မိူဝ်ႈၼႆႉ ဝၼ်းတီႈ 2/3/2021 တႄႇဢဝ် ယၢမ်းၵၢင်ၼႂ် 9 မူင်း ထိုင် ဝၢႆးဝၼ်း မွၵ်ႈ 3 မူင်းၼႆႉ ပလိၵ်ႈ/သိုၵ်းမၢၼ်ႈ ၸႂ်ႉဢဵၼ် ႁႅင်းၵူၼ်းတင်းၼမ် ပွႆႇမၢၵ်ႇၵႅတ်ႉသ်ၼမ်ႉတႃ   ယိုဝ်းမၢၵ်ႇၵွင်ႈယၢင် တီႈၼႂ်းပၢင်ၼႄၵၢင်ၸႂ် ၼႂ်းၸႄႈဝဵင်း တူၼ်ႈတီး ၸိုင်ႈတႆးပွတ်းၸၢၼ်း ။ ၵူၼ်းၼုမ်ႇ ဢၼ်ၶဝ်ႈႁူမ်ႈပၢင်ၼႂ်ၵၢင်ၸႂ် ၵေႃႉၼိုင်ႈ...

ပလိၵ်ႈ/ သိုၵ်းမၢၼ်ႈ တီႉၵူၼ်းၼုမ်ႇ တီႈလႃႈသဵဝ်ႈၵႂႃႇထႅင်ႈ ၸၢႆးၵေႃႉၼိုင်ႈ ယိင်းၵေႃႉၼိုင်ႈ ဝႃႈၼႆ။ မိူဝ်ႈၼႆႉ ဝၼ်းတီႈ 2/3/2021 ပလိၵ်ႈ/ သိုၵ်းမၢၼ်ႈ ဢၼ်ပႂ်ႉဝႆႉတီႈၼႃႈၸၼ်ႉၸွမ် ဝဵင်းလႃႈသဵဝ်ႈၼၼ်ႉ ႁႄႉရူတ်ႉၶိူင်းၵူၼ်း ၼုမ်ႇ ၶီႉသွၼ်ႉမႃးၸွမ်းၵၼ် 2 ၵေႃႉၼၼ်ႉ ၵိုတ်းသေ တီႉၺွပ်းၵုမ်းတူဝ်ၵႂႃႇ ပဵၼ်ၽူႈၸၢႆးၵေႃႉၼိုင်ႈလႄႈ ၽူႈယိင်းၵေႃႉၼိုင်ႈ။   ၵူၼ်းၼုမ်ႇ လႃႈသဵဝ်ႈ...

ၵူၼ်းၼုမ်ႇၽႃၵၢၼ်ႉ ၵူႈၸၢဝ်းၶိူဝ်း ၼႂ်းၸႄႈမိူင်းၶၢင် ႁူမ်ႈၵၼ် ဢွၵ်ႇၼႄၵၢင်ၸႂ် သၢၼ်းၶတ်းတေႃႇသိုၵ်းမၢၼ်ႈ ယိုတ်းဢႃႇ ၼႃႇမႃး ဢမ်ႇၶၢတ်ႇဢမ်ႇဝၢႆး ပလိၵ်ႈ/သိုၵ်းမၢၼ်ႈ   ပွႆႇမၢၵ်ႇသႂ်ႇ ၼႂ်းၵႄႈပၢင်ၼႄ ၵၢင်ၸႂ် ဝႃႈၼႆ။ မိူဝ်ႈၼႆႉ ဝၼ်းတီႈ 2/3/2021 တီႈၵၢင်ဝဵင်း ၼႂ်းၸႄႈဝဵင်းၽႃၵၢၼ်ႉ ၸႄႈမိူင်းၶၢင် ပလိၵ်ႈ/သိုၵ်းမၢၼ်ႈ ဢဝ်ဢဵၼ်ႁႅင်း  ၶဝ်ႈယႃႉပၢင်ၼႄၵၢင်ၸႂ်၊  ပွႆႇမၢၵ်ႇသႂ်ႇ ၵူၼ်းမိူင်းထိုင်တီႈယၢႆႈၵၼ်၊...

ၵူၼ်းၼုမ်ႇၼမ်ႉလၼ်ႈ ႁူမ်ႈၵၼ် ယွၼ်းသူး တိူင်ႇၵၢဝ်ႇထိုင် ၽူႈၸိူဝ်းလူႉသဵင်ႈၵႂႃႇ ၼႂ်းပၢင်ၼႄၵၢင်ၸႂ် သၢၼ်ၶတ်းသိုၵ်းမၢၼ်ႈယိုတ်း ဢႃႇၼႃႇ ဝႃႈၼႆ။ ဝၼ်းတီႈ 1/3/2021 ယၢမ်းႁူဝ်ၶမ်ႈ ၵူၼ်းၼုမ်ႇ ၼမ်ႉလၼ်ႈ ႁူမ်ႈၵၼ် ၸတ်းႁဵတ်း ပၢင်တႆႈတဵၼ်း  တိူင်ႇၵၢဝ်ႇ ယွၼ်းသူး ပၼ်ၽူႈၸိူဝ်းလူႉသဵင်ႈတၢႆ ၽွင်းပၢင်ၼႄၵၢင်ၸႂ် သၢၼ်ၶတ်းတေႃႇသိုၵ်းမၢၼ်ႈ။ ပၢင်ယွၼ်းသူးၼႆႉၸတ်းႁဵတ်း တီႈၵၢင်ဝဵင်း ၼႂ်းဝဵင်းၼမ်ႉလၼ်ႈ...

ၵူၼ်းမိူင်းတူၼ်ႈတီး ၼႄၵၢင်ၸႂ်သၢၼ်ၶတ်းသိုၵ်းယိုတ်းဢႃႇၼႃႇၸိုင်ႈမိူင်း၊ ပၢင်ၼႄၵၢင်ၸႂ်မိူဝ်ႈၼႆႉ သိုၵ်းလႄႈပလိၵ်ႈမၢၼ်ႈၸႂ်ႉလၢႆးႁၢႆႉႁၢမ်ႈႁႄႉ တီႉၺွပ်းၵူၼ်းၵႂႃႇၼႄၵၢင်ၸႂ် ဢမ်ႇယွမ်း 10။ ဝၼ်းတီႈ 2/3/2021 ယၢမ်းၵၢင်ၼႂ်ၼႆႉ ၵူၼ်းမိူင်း ၸဵမ်ၵူၼ်းၼုမ်ႇ ႁူမ်ႈၵၼ်သေ ဢဝ်ႁၢင်ႈၼႃႈ ၸွမ်ၸိၵ်းသိုၵ်းလူင် မိၼ်း ဢွင်ႇလၢႆႇ ၽူႈၼမ်းၸုမ်းသိုၵ်းမၢၼ်ႈ ဢၼ်ယိုတ်းဢႃႇၼႃႇ ၸိုင်ႈမိူင်းၼၼ်ႉမႃး တိတ်းပႃႉသႂ်ႇ တီႈၼိူဝ်သဵၼ်ႈတၢင်းလူင် (အရှေ့မြို့ပတ်လမ်း)...

သြႃႇတၵႃႇလႄႈ ၵေႃလိၵ်ႈလၢႆးတႆး ထုင်ႉမိူင်းဝၼ်း ႁူမ်ႈၵၼ် ၸွႆႈထႅမ်ငိုၼ်းတွင်း၊ ၶိူင်ႈၵမ်ႉၸွႆႈ ႁိူၼ်းၵူၼ်းဝၢၼ်ႈ 2 လင် ဢၼ်ၺႃးၾႆးမႆႈ တီႈပွၵ်ႉယူဝ်းၵျီး ၸႄႈဝဵင်းမၢၼ်ႈမူဝ်ႈ ၸႄႈမိူင်းၶၢင် ။ ဝၼ်းတီႈ 27/2/2021 ယူႇတီႈသြႃႇတၵႃႇလႄႈ ၵေႃလိၵ်ႈလၢႆး ဢိၵ်ႇတင်း ပီႈၼွင်ႉၵူၼ်းမိူင်း ၼႂ်းဢိူင်ႇလွႆၸေႊ ထုင်ႉမိူင်း ဝၼ်း ႁူမ်ႈၵၼ်ၸွႆႈထႅမ် ၵူၼ်းထူပ်းၽေး...

1962 လိူၼ်မၢတ်ႊၶျ် 2 ဝၼ်း၊ ၵၢင်ၼႂ်မိူင်းၸမ်လႅင်းၼၼ်ႉ ၸဝ်ႈဢႃႇၼႃႇသိုၵ်းလူင် ၸွမ်သိုၵ်းၼေႇဝိၼ်း ဢွၼ်ဢဝ်တပ်ႉသိုၵ်းမၢၼ်ႈႁုပ်ႈယိုတ်းဢႃႇၼႃႇ/ ဢမ်းၼၢၸ်ႈဝၢၼ်ႈမိူင်း မိူင်းႁူမ်ႈတုမ်ပတ်းပိုၼ်ႉ။ တီႉၺွပ်းဢဝ် ၽူႈဢွၼ်ႁူဝ် ဢိၵ်ႇၸဝ်ႈၾႃႉတႆးတင်းၼမ်၊ မိူၼ်ပိူၼ်ႈၵျေႃးႁူၺ်းၵႅတ်ႇႁႅတ်ႉဝႅတ်ႉပၢႆးလိုပ်ႈၶင်ၵႆႇၶင်ၼူၵ်ႉ ၼႂ်းလဝ်ႉၼႂ်းသွင်းသေ တီႉၺွပ်းဢဝ်ဢၢၼ်ႇႁူဝ်သိပ်းမၼ်း။ ပေႃးလၢတ်ႈမႃးလွင်ႈၼႆႉၸိုင် သမ်ႉတေလႆႈတေႃႉတႆႇၶႆႈၼႄ ပိုၼ်းလွင်ႈပဵၼ်မႃးတၢင်းလင် ပိူင်ပဵၼ်ဢၼ် ၵဵဝ်ႇၵပ်းလွင်ႈၼႆႉ။ ဢွၼ်ၼႃႈၼၼ်ႉ 1962 ၼႂ်းၵၢင်လိူၼ်ၾႅပ်ႊၿိဝ်ႊရီႊ မိူဝ်ႈပဵၼ်ပၢင်ၵုမ်သၽႃးပႃႇလီႇမၼ်ႇ...

ပလိၵ်ႈလႄႈသိုၵ်းမၢၼ်ႈႁၢမ်ႈႁႄႉ ဢမ်ႇပၼ်ၵူၼ်းမိူင်းသူတ်ႇမူၼ်းလွတ်ႈႁေႃးပထၢၼ်း ၶၢင်ႈတၢင်းလူင်ၵၢင်ဝဵင်းတူၼ်ႈတီး ထိုင်တီႈလႆႈၶၢႆႉၵႂႃႇႁေႃးၼႂ်းႁိူၼ်းၵူၼ်းမိူင်းဢၼ်မီးႁိမ်းၶၢင်ႈတၢင်း။  မိူဝ်ႈၼႆႉ ဝၼ်းတီႈ 1/3/2021   ၸုမ်းသူတ်ႇမူၼ်းႁေႃးပထၢၼ်း တီႈဝဵင်းတူၼ်ႈတီး ၸိုင်ႈ တႆး ပွတ်းၸၢၼ်း    ထုၵ်ႇပလိၵ်ႈ/ သိုၵ်းမၢၼ်ႈ လိုပ်ႈႁေႃႈ ဢမ်ႇပၼ်ၶႂၢင်ႉၼင်ႈႁေႃး ႁိမ်းၶၢင်ႈတၢင်းလူင်ပွၵ်ႉၵၢၼ်ႇဢွၵ်ႉ တီႈဢၼ်ယၢမ်ႈႁေႃးၵူႈဝၼ်းၼၼ်ႉလႄႈ  လႆႈဢွၼ်ၵၼ်ၶၢႆႉၶဝ်ႈၵႂႃႇလွတ်ႈႁေႃးၼႂ်းႁိူၼ်းၵူၼ်းဝၢၼ်ႈ  ။   ၵူၼ်းမႃးႁေႃးပထၢၼ်းၵေႃႉၼိုင်ႈလၢတ်ႈၽူႈတွႆႇႁွၵ်ႈဝႃႈ-“ဢေႃႈၶႃႈ မိူဝ်ႈဝႃး   ၶဝ်မႃးလၢတ်ႈႁဝ်းၶႃႈဝႃႈ  သင်ဝႃႈမိူဝ်ႈၽုၵ်ႈ သူမႃးႁေႃးတီႈၼိူဝ်...

ပလိၵ်ႈမၢၼ်ႈ/သိုၵ်းမၢၼ်ႈ ၸႂ်ႉဢဵၼ်ႁႅင်း ၶဝ်ႈတီႉၺွပ်း ၵူၼ်းမိူင်း ၼႂ်းၵျွင်းၽြႃးၶရိတ်ႉယၼ်ႇၶၢင် (ၵၶျိၼ်ႇၼိတ်ႉၶျိၼ်း) 11 ၵေႃႉ ဢၼ်မီးတီႈ ပွၵ်ႉ 1 ဝဵင်းလႃႈသဵဝ်ႈ  ဝႃႈၼႆ။ မိူဝ်ႈၼႆႉ ဝၼ်းတီႈ 1/3/2021 ယၢမ်းဝၢႆးဝၼ်း ယူႇတီႈပလိၵ်ႈ/ သိုၵ်းမၢၼ်ႈ ႁူမ်ႈၵၼ် ၶဝ်ႈတီႉၺွပ်း တီႈၵျွင်းၽြႃး ၶရိယၼ်ႇ ပွၵ်ႉ 1...

ဢိင်ၼိူဝ် ၸုမ်းဢူၺ်းလီပွတ်းႁွင်ႇ TNLA, SSPP တင်း RCSS ပဵၼ်ပၢင်တိုၵ်းၵၼ် မႃးႁၢဝ်ႈႁႅင်းသေ မၢၵ်ႇလူင် တူၵ်းသႂ်ႇ ၼႂ်းဝၢင်းႁိူၼ်းယေး ၵူၼ်းဝၢၼ်ႈ တီႈဝဵင်းၼမ်ႉတူႈ ထႅင်ႈလုၵ်ႈၼိုင်ႈ ဢမ်ႇတၼ်းတႅၵ်ႇ ဝႃႈၼႆ။ ဝၼ်းတီႈ 28/2/2021 မၢၵ်ႇလူင် တူၵ်းသႂ်ႇ ၼႂ်းဝၢင်းႁိူၼ်း ၵူၼ်းဝၢၼ်ႈၼွင်ဢေႃႈ လုၵ်ႈၼိုင်ႈ ဢၼ်မီးတၢင်းၾၢႆႇႁွင်ႈ မၢၼ်ႈ...

ၽူႈၵွၼ်းပွၵ်ႉ တီႈဝဵင်းမိူင်းယႆ ဢၼ်ၶွင်ႇသီႇသိုၵ်းမၢၼ်ႈ လိူၵ်ႈၶိုၼ်ႈမႃးမႂ်ႇ လူၺ်ႈဢမ်ႇပႃးသဵင်ၵၢင်ၸႂ်ၵူၼ်းမိူင်းၼၼ်ႉ ဢၢၼ်းၶိုင်ယိုတ်း တီႈလိၼ်ၼႂ်းဝၢၼ်ႈသေ တေႁဵတ်းလုမ်းၽူႈၵွၼ်းပွၵ်ႉ ၊ ၵူၼ်းၼႂ်းပွၵ်ႉလႄႈၸိူဝ်းယူႇႁိမ်းႁွမ်း ဢမ်ႇလႆႈၸႂ်။ မိူဝ်ႈႁၢင်လိူၼ်ၾႅပ်ႊၿိဝ်ႊရီႊ  ပူၼ်ႉမႃးၼႆႉ ၽူႈၵွၼ်းပွၵ်ႉ 3 ၸႄႈဝဵင်းမိူင်းယႆ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ ၸုမ်းဢၼ်ၶွင်ႇသီႇသိုၵ်းမၢၼ်ႈ လိူၵ်ႈၶိုၼ်ႈမႃးမႂ်ႇၼၼ်ႉ  ဢၢၼ်းယိုတ်းဢဝ် တီႈလိၼ်ၼႂ်းဝၢၼ်ႈ ဢၼ်ၵူၼ်းဝၢၼ်ႈ ႁူမ်ႈၵၼ်ၸႂ်ႉဝႆႉ ၊...

မိူဝ်ႈၼႆႉ ဝၼ်းတီႈ 1/3/2021 ယၢမ်းၵၢင်ၼႂ် မွၵ်ႈ 10 မူင်းၶိုင်ႈ သဵင်ၵွင်ႈလူင်တႅၵ်ႇ ပဵၼ်လၢႆၵမ်းၾၢႆႇတၢင်းမၢၼ်ႈႁွင်း ၼႂ်းၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ ။ ၵူၼ်းပိုၼ်ႉတီႈမူႇၸေႊ ၵေႃႉၼိုင်ႈ လၢတ်ႈဝႃႈ - “ပဵၼ်သဵင်မၢၵ်ႇလူင်ၶႃႈဢေႃႈ တႅၵ်ႇပဵၼ်လၢႆၵမ်းၶႃႈ။ သဵင်ၵွင်ႈဢွၼ်ႇတႄႉ ဢမ်ႇလႆႈငိၼ်းၵႃႈႁိုဝ်ၶႃႈ။ ယၢမ်းလဵဝ်တႄႉ ယဵၼ်ၵႂႃႇၶႃႈယဝ်ႉ။ လႅပ်ႈပဵၼ်ၾၢႆႇလဵဝ် ယိုဝ်းၵူၺ်းၶႃႈ ဢၼ်ႁဝ်းၶႃႈထွမ်ႇတႄႉ”-...

ၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉတီႈဝတ်ႉ/ ၵျွင်းၶမ်းမုင်ႈသႃႇ တင်း ဝတ်ႉပူပ်ႉပႃႇရူင်ႇ ႁူဝ်ၵူၼ်း 150 ပၢႆ လူဝ်ႇတၢင်းၸွႆႈထႅမ်ၶဝ်ႈၼမ်ႉတၢင်းၵိၼ် ႁၢဝ်ႈႁႅင်း ။ ဝၼ်းတီႈ 28/2/2021   ၸုမ်းဢူၺ်းလီပွတ်းႁွင်ႇ TNLA, SSPP တင်း RCSS ပဵၼ်ပၢင်တိုၵ်းၵၼ်ႁၢဝ်ႈႁႅင်းၼႂ်းဢိူင်ႇမၢၼ်ႈၸၢမ်၊ ၵူၼ်းဝၢၼ်ႈ ပွၵ်ႉႁွင်ႇ တင်း ပွၵ်ႉၸၢၼ်း  ၵႂႃႇ သွၼ်ႈဝႆႉတၢင်းမိူင်းမူႉ၊...

ဝၼ်းတီႈ 28/2/2021 ယၢမ်းၵၢင်ဝၼ်း မွၵ်ႈ 12 မူင်း မၢၵ်ႇလူင်လုၵ်ႈၼိုင်ႈ တူၵ်းတႅၵ်ႇ သႂ်ႇၼႂ်းဝၢင်းႁိူၼ်းယေးၵူၼ်း ဝၢၼ်ႈ တီႈမၢၼ်ႈၸၢမ် ပွၵ်ႉႁွင်ႇ ၸႄႈဝဵင်းၼမ်ႉတူႈ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ယွၼ်ႉသိုၵ်း TNLA, SSPP တင်း RCSS ပိုတ်းယိုဝ်းၵၼ် ႁၢဝ်ႈႁႅင်း ၼႆယဝ်ႉ။ ၵူၼ်းမၢၼ်ႈၸၢမ် ၵေႃႉၼိုင်ႈ...

မိူဝ်ႈလဵဝ် ၽႅဝ်မႃးၼႂ်းႁၢင်လိူၼ်ၾႅပ်ႊၿိဝ်ႊရီႊၼႆႉ ယူႇတီႈတပ်ႉသိုၵ်းမၢၼ်ႈ ယိုတ်းသိမ်းဢႃႇၼႃႇၸိုင်ႈမိူင်းၵႂႃႇၼၼ်ႉ ၸမ်  တဵမ်ၼိုင်ႈလိူၼ်ယဝ်ႉ။ ၼႂ်းၶၢဝ်းတၢင်း ၼိုင်ႈလိူၼ်ၼႆႉ ၵူၼ်းလုၵ်ႉႁိုၼ်ႇၼႄၵၢင်ၸႂ်ၵေႃႈ ၸွတ်ႇတူဝ်ႈမိူင်း သေဢမ်ႇၵႃး ပၢင်တိုၵ်းသိုၵ်းသိူဝ်ၵေႃႈ ၵိူတ်ႇၽႄႈလၢမ်းပဵၼ်ယူႇ တီႈတၢင်းမိူင်းတႆးပွတ်းႁွင်ႇၼၼ်ႉ ႁဝ်းၶႃႈ တေလႆႈငိၼ်းၵၼ်ယူႇ။ တီႈတၢင်းထုင်ႉမိူင်းယဵၼ် ၼႂ်းၸႄႈဝဵင်းၼမ်ႉတူႈၼၼ်ႉၵေႃႈ လႆႈႁၼ်မီးပၢင်တိုၵ်း ၾၢႆႇၼိုင်ႈပဵၼ် ၸုမ်းဢူၺ်းလီပွတ်းႁွင်ႇ ၶဝ်လႄႈ ၾၢႆႇၼိုင်ႈပဵၼ် RCSS ၶွင်ႇသီႇဢဝ်ၶိုၼ်းၸိုင်ႈတႆး ပဵၼ်ပၢင်တိုၵ်းသိုၵ်းသိူဝ်ၵၼ်ဢမ်ႇထၢတ်ႇသေယဝ်ႉ...