ၵူၼ်းပၢႆႈၽေးသိုၵ်း မႃးမီးတီႈမိူင်းၵိုင် ၵေႃႉၼိုင်ႈ ၽွင်းပွၵ်ႈမိူဝ်းတူၺ်းၶိုၼ်းတီႈဝၢၼ်ႈၼၼ်ႉ  မိူဝ်းယဵပ်ႇၺႃးမၢၵ်ႇသေ လူႉတၢႆထင်တီႈ ၵေႃႉၼိုင်ႈ  တေႃႇထိုင်ယၢမ်းလဵဝ် ၵူၼ်းဝၢၼ်ႈပႆႇႁတ်းၵႂႃႇဢဝ်တူဝ်မႃးလုမ်းလႃးပၼ်။ မိူဝ်ႈဝၼ်းတီႈ 5/1/2022 ယၢမ်းဝၢႆးဝၼ်း  ပီႈၼွင်ႉၵူၼ်းဝၢၼ်ႈဢွၼ်ၵၼ်ၸွမ်းၶႆႈႁႃတူဝ်ၸၢႆးၵျႃႇလႄႈ ၵႂႃႇထူပ်းႁၼ်တူဝ်တၢႆ  မၼ်းၸၢႆး   ၼႂ်းတူင်ႈၼႃးႁၢမ်း ၾၢႆႇတူၵ်းဝၢၼ်ႈမႂ်ႇလွႆသၢႆး (ဢၼ်မီးၾၢႆႇႁွင်ႇလွႆၽြႃးၶႄႇ) ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း  ။ ၵူၼ်းဝၢၼ်ႈမႂ်ႇလွႆသၢႆး လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ...

ၵူၼ်းပၢႆႈၽေးသိုၵ်း ၼႂ်းၸႄႈဝဵင်းမိူင်းၵိုင် ႁူဝ်ၵူၼ်း 2 ႁဵင်ပၢႆ လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်းၵိၼ်လႄႈ ၽႃႈႁူမ်ႈၶူဝ်းၼွၼ်း ၸိူဝ်းၼႆႉ ဝႃႈၼႆ။ တႄႇဢဝ် ႁူဝ်လိူၼ်ၵျႅၼ်ႊၼိဝ်ႊရီႊ 2022 ၼႆႉမႃး ၵူၼ်းဝၢၼ်ႈ ၼႂ်းဢိူင်ႇႁူၺ်ႈလူင် ဢိူင်ႇႁူဝ်ၼႃး ဢၼ်မီးၾၢႆႇဢွၵ်ႇဝဵင်း ၸႄႈဝဵင်းမိူင်းၵိုင် ၸႄႈ တွၼ်ႈလွႆလႅမ် ၸိုင်ႈတႆးပွတ်းၸၢၼ်း ဢွၼ်ၵၼ်ငိူင်ႈပၢႆႈဝႆႉထႃး မႃးသွၼ်ႈဝႆႉ ၸွမ်းႁိူၼ်းယေးပီႈၼွင်ႉလႄႈ...

ၾၢႆႇပၢႆးယူႇလီ ဝဵင်းလၢင်းၶိူဝ်း ဢွၵ်ႇၶၢဝ်ႇဝႃႈ ဝၼ်းတီႈ 19/7/2021 မႃး တေႃႇထိုင် ဝၼ်းတီႈ 5/1/2022 ၼႆႉ ၼႂ်းၸႄႈဝဵင်းလၢင်းၶိူဝ်း မီးၵူၼ်းၸပ်းတၢင်းပဵၼ်ၶူဝ်ႊဝိတ်ႉ 19 မီး 1,500 ပၢႆ ၊ လူႉတၢႆ 17 ၵေႃႉ ။ ၼႂ်းၸႄႈဝဵင်းလၢင်းၶိူဝ်း ၵူတ်ႇထတ်းႁၼ် ၵူၼ်းပဵၼ် တေႃႇထိုင်...

ႁွင်ႈၵၢၼ်ၾၢႆႇႁူင်းႁႅမ်းလႄႈ ဢွၵ်ႇၶၢဝ်းတၢင်း ၶွင်ႇသီႇသိုၵ်းမၢၼ်ႈ ႁူမ်ႈ ၾၢႆႇၽွင်းငမ်း ၸႄႈဝဵင်းၵဵင်းတုင် ဝဵင်းလွႆမူၺ် သေ ႁဵတ်းပွႆးမွၵ်ႇၵွၼ်ႇ ၶၢဝ်းတၢင်း 5 ဝၼ်း၊ ၵူၼ်းဝၢၼ်ႈ ၵူၼ်းမိူင်း ၼႂ်းပိုၼ်ႉတီႈ မႆႈၸႂ် ၵူဝ်တၢင်းပဵၼ် ၶူဝ်ႊဝိတ်ႉ 19 ၽႄႈလၢမ်းထႅင်ႈ။ မိူဝ်ႈၼႆႉ ဝၼ်းတီႈ 6/1/2022 တေႃႇထိုင် ဝၼ်းတီႈ...

ဝၢႆးသေ ၵူၼ်းၵဵပ်းၶွၼ်ႇၶွင်သိုၵ်း TNLA ထုၵ်ႇယိုဝ်းတၢႆထင်တီႈ ၼႂ်းၵၢတ်ႇၼမ်ႉၶမ်းယဝ်ႉၼၼ်ႉ ၵူၼ်းၶၢႆၶူဝ်းၼႂ်းၵၢတ်ႇ ၵမ်ႈၽွင်ႈ ဢမ်ႇႁတ်းၵႂႃႇၶၢႆ မၢင် ၵေႃႉ တေႃႉၶူဝ်းၵုၼ်ႇ ပွၵ်ႈၶိုၼ်းႁိူၼ်းယေး ၽႂ်မၼ်း ၵေႃႈမီး ဝႃႈၼႆ။ ၼႂ်းဝၼ်းတီႈ 5-6-/1/2022 ၶၢဝ်းတၢင်း 2 ဝၼ်းမႃးၼႆႉ ၼႂ်းၵၢတ်ႇလူင် ဝဵင်းၼမ်ႉၶမ်း ယဵၼ်သီႇ ၵူၼ်းၵႃႉၶၢႆဢမ်ႇႁတ်းၵႂႃႇပိုတ်ႇႁၢၼ်ႉၶၢႆၶူဝ်း  ၊...

သိုၵ်းမၢၼ်ႈ တင်း သိုၵ်းတဢၢင်း TNLA ပိုတ်းယိုဝ်းၵၼ် ၼႂ်းၸႄႈဝဵင်းၼမ်ႉၶမ်းမိူဝ်ႈဝႃးၼႆႉ ၾၢႆႇသိုၵ်းမၢၼ်ႈ တၢႆ 4 ၵေႃႉ မၢတ်ႇ ၸဵပ်းႁၢဝ်ႈႁႅင်း 1 ၵေႃႉ။ မိူဝ်ႈဝႃး ဝၼ်းတီႈ 5/1/2022 ယၢမ်းဝၢႆးဝၼ်း ၶွင်ႇသီႇသိုၵ်းမၢၼ်ႈ ယိုတ်းမိူင်း တင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ် တၢင်း...

ၸဝ်ႈသြႃႇလူင် ၵွၼ်းတိင်ႇၺ ႁူဝ်ပဝ်ႈ ၵေႃၽႄပရိယတ်တိသတ်ꩪမ်ပႃႇလၵႅၼ်ႇၸဝ်ႈ တူင်ႇဝဵင်း လႄႈ ၽူႈၶဝ်ႈၸုမ်းသင်ႇၶၼႃႇယၵ တူင်ႇဝဵင်း မိူင်းယႆ လႆႈၶဝ်ႈသူၼ်မၢၵ်ႇႁၢၵ်ႈၶမ်းၵႂႃႇ လူၺ်ႈတၢင်းပဵၼ်လိူတ်ႈသုင် ၽွင်းဢႃယု 78 ပီ ဝႃႇသႃ 59 ဝႃႇ။ ပေႃးထိုင်မႃး ဝၼ်းတီႈ 8/1/2022 ယၢမ်းၵၢင်ၶမ်ႈ 7 မူင်း ယူႇတီႇသင်ႇၶၸဝ်ႈလႄႈ တၵ်ႇၵႃႇသတ်ႉထႃး...

မိူဝ်ႈၼႆႉ ဝၼ်းတီႈ 5/1/2021 ယၢမ်းၵၢင်ၼႂ် သိုၵ်းမၢၼ်ႈယိုဝ်းၵွင်ႈလူင် လိုပ်ႈလမ်းသိုၵ်း TNLA ၊ မၢၵ်ႇၵွင်ႈတူၵ်းတႅၵ်ႇ ၼႂ်းဝၢၼ်ႈႁူဝ်ၼႃး ၸႄႈဝဵင်းၼမ်ႉၶမ်း  ၸၢၵ်ႇမၢၵ်ႇတိူဝ်ႉသႂ်ႇ ၵူၼ်းဝၢၼ်ႈ  မၢတ်ႇၸဵပ်း 6 ၵေႃႉ ၼႂ်းၼၼ်ႉ ပႃးလုၵ်ႈဢွၼ်ႇ 3 ၵေႃႉ  ။ ၵူၼ်း ၼမ်ႉၶမ်း လၢတ်ႈတီႈၽူႈတွႆႇႁွၵ်ႈဝႃႈ -...

မိူဝ်ႈၼႆႉ ဝၼ်းတီႈ 5/1/2022 ယၢမ်းၵၢင်ၼႂ် သိုၵ်းတဢၢင်း TNLA  ႁႅင်းသိုၵ်းၼမ်လၢႆ ၶဝ်ႈတူင်ႉၼိုင် ၸွမ်းသၢပ်ႇဝဵင်း ၼႂ်းၸႄႈ ဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ ႁဵတ်းႁႂ်ႈ ၵူၼ်းမိူင်း   တိုၼ်ႇသၢၼ်ႈတူၵ်းၸႂ်ၵူဝ်ၵၼ် ၼႆယဝ်ႉ။ ၵူၼ်းပိုၼ်ႉတီႈၼမ်ႉၶမ်း လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ သိုၵ်းလွႆၽႄႁဵတ်းသွင်ငႃးသေ ၶဝ်ႈမႃးၼႂ်းဝဵင်းဢေႃႈ။ ငႃးၼိုင်ႈ လုၵ်ႉတၢင်းဝၢၼ်ႈႁူဝ်ၼႃး...

သၢႆသိုၵ်းမၢၼ်ႈ တူင်ႉၼိုင် ၾၢႆႇဢွၵ်ႇဝဵင်းမိူင်းၵိုင် ၵူၼ်းမိူင်း  မႆႈၸႂ်ၵူဝ်ပဵၼ်ပၢင်တိုၵ်း   ဝႃႈၼႆ။ ဝၼ်းတီႈ 4/1/2022 သၢႆသိုၵ်းမၢၼ်ႈ ဢဵၼ်ႁႅင်း မွၵ်ႈ 50 တူင်ႉၼိုင်ၵႂႃႇတၢင်း ၾၢႆႇဢွၵ်ႇဝဵင်း ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈ တႆးပွတ်းၸၢၼ်း ၵူၼ်းမိူင်းမႆႈၸႂ် ၵူဝ်ပဵၼ်ပၢင်တိုၵ်း လၢမ်းၽႄႈႁႅင်းလႄႈ ဢွၼ်ၵၼ်ပၢႆႈၽေးသိုၵ်းထႃႈၵေႃႈမီး။ ၵူၼ်းမိူင်းၵိုင် လၢတ်ႈတီႈၽူႈတွႆႇႁွၵ်ႈဝႃႈ...

ၵူၼ်းဝၢၼ်ႈဢိူင်ႇႁူးသူၼ် ဢိူင်ႇပုင်းလူင် ၼႂ်းၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ယူႇၵိၼ်ယၢပ်ႇၽိုတ်ႇလႄႈသိုပ်ႇပၢႆႈလူင်းထိုင်ၸႄႈဝဵင်းလွၵ်ႉၸွၵ်ႇ ။ ဝၼ်းတီႈ 2/1/2022 ပူၼ်ႉမႃးၼႆႉ ၵူၼ်းပၢႆႈၽေးသိုၵ်း ႁူဝ်ၵူၼ်း 400 ပၢႆၼႂ်းၸႄႈဝဵင်းၵျွၵ်ႉမႄး သိုပ်ႇယၢႆႉၶၢႆႉတီႈလူင်းမႃးယူႇၼႂ်းဢိူင်ႇၵဵင်းၶမ်းၸႄႈဝဵင်းလွၵ်ႉၸွၵ်ႇ ၸိုင်ႈတႆးပွတ်းၸၢၼ်း။ လုင်းၸၢႆးလႅင်းႁၢၼ် ႁူဝ်ပဝ်ႈၵေႃလိၵ်ႈလၢႆးလႄႈၾိင်ႈငႄႈတႆး ၸႄႈဝဵင်းၵျွၵ်ႉမႄး ဢၼ်ၸွႆႈထႅမ်ၵူၼ်းပၢႆႈၽေးသိုၵ်းၼၼ်ႉလၢတ်ႈတီႈၽူႈတွႆႇႁွၵ်ႈဝႃႈ - “တႃႇၵႄႈလိတ်ႈပၼ်ႁႃ တႃႇႁႃၵိၼ်လဵင်ႉတွင်ႉၶႃႈဢိူဝ်ႈ။ တေသိုပ်ႇယူႇသဝ်းၵႂႃႇတီႈပၢင်သဝ်းၵူၼ်းပၢႆႈၽေးသိုၵ်းၵေႃႈ ပေႃးၶၢဝ်းယၢဝ်း သမ်ႉတေယၢပ်ႇၽိုတ်ႇတႃႇၶဝ်ႁဵတ်းၼႆၶႃႈဢိူဝ်ႈ။ ၾၢႆႇၼိုင်ႈ...

မေႃၼပ်ႉသွၼ်ႇ ပေႇတၢင်ႇၵႃလႃးပတ်းပိုၼ်ႉမိူင်းႁူမ်ႈတုမ်ဢွၼ်ၵၼ်ၼပ်ႉသွၼ်ႇဢွၵ်ႇမႃးမိူၼ်ၵၼ်ဝႃႈ ၼႂ်းပီ 2022 ၼႆႉၽူႈၼမ်းၸိၵ်းၸွမ်သိုၵ်းမၢၼ်ႈ မိၼ်းဢွင်ႇလၢႆႇ လႄႈ သိုၵ်းယိုတ်းမိူင်းတင်းၸုမ်းတင်းၸိူဝ်း မီးၵိင်းၵဵဝ်ႇတေတူၵ်းသုမ်းၵူႈၸိူဝ်ႉၵူႈလွင်ႈ ဝႃႈၼႆ။ ပေႇတၢင်ႇၵႃလႃးၽိုၼ်ၵျၢမ်းဢၼ်ႁေႃးဝႆႉတႃႇပီ 2022 ၼႆႉၵူႈၽိုၼ် ပႃးၸဵမ်လိၵ်ႈမႁႃႇသၢင်းၵျၢၼ်ႇ၊ ဢိၵ်ႇပႃးတင်း မေႃႁူးလႃး သြႃႇၸေႇယႃႇၵူဝ်ႇ ၵေႃႉဢၼ်ၸမ်ၸႂ်ၵၼ်တင်းပႃႇတီႇသၢင်ႇသီႈ လႄႈတပ်ႉသိုၵ်းမၢၼ်ႈ ၵေႃႈယင်း ၼပ်ႉသွၼ်ႇတႅမ်ႈဢွၵ်ႇဝႆႉဝႃႈ  - ၸုမ်းၸိူဝ်းဢၼ်ၽွင်းငမ်းဝၢၼ်ႈမိူင်း မီးၵိင်းၵဵဝ်ႇတူၵ်းသုမ်းၵူၼ်ႇပင်း ၵူႈၸိူဝ်ႉၵူႈလွင်ႈ...

ၽူႈယိင်းၵူၼ်းတႃႈၶီႈလဵၵ်းၵေႃႉၼိုင်ႈ ၺႃးသိုၵ်းမၢၼ်ႈတီႉယဵတ်ႈၶွၵ်ႈလႆႈမွၵ်ႈ 5 လိူၼ်၊ ပၢႆးယူႇလီမၼ်းၼၢင်းဢမ်ႇၶႅမ်ႉလႄႈ သိုၵ်းမၢၼ်ႈၶိုၼ်းပွႆႇဢွၵ်ႇၶွၵ်ႈမႃး လႆႈ 2 လိူၼ်ၵေႃႈလူႉတၢႆ။ ၼၢင်းၸၢမ်ၼူၼ်း ဢႃယု 40 ပၢႆၼႆႉ တွႆႇပုင်းလဵၵ်း ၼႄလွင်ႈသၢၼ်ၶတ်းသိုၵ်းယိုတ်းမိူင်း ၽွင်းပၢင်ၼႄၵၢင်ၸႂ်ပတ်းပိုၼ်ႉတူဝ်ႈမိူင်း၊ လုၵ်ႈၸုမ်းပႃႇတီႇသၢင်ႇသီႈ ဢၼ်ယူႇႁိမ်းၵိၼ်ၸမ်ၵၼ်တင်းႁိူၼ်းမၼ်းၼၢင်းသမ်ႉ သူင်ႇၶၢဝ်ႇၸူးသိုၵ်းမၢၼ်ႈလႄႈမၼ်းၼၢင်းၺႃးတီႉမိူဝ်ႈမွၵ်ႈလိူၼ် မေႊ ပီ 2021 ။ ၵူၼ်းၸမ်ၸႂ်မၼ်းၼၢင်းတႄႉလၢတ်ႈဝႃႈ -“ၽွင်းပႆႇၺႃးတီႉၼၼ်ႉမၼ်းၼၢင်းယူႇလီၵိၼ်ဝၢၼ်ယူႇ။ ၽိူဝ်ႇမၼ်းၼၢင်း...

ႁၢင်ပီ 2021  တႅင်ၸမ်ႇပူႇ ဢၼ်လုၵ်ႉတၢင်းဝဵင်းလိူဝ်ႇ(မၼ်းတလေး) တၢင်ႇၶိုၼ်ႈမိူင်းတႆး ဢၢၼ်းတေႃႉသူင်ႇၶၢႆၸူးလႅၼ်လိၼ်ၶႄႇ  လႆႈမႃးပႂ်ႉ တီႈ 105 လၵ်း ၸႄႈဝဵင်းမူႇၸေႊ ႁိုင်လႄႈ   တႅင်ၼဝ်ႈပႅတ်ႈလၢႆလႆႈ ထွၵ်ႇပႅတ်ႈ ပဵၼ်ၵေႃႇပဵၼ်ၵွင် ၸွမ်းသဵၼ်ႈတႃႈသၢႆတၢင်း  ။ ၸဝ်ႈၵႃး တၢင်ႇတႅင် လၢတ်ႈတီႈၽူႈတွႆႇႁွၵ်ႈဝႃႈ - “တႃႇတေသူင်ႇၶဝ်ႈ တၢင်းမိူင်းၶႄႇၼႆႉ မီးလွင်ႈယၢပ်ႇၽိုတ်ႇတႄႉ။ လႆႈပႂ်ႉၸွမ်းတၢင်းၼႆႉ...

ၸဝ်ႈၶွင်ႁၢၼ်ႉၶၢႆၶမ်း ၵေႃႉၼိုင်ႈတီႈဝဵင်းၼမ်ႉတူႈ ၺႃးၵူၼ်းၸူၼ်ဢဝ်ငိုၼ်းလႄႈၶမ်းမၼ်းၸၢႆး လူႉသုမ်းတႃႇၵႃႈၶၼ်မွၵ်ႈ 400 သႅၼ်ပျႃးပၢႆ ၸဝ်ႈၶွင်ႁၢၼ်ႉၶမ်း  မၢတ်ႇၸဵပ်း ဝႃႈၼႆ။ မိူဝ်ႈဝၼ်းတီႈ 29/12/2021 ယၢမ်းဝၢႆးဝၼ်းမွၵ်ႈ 4 မူင်းပၢႆ ၽူႈယိင်းၵေႃႉၼိုင်ႈ ၸဝ်ႈၶွင်ႁၢၼ်ႉၶမ်းၼႂ်းၵၢတ်ႇ ၺႃးၵူၼ်း 2 ၵေႃႉၸူၼ်ႁိမ်ဢဝ်ငိုၼ်းလႄႈၶမ်း ၼႂ်းထူင်မၼ်းၵႂႃႇတႃႇၵႃႈၶၼ်တင်းမူတ်း 400 သႅၼ်ပျႃး၊ တီႈၼႃႈႁိူၼ်းမၼ်းၼၢင်း ဢၼ်မီးတီႈ ပွၵ်ႉပၢင်ႁၢႆး...