႃႇတေတွတ်ႈၶႅပ်းၵၢင်ၸႂ် ၼႂ်းပီ 2020 ၼႆႉ တိုၵ်ႉမီးဢေႇယူႇ လႄႈ ၽူႈတႅၼ်းသၽႃး တိုၵ်းသူၼ်းႁႂ်ႈဢွၼ်ၵၼ်ၵႂႃႇတူၺ်းသဵၼ်ႈၸိုဝ်ႈတႃႇတွတ်ႈၶႅပ်းၵၢင်ၸႂ် ဝႃႈၼႆ။ တႄႇဢဝ် ဝၼ်းတီႈ 25/7/2020 တေႃႇထိုင် ဝၼ်းတီႈ 7/8/2020 ယူႇတီႈၶွမ်ႊမသျိၼ်ႊၵၢၼ်လိူၵ်ႈတင်ႈ မိူင်းႁူမ်ႈတုမ် ပိုၼ်ၽၢဝ်ႇသဵၼ်ႈၸိုဝ်ႈ ၵူၼ်းမိူင်း ၸိူဝ်းမီးသုၼ်ႇတွတ်ႈၶႅပ်းၵၢင်ၸႂ် တႃႇၼႂ်းပီ 2020 ၼႆႉ။...

ၸုမ်းတူင်ႉၼိုင်တူင်ႇဝူင်းတႆး ၼႂ်းမိူင်းထႆး ႁူမ်ႈၵၼ်ၵဵပ်းလၢႆးၸိုဝ်ႈ ႁႅင်းၵၢၼ်ယၢၼ်မိူင်း ပိူဝ်ႈတႃႇတၢင်ႇယိုၼ်ႈ တွတ်ႈၶႅပ်းၵၢင်ၸႂ် ၼႂ်းပီ 2020 ဢၼ်တေထိုင်ၼႆႉ ဝႃႈၼႆ။ တႄႇဢဝ် ဝၼ်းတီႈ 16/7/2020 ၼႆႉမႃး ယူႇတီႈၸုမ်းတူင်ႉၼိုင်တူင်ႇဝူင်းတႆး ၼႂ်းၵုင်းထဵပ်ႈ/ မိူင်းၵွၵ်ႇ ႁူမ်ႈၵၼ်သေ တူင်ႉၼိုင် ၵဵပ်းသဵၼ်ႈၸိုဝ်ႈ ႁႅင်းၵၢၼ်ယၢၼ်မိူင်း ၸွမ်းပိုၼ်ႉတီႈ ၼႂ်းၵုင်းထဵပ်ႈ ပႃးၸဵမ် တၢင်းပွတ်းရယွင်း...

ၵူၼ်းဝၢၼ်ႈၵျွင်းၵုင်း ၵျွၵ်ႉမႄး ၵႂႃႇႁဵတ်းသူၼ်ၶဝ်ႈၵၢပ်ႇ ထုၵ်ႇမၢၵ်ႇၾင်လိၼ်တႅၵ်ႇတိူဝ်ႉသႂ်ႇ လႆႈလူႉတၢႆထင်တီႈ ၵေႃႉၼိုင်ႈ ဝႃႈၼႆ။ မိူဝ်ႈဝၼ်းတီႈ 28/7/2020 ယၢမ်းဝၢႆးဝၼ်း 1 မူင်းၶိုင်ႈ ၵူၼ်းဝၢၼ်ႈၵျွင်းၵုင်း ဢိူင်ႇၼွင်ပိင် ၸိုဝ်ႈႁွင်ႉ ဢူးၶိတ်ႉမွင်ႇ ဢႃယု 59 ပီ ၵႂႃႇတီႇၽဵဝ်ႈသူၼ်ၶဝ်ႈၵၢပ်ႇသေ ထူပ်းႁၼ်မၢၵ်ႇမႅင်းၾင်လိၼ်လုၵ်ႈၼိုင်ႈ၊ မၼ်းၸၢႆးဢဝ်မိတ်ႈ ဢၼ်ပႃးၸပ်းတူဝ်ဝႆႉ ၼၼ်ႉ တွႆႇတူၺ်းသေ...

တႆးႁွတ်ႈၵဵင်းမႆႇ ဢၼ်တၢႆဢိင်ရူတ်ႉၶိူင်ႈ ဝႆႉၼၼ်ႉ မေႃယႃၵူတ်ႇထတ်းတူၺ်း လႆႈႁူႉဝႃႈ တၢႆယွၼ်ႉတၢင်းပဵၼ်မၢၵ်ႇႁူဝ်ၸႂ် ဝႃႈၼႆ။ မိူဝ်ႈဝၼ်းတီႈ 27/7/2020 ယၢမ်းၵၢင်ၼႂ် ပီႈၼွင်ႉတႆး ႁႅင်းၵၢၼ်ယၢၼ်မိူင်း ဢၼ်ႁွတ်ႈၵဵင်းမႆႇ၊ ၸိုဝ်ႈၸၢႆးၼၼ်ႇတေႃး ဢႃယု 43 ပီ ၼွၼ်းဢိင်ရူတ်ႉၶိူင်ႈသေ လူႉတၢႆၵႂႃႇ တၢင်းၼႃႈ ႁွင်ႈသဝ်းမၼ်းၸၢႆးတီႈၼိုင်ႈ တၢင်းလင် ၵၢတ်ႇထႃးၼိၼ်း...

သိုၵ်းလူင်ပွင်ၸိုင်ႈမၢၼ်ႈ ထႅမ်ႁႅင်းသိုၵ်း တူင်ႉၼိုင်သွၵ်ႈတဝ်ထိူၼ်ႇပွတ်းၵျွၵ်ႉမႄးႁၢဝ်းႁႅင်းလႄႈ ၾၢႆႇ RCSS လႆႈၾၢင်ႉ လွင်ႈတူင်ႉၼိုင်ၵႂႃႇမႃး ယွၼ်ႉပိူဝ်ႈၸၢင်ႈပဵၼ်ပၢင်တိုၵ်းလႆႈၵူႈမိူဝ်ႈ ဝႃႈၼႆ။ သိုၵ်းလူင်ပွင်ၸိုင်ႈမၢၼ်ႈ တင်း ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး (RCSS/SSA) လႆႈပဵၼ်ပၢင်တိုၵ်း ၵၼ်တၢင်း ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇတႄႇဢဝ်ဝၼ်းတီႈ 25/6/2020 မႃးတေႃႇထိုင် ဝၼ်းတီႈ 21/7/2020 ၸမ်ၶၢဝ်းတၢင်းၼိုင်ႈလိူၼ် ။ ယၢမ်းလဵဝ်...

ပႃႇတီႇသိူဝ်ၽိူၵ်ႇ SNDP ၸႄႈဝဵင်းမိူင်းပၼ်ႇ လိူၵ်ႈလႆႈၼေႃႇၽူႈတႅၼ်း တႃႇတေၶဝ်ႈလိူၵ်ႈတင်ႈ ၼႂ်းပီ 2020 ၼႆႉ၊ ဢဝ်ၸိုဝ်ႈသဵင် တၢင်ႇၸူးတီႈၶွမ်ႊမတီႊငဝ်ႈငုၼ်းဝႆႉ ဝႃႈၼႆ။ ဝၼ်းတီႈ 23/7/2020 ယူႇတီႈပႃႇတီႇသိူဝ်ၽိူၵ်ႇ (SNDP) မိူင်းပၼ်ႇ လိူၵ်ႈလႆႈၼေႃႇၽူႈတႅၼ်း တႃႇၶဝ်ႈၶေႉၶႅင်ႇ လိူၵ်ႈတင်ႈ ၼႂ်းပီ 2020 တီႈၸႄႈဝဵင်းမိူင်းပၼ်ႇ ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း တႃႇ...

ပလိၵ်ႈမၢၼ်ႈ မိူင်းပၼ်ႇ ႁွင်ႉဢဝ်ၽူႈၵွၼ်းပွၵ်ႉ/ဢိူင်ႇ ၵမ်ႈၽွင်ႈသေၵႂႃႇသွၵ်ႈတဝ် ၸွမ်းႁၢၼ်ႉၶၢႆတၢင်းၵိၼ် ၵူၼ်းမိူင်း၊ ယိုတ်းဢဝ် လဝ်ႈ ၿီႊယိူဝ်ႊ ဢၼ်တမ်းၶၢႆဝႆႉၸွမ်းႁၢၼ်ႉ လူၺ်ႈဢမ်ႇပၼ်တင်းၵႄႈလိတ်ႈလႄႈ ဢမ်ႇပၼ်ၵႃႈသၢႆႈတႅၼ်းသင်ၶိုၼ်း ဝႃႈၼႆ။ လွင်ႈၼႆႉ ပဵၼ်ၵႂႃႇမိူဝ်ႈဝၼ်းတီႈ 20/7/2020 ယၢမ်းဝၢႆးဝၼ်း မွၵ်ႈ 3 မူင်းပၢႆ ။ ပဵၼ်တီႈၼႂ်းဝၢၼ်ႈႁူဝ်ၾၢႆလူင် ဢိူင်ႇႁူဝ်ၾၢႆလူင် ၸႄႈဝဵင်းမိူင်းပၼ်ႇ ၸႄႈတွၼ်ႈလၢင်းၶိူဝ်း...

  ၸဝ်ႈႁႆႈၸဝ်ႈၼႃး ဝဵင်းၶူဝ်လမ် ၸိုင်ႈတႆးပွတ်းၸၢၼ်း ဢၼ်ၺႃးသိုၵ်းလူင်ပွင်ၸိုင်ႈမၢၼ်ႈ ဢဝ်လိူင်ႈ ၸွႆးတြႃးဝႆႉၼၼ်ႉ ယိုၼ်ႈယွၼ်းဝႆႉတီႈ လုမ်းတြႃး ဝႃႈ  ၶႂ်ႈဝႆႉတူဝ်တႅၼ်းတႃႇမႃးၶိုၼ်ႈလုမ်း ၼႆၼၼ်ႉ လုမ်းတြႃးၸေႈတွၼ်ႈ ဢၼုယၢတ်ႈပၼ်ၶႂၢင်ႉယဝ်ႉဝႃႈၼႆ။ ဢူးလႃႉထုၼ်း ၸဝ်ႈႁႆႈၸဝ်ႈၼႃးဝဵင်းၶူဝ်လမ် ဢၼ်ၺႃးသိုၵ်းၸွႆးတြႃးဝႆႉၼၼ်ႉလၢတ်ႈတီႈၽူႈတွႆႇႁွၵ်ႈဝႃႈ- “ၸႂ်ႈၶႃႈဢေႃႈ    ဝၼ်းတီႈ 21 လိူၼ်ၵျူႊလၢႆႊ လုမ်းတြႃးတွပ်ႇလၢတ်ႈဝႃႈ ပၼ်ဝႆႉတူဝ်တႅၼ်း ၸဝ်ႈႁႆႈၸဝ်ႈၼႃး 5 ၵေႃႉ...

ၶူဝ်ႊဝိတ်ႉ 19 တီႈဢမေႊရိၵႃႊတိူဝ်းႁၢႆႉႁႅင်း ၵူၼ်းပဵၼ်လူၼ်ႉႁူင်းယႃ၊ မေႃယႃလႅပ်ႈတေလႆႈ သူင်ႇၵူၼ်းပဵၼ်ႁၢႆႉႁႅင်း ပွၵ်ႈမိူဝ်းလူႉတၢႆတီႈႁိူၼ်းယေးၽႂ်မၼ်း-ၼႆယဝ်ႉ။ မိူဝ်ႈဝၼ်း 27/07/2020 ၸုမ်းသိုဝ်ႇၶၢဝ်ႇ CNN ႁၢႆးငၢၼ်းဝႃႈ ငဝ်းလၢႆးတၢင်းပဵၼ်ၸိူဝ်ႉမႅင်းၶူဝ်ႊဝိတ်ႉ 19 ၼႂ်းၸိုင်ႈမိူင်းဢမေႊရိၵႃႊၼႆႉ တိူဝ်းႁၢႆႉႁႅင်းမႃး၊ ႁဵတ်းႁႂ်ႈပဵၼ်တီႈလီမႆႈၸႂ်တႄႉတႄႉ။ ၸွမ်းၼင်ႇ ၶေႃႈမုလ်းၶွင် ၸၼ်ႉၸွမ် ၵျွၼ်ႊ ႁွပ်ႊၵိၼ်ႊ လၢတ်ႈဝႃႈ- မီးၵူၼ်းလူႉတၢႆယွၼ်ႉၸိူဝ်ႉမႅင်းၶူဝ်ႊဝိတ်ႉ 19...

ၵူၼ်းမိူင်းတႆး ပွတ်းၸၢၼ်း ဢၼ်ထုၵ်ႇထၢင်ႇထိူမ်ပႂ်ႉတူၺ်းငဝ်းလၢႆး တၢင်းပဵၼ်ၶူဝ်ႊဝိတ်ႉ 19 ႁူဝ်ၵူၼ်း 200 ပၢႆၼၼ်ႉ ယၢမ်းလဵဝ် လႆႈဢဝ်ၼမ်ႉမုၵ်ႈ သူင်ႇၵူတ်ႇထတ်း ဝႆႉထႅင်ႈယူႇ ။ ဝၼ်းတီႈ 28/7/2020 ၼႆႉ ၵူၼ်းမိူင်းတႆးပွတ်းၸၢၼ်း ဢၼ်လုၵ်ႉမိူင်းထႆးပွၵ်ႈမႃးသေ ထုၵ်ႇၵုမ်းတူဝ် Quarantine Center ဝႆႉ တင်းမူတ်းမီး...

ႁႅင်းၵၢၼ်ယၢၼ်မိူင်း မႃးလူင်းဝႅပ်ႊၾွမ်ႊ 15 ယိုၼ်ႈယွၼ်း သုၼ်ႇလႆႈလိူၵ်ႈတင်ႈ 2020 တီႈၵဵင်းမႆႇ မီးၼပ်ႉႁူဝ်ပၢၵ်ႇၼၼ်ႉ တႃႇမွၵ်ႈၶိုင်ႈၼိုင်ႈ ယိပ်းဝႂ်ဢမ်ႇၸွမ်းပၵ်းၸွမ်းပိူင်သေ ဢမ်ႇမီးသုၼ်ႇလႆႈ ယိုၼ်ႈယွၼ်း။  ဝၼ်းတီႈ 26/07/2020 ၸုမ်းတႆးလၢႆလၢႆၸုမ်း ႁူမ်ႈၵၼ်ႁပ်ႉတႅမ်ႈထႅမ် ဝႅပ်ႊၾွမ်ႊ 15 တီႈဝတ်ႉပႃႇပဝ်ႈ ဢိူင်ႇသီၽုမ်း ဝဵင်းၵဵင်းမႆႇ၊ ပိူဝ်ႈတႃႇယိုၼ်ႈယွၼ်းသုၼ်ႇလႆႈ လိူၵ်ႈတင်ႈ 2020 ၼၼ်ႉ...

ၶွမ်ႊမသျိၼ်ႊပၢင်လိူၵ်ႈတင်ႈ ပိုၼ်ၽၢဝ်ႇသဵၼ်ႈၸိုဝ်ႈပၼ်ၵူၼ်းမိူင်း တွၼ်ႈတႃႇ တေတွတ်ႈၶႅပ်းၵၢင်ၸႂ် ၼႂ်းပီ 2020 ဢၼ်တေထိုင်မႃးၼႆႉ။ ၽူႈတႅၼ်းသၽႃး တိုၵ်းသူၼ်းႁႂ်ႈၵူၼ်းမိူင်းသူၼ်ၸႂ်။ တႄႇဢဝ် ဝၼ်းတီႈ 25/7/2020 တေႃႇထိုင် ဝၼ်းတီႈ 7/8/2020 ယူႇတီႈၶွမ်ႊမသျိၼ်ႊပၢင်လိူၵ်ႈတင်ႈ ပိုၼ်ၽၢဝ်ႇသဵၼ်ႈၸိုဝ်ႈၵူၼ်းမိူင်း ၽူႈမီးသုၼ်ႇတွတ်ႈၶႅပ်းၵၢင်ၸႂ် တႃႇပၢင်လိူၵ်ႈတင်ႈ ဢၼ်တေၸတ်းၼႂ်းဝၼ်းတီႈ 8 လိူၼ်ၼူဝ်ႊဝႅမ်ႊပိူဝ်ႊတေမႃးၼႆႉ။ ၸၢႆးၸၢမ်ႇမိူင်း ၽူႈတႅၼ်းသၽႃးၸႄႈမိူင်း ၶဵတ်ႇလိူၵ်ႈတင်ႈ မၢႆ...

သိုၵ်းလူင်ပွင်ၸိုင်ႈမၢၼ်ႈ ပိုၼ်ၽၢဝ်ႇဝႃႈ ၵူၼ်းသိုၵ်း RCSS 20 ၵေႃႉ လၵ်ႉပၢႆႈလႄႈ ထုၵ်ႇသိုၵ်းဝႃႉ ၵုမ်းတူဝ်လႆႈသေ သူင်ႇပၼ် တပ်ႉသိုၵ်းမၢၼ်ႈၼႆၼၼ်ႉ ဢမ်ႇၸႂ်ႈလွင်ႈတႄႉမၼ်း ၽူႈၶၢၼ်ပၢၵ်ႇ RCSS တွပ်ႇလၢတ်ႈၼႄ ၼင်ႇၼႆ။ မိူဝ်ႈဝၼ်းတီႈ 24/7/2020 ယၢမ်းႁူဝ်ၶမ်ႈၼၼ်ႉ ယူႇတီႈႁွင်ႈၵၼ်ပိုၼ်ၽၢဝ်ႇ ၾၢႆႇတပ်ႉသိုၵ်းလူင်ပွင်ၸိုင်ႈမၢၼ်ႈ ဢွၵ်ႇဝႆႉဝႃႈ ၵူၼ်းသိုၵ်း RCSS 20...

လုၵ်ႈႁဵၼ်း ႁူင်းႁဵၼ်းၸၼ်ႉသုင် ၼႂ်းၸေႈဝဵင်း ႁူဝ်ပူင်း ၼႃႈလိၼ်ၽွင်းငမ်းတူဝ်ၵဝ်ႇ ပဢူဝ်း (ၸွမ်းၼင်ႇပိူင်ငဝ်ႈပိုင်းမိူင်း 2008) ၺႃးၽူႈၵွၼ်းဝၢၼ်ႈ လွၵ်ႇငိုတ်ႈ ၵၼ်ႉၸၼ်လူလၢႆ ၼႂ်းၶၢဝ်းတၢင်း 4 ပီ။ ၼၢင်းယိင်းဢွၼ်ႇၵေႃႉၼႆႉ ပဵၼ်ၵူၼ်းဝၢၼ်ႈ ဝႃႇသူဝ်ႉ ၊ ဢိူင်ႇလွႆဢူၼ်ႈ ၸေႈဝဵင်းႁူဝ်ပူင်း ၸိုင်ႈတႆး ပွတ်းၸၢၼ်း။ မၼ်းၼၢင်းၺႃးၵူၼ်းလူင်ဝၢၼ်ႈ ဝႃႇသူဝ်ႉ ၸိုဝ်ႈႁွင်ႉ ၶုၼ်ႇၵျေႃႇလႃႉ...