ဝၼ်းတီႈ 1/2/2021 မိူဝ်ႈၼႆႉ ၵၢင်ၼႂ်ၸဝ်ႉ သိုၵ်းမၢၼ်ႈ တီႉၺွပ်း တေႃႇဢွင်ႇသၢၼ်းသူႉၵျီႇ၊ ၸွမ်ၸိုင်ႈ ဢူးဝိၼ်းမိၼ်ႉ လႄႈ ၽူႈမီးဢႃႇၼႃႇ ၸိၵ်းၸွမ်ဝၢၼ်ႈမိူင်း တင်းယုမ်း တင်းၶိူဝ်း သေ ယုၵ်ႉတၢင်ႇ ၸွမ်သိုၵ်း ၵဝ်ႇၵေႃႉၼိုင်ႈ ၶိုၼ်ႈပဵၼ် ၸွမ်ၸိုင်ႈဝႆႉ ၸူဝ်ႈၶၢဝ်း။

ဢၼ်ထုၵ်ႇၺႃးတီႉဝႆႉၼၼ်ႉ တေႃႇဢွင်ႇသၢၼ်းၸူႉၵျီႇ၊ ၸွမ်ၸိုင်ႈဢူးဝိၼ်းမိၼ်ႉ သိုၵ်းမၢၼ်ႈဝႅတ်ႉလွမ်ႉ ၵုမ်းၶင်ၵိုၵ်း ႁိူၼ်း၊ ၸွမ်ၽွင်းလူင် ၸႄႈမိူင်း ယၢင်းၽိူၵ်ႇ တေႃႇၼၢင်းၶိၼ်ႇထူၺ်းမိၼ်ႉ၊ ၸွမ်ၽွင်းလူင်တိူင်းၵုင်ႈ ဢူးၽဵဝ်းမိၼ်းတဵင်း လႄႈ သႅၼ်းၽူႈၼမ်းလၢႆလၢႆၵေႃႉတီႉၺွပ်းၵႂႃႇဝႆႉၼႂ်းတပ်ႉတိူင်းသေ ယုၵ်ႉဢဝ် ၵႅမ်ၸွမ်ၸိုင်ႈ 1 ၸွမ်သိုၵ်း(ၵဝ်ႇ) ဢူးမျိၼ်ႉသူၺ်ႇ  ၶိုၼ်ႈပဵၼ် ၸွမ်ၸိုင်ႈဝႆႉ တႃႇပီ ႞ ၼိုင်ႈ- ၼႆ ႁွင်ႈၵၢၼ်ၶၢဝ်ႇ မျႃႉဝတီႇ ၶွင်သိုၵ်းမၢၼ်ႈ ပိုၼ်ၽၢဝ်ႇၼင်ႇၼႆ။

“ပေႃးယိုတ်းဢႃႇၼႃႇၸိုင်ႈမိူင်းတဵမ်တဵမ်တႄႉ (1) တေလႆႈတီႉၺွပ်း ၽူႈၼမ်းဝၢၼ်ႈမိူင်းတင်းမူတ်း၊ (2) တေလႆႈ ယႃႉပႅတ်ႈမၢႆမီႈသၽႃး/လုမ်းသၽႃး (3) တေလႆႈယႃႉပႅတ်ႈ ပိူင်ငဝ်ႈပိုင်းမိူင်း – ၸဵမ်ၸိူဝ်းၼႆႉ။ တေႃႈလဵဝ်သမ်ႉ ဢမ်ႇႁဵတ်းၸိူင်ႉၼၼ် တေၸႂ်ႉပိူင်ငဝ်ႈပိုင်းမိူင်း ၵႂႃႇသေ ဢဝ်တၢင်ႇၵေႃႉၶိုၼ်ႈတႅၼ်းၼႆႉ ပွင်ႇဝႃႈ တေ မူၼ်ႉမႄး ၸွမ်းၼင်ႇပိူင် တပ်သိုၵ်းၶဝ် ၶႆႈလႆႈ တေလႆႈဝႃႈၼႆၵူၺ်း” – ၼႆ ၽူႈၼမ်းၼႃႈ ၸုမ်းသိုၵ်းပဢူဝ်း PNLO ၽူႈလူင်ႉလႅၼ်ႇၾၢႆႇမၢႆမီႈ ၸဝ်ႈသိုၵ်းလူင် ၶုၼ်ႇဢူၵ်ႉၵႃႇ လၢတ်ႈၼႄ ၼင်ႇၼႆ။

ဢၼ်ၺႃးတီႉၵႂႃႇၼႆႉ ၸွမ်ၽွင်းလူင် ၸႄႈမိူင်းယၢင်းၽိူၵ်ႇ၊ တိူင်းမၵူၺ်း၊ တိူင်းတႃႈၵုင်ႈ ဢိၵ်ႇ သႅၼ်းၽူႈၼမ်း လၢႆလၢႆၵေႃႉသေ ဢမ်ႇၵႃး သိုၵ်းမၢၼ်ႈပိၵ်ႉပႅတ်ႈ သၼ်ယၢၼ်း(လႅင်း)ၾူၼ်း ၊ ပိၵ်ႉတၢင်းၶဝ်ႈဢွၵ်ႇဝဵင်း တႃႈၶီႈလဵၵ်း၊ လႃႈသဵဝ်ႈ၊ မူႇၸေႊ ၸဵမ်ၸိူဝ်းၼႆႉလၢႆဝဵင်း။

သဵၼ်ႈသၢႆမၢႆ ၵူၼ်းၺႃးတီႉ – ဢၼ်လႆႈဝႆႉ 24 ၵေႃႉ –

• 1-တေႃႇဢွင်ႇသၢၼ်းၸူႉၵျီႇ( ၽူႈၵိူဝ်းၵုမ် ဝၢၼ်ႈမိူင်း)
• 2-ဢူးဝိၼ်းမိၼ်ႉ ( ၸွမ်ၸိုင်ႈ)
• 3-ဢူးၽဵဝ်းမိၼ်းတဵင်း ( ၸွမ်ၽွင်းလူင် တိူင်းတႃႈၵုင်ႈ)
• 4-တွၵ်ႊတိူဝ်ႊ ၸေႃႇမိၼ်ႉမွင်ႇ (ၸွမ်ၽွင်းလိူင်း တိူင်းတႃႈလိူဝ်ႇ)
• 5-တွၵ်ႊတိူဝ်ႊ ဢွင်ႇမူဝ်းၺူဝ်ႇ ( ၸွမ်ၽွင်းလူင် တိူင်းမၵူၺ်း)
• 6-ၼၢင်းၶိၼ်ႇထူၺ်းမိၼ်ႉ ( ၸွမ်ၽွင်းလူင် ၸႄႈမိူင်းယၢင်းၽိူင်း)
• 7-ဢူးၺီႇပူႉ (ၸွမ်ၽွင်းလူင် မိူင်းရၶႅင်ႇ)
• 8-တွၵ်ႊတိူဝ်ႊဢေႊၸၢၼ်ႇ (ၸွမ်ၽွင်းလူင်မိူင်းမွၼ်း)
• 9-ဢူးမေႃႇ (ၽွင်းလူင် ၽႅၼ်ၵၢၼ်လႄႈ ငိုၼ်းတွင်း ၸႄႈမိူင်းယၢင်းလႅင်)
• 10-ဢူးၸူဝ်းၺုၼ်ႉလုၼ်ႇ ( ၽွင်းလူင် ၽႅၼ်ၵၢၼ်လႄႈ ငိုၼ်းတွင်း ၸႄႈမိူင်းတႆး)
• 11-ဢူးၺၢၼ်ႇဝိၼ်း (ၽူႈတၢင်ၼႃႈသုၼ်ႇတူဝ် ဢွင်ႇသၢၼ်းၸူႉၵျီႇ)
• 12-တွၵ်ႊတိူဝ်ႊတိၼ်ႇမျူဝ်းဝိၼ်း ( မေႃယႃ သုၼ်ႇတူဝ် ဢွင်ႇသၢၼ်းၸူႉၵျီႇ)
• 13-ဢူးႁၢၼ်ႇတႃႇမိၼ်ႉ (ၽူႈၶဝ်ႈၶွမ်ႊမတီႊ ငဝ်ႈငုၼ်း NLD)
• 14-ဢူးၺုၼ်ႉဝူၺ်ႇ (ႁူဝ်ပဝ်ႈ ပႃႇတီႇ NLD သူၺ်ႇတွင်ႇ)
• 15-တေႃႇၶိၼ်ၸေႃးဝူၺ်ႇ (ၽူႈတႅၼ်းသၽႃး)
• 16-တွၵ်ႊတိူဝ်ႊ မဵဝ်းဢွင်ႇ (ၽူႈတႅၼ်းသၽႃး)
• 17-ဢူးတွင်းထေး (ယၢင်းလႅင်)
• 18-လုင်းၸၢႆးယု (ယၢင်းလႅင်)
• 19-ဢူးမိၼ်းထိၼ်ႇၵူဝ်ႇၵူဝ်ႇၵျီး ( ၽူႈထၢႆႇငဝ်းတူင်ႉ)
• 20-ဢူးတူၺ်းတိတ်ႉ (ၽူႈၼမ်းလုၵ်ႈႁဵၼ်း)
• 21-ဢူးၵူဝ်ႇၵူဝ်ႇၵျီး ( ၽူႈၼမ်းပႃႇတီႇၵူၼ်းမိူင်း)
• 22-ဢူးမိၼ်းၵူဝ်ႇၼၢႆႇ ( လုၵ်ႈႁဵၼ်း 88 )
• 23-ဢူးမျႃႉဢေး (လုၵ်ႈႁဵၼ်း 88)
• 24-မွင်ႇတႃႇၶျူဝ် (ၽူႈတႅမ်ႈလိၵ်ႈ)

(သဵၼ်ႈသၢႆမၢႆ ၽူႈၺႃးတီႉ update ပေႃးလႆႈ တေသိုပ်ႇတၢင်ႇပၼ်ထႅင်ႈၶႃႈ)