တၢင်းပဵၼ်ၶူဝ်ႊဝိတ်ႉ 19 ၽႄႈလၢမ်း ႁၢဝ်ႈႁႅင်းလႄႈ ၵၢတ်ႇလူင်တင်း ႁူင်းႁဵၼ်းလူင်ပွင်ၸိုင်ႈ တေပိၵ်ႉဢိုတ်းတေႃႇထိုင်လိူၼ် ၼႆႉသဵင်ႈ။ ႁၢင်လိူၼ်ၵျုၼ်ႊမႃး တေႃႇထိုင်ဝၼ်းတီႈ 22/7/2021 ၼႆႉ ၼႂ်းၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း ထတ်းႁၼ် ၵူၼ်းတိတ်းၸပ်း ၸိူဝ်ႉမႅင်း ၶူဝ်ႊဝိတ်ႉ 19 တင်းမူတ်း မီး 99 ၵေႃႉ ၼႂ်းၼၼ်ႉ လူင်းႁူင်း...

မိူင်းတႆး ပွတ်းဢွၵ်ႇၶူင်း ၼႂ်းၸႄႈဝဵင်းမိူင်းပဵင်း ၼၼ်ႉ ၾၢႆႇပၢႆးယူႇလီ ၵူတ်ႇထတ်း ႁူပ်ႉႁၼ် ၵူၼ်းတိတ်းၸပ်း တၢင်းပဵၼ်ၶူဝ်ႊဝိတ်ႉ 19 တင်းမူတ်းမီး 96 ၵေႃႉ။ ဝၼ်းတီႈ 22/7/2021 ယၢမ်းဝၢႆးဝၼ်းၼႆႉ ၼႂ်းၸႄႈဝဵင်းမိူင်းပဵင်း ၸႄႈတွၼ်ႈၵဵင်းတုင် ၸိုင်ႈတႆးပွတ်းဢွၵ်ႇၶူင်း ၵူတ်ႇထတ်း ႁၼ်ထႅင်ႈၵေႃႉၼိုင်ႈ ယၢမ်းလဵဝ် တင်းမူတ်းမီးၵႂႃႇ 96 ၵေႃႉ။...

ၵူၼ်းဝၢၼ်ႈၸေႈၶၢၼ် သီႇပေႃႉ မိူင်းတႆးပွတ်းႁွင်ႇ - သွင်ၽူဝ်မေး ၺႃးၵူၼ်းယွင်ႇယႃႈ လၢၵ်ႈလႅဝ်း လမ်းၽၼ်း၊ ၵေႃႉပဵၼ်ၽူဝ် လူႉတၢႆ၊ ၵေႃႉပဵၼ်မေးၵေႃႈ မၢတ်ႇၸဵတ်းၸွမ်း။ ဝၼ်းတီႈ 20/7/2021 ယၢမ်းဝၢႆးဝၼ်းမွၵ်ႈ 3 မူင်း သွင်ၽူဝ်မေး ၵူၼ်းဝၢၼ်ႈၸေႈၶၢၼ် ဢိူင်ႇသီႇထွၵ်ႈ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ထုၵ်ႇၸၢႆးတွမ်ႇ...

ၵူၼ်းပၢႆႈၽေးသိုၵ်း တီႈမိူင်းၵိုင် ၵိုတ်းထႅင်ႈ 100 ပၢႆ ၵူၼ်းထဝ်ႈလႄႈ လုၵ်ႈဢွၼ်ႇ ပႆႇႁတ်းပွၵ်ႈႁိူၼ်းယေး ၸိူဝ်းၼၼ်ႉ တိုၵ်ႉႁူပ်ႉ တၢင်းယၢပ်ႇ ၵဵဝ်ႇၵပ်း ၵၢၼ်ၵိၼ်ၵၢၼ်ယမ်ႉ လွင်ႈယူႇ လွင်ႈသဝ်း။ မိူဝ်ႈဝႃး ဝၼ်းတီႈ 21/7/2021 ယၢမ်းဝၢႆးဝၼ်း ၵူၼ်းပၢႆႈၽေးသိုၵ်း ၼႂ်းဢိူင်ႇမိူင်းၶုၼ် တင်း ဢိူင်ႇႁူၺ်ႈလူင် ဢၼ်ပၢႆႈမႃး တီႈဝတ်ႉပၢင်ႇလႅင်၊...

ၾူၼ်တူၵ်းႁၢဝ်ႈႁႅင်းထပ်းၵၼ်လၢႆဝၼ်း၊ ၼမ်ႉႁူၺ်ႈၼမ်ႉပႃႇ လႆႈတွင်ႈ တူၼ်ႈမႆႉလူမ်ႈ၊ ၼမ်ႉၶိုၼ် ဢၼ်လႆလတ်းၼႂ်းထုင်ႉၵဵင်းတုင် ၵေႃႈၼွင်းထူမ်ႈတူင်ႈႁႆႈ တူင်ႈၼႃး ႁိူၼ်းယေး ၵူၼ်းဝၢၼ်ႈ။ ဝၼ်းတီႈ 21/7/2021 ယၢမ်းၵၢင်ၼႂ် ၵႄးၼမ်ႉၶိုၼ် ၼွင်းလူၼ်ႉၾင်ႇ ထူမ်ႈႁိူၼ်းယေး သူၼ်ႁႆႈၼႃး ၵူၼ်းမိူင်း ၼႂ်းပွၵ်ႉ 4 ပွၵ်ႉ 5 ၊ ၼႂ်းဢိူင်ႇယၢင်းလေႃး၊ ဢိူင်ႇဝတ်ႉသၢဝ်း၊...

မိူဝ်ႈၼႆႉ ဝၼ်းတီႈ 22/7/2021 ယၢမ်းၵၢင်ၼႂ် ၸၢႆးဝုၼ်းလိူၼ်း ဢႃယု 40 ပီ ၽူႈၼမ်းၼႂ်းၵူႈလွင်ႈလွင်ႈ ၸုမ်းၵူၼ်းၼုမ်ႇတႆး TYO  ပွတ်းဢွၵ်ႇၶူင်း ၵိုင်ႉၵၢင်ႉၼၢဝ်သေလႄႈ လူႉသဵင်ႈၵႂႃႇ တီႈဝဵင်းတူၼ်ႈတီး။ ၽူႈမီးပုၼ်ႈၽွၼ်းၼႂ်းၸုမ်းၵူၼ်းၼုမ်ႇတႆး TYO ဝဵင်းတူၼ်ႈတီး ၵေႃႈၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ -“ ပီႈဝုၼ်းလိူၼ်းၼႆႉ မိူဝ်ႈဝႃးတင်းမိူဝ်ႈသိုၼ်းတႄႉ မီးလူမ်းၼၢဝ်ဢိတ်းဢိတ်းၶႃႈဢေႃႈ။ ထိုင်ၼႂ်ၼႆႉတႄႉ လူမ်းမႆႈၶိုၼ်ႈႁႅင်းသေ...

ၶၢဝ်းတၢင်း 2 ဝၼ်းမႃးၼႆႉ ၵူၼ်းမိူင်းၼႂ်းၸႄႈဝဵင်းၼမ်ႉၶမ်း တၢႆယွၼ်ႉတၢင်းပဵၼ် ၶူဝ်ႊဝိတ်ႉ 19 ထႅင်ႈ 3 ၵေႃႉ ႁူမ်ႈၵူၼ်းတၢႆတင်းမူတ်းမီး 20 ပၢႆယဝ်ႉဝႃႈၼႆ။ မိူဝ်ႈဝႃး ဝၼ်းတီႈ 20/7/2021 ၵူၼ်းမိူင်းၼမ်ႉၶမ်း တၢႆယွၼ်ႉတၢင်းပဵၼ်ၶူဝ်ႊဝိတ်ႉ 19   သွင်ၵေႃႉ မိူဝ်ႈၼႆႉ ဝၼ်းတီႈ 21/7/2021 ယၢမ်းၵၢင်ၼႂ်သမ်ႉ လူႉတၢႆထႅင်ႈၵေႃႉၼိုင်ႈ...

ယၢမ်းလဵဝ် ၼႂ်းမိူင်းထႆး ၵူၼ်းတိတ်းၸပ်း ၸိူဝ်ႉမႅင်း ၶူဝ်ႊဝိတ်ႉ 19  ၼိုင်ႈဝၼ်းမီးမိုၼ်ႇပၢႆ  လူႉတၢႆ  ဝၼ်း 100 ပၢႆ ႁႅင်းၵၢၼ် မိူင်းႁူမ်ႈတုမ် ၸိူဝ်းတိတ်းၸပ်းၸိူဝ်ႉမႅင်းတၢင်းပဵၼ်ၵၼ်ၵေႃႈ မီးမႃးၼမ်  ဝႃႈၼႆ။ မိူဝ်ႈၼႆႉ ဝၼ်းတီႈ 21/7/2021 ယၢမ်းဝၢႆးဝၼ်း ၼႂ်းမိူင်းထႆး ပတ်းပိုၼ်ႉ မီးၵူၼ်းတိတ်းၸပ်း ၸိူဝ်ႉမႅင်း တၢင်းပဵၼ်...

ၵူၼ်းပၢႆႈၽေးပၢင်တိုၵ်းလွႆႁူၼ်း  ဢၼ်မႃးမီးဝႆႉတီႈ ဝတ်ႉၼၢင်းဢူးပဵမ်ႇ ႁူဝ်ၵူၼ်း 100 ပၢႆၼၼ်ႉ ၶိုၼ်းဢွၼ်ၵၼ် ပွၵ်ႈႁိူၼ်း ယေးၵၼ်ယဝ်ႉ ဝႃႈၼႆ။ ဝၼ်းတီႈ 20-21/7/2021 ၶၢဝ်းတၢင်း 2 ဝၼ်းမႃးၼႆႉ ၵူၼ်းဝၢၼ်ႈၵူင်းၼမ်ႉမေႃႇတင်း ဝၢၼ်ႈပဵင်းမၢၵ်ႇမူင်ႈ ၼႂ်းဢိူင်ႇႁူၺ်ႈ လူင် ႁူဝ်ၵူၼ်း 102 ၵေႃႉ ဢၼ်ပၢႆႈမႃးသွၼ်ႈဝႆႉ တီႈဝတ်ႉၼၢင်းဢူးပဵမ်ႇ ၸႄႈဝဵင်းမိူင်းၵိုင်...

ယၢမ်းလဵဝ် ၼႂ်းၸႄႈဝဵင်းမိူင်းၵိုင် ၵူတ်ႇထတ်းႁၼ် ၵူၼ်းတိတ်းၸပ်းၸိူဝ်ႉမႅင်း တၢင်းပဵၼ်ၶူဝ်ႊဝိတ်ႉ 19 တင်းမူတ်းမီးၵႂႃႇ 12 ၵေႃႉယဝ်ႉ လူႉတၢႆတႄႉပႆႇမီး ဝႃႈၼႆ။ တႄႇဢဝ် ဝၼ်းတီႈ 6-21/7/2021 ၼႆႉမႃး ၼႂ်းၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ၵူတ်ႇထတ်း ႁၼ်ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 တင်းမူတ်း 12 ၵေႃႉ ၼႂ်းၼၼ်ႉ...

တၢင်းပဵၼ်ၶူဝ်ႊဝိတ်ႉ 19 ၽႄႈလၢမ်းႁၢဝ်ႈႁႅင်းမႃး ပွၵ်ႈၵမ်းသၢမ် ၼႂ်းမိူင်းႁူမ်ႈတုမ်ၼႆႉ  ၼႂ်းၸႄႈတွၼ်ႈလၢင်းၶိူဝ်း ၸိုင်ႈတႆး ပွတ်းၸၢၼ်းၵေႃႈ မီးၵူၼ်းတိတ်းၸပ်း ၸိူဝ်ႉမႅင်းၶူဝ်ႊဝိတ်ႉ 19 တင်းမူတ်း  77 ၵေႃႉယဝ်ႉ။ တေႃႇထိုင်ဝၼ်းတီႈ 20/7/2021 ယၢမ်းၵၢင်ၶိုၼ်း 10 မူင်းၼႆႉ ၸွမ်းၼင်ႇ သဵၼ်ႈသၢႆမၢႆ   ၾၢႆႇပၢႆးယူႇလီၶဝ်လႆႈ ႁုပ်ႈဝႆႉ ၼႂ်းၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း...

ၶၢဝ်းတၢင်းၼိုင်ႈလိူၼ်မႃးၼႆႉ ၼႂ်းၸႄႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ မီးၵူၼ်းတိတ်းၸပ်း ၸိူဝ်ႉမႅင်း ၶူဝ်ႊဝိတ်ႉ 19 တင်းမူတ်း 436 ၵေႃႉ၊ လူႉတၢႆ 21 ၵေႃႉယဝ်ႉ ဝႃႈၼႆ။ တႄႇဢဝ် ဝၼ်းတီႈ 19/6/2021 မႃးထိုင် ဝၼ်းတီႈ 19/7/2021  ယၢမ်းဝၢႆးဝၼ်း 4 မူင်း ၼႂ်းၶၢဝ်းတၢင်း ၼိုင်ႈလိူၼ်...

တၢင်းပဵၼ်ၶူဝ်ႊဝိတ်ႉ 19 ၽႄႈလၢမ်းႁၢဝ်ႈႁႅင်းမႃးပွၵ်ႈၵမ်းသၢမ်ၼႆႉသေ ၵူၼ်းၼႂ်းဝဵင်းမူႇၸေႊၵမ်ႈၼမ် ဢွၼ် ၵၼ်ၵၵ်းတူဝ် ယူႇဝႆႉၼႂ်းႁိူၼ်းယေးၽႂ်မၼ်း ဢမ်ႇၸၢင်ႈဢွၵ်ႇၼွၵ်ႈႁိူၼ်း ယၢပ်ႇၽိုတ်ႇလွင်ႈၵိၼ်ယႅမ်ႉလႄႈ  ပီႈၼွင်ႉဢိူင်ႇ 19 မၢၼ်ႈ (မၢၼ်ႈႁဵဝ်း)ဢဝ်ၽၵ်း ၶဵဝ် ၼႂ်းၶူဝ်းသူၼ်ၽႂ်မၼ်း မႃးၸႃႇၵ ၸွႆႈထႅမ် ဝႃႈၼႆ။   ၼႂ်းၵၢင်လိူၼ်ၵျုႊလၢႆႊ 2021 ၼႆႉမႃး ပီႈၼွင်ႉၼႂ်းဢိူင်ႇ 19 မၢၼ်ႈ...

ၽူႈမီးၸၼ်ႉ ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ ၵေႃႉၼိုင်ႈ ယိုဝ်းတူဝ်ၸဝ်ႈၵဝ်ႇတၢႆ ၶိုၼ်း တီႈဝဵင်းႁူဝ်မိူင်း လႅၼ်လိၼ်တႆး-ထႆး ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း ၵူၼ်းပိုၼ်ႉတီႈဝႃႈလႅပ်ႈပဵၼ်လွင်ႈသုၵ်ႉၸႂ်ၼႂ်းၵၢၼ်ငၢၼ်းၵူၺ်းဝႃႈၼႆ။ မိူဝ်ႈဝၼ်းတီႈ 15/7/2021 ယၢမ်းၵၢင်ၼႂ် 6 မူင်း  ၶုၼ်သိုၵ်းလူင်ၵေႃႉၼိုင်ႈ   တပ်ႉၶလရ 296  (ငဝ်ႈ တပ်ႉဢၼ်ပၵ်းဝႆႉတီႈတႃႈၵေႃႈ ၵုၼ်ႁဵင်)  တူၵ်းပုၼ်ႈၽွၼ်းမႃးပၵ်းသဝ်းတူင်ႉၼိုင်ၼႂ်းၵိင်ႇၸႄႈဝဵင်းႁူဝ်မိူင်း ၸႄႈတွၼ်ႈလၢင်းၶိူဝ်း ၼၼ်ႉ...

ၵူၼ်းဝၢၼ်ႈၼႂ်းဢိူင်ႇတေႃႉသၢင်ႇ ဢၼ်ပၢႆႈမႃသွၼ်ႈဝႆႉတီႈမိူင်းငေႃႉ ႁူဝ်ၵူၼ်း မွၵ်ႈႁဵင်ၼၼ်ႉ   တႃႇၶိုင်ႈၼိုင်ႈ သိုပ်ႇပၢႆႈထႅင်ႈ ၵူၺ်းၵႃႈ သိုပ်ႇပၢႆႈၵႂႃႇ တၢင်းလႂ် ဢၼ်ဝႃႈၼၼ်ႉ ပႆႇႁူႉ။ တႄႇဢဝ်ၼႂ်းၵၢင်လိူၼ်ၵျုႊလၢႆႊ 2021 ၶၢဝ်းတၢင်း 4-5 ဝၼ်းမႃးၼႆႉ ၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉတီႈ ၵိင်ႇၽႄ ၸႄႈဝဵင်းမိူင်းငေႃႉ ၸႄႈဝဵင်းၵျွၵ်ႉမႄး ၸိုင်ႈတႆး ပွတ်းႁွင်ႇ ႁူဝ်ၵူၼ်း မွၵ်ႈ...