ၽူႈၵွၼ်းဢိူင်ႇၼမ်ႉၸလၢပ်ႈ ၸႄႈဝဵင်းသႅၼ်ဝီ ထုၵ်ႇၵူၼ်းႁၢႆႉ ဢမ်ႇႁူႉၾၢႆႇ ယိုဝ်းသႂ်ႇ တိူဝ်ႉမၢတ်ႇၸဵပ်းႁၢဝ်ႈႁႅင်းသေ လႆႈ သူင်ႇယူတ်းယႃတူဝ်တီႈဝဵင်းပၢင်ႇဢူႈ (မေႇမဵဝ်ႉ) ဝႃႈၼႆ။ မိူဝ်ႈဝၼ်းတီႈ 19/6/2021 ယၢမ်းၵၢင်ၼႂ် ၸၢႆးသူၺ်ႇပႃႉ ဢႃယု မွၵ်ႈ 40 ၽူႈၵွၼ်းဢိူင်ႇ ၼမ်ႉၸလၢပ်ႈ ထုၵ်ႇၵူၼ်းႁၢႆႉ 3 ၵေႃႉ ၶီႇရူတ်ႉၶိူင်ႈ မႃးယိုဝ်းမၼ်းၸၢႆး ၼႂ်းၵႄႈၼမ်ႉၸလၢပ်ႈ...

တီႈလိၼ်ၶွင်ၵူၼ်းဝၢၼ်ႈႁွင်ႇ တႃႈၶီႈလဵၵ်း ထုၵ်ႇၶွမ်ႊပၼီႊႁူင်ပင်း ဢထမ်ႇမ လွမ်ႉႁူဝ်ႉဢဝ်ထႅင်ႈသေ ၵူၼ်းဝၢၼ်ႈႁူမ်ႈ ၵၼ် ၶတ်းၸႂ်ယႃႉႁူဝ်ႉပႅတ်ႈ ၼင်ႇႁိုဝ် ပေႃးတေလႆႈၶိုၼ်းတီႈလိၼ်ၼၼ်ႉ ဝႃႈၼႆ။ ဝၼ်းတီႈ 17/6/2021 ၼၼ်ႉ ၵူၼ်းဝၢၼ်ႈႁွင်ႇ ဢိူင်ႇႁွင်ႈလိုၵ်ႉ ၸႄႈဝဵင်းတႃႈၶီႈလဵၵ်း ႁူမ်ႈၵၼ်သေ ယႃႉပႅတ်ႈႁူဝ်ႉ ဢၼ် ၶွမ်ႇပၼီႊႁူင်ပင်း ဢထမ်ႇမ လွမ်ႉဢဝ်လိၼ် သူၼ်ႁႆႈၼႃး ၵူၼ်းဝၢၼ်ႈၼၼ်ႉ...

မိူဝ်ႈၼႆႉ ဝၼ်းတီႈ 18/6/2021 ယၢမ်းၵၢင်ဝၼ်း မွၵ်ႈ 12 မူင်း ၵႃးလူင် 22 လေႃႉ 2 လမ်း ထုၵ်ႇၾႆးၽဝ် တီႈလွႆသိဝ်ႉၶိၼ်းတႃႇ ၼႂ်းၵႄႈၵူတ်ႉၶၢႆ - ၼမ်ႉၽၵ်းၵႃ ၸႄႈဝဵင်း ၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆး ပွတ်းႁွင်ႇ ဝႃႈၼႆ။ ၸဝ်ႈၵႃး ဢၼ်လႅၼ်ႈသဵၼ်ႈတၢင်းၼၼ်ႉ...

ၵူၼ်းၼုမ်ႇ ၼႃးမၢၵ်ႇၶေႃ လုၵ်ႈၸုမ်းပရႁိတ သီႇပေႃႉ    ထုၵ်ႇယိုဝ်းတၢႆ ဢမ်ႇႁူႉလူၺ်ႈလွင်ႈတၢင်း၊ လုၵ်ႈလၢင်းၼၢင်းမေး ပဵၼ်ၼမ်ႉႁူၼမ်ႉတႃ ။ မိူဝ်ႈၼႆႉ ဝၼ်းတီႈ 18/6/2021 ယၢမ်းၵၢင်ၼႂ်ၸဝ်ႉ မွၵ်ႈ 2 မူင်း မီးၸုမ်းယိပ်းၵွင်ႈၵၢင်ႇ ၸုမ်းၼိုင်ႈ ၶဝ်ႈမႃးႁွင်ႉဢဝ်တူဝ် ၸၢႆး လၢဝ် ဢႃယု မွၵ်ႈ 30 ပီ...

ပႃႈၶမ်းဢီႇ ၵူၼ်းၶၢႆၽၵ်းသုၵ်း ၼႂ်းၵၢတ်ႇ ဝဵင်းၼမ်ႉၶမ်း ထုၵ်ႇသိုၵ်း TNLA တီႉၺွပ်းတူဝ်ၵႂႃႇ မိူဝ်ႈဝၼ်းတီႈ 15 ယၢမ်းၵၢင်ၶမ်ႈ မွၵ်ႈ 8 မူင်းၶိုင်ႈ ၼၼ်ႉ ယၢမ်းလဵဝ် ပွႆႇတူဝ် ႁွတ်ႈၽႅဝ်ႁိူၼ်းယေး ၶိုၼ်းလီငၢမ်းယဝ်ႉ ဝႃႈၼႆ။ မိူဝ်ႈဝႃး ဝၼ်းတီႈ 17/6/2021 ယၢမ်းႁူဝ်ၶမ်ႈ မွၵ်ႈ 5...

ငဝ်ႈငုၼ်းၵုမ်းၵမ်ၽႅၼ်ၵၢၼ်ယၼ်ႇသိုၵ်း ၸၵၶ 16 သႅၼ်ဝီ ယိုဝ်းၵွင်ႈလူင် ၵႂႃႇလၢႆႁူးလၢႆတၢင်း ႁဵတ်းႁႂ်ႈ ၵူၼ်းမိူင်း သႅၼ်ဝီ တူၵ်းၸႂ် လႆတိုၼ်ႇ ။ ဝၼ်းတီႈ 16/6/2021 ယၢမ်းၵၢင်ၼႂ် 8 မူင်း တပ်ႉၶွင်ႇသီႇသိုၵ်းမၢၼ်ႈ ၸၵၶ 16 သႅၼ်ဝီ ယိုဝ်းၵွင်ႈလူင် 4 လုၵ်ႈ လုၵ်ႉတၢင်းသႅၼ်ဝီသေ...

တၢင်းမိူင်းတႆးပွတ်းႁွင်ႇ ၸႄႈဝဵင်းမိူင်းယႆၼၼ်ႉ ၾၢႆႇပၢႆးယူႇလီ ၶွင်ႇသီႇသိုၵ်းမၢၼ်ႈ ၵူတ်ႇထတ်းႁူပ်ႉႁၼ် ၵူၼ်းမိူင်း ၼႂ်းၸႄႈဝဵင်းမိူင်းယႆ တိတ်းၸပ်း ၸိူဝ်ႉမႅင်းၶူဝ်ႊဝိတ်ႉ 19 သွင်ၵေႃႉ ဝႃႈၼႆ။ ဝၼ်းတီႈ 16/6/2021 ၼႆႉၵူၼ်းမိူင်းယႆ သွင်ၵေႃႉ တေၵႂႃႇယႃတူဝ် တီႈဝဵင်းလိူဝ်ႇ(မၼ်းတလေး)ၼႆသေ ၽႅဝ်ထိုင်တီႈၵဵၵ်ႉၵူတ်ႇထတ်းတၢင်းပဵၼ်ၶူဝ်ႊဝိတ်ႉ 19 ၊ ၾၢႆႇပၢႆးယူႇလီ လႆႈၵူတ်ႇထတ်း ႁူပ်ႉႁၼ်ၸိူဝ်ႉမႅင်း ၶူဝ်ႊဝိတ်ႉ...

ၼႂ်းၸႄႈဝဵင်းၵေးသီး ထုင်ႉလွႆႁူၼ်း ၼၼ်ႉ ၶၢဝ်းတၢင်းသွင်သၢမ်ဝၼ်းၼႆႉ ဝူင်ႈၵၢင်သိုၵ်း SSPP တင်း သိုၵ်း RCSS ဢမ်ႇတိုၵ်း ဢမ်ႇတေႃးၵၼ်သေတႃႉ ၵူၼ်းၸိူဝ်းၺႃးၸၢၵ်ႇသိုၵ်းသေ လႆႈပၢႆယၢၼ်ဝၢၼ်ႈ ယၢၼ်ႁိူၼ်း 900 ပၢႆၼၼ်ႉ ပႆႇၸၢင်ႈပွၵ်ႈႁိူၼ်းၶိုၼ်း။    တႄႇဝၼ်းတီႈ 1/6/2021 ၼၼ်ႉမႃးတေႃႇထိုင်ယၢမ်းလဵဝ် သိုၵ်း RCSS တင်း SSPP...

ၵူၼ်းၼုမ်ႇတႆးလႃႈသဵဝ်ႈ  ဢၼ်ၺႃးသိုၵ်းမၢၼ်ႈတီႉၺွပ်းၽွင်းပၢင်ၼႄၵၢင်ၸႂ် ၼၼ်ႉ လုမ်းတြႃးထတ်းထွင်ယဝ်ႉသေ ပၼ်တူတ်ႈတၢမ်ႇ ယဵတ်ႈၶွၵ်ႈ 2 ပီ၊ ပဵၼ်ၵူၼ်းၼုမ်ႇတႆး ဢၼ်ၺႃးသိုၵ်းမၢၼ်ႈသူင်ႇၶင်ၶွၵ်ႈၵေႃႉႁႅၵ်ႈ။ မိူဝ်ႈဝႃး ဝၼ်းတီႈ 16/6/2021 ၶွင်ႇသီႇသိုၵ်းမၢၼ်ႈ ဢဝ် ၸၢႆးသၢႆဝၼ်းဢူး (ႁွင်ႉ) ၵျေႃႇတႅတ့်ဢူး ၵူၼ်းၼုမ်ႇတႆး ဝဵင်းလႃႈသဵဝ်ႈ ၸိုင်ႈတႆး ပွတ်းႁွင်ႇ    ၶိုၼ်ႈလုမ်းတြႃး ထဵတ်ႈထၢမ်ဢမုၶတီး ယဝ်ႉသေ...

ၵူၼ်းၶၢႆၽၵ်းၼႂ်းၵၢတ်ႇဝဵင်းၼမ်ႉၶမ်းၵေႃႉၼိုင်ႈ ၺႃးၸုမ်းယိပ်းၵွင်ႈၸုမ်းၼိုင်ႈၶဝ်ႈတီႉထိုင်ႁိူၼ်းသေဢဝ်ၵႂႃႇလႆႈ 3 ဝၼ်းယဝ်ႉယင်းပႆႇပွႆႇမႃးၶိုၼ်းလႄႈ ပီႈၼွင်ႉၵူၼ်းႁိူၼ်းဢွၼ်ၵၼ်မႆႈၸႂ် ၊ ၵူၼ်းႁၼ်တႂ်ႈတႃႈတႄႉဝႃႈပဵၼ်သိုၵ်း TNLA ။ ဝၼ်းတီႈ 15/6/2021 ယၢမ်းၵၢင်ၶမ်ႈ မွၵ်ႈ 9 မူင်း ပႃႈၶမ်းဢီႇ ဢႃယု မွၵ်ႈ 50 ပၢႆ ၵူၼ်းဝၢၼ်ႈပွၵ်ႉတႂ်ႈ ၸႄႈဝဵင်း ၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ...

မၢႆတွင်း ဝၼ်းသုၼ်ႇလႆႈ ၸိူဝ်ႉၸၢတ်ႈတႆးၼႆႉသေ ၵူၼ်းၼုမ်ႇတႆး ပတ်းပိုၼ်ႉလုမ်ႈၾႃႉ၊ ၵူၼ်းမိူင်းတႆးၼွၵ်ႈမိူင်းၼႂ်းမိူင်းၽွမ်ႉၵၼ်ႁဵတ်းလွင်ႈတူင်ႉၼိုင်ၽဵင်ႇၵၼ်၊ တႆႈတဵၼ်းယွၼ်းသူးပၼ်ၵူၼ်းမိူင်းတႆးၸိူဝ်ထုၵ်ႇပူၼ်ႉပႅၼ်သုၼ်ႇလႆႈသေ လႆႈလူႉသဵင်သုတ်းမုၼ်ၵႂႃႇ ပၢၼ်သိုပ်ႇပၢၼ်။ မိူဝ်ႈဝႃး ဝၼ်းတီႈ 16/6/2021 တူၵ်ႈမႅၼ်ႈဝၼ်းသုၼ်ႇလႆႈၸိူဝ်ႉၸၢတ်ႈတႆးသေ ၼုမ်ႇႁၢႆးၸၢႆးယိင်း ဝဵင်းပင်လူင် ၸႄႈ ဝဵင်းလွႆလႅမ် ၸိုင်ႈတႆးပွတ်းၸၢၼ်းၵေႃႈ  ႁူမ်ႈၵၼ်ႁဵတ်းသၢင်ႈလွင်ႈတူင်ႉၼိုင်ဢၼ်လီလီ ၊ လူင်းပိုၼ်ႉတီႈၸႅၵ်ႇလဵင်ႉတၢင်းၵိၼ်လုၵ်ႈဢွၼ်ႇ ၸွမ်းႁူင်းႁဵၼ်းဝၢၼ်ႈ ၼွၵ်ႈၼႃးပၢင်ႇ ၊ ႁူမ်ႈၵၼ်...

ၼႂ်းၶၢဝ်းတၢင်းၽၢၵ်ႇလိူၼ် သၢဝ်းဝၼ်းၼႆႉၵူၺ်းၵူၼ်းတိတ်းၸပ်းတၢင်းပဵၼ်ၶူဝ်ႊဝိတ်ႉ 19 ၼႂ်းၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ပုင်ႈၶိုၼ်ႈသုင်ထိုင် 60 ပၢႆယဝ်ႉ ၾၢႆႇၵူတ်ႇထတ်းတၢင်းပဵၼ်ၶူဝ်ႊဝိတ်ႉ 19 ဝဵင်းလႃႈသဵဝ်ႈလၢတ်ႈ။ ၽူႈၸွႆႈထႅမ် ႁပ်ႉသူင်ႇၵူၼ်းတိတ်းၸပ်းၶူဝ်ႊဝိတ်ႉ 19 တီႈလႃႈသဵဝ်ႈ လၢတ်ႈတီႈၽူႈ တွႆႇႁွၵ်ႈဝႃႈ - “ႁၢၼ်ႉတေႃႇထိုင်မိူဝ်ႈဝႃး ၼႆႉ ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 တင်းမူတ်းမီးၵႂႃႇ 62 ၵေႃႉယဝ်ႉ။...

မိူဝ်ႈၼႆႉ ဝၼ်းတီႈ 16/6/2021 ယၢမ်းၵၢင်ၼႂ် တီႈဝဵင်းၼမ်ႉလၼ်ႈ ၸႄႈဝဵင်းသီႇပေႃႉ ၸိုင်ႈတႆး ပွတ်းႁွင်ႇ ၵူတ်ႇထတ်းႁၼ် ၵူၼ်းတိတ်းၸပ်းၸိူဝ်ႉမႅင်း တၢင်းပဵၼ်ၶူဝ်ႊဝိတ်ႉ 19 ထႅင်ႈ 4 ၵေႃႉ ၼႆယဝ်ႉ။ ၸုမ်းၸွႆႈထႅမ်တူင်ႇဝူင်းၵူၼ်း ၼမ်ႉလၼ်ႈ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ တီႈၼမ်ႉလၼ်ႈ ထူပ်းႁၼ် ၵူၼ်းတိတ်းၸပ်းတၢင်းပဵၼ်ၶူဝ်ႊဝိတ်ႉ...

ၵူၼ်းဢိူင်ႇမိူင်းၵႅတ်ႈ 6 ၵေႃႉဢၼ်ၺႃး သိုၵ်းTNLA  တီႉၵႂႃႇၼၼ်ႉ ၶိုၼ်းပွႆႇမႃးၶိုၼ်း 2 ၵေႃႉ ယဝ်ႉဝႃႈၼႆသေတႃႉ ၶိုၼ်းသင်ႇႁႂ်ႈပူႇၵႄႇႁႃၵူၼ်းသူင်ႇတႅၼ်းၶိုၼ်း 2 ၵေႃႉဝႃႈၼႆ။ ၵူၼ်းဝၢၼ်ႈၼႃးယေး ဢိူင်ႇမိူင်းၵႅတ်ႈ ၸႄႈဝဵင်းလႃႈသဵဝ်ႈ ဢၼ်ထုၵ်ႇၸုမ်း TNLA တီႉၺွပ်း ႁွင်ႉၵႂႃႇ ၼႄတၢင်း 6 ၵေႃႉ  မိူဝ်ႈဝၼ်းတီႈ 13 ပူၼ်ႉမႃးၼႆႉၼၼ်ႉ...

ၵူၼ်းၼုမ်ႇ လႃႈသဵဝ်ႈ ၵေႃႉၼိုင်ႈ ထုၵ်ႇၸူၼ်ရူတ်ႉၶိူင်ႈသေ ၺႃးၽၼ်းသႂ်ႇ မၢတ်ႇၸဵပ်း ႁၢဝ်ႈႁႅင်း ဝႃႈၼႆ။ မိူဝ်ႈၼႆႉ ဝၼ်းတီႈ 16/6/2021 ယၢမ်းၵၢင်ၼႂ်ၸဝ်ႉမွၵ်ႈ 4 မူင်းပၢႆ  ၵူၼ်းၼုမ်ႇ ၵေႃႉၼိုင်ႈ ၸိုဝ်ႈႁွင်ႉ ၼေႃႇတူၺ်းလၢႆႇ ထုၵ်ႇ ၵူၼ်းႁၢႆႉသွင်ၵေႃႉ ၸူၼ်ဢဝ်ရူတ်ႉၶိူင်ႈသေ ၺႃးၽၼ်း သႂ်ႇထႅင်ႈလႆႈၸဵပ်းႁၢဝ်ႈႁႅင်း တီႈၼႃႈႁၢၼ်ႉၶၢႆ Hot...