မိူဝ်ႈၼႆႉ ဝၼ်းတီႈ 21/02/2026 ယၢမ်းၵၢင်ၼႂ် 10 မူင်း ၵူၼ်းၼုမ်ႇတႆး ၸၢႆးလူင်ဝၼ်း ပဵၼ်တူဝ်တႅၼ်း မိူင်းမၢၼ်ႈသေ ၶဝ်ႈၶႄႉၶႅင်ႇတွႆႇမူၺ်း ၸၼ်ႉလုမ်ႉၾႃႉ တီႈပၢင်ၶေႉတွႆႇမူၺ်း Krudam Fight 32 တီႈဝဵင်းလူင်ၵုင်းထဵပ်ႈ မၼ်းၸၢႆးဢွင်ႇပေႉ ၵူႈၶႅင်ႇတွႆႇမူၺ်း ၸၢႆးၼုမ်ႇၵူၼ်းထႆးၸိုဝ်ႈ ၽဵတ်းၼမ်ႉပုတ်ႇ ။

ၵူႈတွႆႇမူၺ်း ၸၢႆးလူင်ဝၼ်းလႄႈ ၽဵတ်းၼမ်ႉပုတ်ႇ ၶဝ်ၼႆႉပဵၼ်ၵူႈၶႅင်ႇထိ 10 တွၼ်ႈတႃႇၸၼ်ႉၶႅင်ႇတွႆႇမူၺ်း သႅၼ်းၼမ်ႉၼၵ်း 51 ၵီႊလူဝ်ႊၵရမ်ႊ။ တီႈပၢင်ၶႅင်ႇၵၼ်ၸၼ်ႉၼႆႉ မီးတူဝ်တႅၼ်းတႃႇ 30 ၸိုင်ႈမိူင်းၼႂ်းလုမ်ႈၾႃႉ မႃးၶႄႉၶႅင်ႇတွႆႇမူၺ်း။

ပၢင်တွႆႇမူၺ်း Krudam Fight 32 သႅၼ်းၼမ်ႉၼၵ်း 51 ၵီႊလူဝ်ႊၵရမ်ႊ ၼႆႉ ပဵၼ်ၶဵင်ႇမူၺ်း/ပိုၼ်ႉတီႈတႃႇတွၼ်ႈတႃႇ ၵူၼ်းၼုမ်ႇၼႂ်းလုမ်ႈၾႃႉ ၽူႈသူၼ်ၸႂ်တွႆႇမူၺ်းၶဝ် မီးသုၼ်ႇမႃးၶိုၼ်ႈတွႆႇ ၼႄၼမ်ႉၵတ်ႉတူဝ်ၵဝ်ႇ- ၼႆ ၾၢႆႇတၢင်းၸုမ်းဢွၼ်ၼမ်းၸတ်းပၢင်ၶႄႉၶႅင်ႇလၢတ်ႈၵႂႃႇၼင်ႇၼႆ။

တီႈပၢင်တွႆႇမူၺ်းၵမ်းၼႆႉ ၵူၼ်းၼုမ်ႇတႆးဢၼ်တၢင်တူဝ်မိူင်းမၢၼ်ႈမႃးတွႆႇၼႆႉဢမ်ႇၵႃးၸၢႆးလူင်ဝၼ်းၼႆႉၵူၺ်း။ ယင်းမီးထႅင်ႈ ၸၢႆးဢႃရိယ ၼႆထႅင်ႈၵေႃႉၼိုင်ႈ။ ၵူၺ်းၵႃႈ ၼၼ်ႉတႄႉပႆႇလႆႈငိၼ်းလွင်ႈၶပ်ႉမၢႆမၼ်းၸၢႆး။