ဝၼ်းၸိူဝ်ႉၸၢတ်ႈၸိုင်ႈတႆးဝၼ်းမိူဝ်ႈၼႆႉ  ၸုမ်းသိုၵ်းမၢၼ်ႈ ယိုတ်းဢႃႇၼႃႇဝၢၼ်ႈမိူင်း ၵမ်းထူၼ်ႈသၢမ် ၶွပ်ႈတဵမ် 7 ဝၼ်း။ ၵမ်ႈၽွင်ႈဢၼ်တေဝႃႈ ၼႆႉပဵၼ် ၵၢၼ်မိူင်း ဢၼ် ၽူႈၼမ်းမၢၼ်ႈ တေႃႇ ၽူႈၼမ်းမၢၼ်ႈ ႁိမ်ဢႃႇၼႃႇၵၼ် ဢမ်ႇ ၵဵဝ်ႇၵပ်းႁဝ်း ၼႆ တေမီးယူႇတင်းၼမ်။ ဝၼ်းဢၼ်သိုၵ်းမၢၼ်ႈ ယိုတ်းဢႃႇၼႃႇ မိူဝ်ႈဝၼ်းတီႈ 01/02/2021 ၼၼ်ႉ သၼ်ယၢၼ်း...

လိူၼ်ၾႅပ်ႊၿိဝ်ႊရီႊ ဝၼ်းတီႈ 1 ပူၼ်ႉမႃးၼႆႉ တပ်ႉမတေႃႇသိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်းသေယဝ်ႉ ႁဵတ်းႁႂ်ႈ ဝၢၼ်ႈမိူင်းၼႆႉ ယုင်ႈယၢင်ႈၵႂင်ၵႃးၵႂႃႇမူတ်း ႁၢၼ်ႉတေႃႇထိုင်ဝၼ်းမိူဝ်ႈၼႆႉ လွင်ႈသၢၼ်ၶတ်းမေႃးမေးၸွမ်းပွၵ်ႉ ၸွမ်းယွမ်ႇ ၸွမ်းၼႂ်းဝဵင်းၵေႃႈ ယိုင်ႈၶိုၼ်ႈမႃးတိၵ်းတိၵ်း။ မိူၼ်ၸိူင်ႉၼင်ႇ တီႈတၢင်းမိူင်းယၼ်ႇၵုင်ႇၼၼ်ႉ လွင်ႈသၢၼ်ၶတ်းတပ်ႉမတေႃႇသိုၵ်းမၢၼ်ႈ ယိုတ်းဢႃႇၼႃႇၼႆႉ ဢဝ် ၸဵမ်မႄႈလုၵ်ႈဢွၼ်ႇ၊ မႄႈၸဝ်ႈႁိူၼ်း တေႃႇထိုင် သင်ၶၸဝ်ႈရႁၢၼ်း တင်းမူတ်းတင်းသဵင်ႈဢွၼ်ၵၼ်သၢၼ်ၶတ်း ။...

ၽွင်းၶၢဝ်းၵူၼ်းမိူင်း လုၵ်ႉႁိုၼ်ႇသၢၼ်ၶတ်း သိုၵ်းမၢၼ်ႈယိုတ်းဢႃႇၼႃႇဝၢၼ်ႈမိူင်း ၊ တုၵ်းယွၼ်းပွႆႇတူဝ် ဢွင်ႇသၢၼ်းၸူႉၵျီႇၶိုၼ်း ၼႆယူႇတီႈဝဵင်းလူင်တႃႈၵုင်ႈ တူၼ်ႈတီး ဝဵင်းလိူဝ်ႇ ၸိူဝ်းၼႆႉ ၶမ်ႈၼႆႉမီးၶၢဝ်ႇပွမ်ဢွၵ်ႇမႃးဝႃႈသိုၵ်းမၢၼ်ႈ ပွႆႇတူဝ်တေႃႇဢွင်ႇသၢၼ်းၸူႉၵျီႇဝႃႈၼႆ။ ဝၼ်းတီႈ 6/2/2021 မိူဝ်ႈၼႆႉၵၢင်ၼႂ် ၵူၼ်းမိူင်းၼႄၵၢင်ၸႂ်တီႈဝဵင်းယႂ်ႇဝဵင်းလူင်လၢႆလၢႆဝဵင်းဢမ်ႇႁိုင်မွၵ်ႈ ၸူဝ်ႈမူင်း သိုၵ်းမၢၼ်ႈတတ်းၶၢတ်ႇၼႅင်ႈသၢၼ်ဢိၼ်ႊထိူဝ်ႊၼႅတ်ႉပႃးၸဵမ် သၢႆၾူၼ်း။ ဢမ်ႇၸၢင်ႈတိတ်းတေႃႇသိုဝ်ႇ သၢၼ်ၵၼ်။ ၶၢဝ်ႇငၢဝ်းၵူၼ်းၼႄၵၢင်ၸႂ်ၵေႃႈဢမ်ႇၸၢင်ႈပိုၼ်ၽႄႈၼေၵူၼ်းလုမ်ႈၾႃႉလႆႈႁၼ်သင်။ ဢၢႆႈၼွင်ႉ ၵူၼ်းတူၼ်ႈတီးသိုပ်ႇၾူၼ်းတွင်ႈထၢမ်မႃးတီႈၽူႈတွႆႇႁွၵ်ႈဝႃႈ - ဢမ်ႇမီးဢိၼ်ႊထိူဝ်ႊၼႅတ်ႉလႄႈႁဝ်းၶႃႈဢမ်ႇလႆႈႁူႉၶၢဝ်ႇ...

ထႅဝ်ၵႃးတၢင်ႇၵူၼ်း ၺႃးၸုမ်းယိပ်းၵွင်ႈၸုမ်းၼိုင်ႈပႂ်ႉယိုဝ်းၼႂ်းၵႄႈ သႅၼ်ဝီ လႄႈၵုၼ်လူင် ၸိုင်ႈတႆးပွတ်းႁွင်ႇ ၵူၼ်းမိူင်းတၢႆ 6 ၵေႃႉ မၢတ်ႇၸဵပ်း 1 ၵေႃႉ ။  မိူဝ်ႈၼႆႉဝၼ်းတီႈ 5/2/2020 ယၢမ်းၵၢင်ဝၢႆးဝၼ်းမွၵ်ႈ 2 မူင်း  မီးလွင်ႈပိုတ်းယိုဝ်းထႅဝ်ၵႃး ၼႂ်းၵႄႈဝၢၼ်ႈၼႃးတီးလႄႈဝၢၼ်ႈၼမ်ႉၸလၢပ်ႈ ၸႄႈဝဵင်းသႅၼ်ဝီ ၸိုင်ႈတႆးပွတ်းႁွင်ႇ ။ ၵူၼ်းမိူင်းမၢတ်ႇၸဵပ်းလူႉတၢႆၼမ် ပႃးၼၢင်းယိင်းၵေႃႉၼိုင်ႈ။ ၵူၼ်းၼမ်ႉၸလၢပ်ႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ -...

ၽူႈတႅၼ်းသၽႃး ပႃႇတီႇၼူၵ်ႉယုင်း NLD ၸိူဝ်းဢွင်ႇပေႉပၢင်လိူၵ်ႈ2020 သေ ႁွတ်ႈထိုင်ဝႆႉတီႈၼေႇပျီႇတေႃႇ မွၵ်ႈ 70 ပၢႆ ၸတ်းပၢင်ၵုမ်သၽႃးႁင်းၵူၺ်း သၢၼ်ၶတ်းသိုၵ်းယိုတ်းဢႃႇၼႃႇဝၢၼ်ႈမိူင်း။ ဝၼ်းတီႈ 4/2/2021 ၼႆႉ ၽူႈတႅၼ်းသၽႃး ပႃႇတီႇၼူၵ်ႉယုင်း NLD ၸိူဝ်းၺႃး သိုၵ်းယိုတ်းဢႃႇၼႃႇၵုမ်းၶင်ဝႆႉသေ ပႆႇၸၢင်ႈပွၵ်ႈႁိူၼ်းၶိုၼ်းၼၼ်ႉ ႁွင်ႉၵၼ်ႁဵတ်းပၢင်ၵုမ်သၽႃး၊ ၵၢဝ်ႇၵိၼ်ႇႁပ်ႉပဵၼ်ၽူႈတႅၼ်းၽွင်းႁင်းၵူၺ်း တီႈႁူင်းသဝ်း ၸီႇပိၼ်ႇဢႄႉယဵၵ်ႉတႃႇ ၼေႇပျီႇတေႃႇ။ တေႃႇၽိဝ်ႇၽိဝ်ႇတိၼ်း...

ၸုမ်းယိပ်းၵွင်ႈၸုမ်းၼိုင်ႈပႂ်ႉၵဵပ်းၶွၼ်ႇၼိူဝ်သဵၼ်ႈတၢင်း လႃႈသဵဝ်ႈ-မူႇၸေႊ ၸဝ်ႈရူတ်ႉၸဝ်ႈၵႃးထူပ်းတၢင်းယၢပ်ႇၽိုတ်ႇ။ တင်ႈဢဝ်ဝၼ်းတီႈ 2/2/2021 ၼႆႉမႃး မီးၸုပ်းယိပ်းၵွင်ႈၸုမ်းၼိုင်ႈ   ပႂ်ႉၵဵပ်းၶွၼ်ႇ ၼႂ်းၵႄႈဝၢၼ်ႈ တႃႈလူင် - ၼမ်ႉၽၵ်းၵႃ ၼိူဝ်သဵၼ်ႈတၢင်းလူင် လႃႈသဵဝ်ႈ - မူႇၸေႊ ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။   ပႂ်ႉၵဵပ်းၶွၼ်ႇတီႈၸဝ်ႈရူတ်ႉၵႃးလူင်ၵႂႃႇမႃး 24 ၸူဝ်ႈမူင်း ဝႃႈၼႆ။ ၸဝ်ႈၵႃးလူင် ၵေႃႉၼိုင်ႈ ဢၼ်လႅၼ်ႈသၢႆလႃႈသဵဝ်ႈ-မူႇၸေႊ လၢတ်ႈဝႃႈ...

ၸိူင်ႉၼင်ႇ ဝဵင်းယႂ်ႇဝဵင်းလူင် လၢႆလၢႆဝဵင်း တွႆႇမေႃႇ တွႆႇၵၢၵ်ႇ ၼႄၵၢင်ၸႂ် ဢမ်ႇၽွမ်ႉၸွမ်း ဢၼ်ၸုမ်းသိုၵ်းမၢၼ်ႈ  ယိုတ်းဢႃႇၼႃႇၸိုင်ႈမိူင်းၼၼ်ႉ ၵူၼ်းမိူင်းၸိူဝ်း ၵမ်ၼမ် ဢမ်ႇၽွမ်ႉၸွမ်း တွႆႇမေႃႈတွႆႇဢၢင်ႇ ၼႄၵၢင်ၸႂ် ၸွမ်းလူၺ်ႈလၢႆးၵတ်းယဵၼ်။ ဝၼ်းတီႈ 4/2/2021 ယၢမ်းၵၢင်ၶမ်ႈ 8 မူင်း ၵူၼ်းမိူင်း ၼႂ်းၸႄႈဝဵင်းတႃႈၶီႈလဵၵ်း၊ တူၼ်ႈတီး၊ လႃႈသဵဝ်ႈ၊ မူႇၸေႊ...

ၵူၼ်းထႆး ႁိမ်း 100 ပႃး ၵူၼ်းမိူင်းမၢၼ်ႈ ၵမ်ႈၽွင်ႈ ၶွၼ်ႈႁႅင်းၵၼ် ၵႂႃႇၼႄၵၢင်ၸႂ် တီႈလုမ်းတၢင် မိူင်းမၢၼ်ႈ ဢၼ်ပၵ်းတီႈဝဵင်းၵဵင်းမႆႇ မိူင်းထႆးတွၼ်ႈၼိူဝ်။ မိူဝ်ႈၼႆႉ ဝၼ်းတီႈ 4/2/2021 ယၢမ်းၵၢင်ၶမ်ႈ 8 မူင်း ၵူၼ်းၼုမ်ႇထႆး၊ လုၵ်ႈႁဵၼ်းၸၼ်ႉၸွမ် ၊ ၶူးပူင်သွၼ် ၸၼ်ႉၸွမ်ၵဵင်းမႆႇ ႁူဝ်ၵူၼ်း ႁိမ်း...

တႅင်တမ်ႇပူႇ ႁိုဝ် တႅင်ၾၢင် ဢၼ်လုၵ်ႉတၢင်းမိူင်းတႆး မိူင်းမၢၼ်ႈ တေႃႉသူင်ႇဢွၵ်ႇၶၢႆ တၢင်းမိူင်းၶႄႇၼၼ်ႉ တၢင်းမိူင်းၶႄႇ ဢမ်ႇပေႃးႁပ်ႉသိုဝ်ႉလႄႈ ႁဵတ်းႁႂ်ႈ ၶၼ်တႅင်လူတ်းယွမ်းလူင်း လိူဝ်ၵဝ်ႇတႄႉတႄႉ ဝႃႈၼႆ။  ယၢမ်းလဵဝ် ၸမ်ပီမႂ်ႇၶႄႇ ၵူၼ်းမိူင်းၶႄႇ ဢၼ်မႃးႁဵတ်းၵၢၼ်ပၢႆးမၢၵ်ႈမီး ႁပ်ႉသိုဝ်ႉမၢၵ်ႇမႆႉ ၸွမ်းလႅၼ်လိၼ်တႆး - ၶႄႇၼၼ်ႉ ၵမ်ႈၼမ် ပွၵ်ႈၶိုၼ်းႁိူၼ်းယေးၽႂ်မၼ်းၽွင်းၶၢဝ်းပီမႂ်ႇ၊ ၵၢၼ်ၵႃႉၶၢႆတႅင် ဢမ်ႇပေႃးပဵၼ်ၵၢၼ်...

သိုၵ်းမၢၼ်ႈ ယိုတ်းၸိုင်ႈမိူင်းမႃး ၶၢဝ်းတၢင်း 3 ဝၼ်း မိူဝ်ႈၼႆႉ Facebook ဢၼ်ၵူၼ်းမိူင်းၸႂ်ႉယူႇၼၼ်ႉ တႄႇၺႃးႁႅတ်ႉတတ်း လႄႈ ၵူၼ်းမိူင်း ၵမ်ႈၽွင်ႈ လိမ်ႇၸႂ်ႉ VPN ပဵၼ်ၼႅင်ႈလတ်းသေ သိုပ်ႇၸႂ်ႉ Facebook တင်း App Messenger  ။ ဝၼ်းတီႈ 3/2/2021 ယူႇတီႈႁွင်ႈၵၢၼ်ၽွင်းလူင် ၾၢႆႇတိတ်းတေႃႇလႄႈ...

SSPP ၸတ်းႁဵတ်းပၢင်ၵုမ်ႁူဝ်ႁုပ်ႈပီ တီႈငဝ်ႈငုၼ်းဝၢၼ်ႈႁႆး တႅပ်းတတ်းၽႅၼ်ၵၢၼ်တေႁဵတ်းသၢင်ႈလွင်ႈ ၵေႃႇသၢင်ႈလွင်ႈၽွမ်ႉႁူမ်ႈၸိူဝ်ႉၸၢတ်ႈၸၢဝ်းၶိူဝ်းၼႂ်းမိူင်းတႆး လႄႈ ၵေႃႇသၢင်ႈမိူင်းႁူမ်ႈတုမ် ၾႅတ်ႊၻရႄႊၸႅတ်ႈၸၢင်ႇ။ ဝၼ်းတီႈ 31/1/2021  ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး SSPP/SSA ဢွၵ်ႇလိၵ်ႈပိုၼ်ၽၢဝ်ႇ ဢၼ်လႆႈတႅပ်းတတ်းလႆႈၸႂ်ၵၼ်ၼႂ်းပၢင်ၵုမ်လူင်ႁူဝ်ႁုပ်ႈပီ ။ ၶေႃႈပိုၼ်ၽၢဝ်ႇပႃးဝႆႉ ၽႅၼ်ၵၢၼ် မိူဝ်းၼႃႈ 4 ၶေႃႈ။   “SSPP တေၵေႃႇသၢင်ႈလွင်ႈၽွမ်ႉ ႁူမ်ႈၸိူဝ်ႉၸၢတ်ႈၸၢဝ်းၶိူဝ်း ၼႂ်းၸိုင်ႈ တႆး၊...

ဝၼ်းတီႈ 3/2/2021 မိူဝ်ႈၼႆႉ ၾၢႆႇလူင်ပွင်ၸိုင်ႈသိုၵ်းယိုတ်းဢမ်းၼၢတ်ႈ ဢဝ်လိူင်ႈၸွႆးတြႃးၽူႈၵိူဝ်းၵုမ်ၸိုင်ႈမိူင်း တေႃႇဢွင်ႇသၢၼ်းၸူႉၵျီႇလႄႈ ၸွမ်ၸိုင်ႈဢူးဝိၼ်းမျိၼ်ႉတီႈလုမ်းတြႃး သပူႇသီႇရိ ၼေႇပျီႇတေႃႇ ။ ၽူႈဢဝ်လိူင်ႈၸွႆႈတြႃးတေႃႇဢွင်ႇသၢၼ်းၸူႉၵျီႇပဵၼ် ပလိၵ်ႈၾၢႆႇၶၢဝ်ႇ ၸွမ်ႁၢၼ် ၵျီႇလိၼ်ႇ ။ ၾၢႆႇလုမ်း ငဝ်ႈငုၼ်း NLD ပိုၼ်ၽၢဝ်ႇလိၵ်ႈဢၼ်ဢဝ်လိူင်ႈၽူႈၵိူဝ်းၵုမ်ၸိုင်ႈမိူင်းၼၼ်ႉ ပႃးဝႆႉဝႃႈ ဝၼ်းတီႈ 1/2/2021 ယၢမ်းၵၢင်ၸႂ် 6 မူင်းၶိုင်ႈ ၸဝ်ႈႁၢၼ်...

ပႃႇတီႇႁူဝ်သိူဝ် SNLD ပိုၼ်ၽၢဝ်ႇသၢၼ်ၶတ်းလွင်ႈသိုၵ်းယိုတ်းဢမ်းၼၢတ်ႈဝၢၼ်ႈမိူင်းသေ တုၵ်းယွၼ်း 3 ၶေႃႈ တိုၵ်းသူၼ်းႁႂ်ႈ ယွမ်းႁပ်ႉ ၽွၼ်းၵၢၼ်လိူၵ်ႈတင်ႈဢၼ်ဢဝ်ၵၢင်ၸႂ်ၵူၼ်းမိူင်းဢၼ်မၢၼ်ႇမႅၼ်ႈမႃးၼၼ်ႉ - ဝႃႈၼႆ။   ၼႂ်းလိၵ်ႈပိုၼ် ၽၢဝ်ႇပႃႇတီႇႁူဝ်သိူဝ် ဢၼ်ဢွၵ်ႇမႃးမိူဝ်ႈၼႆႉ ဝၼ်းတီႈ 3/2/2021 ၼၼ်ႉ ပႃးဝႆႉဝႃႈ လွင်ႈသိုၵ်းယိုတ်းဢမ်းၼၢတ်ႈဝၢၼ်ႈမိူင်းၼႆႉမၼ်းပိူင်ႈႁွႆႈၵၼ်ဝႆႉတင်း မိူင်းႁူမ်ႈတုမ်ဢၼ်ပႃႇတီႇႁူဝ်သိူဝ်မုင်ႈမွင်းဝႆႉ မၼ်းဢမ်ႇမႅၼ်ႈတင်း လၵ်းၸဵင်တီႇမူဝ်ႇၶရေႇသီႇ ဢၼ်ပႃႇတီႇႁူဝ်သိူဝ်ယိပ်းတိုဝ်းလႄႈ မၼ်းပိူင်ႈၵၼ်တင်းမူႇပိူင်ဢၼ်ပႃႇတီႇႁူဝ်သိူဝ်တိုဝ်းၵမ်ဝႃႈ...

ၽူႈတႅၼ်းသၽႃး ၸိူဝ်းဢွင်ႇပေႉပၢင်လိူၵ်ႈတင်ႈ  2020 သေႁွတ်ႈၽႅဝ်ဝႆႉ တီႈၼေႇပျီႇတေႃႇၼၼ်ႉ ဝၢႆးလင်ၺႃးၵုမ်းၵၵ်းတူဝ်တဵမ် 3 ဝၼ်းမိူဝ်ႈၼႆႉ  လူင်ပွင်ၸိုင်ႈသိုၵ်း ပွႆႇပၼ် ၶိုၼ်းပွၵ်ႈႁိူၼ်းယေးၽႂ်မၼ်း ဝႃႈၼႆ။   မိူဝ်ႈဝၼ်းတီႈ 3/2/2021    ၽူႈတႅၼ်းသၽႃး ၵူၼ်းမိူင်း၊ ၽူႈတႅၼ်းသၽႃးမိူင်းႁူမ်ႈ တုမ် ဢၼ်ႁွတ်ႈၽႅဝ်ဝႆႉတီႈၼေႇပျီႇတေႃႇၼၼ်ႉ လူင်ပွင်ၸိုင်ႈသိုၵ်း ႁႂ်ႈႁၢင်ႈႁႅၼ်းပွၵ်ႈၶိုၼ်းတီႈႁိူၼ်းယေး ဢွင်ႈတီႈယူႇၽႂ်မၼ်းလႆႈယဝ်ႉ  ၼႂ်းၶၢဝ်းတၢင်း 24 ၸူဝ်ႈမူင်း။ ၸၢႆးမျိၼ်ႉဢွင်ႇ...

ၵႃးတၢင်ႇၶဝ်ႈၵၢပ်ႇ လမ်းၼိုင်ႈ ပိၼ်ႈၶႂမ်ႈတူၵ်းႁွင်ႈ ၼႂ်းၸႄႈဝဵင်းၵျွၵ်ႉမႄး မီးၵူၼ်းလူႉတၢႆ ထင်တီႈ 3 ၵေႃႉ မၢတ်ႇၸဵပ်း 2 ၵေႃႉ  ။ မိူဝ်ႈၼႆႉ ဝၼ်းတီႈ 3/2/2021 ယၢမ်းၵၢင်ၼႂ် 9 မူင်း ၵႃးတၢင်ႇၶဝ်ႈၵၢပ်ႇ ပိၼ်ႈၶႂမ်ႈ တူၵ်းႁွင်ႈ တီႈလုၵ်းမေႃႇၶၢၼ် ၼႂ်းၵႄႈ ဝၢၼ်ႈၼမ်ႉႁၢင်ႈၶိူင်ႈလႄႈ ဝၢၼ်ႈႁႆးၵုၺ်...