ၶိင်းသၢင်ႇၶမ်းဢၢႆႈ ၵူၼ်းမၢၼ်ႈသွၼ်း ဝဵင်းၼမ်ႉၶမ်း ဢၼ်သိုၵ်း  SSPP တီႉၺွပ်းႁွင်ႉၵႂႃႇ မိူဝ်ႈႁၢင်လိူၼ်မေႊ ပူၼ်ႉမႃးၼႆႉ ၼၼ်ႉ မၼ်းၸၢႆးဢမ်ႇၵဵဝ်ႇၶွင်ႈၸွမ်းၸုမ်းသိုၵ်းၸုမ်းလႂ်လႄႈၼႆသေ ၵူၼ်းမိူင်းထုင်ႉမၢဝ်း တုၵ်းယွၼ်း  ႁႂ်ႈပွႆႇပၼ်ၶိုၼ်း။  ၶိင်းသၢင်ႇၶမ်းဢၢႆႈ ဢႃယု 50 ပီ ၵူၼ်းဝၢၼ်ႈမၢၼ်ႈသွၼ်း ၸႄႈဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆး ပွတ်းႁွင်ႇၼႆႉ   SSPP ဝႃႈ  မၼ်းၸၢႆး...

ၸၢႆးဢွင်ႇၵျေႃႇလေး ၸဝ်ႈၶွင် Local Café and Bar ထုၵ်ႇၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ တီႉၺွပ်း ၵႂႃႇၼၼ်ႉ ထုၵ်ႇဢဝ်လိူင်ႈ လူၺ်ႈမတ်ႉတႃ 505 (က)။ မိူဝ်ႈဝၼ်းတီႈ 8/6/2021 ယၢမ်းဝၢႆးဝၼ်း မွၵ်ႈ 4 မူင်း ၸၢႆးဢွင်ႇၵျေႃႇလေး ၵူၼ်းမိူင်းၸႄႈဝဵင်းမူႇၸေႊ ၸိုင်ႈတႆး ပွတ်းႁွင်ႇ ထုၵ်ႇၶွင်ႇသီႇသိုၵ်းမၢၼ်ႈ...

မီးၵူၼ်းဢမ်ႇႁူႉၾၢႆႇ လူမ်ႇယိုဝ်း ပွႆႇမၢၵ်ႇသႂ်ႇ တီႈၼႃႈႁူင်းပလိၵ်ႈမၢၼ်ႈ ၸႄႈတွၼ်ႈ တႃႈၶီႈလဵၵ်း ၽူႈမီးၸၼ်ႉၼႂ်းပလိၵ်ႈ မၢၼ်ႈ ၵေႃႉၼိုင်ႈ လႆႈလူႉတၢႆ။ ဝၼ်းတီႈ 9/10/2021 ယၢမ်းၵၢင်ၶမ်ႈ မွၵ်ႈ 7 မူင်းၶိုင်ႈ ႁူင်းပလိၵ်ႈၸႄႈတွၼ်ႈတႃႈၶီႈလဵၵ်း ဢၼ်ပၵ်းဝႆႉတီႈ ၼႂ်းဝဵင်းတႃႈၶီႈ လဵၵ်း ၸိုင်ႈတႆးပွတ်းဢွၵ်ႇၶူင်း လႅၼ်လိၼ်တႆး - ထႆးၼၼ်ႉ မီးၵူၼ်းဢမ်ႇႁူႉၾၢႆႇၶဝ်ႈယိုဝ်း...

မၢၵ်ႇတႅၵ်ႇလုၵ်ႈၼိုင်ႈ တီႈႁိမ်းၸၼ်ႉၸွမ်လႃႈသဵဝ်ႈ ၸိုင်ႈတႆးပွတ်းႁွင်ႇ တိူဝ်ႉသႂ်ႇၵူၼ်းမိူင်း မၢတ်ႇၸဵပ်းၸွမ်း 2 ၵေႃႉ ဝႃႈၼႆ။ မိူဝ်ႈၼႆႉ ဝၼ်းတီႈ 10/6/2021 ယၢမ်းၵၢင်ၼႂ် မွၵ်ႈ 8 မူင်းၶိုင်ႈ မၢၵ်ႇတႅၵ်ႇလုၵ်ႈၼိုင်ႈ တီႈႁိမ်းၸၼ်ႉၸွမ် ၼႂ်းၸႄႈဝဵင်းလႃႈ သဵဝ်ႈ ၸိုင်ႈတႆးပွတ်းႁွင်ႇ တႅၵ်ႇတိူဝ်ႉသႂ်ႇ ၵူၼ်းၶၢႆၶူဝ်းႁိမ်းၼၼ်ႉ မၢတ်ႇၸဵပ်း ၸွမ်း 2...

ဢိင်ၼိူဝ် လွင်ႈသိုၵ်းတႆး သွင်ၸုမ်း ပိုတ်ႇပၢင်တိုၵ်းတေႃႇၵၼ် ၼႂ်းၸႄႈဝဵင်းၵေးသီး ၸိုင်ႈတႆးပွတ်းၸၢၼ်း မႃးႁၢဝ်ႈႁႅင်း သေ ၵူၼ်းမိူင်းပိုၼ်ႉတီႈ လႆႈဢွၼ်ၵၼ်ပၢႆႈသွၼ်ႈသဝ်းၸွမ်းဝတ်ႉဝႃႈ မုၼ်ၸဝ်ႈ ႁူဝ်ၵူၼ်း ဢမ်ႇယွမ်းႁဵင်  ၵူၼ်းမိူင်းမုင်ႈမွင်း သိုၵ်းသွင်ၸုမ်းၸဵဝ်းၵိုတ်းယိုဝ်းၵၼ်။ တႄႇဢဝ် ဝၼ်းတီႈ 1/6/2021 ၼၼ်ႉမႃး တေႃႇထိုင်ယၢမ်းလဵဝ် ၵူၼ်းမိူင်း  ၼႂ်းဢိူင်ႇမိူင်းၵၢဝ်၊ ၼွင်သွမ်းလႄႈ ႁူဝ်ပူင်ႇ ႁူဝ်ၵူၼ်း...

 သိုၵ်းမၢၼ်ႈယိုဝ်းၵွင်ႈ လွၵ်ႇငိုတ်ႈၾၢႆႇလဵဝ် ၼႂ်းၵႄႈတၢင်းလူင် ၵူတ်ႉၶၢႆ - သႅၼ်ဝီ ႁဵတ်းႁႂ်ႈၸဝ်ႈၵႃး ၵူၼ်း ပိုၼ်ႉတီႈႁိမ်းႁွမ်း တူၵ်းၸႂ် ၵူဝ်ႁေ ဝႃႈၼႆ။ မိူဝ်ႈၼႆႉ ဝၼ်းတီႈ 10/6/2021 ယၢမ်းၵၢင်ၼႂ် မွၵ်ႈ 9:15 မူင်း တေႃႇထိုင် 10 မူင်းၶိုင်ႈ တပ်ႉမ 99 ဢၼ်တူင်ႉၼိုင်ယူႇဝႆႉ...

ၼႂ်းဝၼ်းလိူၼ်ႁူၵ်းလပ်းၼႆႉ ၸဝ်ႈသိလ်ထမ်းၶူးဝႃး ဝုၼ်းၸုမ်ႉ ဢွၵ်ႇလိၵ်ႈၶေႃႈမဵတ်ႉတႃႇ ထိုင်တၵ်ႉၵႃႇသတ်းထႃး လုၵ်ႈၼွင်ႉတပႄးတပၢၼ်းလုၵ်ႈသိတ်ႇ ႁႂ်ႈမေႃယူႇၸွမ်းသတိတြႃးလႄႈ ႁႂ်ႈႁဵတ်းသၢင်ႈၵၢၼ်လီယူႇတႃႇသေႇ ဝႃႈၼႆ။ မိူဝ်ႈဝႃး ဝၼ်းတီႈ 9/6/2021 တူၵ်းမႅၼ်ႈဝၼ်းလိူၼ်ႁူၵ်းလပ်း ယူႇတီႈၸဝ်ႈသိလ်ထမ်းၶူးဝႃး ဝုၼ်းၸုမ်ႉ ၺႃႇၼသံဝရ ထမ်ႇမရႃၸႃႇ ဢၵ်ႉၵမႁႃၵမ်ႇမထႃႇၼၸရိယ မိူင်းၽူင်း မဵတ်ႉတႃႇထိုင် လုၵ်ႈသိတ်ႇတပႄး တပၢၼ်းတၢမ်းၸႂ် တင်းသဵင်ႈ တၵ်ႉၵႃႇသတ်းထႃးတင်းလၢႆ ၵူႈၵေႃႉ...

သၢပ်ႇၵူင်ထုင်ႉမၢဝ်း မူႇၸေႊ ၼမ်ႉၶမ်း ပိုၼ်ႉတီႈ ဢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၶဝ်ႈၵႅဝ်ၵုမ်းၵမ်ယူႇယၢမ်းလဵဝ်ၼႆႉ ၵူၼ်းထုင်ႉမၢဝ်း ၶႂ်ႈႁႂ်ႈ ၵႄႈလိတ်ႈ ပၼ် ပၼ်ႁႃ သွင်လွင်ႈ ဝႃႈၼႆ။ ဝၼ်းတီႈ 10/6/2021 မိူဝ်ႈၼႆႉ တေမီးလွင်ႈဢုပ်ႇဢူဝ်းၵၼ်။ လွင်ႈထီႉၼိုင်ႈ ၵူၼ်းထုင်ႉမၢဝ်း ၶႂ်ႈႁႂ်ႈပႃႇတီႇမႂ်ႇသုင် ၸိုင်ႈတႆး ၵႄႈလိတ်ႈ...

ၵူၼ်းမိူင်းၼႂ်းဝဵင်းၼမ်ႉလၼ်ႈ 4 ၵေႃႉ ၺႃး SSPP ႁွင်ႉၵႂႃႇ တီႈငဝ်ႈငုၼ်း ပေႃႈမႄႈၵူၼ်းႁိူၼ်းမႆႈၸႂ် ။ မိူဝ်ႈဝႃး ဝၼ်းတီႈ 8/6/2021 သိုၵ်း SSPP ႁွင်ႉၵူၼ်းမၢၼ်ႈလီႈ 3 ၵေႃႉလႄႈ  ၵူၼ်းဝၢၼ်ႈၶၢႆးမွၼ် 1 ၵေႃႉ ၵႂႃႇ တေႃႇထိုင်ယၢမ်းလဵဝ်ပႆႇပွၵ်ႈၶိုၼ်း။ ၵူၼ်းပိုၼ်ႉတီႈ ၼမ်ႉလၼ်ႈ ၵေႃႉၼိုင်ႈ...

ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ ယိုဝ်းၵူၼ်းၼုမ်ႇ သူၺ်ႇၺွင်ႇ/ ရွှေညောင် တၢႆ 2 ၵေႃႉယဝ်ႉ ႁွင်ႉဢဝ်ပေႃႈမႄႈၸိူဝ်ႉၶိူဝ်းပီႈၼွင်ႉ ၵႂႃႇ ႁပ်ႉဢဝ်တူဝ်တၢႆမႃး ဝႃႈၼႆ။ ပူၼ်ႉမႃး မိူဝ်ႈဝၼ်းတီႈ 5/6/2021 ယၢမ်းၵၢင်ၶမ်ႈ 8 မူင်း တီႈတၢင်းၽႄ/ၾႆးလႅင် ၼႂ်းၵၢင်ဝဵင်းသူၺ်ႇၺွင်ႇ ၸိုင်ႈတႆး ပွတ်း ၸၢၼ်းၼၼ်ႉ ဢွၼ်ႇၸၢႆးၼုမ်ႇ 3...

မၢၵ်ႇတႅၵ်ႇတီႈၵၢတ်ႇဝၢၼ်ႈလီႈ ဝဵင်းၼမ်ႉလၼ်ႈ လုၵ်ႈၼိုင်ႈ တိူဝ်ႉၺႃးၵူၼ်းၶၢႆၶူဝ်းၵုၼ်ႇ မၢတ်ႇၸဵပ်းၸွမ်း 2 ၵေႃႉ ဝႃႈၼႆ။ မိူဝ်ႈဝႃး ဝၼ်းတီႈ 8  /6/2021 ယၢမ်းၵၢင်ၶမ်ႈ မီးၵူၼ်းဢမ်ႇႁူႉၾၢႆႇ/ ၸုမ်း မႃးပွႆႇမၢၵ်ႇတႅၵ်ႇၼႂ်းၵၢတ်ႇဝၢၼ်ႈလီႈ ဝဵင်းၼမ်ႉ လၼ်ႈ ၸႄႈတွၼ်ႈသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ တႅၵ်ႇတိူဝ်ႉသႂ်ႇ ၽူႈၸၢႆးသွင်ၵေႃႉ ၵူၼ်းၶၢႆၶူဝ်းၵုၼ်ႇ လႆႈမၢတ်ႇၸဵပ်း...

ၾႆးမႆႈၵၢတ်ႇၼွင်ၶဵဝ် ယၢမ်းၵၢင်ၶိုၼ်းလိုၵ်း ပဵၼ်ၶၢဝ်းသိုၵ်းမၢၼ်ႈႁၢမ်ႈၵူၼ်း ဢွၵ်ႇၼွၵ်ႈႁိူၼ်း လူႉသုမ်းမူတ်းတႃႇ 6 ႁၢၼ်ႉ ၊ တႃႇ 16 ႁၢၼ်ႉ  လူႉၵွႆၸွမ်းၽွင်ႈ။ မိူဝ်ႈဝႃး ဝၼ်းတီႈ 8/6/2021 ယၢမ်းၵၢင်ၼႂ် မွၵ်ႈ 1 မူင်းၶိုင်ႈ ၾႆးမႆႈၵၢတ်ႇလူင် ၼွင်ၶဵဝ်  ပဵၼ်ၶၢဝ်းၵူၼ်းမိူင်းဢမ်ႇၸၢင်ႈဢွၵ်ႇႁိူၼ်းလႄႈ ၾႆးလၢမ်းမႆႈလူႉသုမ်းၼမ်။ ၵူၼ်း ၼွင်ၶဵဝ် ၵေႃႉၼိုင်ႈ...

ၵူၼ်းဝၢၼ်ႈဢၼ်ပၢႆႈမႃးသွၼ်ႈဝႆႉတီႈဝတ်ႉဝိႁၢရ်ႁေႃၶမ်း ၵေးသီး ႁူဝ်ၵူၼ်း 290 ၵေႃႉၼၼ်ႉ ဢွၼ်ၵၼ်ပွၵ်ႈၶိုၼ်းယေး ယၢမ်းၵၢင်ၼႂ် ၊ ထိုင်ယၢမ်းႁူဝ်ၶမ်ႈ ၶိုၼ်းဢွၼ်ၵၼ် ပၢႆႈမႃးၶိုၼ်းယွၼ်ႉၼႂ်းပိုၼ်ႉတီႈ သဵင်ၵွင်ႈၶိုၼ်းတႅၵ်ႇ  ။ မိူဝ်ႈဝႃး ဝၼ်းတီႈ 9/6/2021 ယၢမ်းၵၢင်ၶမ်ႈ မွၵ်ႈ 7 မူင်းၶိုင်ႈၼႆႉ ၵူၼ်းဝၢၼ်ႈ ၼႂ်းဢိူင်ႇမိူင်းၵၢဝ်လႄႈ ဢိူင်ႇႁူဝ်ပူင်ႇ ႁူဝ်ၵူၼ်း 200...

ၵူၼ်းဝၢၼ်ႈပၢင်လူင် ၸႄႈဝဵင်းၼမ်ႉတူႈ ဢၼ်ဢွၵ်ႇၸိုဝ်ႈဝႃႈ ၸွႆႈထႅမ်ၵၢၼ် RCSS ၼၼ်ႉ ၺႃးသိုၵ်း SSPP မႃးႁွင်ႉဢဝ်ၵႂႃႇမိူဝ်ႈဝႃး ယၢမ်းၵၢင်ၶမ်ႈ ။ မိူဝ်ႈဝႃး ဝၼ်းတီႈ 7/6/2021 ယၢမ်းၵၢင်ၶမ်ႈ မွၵ်ႈ 9 မူင်းၶိုင်ႈ သိုၵ်း SSPP ဢဝ်ရူတ်ႉၵႃးမႃးႁွင်ႉဢဝ် လုင်းၶိူဝ်းလိူၼ်  ၵူၼ်းဝၢၼ်ႈပၢင်လူင် ၼႂ်းၸႄႈဝဵင်းၼမ်ႉတူႈ ၵႂႃႇ၊...

ဝၢႆးသေ သိုၵ်းတႆး သွင်ၸုမ်း ပိုတ်းယိုဝ်းၵၼ် ႁၢဝ်ႈႁႅင်းၼႂ်းၸႄႈဝဵင်းၵေးသီးမႃး ၶွင်ႇသီႇသိုၵ်းမၢၼ်ႈ တႄႇၵူတ်ႇထတ်း ထဵတ်ႈထၢမ် ၵူၼ်းမိူင်းၵႂႃႇမႃး ၼႂ်းၵႄႈမိူင်းၼၢင်း - ၵေးသီး ႁၢဝ်ႈႁႅင်း ဝႃႈၼႆ။ တႄႇဢဝ် ဝၼ်းတီႈ 1/6/2021 မႃး တေႃႇထိုင်ယၢမ်းလဵဝ် ၶွင်ႇသီႇသိုၵ်းမၢၼ်ႈ ဢၼ်တူင်ႉၼိုင်ယူႇဝႆႉ ၸွမ်းသဵၼ်ႈတၢင်းလူင် မိူင်းၼၢင်း - ၵေးသီး...