ပလိၵ်ႈဝဵင်းၵျွၵ်ႉမႄး ဝႃႈ ရူတ်ႉၶိူင်ႈၸိူဝ်းလႆႈမႃးၶိုၼ်းတီႈ ၵူၼ်းလၵ်ႉရူတ်ႉၶိူင်ႈၸိူဝ်းၼၼ်ႉ ၽႂ်ပဵၼ်ၸဝ်ႈၶွင်ႈၵေႃႈ ႁႂ်ႈဢဝ်ငိုၼ်းမႃးထုတ်ႇဢဝ်ၶိုၼ်း ၼိုင်ႈၵၼ်း ၼိုင်ႈသႅၼ်ပျႃး ဝႃႈၼႆ။
ပလိၵ်ႈၵျွၵ်ႉမႄး ပိုၼ်ၽၢဝ်ႇဝႃႈ ၼႂ်းၶၢဝ်းတၢင်း လိူၼ်ဢွၵ်ႊထူဝ်ႊပိူဝ်ႊလိူၼ်လဵဝ်ၵူၺ်း တီႉလႆႈၵူၼ်းလၵ်ႉသေ ယိုတ်းလႆႈၶိုၼ်း ရူတ်ႉၶိူင်ႈ 17 ၵၼ်း။ ၽႂ်ပဵၼ်ၸဝ်ႈၶွင်ရူတ်ႉၵေႃႈ ႁႂ်ႈဢဝ်ငိုၼ်း 1 သႅၼ်ပျႃး မႃးထုတ်ႇဢဝ်ရူတ်ႉၶိူင်ႈၽႂ်မၼ်းၶိုၼ်း ၵူၼ်းမိူင်းဢၼ်ရူတ်ႉၶိူင်ႈႁၢႆဝႆႉ ၵေႃႉၼိုင်ႈလၢတ်ႈၽူႈတွႆႇႁွၵ်ႈၼင်ႇၼႆ။
ၸဝ်ႈရူတ်ႉၶိူင်ႈမၢင်ၵေႃႉလႆႈထုတ်ႇၶိုၼ်း ၼိုင်ႈသႅၼ်ပျႃး မၢင်ၵေႃႉၵေႃႈ လႆႈထုတ်ႇၶိုၼ်းထိုင် သႅၼ်ႁႃႈၵေႃႈမီး။ ၸဝ်ႈၶွင်ရူတ်ႉ ၸိူဝ်းႁူႉလႄႈၸိူဝ်းငိၼ်းၶၢဝ်ႇတႄႉ မႃးထုတ်ႇၶိုၼ်းယူႇသေတႃႉ ၸိူဝ်းဢမ်ႇလႆႈငိၼ်းၶၢဝ်ႇသေ ဢမ်ႇမႃးထုတ်ႇၼၼ်ႉတႄႉ ပလိၵ်ႈဢဝ်ရူတ်ႉၶိူင်ႈဢွၵ်ႇၶၢႆၵေႃႈမီး ၵူၼ်းၶၢႆရူတ်ႉၶိူင်ႈၼႂ်းဝဵင်းၵျွၵ်ႉမႄးလၢတ်ႈ။
ၸူဝ်ႈၵၢင်ပီမႃးၼႆႉ ၼႂ်းၸႄႈဝဵင်းၵျွၵ်ႉမႄး သီႇပေႃႉ လႃႈသဵဝ်ႈ မီးလွင်ႈလၵ်ႉရူတ်ႉၶိူင်ႈၵၼ်ၵူႈဝၼ်း ။ ၵူၼ်းလၵ်ႉဢမ်ႇဝဵၼ်ႉဝၼ်းဝဵင်ႉၶိုၼ်း ႁၼ်တီႈလႂ် လၵ်ႉတီႈၼၼ်ႈ။ ၵူၼ်းလႃႈသဵဝ်ႈလၢတ်ႈၼင်ႇၼႆ။