ထႆးၶဵင်ႈၶႅင် ၵၢၼ်ႁူမ်ႇလူမ်ႈ ၸွမ်းလႅၼ်လိၼ် မိူင်းႁူမ်ႈတုမ် – မိူင်းထႆး ႁၢဝ်ႈႁႅင်း ဝၢႆးလင်သိုၵ်းမၢၼ်ႈ တီႉၺွပ်းၵုမ်းၶင်ၸိၵ်းၸွမ်ၼႂ်း လူင်ပွင်ၸိုင်ႈ NLD ၵႂႃႇ ။
မိူဝ်ႈၼႆႉ ဝၼ်းတီႈ 1/2/2021 ယၢမ်းၵၢင်ၼႂ်ၸဝ်ႉ သိုၵ်းမၢၼ်ႈ တီႉၺွပ်း ၸွမ်ၸိုင်ႈ ဢူးဝိၼ်းမိၼ်ႉ တင်း ၽူႈၵိူဝ်းၵုမ် ၸိုင်ႈမိူင်း တေႃႇ ဢွင်ႇသၢၼ်းသူႉၵျီႇ ဢိၵ်ႇပႃး ထႅင်ႈလၢႆလၢႆၵေႃႉ၊ ထိုင်ယၢမ်းၵၢင်ၼႂ်မိူင်းလႅင်းမႃး ယူႇတီႈတပ်ႉသိုၵ်းထႆး ၶဵင်ႈၶႅင်ၵၢၼ်ႁူမ်ႇလူမ်ႈ ၸွမ်းလႅၼ်လိၼ် မိူင်းထႆး – မိူင်းႁူမ်ႈတုမ် ႁၢဝ်ႈ ႁႅင်း ။
သိုဝ်ႇၶၢဝ်ႇၵဵင်းမႆႇၼိဝ်ႊဢွၵ်ႇဝႆႉဝႃႈ – “ယူႇတီႈၽူႈၵွၼ်းသိုၵ်းသုင်သုတ်းမၢႆ 3 မိူင်းထႆး (แม่ทัพภาคที่ 3) ၸွမ်းလႅၼ်လိၼ် မိူင်း ႁူမ်ႈတုမ် – မိူင်းထႆးၼၼ်ႉတႄႉ လႆႈသူင်ႇႁႅင်းသိုၵ်း ဢဝ်ႁူမ်ႇလူမ်ႈဝႆႉ ၸဵမ်လႂ်ယဝ်ႉ သင်ဝႃႈ မီးၵူၼ်းတၢင်းပဵၼ် မိူင်းႁူမ်ႈ တုမ်လၵ်ႉၶဝ်ႈမႃး တေလႆႈထုၵ်ႇတီႉၺွပ်း ၸဵမ်မိူဝ်ႈၽွင်းတၢင်းပဵၼ်ၶူဝ်ႊဝိတ်ႉ 19 ၼၼ်ႉမႃး။ ယၢမ်းလဵဝ် ႁႂ်ႈၽူႈမီးပုၼ်ႈ ၽွၼ်း ဢဝ်ႁူမ်ႇလူမ်ႈၶဵင်ႈၶႅင်ၼႅၼ်ႈၼႃထႅင်ႈ ၸွမ်းလႅၼ်လိၼ်”- ဝႃႈၼႆ။
တီႈၶူဝ်မိုတ်ႈၵိုဝ်းမၢႆ 2 တႃႈၶီႈလဵၵ်း – မႄႈသၢႆၵေႃႈ ၺႃးပိၵ်ႉဢိုတ်းဝႆႉ ႁၢမ်ႈတေႃႉ သူင်ႇၶူဝ်းၶဝ်ႈဢွၵ်ႇၵႂႃႇမႃး ။
ထႅင်ႈၾၢႆႇၼိုင်ႈၵေႃႈ ယွၼ်ႉတၢင်းပဵၼ်ၶူဝ်ႊဝိတ်ႉ 19 ၽႄႈလၢမ်းႁၢဝ်ႈႁႅင်းသေ ယူႇတီႈလူင်ပွင်ၸိုင်ႈမိူင်းထႆး ၸီႉသင်ႇ ပိၵ်ႉ ဢိုတ်းၸွမ်းလႅၼ်လိၼ် မိူင်းႁူမ်ႈတုမ် – မိူင်းထႆး ၸဵမ်မိူဝ်ႈဝၼ်းတီႈ 23/3/2020 မႃး တေႃႇထိုင် ယၢမ်းလဵဝ် ပႆႇပိုတ်ႇ ပၼ်ၶိုင်း ၸမ်ထိုင် ၼိုင်ႈပီယဝ်ႉ ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ