သိုၵ်းမၢၼ်ႈ ၸီႉသင်ႇ ၸူးၽူႈၵွၼ်းပွၵ်ႉ ၼႂ်းဝဵင်းတူၼ်ႈတီး ႁႂ်ႈသူင်ႇၵူၼ်းၼႂ်းပွၵ်ႉၽႂ်မၼ်း ၼိုင်ႈယွမ်ႇ (နယ်မြေ) လႂ် 25 ၵေႃႉ ႁႂ်ႈၶဝ်ႈႁူမ်ႈၸွမ်း ၼႂ်းဝၼ်းပိုတ်ႇပၢင်လႄႈ ဝၼ်းပိၵ်ႉပၢင်ပွႆးသွၼ်းၼမ်ႉ။
ပွႆးသွၼ်းၼမ်ႉ လိူၼ်ႁႃႈ တီႈၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်းၼႆႉ တေၸတ်းႁဵတ်းတီႈၶဵင်ႇႁူတ်းၼမ်ႉ လဝ်ႇမူၼ်ႈ(မၢၼ်ႇတၢပ်ႈ) လူင် ၼႂ်းၵႄႈလုမ်းသၽႃးၸႄႈမိူင်းတႆးတင်း လုမ်းလူင်ပွင်ၸိုင်ႈမိူင်းတႆး တီႈပွၵ်ႉပႃႇမႆႉ (သစ်တောရပ်ကွက်) ၼၼ်ႉ ယူႇတီႈ ၶွင်ႇသီႇသိုၵ်းမၢၼ်ႈ ယိုတ်း မိူင်း တေဢွၼ်ႁူဝ်ၸတ်းႁဵတ်းၶိုၵ်ႉယႂ်ႇလူင်ၼႆသေ ၸီႉသင်ႇထိုင် တီႈၽူႈၵွၼ်းပွၵ်ႉ ႁႂ်ႈသူင်ႇၵူၼ်းၼႂ်းပွၵ်ႉၽႂ်မၼ်း ၶဝ်ႈႁူမ်ႈ ၼိုင်ႈပိုၼ်ႉတီႈလႂ် 25 ၵေႃႉ ၼႆယဝ်ႉ။
ၵူၼ်းပိုၼ်ႉတီႈ လၢတ်ႈတီႈၽူႈတွႆႇႁွၵ်ႈဝႃႈ – “ၶဝ်ႁဵတ်းၼႆႉ တေၶႂ်ႈၸတ်းႁဵတ်းၼႄ ၶိုၵ်ႉယႂ်ႇလူင်။ ယၢမ်းလဵဝ် ၶဝ်ၸီႉသင်ႇ ၸူးၽူႈၵွၼ်းပွၵ်ႉ 1 ပိုၼ်ႉ တီႈလႂ် ႁႂ်ႈသူင်ႇၵူၼ်းၶဝ်ႈႁူမ်ႈ 25 ၵေႃႉ။ ယူႇတီႈ တၢင်းပိုၼ်ႉတီႈႁဝ်းၶႃႈတႄႉ ဢုပ်ႇၵၼ်ဝႃႈ တေဢမ်ႇမိူဝ်းၶဝ်ႈႁူမ်ႈၶႃႈ”- ဝႃႈၼႆ။
တီႈၶဵင်ႇႁူတ်းၼမ်ႉ လဝ်ႇမူၼ်ႈ (မၢၼ်ႇတၢပ်ႈ) လူင် ႁိမ်းလုမ်းသၽႃးၸႄႈမိူင်းတႆး ၼၼ်ႉ ယၢမ်းလဵဝ် ၸဵမ်ပလိၵ်ႈမၢၼ်ႈ/ သိုၵ်းမၢၼ်ႈ မႃးပႂ်ႉဢဝ်ႁူမ်ႇလူမ်ႈၼႅၼ်ႈၼႃဝႆႉ ဝႃႈၼႆ။
“ပွႆးယင်းပႆႇပဵၼ် ၶဝ်ပေႃးဢဝ်ဢဵၼ်ႁႅင်းသိုၵ်းပလိၵ်ႈၶဝ် မႃးဢဝ်ႁူမ်ႇလူမ်ႈၼႅၼ်ႈၼႃ ၼႃႇယဝ်ႉ။ ၸွမ်းႁိမ်းႁွမ်းပၢင်ပွႆး ၸိူဝ်းၼၼ်ႉ ၶဝ်ပေႃးလႅပ်ႈ ပၼ်ႇၵူတ်ႇထတ်း ဢဝ်ႁူမ်ႇလူမ်ႈဝႆႉယဝ်ႉၶႃႈ။ ၼႆႉတႄႉ ပလိၵ်ႈဢၼ်ၸမ်တင်းဢူၺ်းၵေႃႉ ၶႃႈႁဝ်း လၢတ်ႈၼႄၶႃႈဢေႃႈ”- ၵူၼ်းပိုၼ်ႉတီႈ သိုပ်ႇ လၢတ်ႈၼင်ႇၼႆ။
ၼႂ်းဝဵင်းတူၼ်ႈတီးၼႆႉ တင်းမူတ်းမီး 22 ပွၵ်ႉ။ 1 ပွၵ်ႉလႂ် မီး 20 ယွမ်ႇ။ ၼွၵ်ႈလိူဝ်ႁႅင်းၵူၼ်းယဝ်ႉသိုၵ်းမၢၼ်ႈယင်းၶၢၼ်းပႃး ႁႅင်းငိုၼ်းထႅင်ႈ ႁႂ်ႈသႂ်ႇငိုၼ်းၵွင်ၵၢင်တႃႇပွႆးသွၼ်းၼမ်ႉ ၼိုင်ႈယွမ်ႇ 5 သႅၼ်ပျႃး ၼႆယဝ်ႉ။
ၼွၵ်ႈလိူဝ်ႁႅင်းၵူၼ်းၼႂ်းပွၵ်ႉယဝ်ႉ သိုၵ်းမၢၼ်ႈယင်းယွၼ်းႁႅင်းၵူၼ်းတီႈ ၶွမ်ႊပၼီႊ ဢိၵ်ႇ ၽူႈႁဵတ်းၵၢၼ် ပၢႆးမၢၵ်ႈမီး ၸိူဝ်းၼႆႉ ႁႂ်ႈလႆႈၶဝ်ႈႁူမ်ႈပႃးထႅင်ႈ ၼႆလူးၵွၼ်ႇ။
 လူင် ၼႂ်းၵႄႈလုမ်းသၽႃးၸႄႈမိူင်းတႆးတင်း လုမ်းလူင်ပွင်ၸိုင်ႈမိူင်းတႆး တီႈပွၵ်ႉပႃႇမႆႉ (သစ်တောရပ်ကွက်) ၼၼ်ႉ ယူႇတီႈ ၶွင်ႇသီႇသိုၵ်းမၢၼ်ႈ ယိုတ်း မိူင်း တေဢွၼ်ႁူဝ်ၸတ်းႁဵတ်းၶိုၵ်ႉယႂ်ႇလူင်ၼႆသေ ၸီႉသင်ႇထိုင် တီႈၽူႈၵွၼ်းပွၵ်ႉ ႁႂ်ႈသူင်ႇၵူၼ်းၼႂ်းပွၵ်ႉၽႂ်မၼ်း ၶဝ်ႈႁူမ်ႈ ၼိုင်ႈပိုၼ်ႉတီႈလႂ် 25 ၵေႃႉ ၼႆယဝ်ႉ။){kind=link}