ဝၼ်းတီႈ 13/07/2025 ယၢမ်းၵၢင်ၶမ်ႈ 10 မူင်းၶိုင်ႈ သိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႂ်ႇၼႂ်းဝဵင်းမိူင်းၵုတ်ႈ ၼႃႈတီႈသိုၵ်းတဢၢင်းၵုမ်းၵမ်သေ လုၵ်ႈဢွၼ်ႇတၢႆၵႂႃႇ 2 ၵေႃႉ မီးၵူၼ်းမၢတ်ႇၸဵပ်းၵႂႃႇ 6 ၵေႃႉ ၼႆယဝ်ႉ။ မၢၵ်ႇလူင်သႅၼ်း 500 ပွၼ်ႊ ၶွင်သိုၵ်းမၢၼ်ႈ ၵႂႃႇတူၵ်းသႂ်ႇႁိမ်းၵျွင်းမုၼ်ၸဝ်ႈ ဝၢၼ်ႈပၢၼ်းမထဵၵ်ႉ (ပန်းမထိပ်) ၼၼ်ႉလႄႈ ၼၢင်းယိင်းတၢႆၵႂႃႇၵေႃႉၼိုင်ႈ၊...

မိူဝ်ႈဝၼ်းတီႈ 11/07/2025 သိုၵ်းဝႃႉ (UWSA) ဢွၵ်ႇၶေႃႈပူင် ၸီႉသင်ႇႁႂ်ႈႁုပ်ႈသိမ်း ယႃႉပႅတ်ႈၵဵတ်ႉလၢၼ်ႇ တင်းသဵင်ႈ ၸိူဝ်းတင်ႈဝႆႉၼိူဝ်ႈသဵၼ်ႈတၢင်းလူင် တႃႇၵူတ်ႇထတ်း ၵူၼ်းၸိူဝ်းၶဝ်ႈဢွၵ်ႇၵႂႃႇမႃး ၼႂ်းၼႃႈတီႈ ၶဝ်ၵုမ်းၵမ် ၼႂ်းၸႄႈဝဵင်းမိူင်းပွၵ်ႉ၊ မိူင်းလိူၼ်း၊ မိူင်းမွၵ်ႇ (မိုင်းမော)၊ ႁူဝ်ပၢင်ႇ ၸဵမ်ၸိူဝ်းၼႆႉ။ ၵဵတ်ႉလၢၼ်ႇၸိူဝ်းၺႃးသင်ႇယႃႉပႅတ်ႈၼႆႉ ပဵၼ်ၵဵတ်ႉလၢၼ်ႇ ၼိူဝ်သဵၼ်ႈတၢင်းလူင် ဢၼ်ၸုမ်းသိုၵ်းဝႃႉလႄႈ မိူင်းၶႄႇ ၸႂ်ႉတိုဝ်းႁဵတ်းၵၢၼ်ၵႃႉၶၢႆတေႃႉသူင်ႇၶူဝ်းၵုၼ်ႇၵၼ်ၵႂႃႇမႃးလႆႈၼၼ်ႉ...

သိုၵ်းမၢၼ်ႈတင်း သိုၵ်းတဢၢင်း (TNLA) ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼိူဝ်သဵၼ်ႈတၢင်းလူင်ၵၢၼ်ၵႃႉၶၢႆ မိူင်းမၢၼ်ႈ - မိူင်းၶႄႇ သဵၼ်ႈတၢင်းဝဵင်းၼွင်ၶဵဝ် - ဝဵင်းၵျွၵ်ႉမႄးသေ ႁႅင်းတပ်ႉပႆလိၼ်သိုၵ်းမၢၼ်ႈ ၶဝ်ႈၽႅဝ်ထိုင်လႆႈတီႈပၢႆႉတၢင်းၶဝ်ႈဝဵင်းၼွင်ၶဵဝ် ယၢၼ်ၵႆၵၼ်တင်းဝဵင်းၼွင်ၶဵဝ်မွၵ်ႈ 3 လၵ်းယဝ်ႉ ဝႃႈၼႆ။ သိုၵ်းမၢၼ်ႈၸတ်းငႃးသိုၵ်း 3 ငႃး၊ ၸႂ်ႉႁႅင်းတပ်ႉပႆလိၼ် တပ်ႉမ 11 (အင်းတိုင်) ၊...

ဝၼ်းတီႈ 14/07/2025 (ဝၼ်းၸၼ်) ၵၢင်ၼႂ်ၸဝ်ႉၼႆႉ ၸုမ်းမၢၵ်ႇၼင် ၶျႄႊသီႊတင်း ၸုမ်းမၢၵ်ႇၼင် PSG ပိတ်ႉၶႅင်ႇၵၼ် ပဵၼ်ပၢင်လိုၼ်းသုတ်း (Final) တီႈပၢင်ႇလဵၼ်ႈမၢၵ်ႇၼင် မတ်ႉလၢႆႉၾ် (Metlife) ဝဵင်းရူႊတႃႊၾွတ်ႉ ပွတ်းဢွၵ်ႇ (East Rutherford) ၸႄႈမိူင်းၼိဝ်းၵျႃႇၸီႇ (New Jersey) မိူင်းဢမေႊရိၵၼ်ႊ။ ၸုမ်းမၢၵ်ႇၼင် ၶျႄႊသီႊ သႂၢင်းၶဝ်ႈလႆႈ...

ၽူဝ်ပဵၼ်ၸၢင်ႉၶႃၼႃႈ မေးပဵၼ်ၸၢင်ႉၶႃလင် ထိုင်တီႈယိူင်းမၢႆၵေႃႈ ပဵၼ်ၸၢင်ႉဢမ်ႇထိုင်တီႈယိူင်းမၢႆၵေႃႈ ပဵၼ်ၸၢင်ႉ၊ တေဢမ်ႇမီးလွင်ႈလီသေပွၵ်ႈယဝ်ႉ။ တွၼ်ႈသပ်းလႅင်း - ၶေႃႈၵႂၢမ်းလဵၵ်ႉၼွႆႉသၢမ်ၶေႃႈ၊ ဢၼ်ဝႃး - “ၶေႃႈၶၢၼ်ပၢၵ်ႇ တႅမ်ႈၾၢၵ်ႇတၢင်တူဝ် သဵင်ႁူဝ်ၸႂ်ၵူၼ်းမိူင်း” ၊ ပေႃႈမႄႈပီႈၼွင်ႉၵူၼ်းမိူင်း ၵမ်ႈၽွင်ႈ လႅပ်ႈတေဢမ်ႇပေႃးၶဝ်ႈၸႂ်ႁိုဝ်ဢမ်ႇႁူႉ။ ၵွပ်ႈဝႃႈ ၵမ်ႈၽွင်ႈၼႆႉ တူၺ်းလိၵ်ႈသေလၢႆလၢႆ ဢမ်ႇပွင်ႇၸႂ်ၼိူဝ်ၵႂၢမ်းလဵၵ်ႉၼွႆႉ။ ႁဝ်းပႃးၵၼ်ႁဵတ်းႁၵ်ႉၸွႆႈထႅမ်ၵမ်ႉၵႅမ် ၵႄႈတွပ်ႇလၢတ်ႈမွၵ်ႇပိုတ်ႇပၢင်ႇ ၸွမ်းၼင်ႇ...

ၽွင်းတပ်ႉသိုၵ်းမၢၼ်ႈ လုမ်ႈတိုၵ်းတွင်းၶမ်းယူႇၼၼ်ႉ လူၺ်းယေႇဢူး ၽူႈၶၢၼ်ပၢၵ်ႇ TNLA တွပ်ႇလၢတ်ႈတီႈသိုဝ်ႇၶၢဝ်ႇၵႂႃႇ “ၼွင်ၶဵဝ်ၼႆႉ ႁဵတ်းႁိုဝ်ၵေႃႈ တေဢမ်ႇႁႂ်ႈလႆႈပွႆႇပၼ် ၶိုၼ်းၼႂ်းမိုဝ်း SAC” ဝႃႈၼႆ။ မိူဝ်ႈလဵဝ် ႁိုင်ၵႂႃႇထႅင်ႈဝူင်ႈ ႞ ယဝ်ႉသေ ငဝ်းလၢႆးၵေႃႈ လႅၵ်ႈလၢႆႈမႃးတင်းၼမ်၊ ၾၢႆႇတပ်ႉသိုၵ်းမၢၼ်ႈၼႆႉ ၵွႆႈယူႇၵွႆႈၽိုတ်ႉၸမ်ၶွပ်ႇဝဵင်းမႃးတိၵ်းတိၵ်းလႄႈ ၵူၼ်းမိူင်းၵေႃႈ လႆႈဢွၼ်ငိူင်ႉဝႄႈ ၶၢႆႉယၢင်ႇပၢႆႈဢွၵ်ႇ ဝဵင်းယူႇဢမ်ႇထၢတ်ႇ။ ၼွၵ်ႈလိူဝ်...

ၼႂ်းပီ 2024 ပူၼ်ႉမႃးၼႆႉ လိူင်ႈလၵ်ႉၸူၼ်ၶႃႈႁႅမ်ၵၼ်တၢႆ ၼႂ်းမိူင်းႁူမ်ႈတုမ်မၢၼ်ႈ ပတ်းပိုၼ်ႉ မီးႁိမ်းၸမ် 1,000 ၵမ်း၊ ၵမ်ႈၼမ် ပဵၼ်ၼႂ်းတိူင်းဢေႇရႃႇဝတီႇ၊ တိူင်းတႃႈၵုင်ႈ၊ တိူင်းဝဵင်းလိူဝ်ႇလႄႈ တိူင်းပႃႇၵိူဝ်။ ၼႂ်းလိူင်ႈလၵ်ႉၸူၼ် ၶႃႈႁႅမ်ၵၼ်တၢႆ တင်းမူတ်းမီး 967 ၵမ်းၼၼ်ႉ ပဵၼ်တီႈၼႂ်း တိူင်းဢေႇရႃႇဝတီႇ 179 ၵမ်း၊ တိူင်းတႃႈၵုင်ႈ 151...

ၼႂ်းဝၼ်းတီႈ 09/07/2025 ပူၼ်ႉမႃးၼႆႉ ၶူဝ်ၵၢႆႇၶၢမ်ႈမႄႈၼမ်ႉ လင်ၼိုင်ႈ ၼႂ်းမိူင်းဢိၼ်ႊတီႊယိူဝ်ႊ ပွတ်းတူၵ်း ႁၵ်းတူၵ်းၵႂႃႇလႄႈ မီးၵူၼ်းလူႉတၢႆ ဢမ်ႇယွမ်း 9 ၵေႃႉ ဝႃႈၼႆ။ လွင်ႈၼႆႉ ပဵၼ်ၵႂႃႇတီႈထုင်ႉပႃႇတူဝ်ႇတႃႇရႃႇ၊ ၼႂ်းၸႄႈတွၼ်ႈၵူႇၵျႃႇရႅတ်ႉ၊ မိူင်းဢိၼ်ႊတီႊယိူဝ်ႊ။ ပူၼ်ႉမႃးလၢႆဝၼ်းၼႆႉၵေႃႈ ၾူၼ်တူၵ်းဝႆႉႁၢဝ်ႈႁႅင်း မိူၼ်ၵၼ်။ မိူဝ်ႈၽွင်းၶူဝ်ႁၵ်းၵႂႃႇၼၼ်ႉ ရူတ်ႉၵႃး ဢၼ်တိုၵ်ႉလတ်းၶၢမ်ႈၵႂႃႇမႃးတီႈၼိူဝ်ၶူဝ် ယၢတ်ႇတူၵ်းလူင်း ၵႂႃႇၼႂ်းၼမ်ႉတင်းၼမ်၊ လႆႈၸွႆႈထႅမ်ၵူၼ်းဝႆႉ...

ဝဵင်းလႃႈသဵဝ်ႈၼႆႉ ပဵၼ်ငဝ်ႈဝဵင်းလူင် မိူင်းတႆးပွတ်းႁွင်ႇသေ ၵူၼ်းမိူင်းႁဵတ်းၵၢၼ်ၵႃႉငၢႆႈၶၢႆလီမႃး။ တင်ႈတႄႇသိုၵ်းမၢၼ်ႈယိုတ်းဢႃႇၼႃႇ ဝၢၼ်ႈမိူင်း ၸုမ်းသိုၵ်းၸၢဝ်းၶိူဝ်း ၽႅၼ်ယၼ်ႇသိုၵ်းသေ ပိုတ်ႇပၢင်တိုၵ်းယိုဝ်းသိုၵ်းမၢၼ်ႈ လိုပ်ႈဢွၵ်ႇဝဵင်းလၢႆလၢႆတီႈ ယဝ်ႉ ၵူၼ်းမိူင်းၸိူဝ်းယူႇၼႂ်းပိုၼ်ႉတီႈ ၸႄႈဝဵင်းမိူင်းတႆးပွတ်းႁွင်ႇၵမ်ႈၼမ်ၵေႃႈ သုမ်းတိုဝ်ႉတၢင်းသုၼ်ႇလႆႈၵၢၼ်ၵႃႉၶၢႆ၊ သုမ်းသုၼ်ႇ လႆႈၵူၼ်းမႃးၼမ်ႁႅင်းတေႉတေႉ။ ယၢမ်းလဵဝ် ၼႂ်းဝဵင်းလႃႈသဵဝ်ႈၼႆႉ မီးၶၢဝ်ႇႁူင်လိုဝ်းဝႃႈ သိုၵ်းမၢၼ်ႈၽိူမ်ႉႁႅင်းသိုၵ်း လႄႈ ၶိူင်ႈၵွင်ႈလူင် ဢိၵ်ႇပႃး ၵႃးတႅင်ႉ၊ ၵႃးၵၢပ်ႇလဵၵ်း...

ၼႂ်းၶၢဝ်းတၢင်းလိူၼ်ၵျုၼ်ႊ လိူၼ်လဵဝ်ၵူၺ်း ၼၢင်းယိင်းလူႉတၢႆ ယွၼ်ႉသိုၵ်းမၢၼ်ႈ ယိုဝ်းတိုၵ်းသေ လူႉတၢႆၵႂႃႇ 34 ၵေႃႉၼႆ - ၸုမ်းၼၢင်းယိင်း BWU ၵဵပ်းၶေႃႈမုလ်း ႁၢႆးငၢၼ်းဢွၵ်ႇမႃး ၼႂ်းဝၼ်းတီႈ 10/07/2025 ၼႆႉၼင်ႇၼႆ။ ၼႂ်းလိူၼ်ၵျုၼ်ႊပူၼ်ႉမႃးၼႆႉ ယွၼ်ႉသိုၵ်းမၢၼ်ႈ ၸႂ်ႉႁိူဝ်းမိၼ်ပွႆႇမၢၵ်ႇ၊ ၸႂ်ႉၶိူင်ႈၵွင်ႈလူင်ယိုဝ်း၊ တီႉၺွပ်းၶႃႈတၢႆ၊ မၢင်ၵေႃႉသမ်ႉ ၽႃႇၺႃးမၢၵ်ႇမႅင်းၾင်လိၼ်သေ ၵူၼ်းမိူင်းလူႉတၢႆၵႂႃႇ 34...

ဝၼ်းတီႈ 09/07/2025 ၼႆႉ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ တႅမ်ႈလိၵ်ႈတုမ်ႉတွပ်ႇသူင်ႇထိုင် တီႈလူင်ပွင်ၸိုင်ႈမိူင်းဢမေႊရိၵၼ်ႊ ၸွမ်ၸိုင်ႈ ၻူဝ်ႊၼေႃႊ ထရမ်ႉဝႃႈ ႁႂ်ႈလူတ်းပၼ်ၶွၼ်ႇၵႃႉၶၢႆၵုၼ်ႇ တီႈမိူင်းမၢၼ်ႈ တႃႇ 10 ဝၢၵ်ႈ (%) ဢမ်ႇၼၼ် 20 ဝၢၵ်ႈ (%) သေ ၾၢႆႇမိူင်းႁူမ်ႈတုမ် (မိူင်းမၢၼ်ႈ) မီးၵၢင်ၸႂ်ၶႂ်ႈသူင်ႇတူဝ်တႅၼ်း...

ႁူဝ်လိူၼ်ၵျူႊလၢႆႊ ဝၼ်းတီႈ 2 ၼႆႉမႃး သိုၵ်းမၢၼ်ႈ သူင်ႇလိၵ်ႈၸူး ၵူၼ်းမိူင်းၸိူဝ်းယူႇၶၢင်ႈတၢင်းရူတ်ႉၾႆး ဢၼ်မီးၼႂ်းပွၵ်ႉၽႃမူၼ်း- တူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ  ဝႃႈပဵၼ်လႅၼ်လိၼ် တႃႈရူတ်ႉၾႆးၼႆသေ ၸႂ်ႉၶၢႆႉပၢႆႈတႃႇလင်ႁိူၼ်း ၸမ် 100  ႁႂ်ႈၶၢႆႉယဝ်ႉၼႂ်းၶၢဝ်းတၢင်း 15 ဝၼ်း  ဝႃႈၼႆ ။  ႁိူၼ်းဢၼ် ဢမ်ႇလွတ်ႈတင်းသဵၼ်ႈတၢင်းရူတ်ႉၾႆးၼၼ်ႉ မီးၸမ် 100 လင်။...

ဝၢႆးလင် သိုၵ်းမၢၼ်ႈ ပိုၼ်ၽၢဝ်ႇ  ယိုတ်းဢဝ်လႆႈၶိုၼ်း မိူင်းပၢႆးယဝ်ႉသိုၵ်းမၢၼ်ႈ ထႅမ်ႁႅင်းထူဝ်းသိုၵ်းၶဝ်မႃးထႅင်ႈ ၾၢႆႇဢွၵ်ႇဝဵင်းၾၢႆၶုၼ်ႇလႄႈ ႁဵတ်းႁႂ်ႈ သိုၵ်းမၢၼ်ႈတင်း ၸုမ်းသိုၵ်းလုၵ်ႉၽိုၼ်ႉမိူင်းယၢင်းလႅင် သိုပ်ႇပဵၼ်ပၢင်တိုၵ်းၵၼ် ႁၢဝ်ႈႁႅင်း ၼိူဝ်သဵၼ်ႈတၢင်းလူင် မိူင်းပၢႆး – လွႆၶေႃ လႅၼ်လိၼ်တႆး-ယၢင်းလႅင်   ။ တပ်ႉသိုၵ်းၸိူဝ်ႉၸၢတ်ႈၵယၢၼ်း (KNA)  တႄႉပိုၼ်ၽၢဝ်ႇလၢတ်ႈဝႆႉဝႃႈ ယၢမ်းလဵဝ် ပၢင်တိုၵ်းသိုပ်ႇပဵၼ်ႁၢဝ်ႈႁႅင်းဝႆႉတီႈ ၼိူဝ်သဵၼ်ႈတၢင်းလူင် လွႆၶေႃ...

ၼႂ်းတွၼ်ႈပႂ်ႉပႃးႁၵ်ႉသႃၸိူဝ်ႉၸၢတ်ႈၸဝ်ႈၵဝ်ႇၼၼ်ႉ မီးလၢႆၶၵ်ႉတွၼ်ႈယူႇ မိူၼ်ၼင်ႇ ၵၢၼ်မိူင်း၊ ၵၢၼ်သိုၵ်း၊ ၵၢၼ်ၵူၼ်း ၼႆၸိူဝ်းၼႆႉ။ ၼႂ်းၵၢၼ်ၵူၼ်းၼၼ်ႉ ပႃးၾိင်ႈငႄႈၾိင်ႈထုင်း လိၵ်ႈလၢႆးၵႂၢမ်းလၢတ်ႈ ၸဵမ်ၸိူဝ်းၼႆႉထႅင်ႈ။ ယွၼ်ႉၼၼ် သင်ဝႃႈ ၵူဝ်ၸိူဝ်ႉၸၢတ်ႈၸဝ်ႈၵဝ်ႇမွတ်ႇၸူမ်ႁၢႆဝၢႆးၵႂႃႇၼႆၸိုင် ၾိင်ႈငႄႈၾိင်ႈထုင်းၵေႃႈ တေပွႆႇၽႃႈပႅတ်ႈဢမ်ႇလႆႈ။ မၼ်းပဵၼ်ၶၵ်ႉတွၼ်ႈဢၼ်ၼိုင်ႈ ဢၼ်သိုပ်ႇသၢႆၶိူဝ်းၵႂႃႇလႆႈယိုၼ်းယၢဝ်း ၶၢဝ်းႁိုင်။ ၽူႈႁၵ်ႉၼိူဝ်ၸိူဝ်ႉၸၢတ်ႈဝၢၼ်ႈမိူင်းၶဝ် ယၢမ်ႈလၢတ်ႈဝႆႉဝႃႈ တီႈလႂ်တီႈမီးလူမ်းယဵၼ် တီႈၼၼ်ႈ တေလႆႈမီးသဵင်ၵႂၢမ်းတႆး၊ တီႈလႂ် ဢၼ်မီးၼမ်ႉမီးလိၼ်မီးႁိၼ်မီးသၢႆးၼၼ်ႉ...

မိူဝ်ႈၼႆႉ ဝၼ်းတီႈ 11/07/2025 ယၢမ်းၵၢင်ၼႂ် 8 မူင်းၶိုင်ႈ ၽူႈတႅၼ်းသၽႃးၵူၼ်းမိူင်း ပႃႇတီႇသၢင်ႇသီႈ USDP ၺႃးၸုမ်းဢမ်ႇႁူႉၾၢႆႇ ယိုဝ်းတၢႆထင်တီႈ ၽွင်းမၼ်းၸၢႆးၵႂႃႇသူၼ် ၾၢႆႇႁွင်ႇဝဵင်းမွၵ်ႇမႆႇ ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း။ ၵေႃႉၺႃးယိုဝ်းတၢႆၼႆႉ ၸိုဝ်ႈႁွင်ႉ လုင်းၸၢႆးငဝ်းသႅင်ႁိူင်း ဢႃယုမွၵ်ႈ 62 ပီ ပဵၼ်ႁူဝ်ပဝ်ႈ ပႃႇတီႇသၢင်ႇသီႈ ၼႂ်းၸႄႈဝဵင်းမွၵ်ႇမႆႇ ။...