တႄႇႁူဝ်လိူၼ်ၵျူႊလၢႆႊ ပီ 2025 ၼၼ်ႉမႃး တေႃႇထိုင်ဝၼ်းတီႈ 11 ၼႆႉ ယွၼ်ႉၾူၼ်တူၵ်းထပ်းၵၼ်လၢႆဝၼ်းသေ ၾင်ႇမိူင်းၶႄႇ ပိုတ်ႇၾၢႆၼမ်ႉမၢဝ်းလႄႈ ႁဵတ်းႁႂ်ႈၼမ်ႉလုပ်ႇၼွင်းထူမ်ႈ သူၼ်ႁႆႈၼႃးၵူၼ်းထုင်ႉမၢဝ်း ၼႂ်းၸႄႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ မီးလွင်ႈလူႉသုမ်းၼပ်ႉႁူဝ်ႁဵင်ဢေႊၶိူဝ်ႊ။ ၸဝ်ႈၼႃး ၼႂ်းၸႄႈဝဵင်းၼမ်ႉၶမ်း လၢတ်ႈတီႈၽူႈတွႆႇႁွၵ်ႈဝႃႈ -“ဢၼ်ၼမ်ႉထူမ်ႈသေ ယိုင်ႈၶိုၼ်ႈမႃးၼႆႉ မီး 4-5 ဝၼ်းယဝ်ႉ။ ၼမ်ႉၼႆႉ လႆႈဝႃႈယိုင်ႈၶိုၼ်ႈမႃးၼိုင်ႈဝၼ်းၼိုင်ႈဢိတ်း...

ၼႂ်းႁူဝ်လိူၼ်ၵျူႊလၢႆႊၼႆႉ တပ်ႉသိုၵ်းဝႃႉ (UWSA) တီႉၺွပ်းဢဝ်ၵူၼ်းမိူင်းၶႄႇ ၸိူဝ်းၶဝ်ႈမႃးႁဵတ်းၵၢၼ်ၵျႃးၽႅၼ်ႉ ၼႂ်းၸႄႈဝဵင်းတၢင်ႉယၢၼ်း ၸိုင်ႈတႆးပွတ်းႁွင်ႇ သူင်ႇမွပ်ႈပၼ် ၶိုၼ်းတီႈလူင်ပွင်ၸိုင်ႈမိူင်းၶႄႇၵႂႃႇ တႃႇ 66 ၵေႃႉ ဝႃႈၼႆ။ ၾၢႆႇပလိၵ်ႈတပ်ႉသိုၵ်းဝႃႉ (UWSA) ၵူတ်ႇထတ်းၵူၼ်းႁဵတ်းၵၢၼ်ၵျႃးၽႅၼ်ႉ ၼႂ်းၸႄႈဝဵင်းတၢင်ႉယၢၼ်းသေ တီႉၺွပ်းလႆႈပႃးၾူၼ်း၊ ၶွမ်ႊပိဝ်ႊတိူဝ်ႊ (ၶွမ်း) လႄႈ ၶိူင်ႈၸၢၵ်ႈၸိူဝ်းၵွင်ႉၵၢႆႇၵၼ်တင်း ၵၢၼ်လွၵ်ႇလႅၼ်ၵိၼ်ငိုၼ်းတင်းသဵင်ႈ ၼႆယဝ်ႉ။ လွင်ႈၸုမ်းပလိၵ်ႈသိုၵ်းဝႃႉ တီႉၺွပ်းဢဝ်...

မိူဝ်ႈဝၼ်းတီႈ 08/07/2025 ၼႆႉ ၸုမ်းသိုၵ်းဢူၺ်းလီသၢမ်ၸုမ်း (MNDAA ၊ AA ၊ TNLA) ႁူမ်ႈၵၼ်ပိုတ်ႇႁူင်း ယႃလူင်ၵူၼ်းမိူင်း ၼႂ်းၼႃႈတီႈၸုမ်းသိုၵ်းၶဝ်ၵုမ်းၵမ်ဝႆႉ ဢၼ်တႄႇသၢင်ႈမႃး ၼႂ်းလိူၼ်မေႊ တီႈ 105 လၵ်း ႁိမ်းသၢပ်ႇဝဵင်းမူႇၸေႊ ၸိုင်ႈတႆးပွတ်းႁွင်ႇ။ ဝၢႆးလင် ၽႅၼ်ၵၢၼ်ယၼ်ႇသိုၵ်း 1027 ယဝ်ႉသေ ၸုမ်းဢူၺ်းလီသၢမ်ၸုမ်း ႁူမ်ႈၵၼ်ၵုမ်းၵမ်ဝႆႉ...

မိူဝ်ႈၼႆႉ ဝၼ်းတီႈ 11/07/2025 ယၢမ်းၵၢင်ၼႂ်ၸဝ်ႉ 3 မူင်းပၢႆ သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၼႂ်းဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။ မၢၵ်ႇလူင်ႁိူဝ်းမိၼ်တိုၵ်း သိုၵ်းမၢၼ်ႈ တူၵ်းသႂ်ႇတိူဝ်ႉၺႃးၼႂ်းဝၢင်းႁူင်းပလိၵ်ႈသွင်တီႈလႄႈ ႁူင်းႁႅမ်းၵေႃးလီႇ ဢၼ်မီးၾၢႆႇၼွၵ်ႈဝဵင်းယၢၼ်ၵႆၵၼ်တင်း ၼႂ်းဝဵင်းၵျွၵ်ႉမႄး မွၵ်ႈ 2 လၵ်း ၼၼ်ႉ တီႈၼိုင်ႈသေ မီးၵူၼ်းလူႉတၢႆမၢတ်ႇၸဵပ်းၸွမ်း ပႃးၸဵမ်သိုၵ်းတဢၢင်းလႄႈ ၵူၼ်းမိူင်းၸဵမ်ၸိူဝ်းၼႆႉၼႆ...

သိုၵ်းမၢၼ်ႈတင်း သိုၵ်းၶၢင် KIA ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၽႃၵၢၼ်ႉ ၸႄႈမိူင်းၶၢင်လႄႈ ႁဵတ်းႁႂ်ႈၵူၼ်းမိူင်းၼပ်ႉႁူဝ်ႁဵင်ၵေႃႉ လႆႈပၢႆႈဢွၵ်ႇဝၢၼ်ႈ ၶၢဝ်းတၢင်းၼၼ်ႉ သိုၵ်းတင်းသွင်ၾၢႆႇသမ်ႉ ပိၵ်ႉဢိုတ်းသဵၼ်ႈတၢင်းၵႂႃႇမႃးလႄႈ ၵူၼ်းပၢႆႈၽေးပၢင်တိုၵ်း မွၵ်ႈ 10 ဝၢၼ်ႈၼႆႉ ႁူပ်ႉတၢင်းယၢပ်ႇတႃႇၶဝ်ႈၼမ်ႉတၢင်းၵိၼ်လႄႈ သဵၼ်ႈတႃႈသၢႆတၢင်းတႃႇၵႂႃႇမႃး ၼႆယဝ်ႉ။ မိူဝ်ႈဝၼ်းတီႈ 04/07/2025 ၼၼ်ႉ သိုၵ်းမၢၼ်ႈ ယိုတ်းမိူင်းတင်း သိုၵ်းၶၢင် ယိုဝ်းၵၼ်...

ဝၼ်းတီႈ 09/07/2025 ၼႆႉ လူင်ပွင်ၸိုင်ႈၽွမ်ႉႁူမ်ႈၸိူဝ်ႉၸၢတ်ႈ (NUG) ဢွၵ်ႇလိၵ်ႈတိုၵ်းသူၼ်းႁႂ်ႈသိုၵ်းၶျၢင်း သွင်ၸုမ်း ၸႂ်ႉလၢႆးတၢင်းၵၢၼ်မိူင်း ႁူပ်ႉထူပ်းၵႄႈလိတ်ႈပၼ်ႁႃၵၢၼ်သိုၵ်းၵႂႃႇ လူၺ်ႈလၢႆးတၢင်းဢုပ်ႇဢူဝ်းငူပ်ႉငီႉၵၼ် ၼႆယဝ်ႉ။ ၵႅမ်ၸွမ်ၸိုင်ႈ NUG လၢတ်ႈၵႂႃႇဝႃႈ - “ထုၵ်ႇလီၵိုတ်းယိုတ်းဝႆႉ ၵၢၼ်ၸႂ်ႉတိုဝ်းၵွင်ႈၵၢင်ႇသေ ၵႄႈလိတ်ႈပၼ်ႁႃ ၼႂ်းၵႄႈၵၢင်ၸၢဝ်းၶိူဝ်းၼင်ႇၵၼ်သေ ၸႂ်ႉတိုဝ်းလၢႆးတၢင်းၶၵ်ႉၵၢၼ်ငမ်းယဵၼ် ဢၼ်ၵူၼ်းမိူင်းၶျၢင်းမုင်ႈမွင်းၶႂ်ႈလႆႈၶႂ်ႈပဵၼ်ၼၼ်ႉသေ ဢုပ်ႇဢူဝ်းငူပ်ႉငီႉ ႁႃၶေႃႈတွပ်ႇၵႄႈလိတ်ႈပၼ်ႁႃၵႂႃႇယူႇ”- ဝႃႈၼႆ။ ၼႂ်းၵႄႈၵၢင်ၸုမ်းယိပ်းၵွင်ႈၵၢင်ႇၸၢဝ်းၶိူဝ်းၼႆႉ တေမီးတၢင်းႁၼ်ထိုင်ဢမ်ႇမိူၼ်ၵၼ်သေ...

ဝၼ်းတီႈ 08/07/2025 ၼႆႉ သိုၵ်းမၢၼ်ႈ ပိုၼ်ၽၢဝ်ႇဢွၵ်ႇဝႃႈ လႆႈႁပ်ႉလိၵ်ႈပွင်ႇလႅင်း ဢၼ်ၸွမ်ၸိုင်ႈမိူင်း ဢမေႊရိၵၼ်ႊ ၻူဝ်ႊၼေႃႊ ထရမ်ႉ သူင်ႇယိုၼ်ႈမႃး လွင်ႈတႃႇၵဵပ်းၶွၼ်ႇၽိူမ်ႉၼၼ်ႉယဝ်ႉသေ တေႁၢင်ႈႁႅၼ်းဢုပ်ႇဢူဝ်းငူပ်ႉငီႉၵၼ်ၵႂႃႇ ၼႆယဝ်ႉ။ ၸွမ်သိုၵ်းၸေႃႇမိၼ်းထုၼ်း ၽူႈၶၢၼ်ပၢၵ်ႇ တပ်ႉသိုၵ်းမၢၼ်ႈ မွၵ်ႇလၢတ်ႈဝႃႈ -“ႁဝ်းၶႃႈ လႆႈႁပ်ႉလိၵ်ႈ ဢၼ်ပွင်ႇလႅင်းမႃးၼၼ်ႉလီငၢမ်းယဝ်ႉ။ ၵဵဝ်ႇၵပ်းလူၺ်ႈလိၵ်ႈၼႆႉသေ တွၼ်ႈတႃႇမိူင်းမၢၼ်ႈၼႆႉ ပဵၼ်လွင်ႈလီသုတ်း ၶဝ်ႈပႃးၼႂ်းၶၵ်ႉၵၢၼ်တႃႇတေလႆႈငူပ်ႉငီႉၵၼ်ၵႂႃႇ...

တႄႇႁူဝ်လိူၼ်ၵျူႊလၢႆႊၼႆႉမႃး ၾူၼ်တူၵ်းႁၢဝ်ႈႁႅင်း ႁဵတ်းႁႂ်ႈၼမ်ႉၼွင်း လုပ်ႇထူမ်ႈသႂ်ႇ ႁိူၼ်းယေး တိူၵ်ႇႁႆႈလွၵ်းၼႃးၵူၼ်းမိူင်းလူႉၵွႆ ၼႂ်းၸိုင်ႈတႆးပွတ်းႁွင်ႇ။ မိူဝ်ႈဝၼ်းတီႈ 4 လိူၼ်ၵျူႊလၢႆႊ ၵေးၼမ်ႉမၢဝ်းၵိုင်ႉၵၢင်ႉၼွင်းၶိုၼ်ႈမႃး လုပ်ႇထူမ်ႈသႂ်ႇႁိူၼ်းယေးၵူၼ်းမိူင်း ၾၢႆႇႁွင်ႇဝဵင်းၼမ်ႉၶမ်း မိူၼ်ၼင်ႇ ဝၢၼ်ႈၵုၼ်ႁႆး၊ ဝၢၼ်ႈၼွင်ၶမ်း၊ ဝၢၼ်ႈၼွင်မႃႉတႃႊ၊ မၢၼ်ႈၵုၼ်(တႂ်ႈ)၊ မၢၼ်ႈသွၼ်း၊ ဝၢၼ်ႈၵုၼ်ၵႅင်း၊ ဝၢၼ်ႈၵွင်းၼွင် ၸိူဝ်းယူႇ ၸပ်း သၢပ်ႇၼမ်ႉမၢဝ်း မီးတိတ်းၸပ်းၵၼ်တင်း...

ဝၢႆးလင်သိုၵ်းမၢၼ်ႈယိုတ်းမိူင်း ႁိုင်မႃးၶၢဝ်းတၢင်း သီႇပီပၢႆၼႆႉ ဢႃႇၼႃႇပၢၼ်ႇပွင်ၸိုင်ႈမိူင်း ၼႂ်းမိူင်းႁူမ်ႈတုမ် ၵိုင်ႉၵၢင်ႉ လႅၵ်ႈလၢႆႈၵႂႃႇႁႅင်းတေႉတေႉ။ ဢႃႇၼႃႇသိုၵ်းမၢၼ်ႈၵေႃႈ ၵိုင်ႉၵၢင်ႉယူပ်ႈလူင်းၵႂႃႇသေ ငဝ်းလၢႆးၵၢၼ်မိူင်း ၵၢၼ်သိုၵ်းၸွမ်း ၼႂ်းၼႃႈလိၼ် ၸုမ်းသိုၵ်းၸၢဝ်းၶိူဝ်းၵုမ်းၵမ်ၵေႃႈ လႅၵ်ႈလၢႆႈၵႂႃႇပႃးၸွမ်းၵမ်းလဵဝ်။ ယွၼ်ႉႁႅင်းဢႃႇၼႃႇ လွၵ်းပိူင် ၵၢၼ်လဵၼ်ႈၸိူင်း ၵၢၼ်မိူင်း ပိူဝ်ႈတႃႇ ၵၢၼ်မၢၵ်ႈမီး လူင်ပွင်ၸိုင်ႈမိူင်းၶႄႇသေ ၶူဝ်းႁႄႈတိုၼ်းလၢင်း ဢၼ်မီးၵႃႈၶၼ်ယႂ်ႇ ၼႂ်းမိူင်းတႆးတင်းသဵင်ႈၵေႃႈ...

ၶူဝ်းၵုၼ်ႇဢၼ် လုၵ်ႉတၢင်း ဝဵင်းၵဵင်းတုင် ၸိုင်ႈတႆးပွတ်းဢွၵ်ႇ ဢၼ်တေတေႃႉမႃး တီႈ ဝဵင်းတူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ သိုၵ်းမၢၼ်ႈပႂ်ႉတီႉၺွပ်း တီႈၵဵတ်ႉလၢၼ်ႇ  ဝဵင်းမိူင်းပွၼ်ႇ ႁဵတ်းႁႂ်ႈ ၸဝ်ႈၵႃးလႄႈၵူၼ်းၵႃႉ ယၢပ်ႇၽိုတ်ႇ ၵိၼ်းၸႂ်ဝႃႈၼႆ ။ တႄႇႁူဝ်လိူၼ်ၵျႃၼ်ႊပူၼ်ႉမႃး ၵႃးတၢင်ႇၵူၼ်းဢၼ်လုၵ်ႉတၢင်း ၵဵင်းတုင် ၶိုၼ်ႈတူၼ်ႈတီး၊ ၵူၼ်းဢၼ်လုၵ်ႉတၢင်းမိူင်းမၢၼ်ႈတူင်ႈပဵင်းၶိုၼ်ႈမႃးမိူင်းတႆးသေဢၢၼ်းတေၵႂႃႇမိူင်းတႆးပွတ်းဢွၵ်ႇၸိူဝ်းၼႆႉ    သိုၵ်းမၢၼ်ႈၵူတ်ႇထတ်းတီႈၵဵတ်ႉလၢၼ်ႇ ႁၢဝ်ႈႁႅင်း ။    ၸဝ်ႈၵႃးၵႂႃႇမႃး...

ၸွမ်သိုၵ်းၼေႇဝိၼ်း ယိုတ်းဢႃႇၼႃႇၸိုင်ႈမိူင်း မိူဝ်ႈ 1962 သေ ၵဝ်းမၢၼ်ႈမိူင်းလူႉၵွႆယဝ်ႉ ၽိူဝ်ႇဢမ်ႇၸၢင်ႈမႄးလီၶိုၼ်းၼႆ ဢဝ်သူဝ်ႊသျႄႊလိတ်ႉလၢႆးမၢၼ်ႈတၢင်းမၢၼ်ႈ ႁဵတ်းၼမ်ႉလၢႆးတႃးယႃမူၼ်ႇမႃး ၼႂ်းပီ 1974 ပုၼ်ႉ၊ တၼ်းၶၢမ်ႇလႆႈ 14 ပီ မၢၼ်ႈမိူင်းယူတ်ႇပင်း ၵူၼ်းမိူင်းဢိုပ်းယၢၵ်ႈသေၵေႃႈ ထိုင်တီႈၵိူတ်ႇပဵၼ်ပၢင်ၶွမ်ႈၶတ်းႁိုၼ်ႇႁၢဝ်ႈလူင် 8 သီႇတူဝ်မႃးၼၼ်ႉ ႁၢၼ်ႉတေႃႇမိူဝ်ႈလဵဝ် ယႃတႅၼ်းၶိုၼ်းယင်းပႆႇၶႅၼ်း။ ၸွမ်သိုၵ်းမိၼ်းဢွင်ႇလၢႆႇ သမ်ႉၶိုၼ်းမင်ထႅင်ႈလၢႆး ႞...

လုၵ်ႈဢွၼ်ႇယိင်း ဢႃယု 16  ၶူပ်ႇၵူၼ်းဝၢၼ်ႈလွႆၼွႆႉဝဵင်းမိူင်းပၼ်ႇ ၸႄႈတွၼ်ႈလၢင်းၶိူဝ်း ၸိုင်ႈတႆး ပွတ်းၸၢၼ်း တၢႆယွၼ်ႉသျွၵ်ႉ (Shock) ယႃႈမဝ်းၵမ်ၵႂႃႇၼၼ်ႉ ပေႃႈလဵင်ႉၶႄႇ ၽူႈႁွင်ႉႁူၺ်းၸိူဝ်းၼၼ်ႉ ​​ ဢဝ်ငိုၼ်းၵႄႈလိတ်ႈပၼ်ႁႃဝႃႈၼႆ  ။ ၼႂ်းဝၼ်းတီႈ 21/6/2025   ၼၢင်းႁဵဝ်းငိုၼ်း ဢႃယု 16  ပီ  ၵႂႃႇႁၢၼ်ႉ KTV X3...

ဢွၼ်တၢင်းပူၼ်ႉမႃး ပီမိူင်းပႆႇပေႃးႁိုင်သင်ၼၼ်ႉ တီႈၼႂ်းဝၢၼ်ႈထိူၼ်ႇ လုၵ်ႈ ႞ မီးၵူၼ်းၸၢႆးငၢၼ် 3 ၵေႃႉ ၸိုဝ်ႈၶဝ်ႁွင်ႉဝႃႈ ဢၢႆႈဢႅတ်ႉဢေႇ၊ ဢၢႆႈဢႃႇဢေႇ၊ ဢၢႆႈယူးဢေႇ ၼႆယဝ်ႉ။ ၶဝ်ၽွမ်ႉလႆႈၸႂ်ၵၼ်သေ တီႇၽၼ်းႁႆႈလိုမ်းၽုၵ်ႇဝၢၼ်ႇၶဝ်ႈႁၢဝ်ႉႁွမ်လႄႈ ႁွတ်ႈထိုင်ၶၢဝ်းယၢမ်းၶဝ်ႈၶဝ် ၵႄႇသုၵ်းလီပၢတ်ႇ၊ ၶဝ်ၸင်ႇၽွမ်ႉၵၼ်ပၢတ်ႇပုမ်ႇပေႃႉသေယဝ်ႉ တေႃႉမႃးသႂ်ႇယေး၊ ဢဝ်ဢွၵ်ႇတမ်ပဵၼ်သၢၼ်မႃႇၼိုင်ႈၵိၼ်ယဝ်ႉ။ ယၢမ်းၽွင်းၶဝ် ၼိုင်ႈၶဝ်ႈ ဢွၵ်ႇဢၢႆယူႇၼၼ်ႉ ဢၢႆႁွမ်ၶဝ်ႈႁၢဝ်ႉၶဝ်...

ၸဵမ်မိူဝ်ႈ ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ ယိုတ်းမိူင်းသေ ၶိၼ်ပွင်ၽွင်းငမ်းဝၢၼ်ႈမိူင်းမႃးၼႆႉ ဝၢၼ်ႈမိူင်းလုၵ်ႉပဵၼ်ၽိုၼ်းပဵၼ်ၾႆး၊ ၵူၼ်းမိူင်းယၢပ်ႇၵိၼ်းၶၢၼ်ၸႂ်ၸွမ်း၊ ထိုင်မိူဝ်ႈလဵဝ် ပႆႇႁၼ်သဵၼ်ႈတၢင်း တႃႇတေၵတ်းယဵၼ်ၼိမ်တဵင်ႈလႆႈ။ တႃႇႁႂ်ႈၸိုင်ႈမိူင်းၵတ်းယဵၼ်ၶိုၼ်းၼၼ်ႉ ၵမ်ႈၼမ်ၼမ်တႄႉ လၢတ်ႈဢွၵ်ႇပၢၵ်ႇငၢႆႈငၢႆႈဝႃႈ ၶႂ်ႈႁႂ်ႈၸွမ် ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ၸဵဝ်းၶွႆႈ၊ ၸဵဝ်းဝၢႆး ၼႆၵူၺ်းယဝ်ႉ။ ၵူၺ်းၵႃႈ ၽူႈထတ်းသၢင်ၵၢၼ်မိူင်း လၢႆၸဝ်ႈၶဝ် ထတ်းသၢင်လၢတ်ႈတႄႉ ၽူႈပွင်မိူင်း ၵႃႈပေႉၶႂ်ႈလႅၵ်ႈလၢႆႈ လၢႆၸဝ်ႈလၢႆၵေႃႉၵေႃႈယႃႇ...

တပ်ႉပႂ်ႉလႅၼ်လိၼ် မိူင်းယၢင်းၽိူၵ်ႇ BGF တီႉၺွပ်းၵူၼ်းမိူင်းၶႄႇ 14 ၵေႃႉ ဢၼ်ထၢင်ႇထိူမ်ဝႃႈ ပဵၼ်ႁူဝ်ၼႃႈ ၸုမ်းၵျႃးၽႅၼ်ႉ ၼၼ်ႉဝႆႉသေ ႁၢင်ႈႁႅၼ်းတႃႇသူင်ႇမွပ်ႈဢၢပ်ႈပၼ် ၼႂ်းမိုဝ်းလူင်ပွင်ၸိုင်ႈမိူင်းၶႄႇ ဝႃႈၼႆ။   ၵူၼ်းၸၢဝ်းၶိူဝ်းၶႄႇ ၸိူဝ်းၺႃးတီႉၺွပ်းဝႆႉၼၼ်ႉ ပဵၼ်ႁူဝ်ၼႃႈ ၸုမ်းၵျႃးၽႅၼ်ႉ ဢၼ်မီးဝႆႉတီႈၼႂ်းသူၺ်ႇၵူၵ်ႉၵူဝ်ႇ ဝဵင်းမႂ်ႇ ၶွင်ၸႄႈတွၼ်ႈမျႃႉဝတီႇ လႅၼ်လိၼ်မိူင်းယၢင်းၽိူၵ်ႇ - မိူင်းထႆးၼၼ်ႉသေ ၵူၼ်းၸိူဝ်းၼႆႉ...