မိူဝ်ႈၼႆႉ ဝၼ်းတီႈ 17/1/2022 ယၢမ်းၵၢင်ၼႂ် မွၵ်ႈ 9 မူင်းပၢႆ ၵူၼ်းၼႂ်းဢိူင်ႇၼမ်ႉဢုၼ်ႇ ဢၼ်မီးၾၢႆႇၸဵင်ႇၸၢၼ်းဝၼ်းတူၵ်း ဝၢၼ်ႈၵၢင်ႉမေႃႉ ဢွၼ် ၵၼ်ပၢႆႈၽေးသိုၵ်းမႃးသွၼ်ႈတီႈၵျွင်းၽြႃးၵၢင်ႉမေႃႉ ၸႄႈဝဵင်းသီႇပေႃႉ ထႅင်ႈႁူဝ်ၵူၼ်း 50 ပၢႆ    ပၢင်တိုၵ်းပဵၼ်ႁိမ်းၸမ်ဝၢၼ်ႈ ႁၢဝ်ႈႁႅင်း ။ ၵူၼ်းသီႇပေႃႉ လၢတ်ႈတီႈၽူႈတွႆႇႁွၵ်ႈဝႃႈ -“ၸႂ်ႈၶႃႈဢေႃႈ မိူဝ်ႈၼႆႉ ၵၢင်ၼႂ် မႃးႁွတ်ႈထိုင်ထႅင်ႈ...

ၽွင်းဝၢၼ်ႈမိူင်းသုၵ်ႉယုင်ႈ  ၵူၼ်းမိူင်း ထူပ်းတၢင်းယၢပ်ႇၽိုတ်ႇ ပၢႆႈၽေးပၢင်တိုၵ်းၶဝ်ႈဝဵင်းမိူင်းၵိုင်ယူႇၼႆႉ သိုၵ်းမၢၼ်ႈ တင်ႈၵဵတ်ႉမႂ်ႇထႅင်ႈ သွင်တီႈ ၼႂ်းၵႄႈဢိူင်ႇပၢင်ႇၵေႇတု - မိူင်းၵိုင် ပႂ်ႉၵူတ်ႇထတ်းၵူၼ်းၵႂႃႇမႃး ႁၢဝ်ႈႁႅင်း။ တႄႇဢဝ် ဝၼ်းတီႈ 16/1/2022 ၼႆႉမႃး ၶွင်ႇသီႇသိုၵ်းမၢၼ်ႈ ယိုတ်းမိူင်း ႁဵတ်းၵဵၵ်ႉ/ တင်ႈၵဵၵ်ႉမႂ်ႇထႅင်ႈ တီႈၼႃႈဝတ်ႉဢွင်ႇမင်ႇၵလႃႇ လွႆလႅင် တႂ်ႈ တူၼ်ႈမႆႉႁုင်း တီႈၼိုင်ႈလႄႈ...

 သိုၵ်းမၢၼ်ႈ ယိုဝ်းၵူၼ်းမိူင်းဢၼ်ၶီႇရူတ်ႉၶိူင်ႈ ၼႂ်းဝဵင်းၵျွၵ်ႉမႄး ၽွင်းယၢမ်းၵၢင်ၶမ်ႈ ၊ ပႂ်ႉၵူတ်ႇထတ်းၵူၼ်းမိူင်းၵႂႃႇမႃးႁၢဝ်ႈႁႅင်း ၵူၼ်းမိူင်းဢမ်ႇမီးလွင်ႈႁူမ်ႇလူမ်ႈ။ မိူဝ်ႈဝၼ်းတီႈ 14/1/2022 ယၢမ်းၵၢင်ၶမ်ႈ မွၵ်ႈ 8 မူင်း သိုၵ်းမၢၼ်ႈ ယိုတ်းမိူင်း ယိုဝ်းၵူၼ်းၶီႇရူတ်ႉၶိူင်ႈ ၾၢႆႇၼႃႈႁူင်းႁဵၼ်း ၸၼ်ႉသုင် မၢႆ 1   ပွၵ်ႉ 8 ၸႄႈဝဵင်းၵျွၵ်ႉမႄး  လွင်ႈတၢႆမၢၵ်ႇတႄႉဢမ်ႇမီး ႁဵတ်းႁႂ်ႈၵူၼ်းၼႂ်းဝဵင်းတူၵ်းၸႂ်လႄႈ...

ၵူၼ်းမိူင်းယၢင်းလႅင် ပၢႆႈၽေးသိုၵ်း ႁွတ်ႈထိုင်မႃး ယူႇဝႆႉ ၸွမ်းႁိူၼ်းပီႈၼွင်ႉ ဢူၺ်းၵေႃႉ ၵူၼ်း မိုတ်ႈၵိုဝ်းလႄႈ  ၵျွင်း ၶရိတ်ႊယၼ်ႊ ၼႂ်းၸႄႈဝဵင်းလွႆလႅမ် ၸိုင်ႈတႆးပွတ်းၸၢၼ်း မွၵ်ႈ 200 ၵေႃႉ  သိုၵ်းမၢၼ်ႈယင်းတိုၵ်ႉထႅမ်ႁႅင်းလိုပ်ႈလမ်း ပိုတ်းယိုဝ်း ၸုမ်းၵႅတ်ႇၶႄၵူၼ်းမိူင်းယၢင်းလႅင်၊ ပၢင်တိုၵ်းတိုၵ်ႉ ပဵၼ် ႁၢဝ်ႈႁႅင်း ယူႇတေႃႇထိုင်ဝၼ်းမိူဝ်ႈၼႆႉ။   ၽူႈၸွႆႈထႅမ် ၵူၼ်းပၢႆႈၽေးသိုၵ်း...

ၵူၼ်းပၢႆႈၽေးသိုၵ်း တီႈၸႄႈဝဵင်းသီႇပေႃႉ ႁူဝ်ၵူၼ်း 300 ပၢႆၼၼ်ႉ တုၵ်းယွၼ်းႁႂ်ႈၵိုတ်းပၢင်တိုၵ်းပၼ်ဝႆးဝႆးသေ ႁႂ်ႈလႆႈပွၵ်ႈၶိုၼ်းႁိူၼ်းယေးၽႂ်မၼ်း ဝႃႈၼႆ။ ယွၼ်ႉပိူဝ်ႈပၢင်တိုၵ်းၼႂ်းၵႄႈ သိုၵ်းဢူၺ်းလီလႄႈ RCSS ပဵၼ်ႁၢဝ်ႈႁႅင်းႁိမ်းဝၢၼ်ႈ ၼႃးမူၼ်း ဝၢၼ်ႈၵုင်းၼိဝ်ႉဢိူင်ႇၼမ်ႉသိမ်ႇ ၸႄႈဝဵင်းၵျွၵ်ႉမႄး လႄႈ  တႄႇဢဝ်ဝၼ်းတီႈ 7/1/2022 မႃး ၵူၼ်းဝၢၼ်ႈဢွၼ်ၵၼ်ပၢႆႈၽေးသိုၵ်းမႃးသွၼ်ႈယူႇတီႈၵျွင်းၽြႃးၵၢင်ႉမေႃႇ ၸႄႈဝဵင်းသီႇပေႃႉ ။ ယၢမ်းလဵဝ်ထိုင်မႃးၶၢဝ်းတၢင်း 7-8 ဝၼ်းယဝ်ႉလႄႈယၢပ်ႇၽိုတ်ႇတႃႇယူႇသဝ်း၊...

ၵူၼ်းမိူင်းယၢင်းလႅင် ႁူဝ်ၵူၼ်း မွၵ်ႈ 90 ပၢႆႈမႃးသွၼ်ႈဝႆႉ တီႈဝဵင်းမိူင်းသွၵ်ႇ ဝဵင်းယွင်ႁူၺ်ႈ လူဝ်ႇတၢင်းၸွႆႈထႅမ်ၶဝ်ႈၼမ်ႉတၢင်ၵိၼ် ဝႃႈၼႆ။ မိူဝ်ႈဝၼ်းတီႈ 12/1/2022 ပူၼ်ႉမႃးၼႆႉ ၵူၼ်းမိူင်းယၢင်းလႅင် ဢွၼ်ၵၼ်ပၢႆႈၽေးသိုၵ်း မႃးသွၼ်ႈဝႆႉ တီႈထမ်ႇမႃႇယူင်ႇငူၺ်ႇတွင်ႇ မိူင်းသွၵ်ႇ ၸႄႈ ဝဵင်းယွင်ႁူၺ်ႈ ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်း ႁူဝ်ၵူၼ်း မွၵ်ႈ 90 ၵေႃႉ...

ၼႂ်းဝၼ်းသွင်ဝၼ်းမႃးၼႆႉ ၵူၼ်းဝၢၼ်ႈဢိူင်ႇႁူဝ်ၼႃး၊ ဝၢင်ႈမိူင်းလႄႈ မိူင်းၶုၼ် ၼႂ်းၸႄႈဝဵင်းမိူင်းၵိုင် ၵမ်ႈၽွင်ႈ ႁူဝ်ၵူၼ်းမွၵ်ႈ 800 မႆႈၸႂ်ၶူဝ်းသူၼ်ႁႆႈၼႃး ႁိူၼ်းယေးၸဝ်ႈၵဝ်ႇလႄႈဢွၼ်ၵၼ်ပွၵ်ႈၶိုၼ်းႁိူၼ်းယေး ၼႂ်းၵႄႈယင်းတိုၵ်ႉလႆႈမႆႈၸႂ်လွင်ႈႁူမ်ႇလူမ်ႈၸဝ်ႈၵဝ်ႇ။ ၵူၼ်းမိူင်းၵိုင် လၢတ်ႈတီႈၽူႈတွႆႇႁွၵ်ႈဝႃႈ -“ၵူၼ်းပၢႆႈၽေးတႄႉ မိူဝ်းၵႂႃႇၵမ်ႈၽွင်ႈယဝ်ႉ။ ပေႃးတေဝႃႈ ပၢင်တိုၵ်းတႄႉ ပႆႇယဵၼ် ၸုမ်းယိပ်းၵွင်ႈ ၵၢင်ႇၵေႃႈ တိုၵ်ႉမီးၸွမ်းၼႂ်းဝၢၼ်ႈယူႇ။ ၵူၺ်းၵႃႈ ဢမ်ႇလိူဝ်လႆႈလွင်ႈၶဝ်မႆႈၸႂ်တၢင်းႁိူၼ်းယေး ၶူဝ်းသူၼ်ႁႆႈၼႃးၶဝ်ႈၵၢပ်ႇၶဝ် ၸိူဝ်းၼႆႉလႄႈ...

မိူဝ်ႈၼႆႉ ဝၼ်းတီႈ 14/1/2022 ယၢမ်းၵၢင်ဝၼ်း မွၵ်ႈ 11 မူင်းပၢႆ မၢၵ်ႇတႅၵ်ႇတီႈလုမ်းပလိၵ်ႈမၢၼ်ႈ 2 လုၵ်ႈထပ်းၵၼ် တီႈပွၵ်ႉဝၢၼ်ႈ ၵွင်း ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း လႅၼ်လိၼ်တႆး - ထႆး။ ၵူၼ်းပိုၼ်ႉတီႈ တႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ - “လႆႈငိၼ်းဝႃႈတၢင်းလုမ်းပလိၵ်ႈမၢၼ်ႈ တၢင်းၵၢတ်ႇဝၢၼ်ႈၵွင်းၼၼ်ႉ မၢၵ်ႇတႅၵ်ႇၼႆ ၶႃႈဢေႃႈ။...

  သိုၵ်းမၢၼ်ႈ ယိုတ်းမိူင်းတင်း ၸုမ်းၵႅတ်ႇၶႄၵူၼ်းမိူင်း ၼႂ်းဝဵင်းလွႆၶေႃ ပဵၼ်ပၢင်တိုၵ်းၵၼ် ႁၢဝ်ႈႁႅင်း လႄႈ ဝၼ်းတီႈ 13/1/2022 ၼႆႉ ၵူၼ်းဝဵင်းလွႆၶေႃ ၸႄႈမိူင်းယၢင်းလႅင်  ပၢႆႈၽေးသိုၵ်း ႁွတ်ႈထိုင် ဝဵင်းလၢင်းၶိူဝ်း 20 ၵေႃႉ။  ၽူႈတူင်ႉၼိုင်ၼႂ်းတူင်ႇဝူင်းၵူၼ်း ဝဵင်းလၢင်းၶိူဝ်းၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ၵူၼ်းမိူင်းလွႆၵေႃႇ ဢွၼ်ၵၼ် ပၢႆႈမႃး...

 ၼႂ်းႁူဝ်လိူၼ်ၵျၼ်ႊၼိဝ်ႊရီႊၼႆႉ မၢၵ်ႇတႅၵ်ႇၶိူဝ်းယႂ်း ၼႂ်းဝဵင်းတႃႈၶီႈလဵၵ်း ၾၢႆႇၼိုင်ႈ PDF တႃႈၶီႈလဵၵ်းၼႆသေ မီးလိၵ်ႈပၼ်ၾၢင်ႉၵူၼ်းမိူင်းဢွၵ်ႇမႃးထႅင်ႈလႄႈ  ၶွင်ႇသီႇသိုၵ်းမၢၼ်ႈ ယိုတ်းမိူင်း ၵူတ်ႇထတ်းၵူၼ်းမိူင်းပိုၼ်ႉတီႈ ၵႂႃႇမႃးႁၢဝ်ႈႁႅင်း။ ၵူၼ်းပိုၼ်ႉတီႈ တႃႈၶီႈလဵၵ်း ၼၢင်းယိင်း ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “တႄႇဢဝ် ဝၼ်းတီႈ 10/1/2022 ၼႆႉမႃး   သိုၵ်းမၢၼ်ႈ ၵူတ်ႇထတ်း ႁၢဝ်ႈႁႅင်းမႃးလိူဝ်ၵဝ်ႇၶႃႈဢေႃႈ။ ပႂ်ႉ...

ၵူၼ်းပၢႆႈၽေးသိုၵ်း တီႈဝဵင်းပၢင်လွင်း ႁူဝ်ၵူၼ်းမွၵ်ႈ 1,000 လူဝ်ႇတၢင်းၸွႆႈထႅမ် လွင်ႈၶဝ်ႈၼမ်ႉတၢင်းၵိၼ် ၽႃႈႁူမ်ႇၶူဝ်းၼွၼ်းလႄႈ ယႃႈယႃ ၸိူဝ်းၼႆႉ။ ၵူၼ်းမိူင်းယၢင်းလႅင် ၸိူဝ်းပၢႆႈၽေးသိုၵ်း ႁွတ်ႈထိုင်မႃး တီႈဝတ်ႉၼွင်တယႃး (နောင်တရား) ၼႂ်းၸႄႈဝဵင်းပၢင်လွင်း ၸႄႈတွၼ်ႈတူၼ်ႈတီး ၸိုင်ႈ တႆး ပွတ်းၸၢၼ်း ႁူဝ်ၵူၼ်း မွၵ်ႈ 1000 လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်းၵိၼ်၊ ယႃႈယႃ၊...

လိူၼ်ၵျႅၼ်ႊၼိဝ်ႊရီႊ ဝၼ်းတီႈ 7 ပူၼ်ႉမႃးၼႆႉ ၸွမ်ၽွင်းမိူင်းၶမဵၼ်(ၵၢမ်ႊပေႃႊတီႊယိူဝ်ႊ) မိတ်ႊသတိူဝ်ႊႁုၼ်ႊသၢၼ်ႊ ယူႇတီႈႁူဝ်ပဝ်ႈ ၸုမ်း ဢႃႊသီႊယၼ်ႊသေ ၶဝ်ႈမႃးမိူင်းမၢၼ်ႈ တေမႃးၸွႆႈၵႄႈပၼ်ႁႃ မိူင်းမၢၼ်ႈဝႃႈၼႆလႄႈ ၸိူဝ်းႁၼ်လီၵေႃႈမီး ၸိူဝ်းဢမ်ႇယွမ်းႁပ်ႉလႆႈၵေႃႈ မီး တင်းၼမ်။ သူပ်းတေႉဝႃႈ တေမႃးၸွႆႈၵႄႈလိတ်ႈပၼ်ႁႃ ပၼ်မိူင်းမၢၼ်ႈ ဝႃႈၼႆသေတႃႉ ၸိူဝ်းဢၼ်ဢမ်ႇႁပ်ႉ ႁၼ်လီၼၼ်ႉ သမ်ႉၼမ်လိူဝ်သေ ၸိူဝ်းဢၼ်ယွမ်းႁပ်ႉႁၼ်လီ။ ၵွၼ်ႇမၼ်းၸဝ်ႈပႆႇၶဝ်ႈမႃးၼႂ်းမိူင်း...

ၸုမ်းပရႁိတ လၢႆလၢႆၸုမ်း ၼႂ်းၸိုင်ႈတႆးပွတ်းႁွင်ႇလႄႈတင်းပွတ်းၸၢၼ်း ထုၵ်ႇၸုမ်းယိပ်းၵွင်ႈၵၢင်ႇ  ၼႂ်းပိုၼ်ႉတီႈ ၼႄးဝႃႈ ဢဝ်ၶူဝ်းၶွင်ၵႂႃႇၸွႆႈ ၸုမ်းသိုၵ်းၾၢႆႇၼႆႉ ၾၢႆႇၼၼ်ႉ ၼႆသေ ႁႄႉႁၢမ်ႈ၊ ၶတ်းၶႂၢင် ဢမ်ႇပၼ်ၵႂႃႇၸွႆႈထႅမ် ၵူၼ်းပၢႆႈၽေး။ ၸုမ်းပရႁိတ ဢၼ်တေလုၵ်ႉတၢင်းလၢႆးၶႃႈ၊ မိူင်းၵိုင် ၵႂႃႇႁႃၸွႆႈၵူၼ်းၺႃးၽေးသိုၵ်း ၼႂ်းပိုၼ်ႉတီႈ ဢၼ်ပဵၼ်ယူႇ တၢင်း ၸဵင်ႇႁွင်ႇ ဝၼ်းဢွၵ်ႇ မိူင်းၵိုင်၊ ၸုမ်းဢၼ်...

ၵူၼ်းပၢႆႈၽေးသိုၵ်းမိူင်းယၢင်းလႅင် ဢၼ်မႃးသွၼ်ႈဝႆႉ တီႈႁူင်းသဝ်း လႅင်းမႅတ်ႇတႃႇ (လင်းမေတ္တာပရဟိတ ဘော် ဒါဆောင်) ၸႄႈဝဵင်းသီႇသႅင်ႇ ၸႄႈတွၼ်ႈ တူၼ်ႈတီး ၸိုင်ႈတႆးပွတ်းၸၢၼ်း ႁူဝ်ၵူၼ်း မွၵ်ႈ 70 ၵေႃႉၼႆႉ ယၢမ်းလဵဝ် ထူပ်းတၢင်းယၢပ်ႇၽိုတ်ႇၵိၼ်းၸႂ်လိူဝ်ႁႅင်း လွင်ႈၼမ်ႉၸႂ်ႉ ၼႆယဝ်ႉ။ ၽူႈၸွႆႈထႅမ် ၵူၼ်းပၢႆႈၽေးသိုၵ်း တီႈႁူင်းသဝ်းလႅင်းမႅတ်ႉတႃႇ လၢတ်ႈတီႈၽူႈတွႆႇႁွၵ်ႈဝႃႈ - “လွင်ႈၼမ်ႉၵိၼ်တႄႉ...

  ဝၼ်းတီႈ 8/1/2022  ယူႇတီႈၼႃႈလိၼ်သိုၵ်းမၢႆ 1 ၵဵင်းတုင် ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA ၸတ်းႁဵတ်းပၢင်ပွႆးဝၼ်းလုၵ်ႈဢွၼ်ႇလုမ်ႈၾႃႉ တီႈႁူင်းႁဵၼ်းၸိူဝ်ႉၸၢတ်ႈမၢႆ 2 လွႆၵေႃႇဝၼ်း ၼႆယဝ်ႉ။ ၼႂ်းပၢင်ပွႆးဝၼ်းလုၵ်ႈဢွၼ်ႇလုမ်ႈၾႃႉ တီႈလွႆၵေႃႇဝၼ်းၼၼ်ႉ တႄႇၶၢဝ်းယၢမ်းၵၢင်ၼႂ် 9 မူင်း ပိုတ်ႇပၢင်ၵႅဝ်ႈသေ မွၵ်ႇဢဝ် ၽူႈယႂ်ႇၵူၼ်းလူင် မွၵ်ႇ လၢတ်ႈၶေႃႈၵႂၢမ်း၊ လူႇဢၢၼ်ႇၼႄ ပိုၼ်းပဵၼ်မႃး...