မိူဝ်ႈၼႆႉဝၼ်းတီႈ 6/9/2022 သဵင်ၵွင်ႈလူင်တႅၵ်ႇတီႈႁိမ်းၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ ပဵၼ်ၽႂ်ၸုမ်းလႂ်ယိုဝ်းၵၼ်တႄႉဢမ်ႇႁူႉ ၊ ၵူၼ်းမိူင်းပိုၼ်ႉတီႈလႄႈၵူၼ်းၵႃႉ ၸဝ်ႈၵႃး တူၵ်းၸႂ် မႆႈၸႂ်တႃႇၵႂႃႇမႃး။ ၸဝ်ႈၵႃး မူႇၸေႊ လႃႈသဵဝ်ႈ ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “သဵင်ပိုတ်းယိုဝ်းၵၼ်ႁိုင်မွၵ်ႈ 1 ၸူဝ်ႈမူင်း။  သိုၵ်းမၢၼ်ႈတင်းသင်ယိုဝ်းၵၼ်တႄႉဢမ်ႇႁူႉၶႃႈ။တၢင်းၼၼ်ႉမီးၵူႈၸုမ်းၶႃႈလူး ဢၼ်တူင်ႉၼိုင်ဝႆႉယူႇၼၼ်ႉ။” -ဝႃႈၼႆ။  သဵင်ၵွင်ႈၼႆႉတႅၵ်ႇတၢင်းလႂ်တႄႉတႄႉ ဢမ်ႇႁူႉသေတႃႉ ယူႇတီႈဝဵင်းၼမ်ႉၶမ်းယင်းလႆႈယိၼ်း ၼႆ ၵူၼ်းၼမ်ႉၶမ်းၵေႃႉၼိုင်ႈၵေႃႈလၢတ်ႈၼင်ႇၼႆ။  ၼႂ်းၸႄႈတွၼ်ႈမူႇၸေႊၼႆႉၼွၵ်ႈလိူဝ်သိုၵ်းမၢၼ်ႈယဝ်ႉ...

တီႈဝဵင်းၼမ်ႉၸၢင်ၸိုင်ႈတႆးပွတ်းၸၢၼ်း ၾႆးၾႃႉဢမ်ႇမႃးမၢၼ်ႇသေတႃႉ ၵူၼ်းမိူင်းၼမ်ႉၸၢင်လႆႈပၼ်ၵႃႈၾႆးတီႈလုမ်း EPC  ၼမ်လိူဝ်ၵဝ်ႇ 2-3 ပုၼ်ႈ လႄႈႁႂ်ႇသူင်ႇၶိုတ်းတၼ်းၶၢဝ်းယၢမ်းၵူႈလိူၼ်။  ၶၢဝ်းတၢင်းသိုၵ်းမၢၼ်ႈယိုတ်းဢႃႇၼႃႇမႃးပီပၢႆၼႆႉ  ၾၢႆႇၾႆးၾႃႉ ဢမ်ႇၸႅၵ်ႇၸၢႆႇၾႆးပၼ်ၵူၼ်းမိူင်းတဵမ်ထူၼ်ႈ၊ ၵိုတ်းၵိုတ်းၶၢတ်ႇၶၢတ်ႇမၢင်ဝၼ်းပၼ်ၾႆးၾႃႉ 3-4 ၸူဝ်ႈမူင်းၵူၺ်း။ ၵူၺ်းၵႃႈ EPC လုမ်းၾႆးၾႃႉတႄႉ ၵဵပ်းၵႃႈၸႂ်ႉၸၢႆႇၾႆးတဵမ်တဵမ်သေဢမ်ႇၵႃးၼႂ်း   လိူၼ်ဢေႃးၵတ်ႉသ်ၼႆႉမႃး ၵဵပ်းၶိုၼ်ႈၵႃႈၸႂ်ႉၾႆးလိူဝ်ၵဝ်ႇ 2-3 ပုၼ်ႉ ၵူၼ်းၼမ်ႉၸၢင်ၵေႃႉၼိုင်ႈလၢတ်ႈၼင်ႇၼႆ။ “ၶဝ်ႈၶိုၼ်ႈၵႃႈၾႆးၵူႈႁိူၼ်းယဝ်ႉၶႃႈ။ ၵူႈပွၵ်ႈၶဝ်ၵဵပ်း ႁိူၼ်း...

သိုၵ်းၵူၼ်းမိူင်းပျီႇတူႉၸိတ်ႉၼႂ်းၸႄႈဝဵင်းသီႇသႅင်ႇၸိုင်ႈတႆးပွတ်းၸၢၼ်း ၼေၼႃႈတိူဝ်ႈဝႃႈ ၽဵဝ်ႈမူၺ်ႉယႃႈမဝ်းၵမ်ၼႆသေ လိုပ်ႈလမ်းတီႉၺွပ်းၵူၼ်းမိူင်း၊ ထႆၵိၼ်ငိုၼ်း ၼပ်ႉႁူဝ်သႅၼ်ပျႃး။ တင်ႈတႄႇလိူၼ်ဢေႃးၵတ်ႉသ်မႃးတေႃႇထိုင်ယၢမ်းလဵဝ် သိုၵ်းပျီႇတူႉၸိတ်ႉပဢူဝ်း PNO ဢၼ်ယူႇသဝ်းတူင်ႉၼိုင်ၼႂ်းၸႄႈဝဵင်းသီႇသႅင်ႇ လိုပ်ႈလမ်းတီႉၺွပ်းၵူၼ်းၼႂ်းဝၢၼ်ႈသၢႆးၶၢဝ်။ တီႉၺွပ်းၸၢႆးၼုမ်ႇၼႂ်းဝၢၼ်ႈၵႂႃႇ 3 ၵေႃႉ။ ယွၼ်းၵိၼ်ထႆၵိၼ်ငိုၼ်းၼပ်ႉႁူဝ်သႅၼ်ပျႃး ၵူၼ်းမိူင်းယၢပ်ႇၵိၼ်းၸႂ်။ ၼၢင်းယိင်းၵူၼ်းဝၢၼ်ႈသၢႆးၶၢဝ် ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ-“ဢမ်ႇၸႂ်ႈပွၵ်ႈဢွၼ်တၢင်းသုတ်းၶႃႈ ဢၼ်မႃးတီႉၵူၼ်းၼႂ်းဝၢၼ်ႈၼႆႉ။ မီး 2-3 ၵမ်းပႃးၼႆႉယဝ်ႉဢေႃႈ။ မိူဝ်ႈဝၼ်းသဝ်ပူၼ်ႉမႃး ၶဝ်မႃးတီႉၺွပ်းၵူၼ်းၼုမ်ႇၼႂ်းဝၢၼ်ႈ 3 ၵေႃႉ...

ဢိင်ၼိူဝ်ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ ယိုၼ်းမိုဝ်းႁွင်ႉၸုမ်းယိပ်းၵွင်ႈၵၢင်ႇ ၵႂႃႇဢုပ်ႇဢူဝ်းလွင်ႈငမ်းယဵၼ် ပဵၼ်ပွၵ်ႈၵမ်း 2။ RCSS/SSA ၵေႃႈ ၸွမ်သိုၵ်းလူင်ယွတ်ႈသိုၵ်း လႆႈဢွၼ်ဢဝ်လုၵ်ႈၸုမ်း ၵႂႃႇၼေႇပျီႇတေႃႇ ဢုပ်ႇဢူဝ်းၵၼ်တင်းၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇလႄႈတင်း ၸွမ်သိုၵ်းယႃႇပျေႉ  ။ ငဝ်းလၢႆးပဵၼ်ၸိူင်ႉႁိုဝ်။ ဢုပ်ႇဢူဝ်းလႆႈၸႂ်သင်။ ၽူႈတွႆႇႁွၵ်ႈလႆႈတွင်ႈထၢမ် ၸဝ်ႈသိုၵ်းဢုမ်ႈၶိူဝ်း ၽူႈၶၢၼ်ပၢၵ်ႇလႄႈ ၽူႈၶဝ်ႈႁူမ်ႈဢုပ်ႇဢူဝ်းၸွမ်းဝႆႉၼင်ႇၼႆ။ ထၢမ်- ဢၼ် RCSS  ၵႂႃႇဢုပ်ႇၵုမ်ငမ်းယဵၼ်  တင်းသိုၵ်းမၢၼ်ႈယိုတ်းမိူင်း ပွၵ်ႈၵမ်း...

ၼႂ်းၸႄႈဝဵင်းၵဵင်းတုင် ၵူတ်ႇထတ်းႁၼ် ၵူၼ်းတိတ်းၸပ်းၸိူဝ်ႉမႅင်း တၢင်းပဵၼ်ၶူဝ်ႊဝိတ်ႉ 19 ၸမ် 40 ၵေႃႉ ၼႂ်းၼၼ်ႉ လူႉတၢႆ 1 ၵေႃႉ သိုဝ်ႇၶၢဝ်ႇပိုၼ်ႉတီႈ ဢွၵ်ႇဝႆႉၼင်ႇၼႆ။ တႄႇဢဝ် ဝၼ်းတီႈ 1/8/2022 တေႃႇထိုင် ဝၼ်းတီႈ 4/9/2022 ၶၢဝ်းတၢင်း လိူၼ်ပၢႆၼႆႉ ၼႂ်းၸႄႈဝဵင်း ၵဵင်းတုင် ၸိုင်ႈတႆး...

ၵူၼ်းပၢႆႈၽေးသိုၵ်း တီႈဝဵင်းၼွင်ၶဵဝ် ႁူဝ်ၵူၼ်းမွၵ်ႈ 600 လူဝ်ႇတၢင်းၸွႆႈထႅမ် ယႃႈယႃ၊ ၶဝ်ႈၼမ်ႉတၢင်းၵိၼ်ၶွင်ၸႂ်ႉလႄႈ ၶူဝ်း ၼုင်ႈဝႆ ႁၢဝ်ႈႁႅင်ႈ။ တႄႇဢဝ် ဝၼ်းတီႈ 27/8/2022 ၼၼ်ႉမႃး တေႃႇထိုင်ယၢမ်းလဵဝ်  ၶၢဝ်းတၢင်း 10 ဝၼ်း  ၵူၼ်းပၢႆႈၽေးသိုၵ်း ဢၼ်ပၢႆႈမႃး သွၼ်ႈဝႆႉတီႈဝတ်ႉၶိူဝ်းၼိမ်း၊ ဝတ်ႉႁူဝ်ၶူဝ်လႄႈ ဝတ်ႉၵလၵွႆး ၼႂ်းၸႄႈဝဵင်းၼွင်ၶဵဝ် ၸႄႈတွၼ်ႈၵျွၵ်ႉမႄး...

ၶၢဝ်းတၢင်းၸမ် 3 လိူၼ်မႃးၼႆႉ သိုၵ်းမၢၼ်ႈသီႇပေႃႉ ပိုၼ်ၽၢဝ်ႇၸႂ်ႉတိုဝ်း မၢႆမီႈ ႁၢမ်ႈဢွၵ်ႇ ၼွၵ်ႈႁိူၼ်း ယၢမ်းၵၢင်ၶိုၼ်း ၵူၼ်းမိူင်းသီႇပေႃႉလၢတ်ႈဝႃႈ ဢမ်ႇမီးလွင်ႈႁူမ်ႇလူမ်ႈလႄႈ လွင်ႈဢုၼ်ႇၸႂ် မိူၼ်ပၼ် တိုဝ်ႉတၢင်းၽူႈလၵ်ႉၵူၼ်းၸူၼ်လိူင်ႇၼမ်ၵူၺ်းယဝ်ႉ  ဝႃႈၼႆ။ ၽူႈၵွၼ်းၸႄႈဝဵင်းသီႇပေႃႉ တႂ်ႈသိုၵ်းမၢၼ်ႈၸႂ်ႉတိုဝ်းမၢႆမီႈ ႁၢမ်ႈဢွၵ်ႇႁိူၼ်း ယၢမ်းၵၢင်ၶိုၼ်းၼႆႉ  တင်ႈတႄႇဝၼ်းတီႈ 8/6/2022  မႃး တေႃႇထိုင်ယၢမ်းလဵဝ်  ႁိုင်မႃး ၶၢဝ်းတၢင်းၸမ်...

ၸဝ်ႈသြႃႇၽတ်ႉတၼ်တ ဝၸီရၺႃၼ ၽူႈၶဝ်ႈၸုမ်းၵေႃပွင်ၵၢၼ်သင်ႇၶႃႇ ၸႄႈမိူင်း တႆး ၶဝ်ႈသူၼ်မၢၵ်ႇႁၢၵ်ႈၶမ်း  ၽွင်း ဢႃယုလႆႈ 81 ပီ ဝႃႇသႃ 61 ဝႃႇ ဝႃႈၼႆ။ မိူဝ်ႈဝၼ်းတီႈ 27/8/2022 ယၢမ်းၵၢင်ၶိုၼ်း 12:50 မိၼိတ်ႉ  ၸဝ်ႈသြႃႇၽတ်ႉတၼ်တဝၸီရၺႃၼ (ႁွင်ႉ) ၸဝ်ႈသြႃႇလၢႆး  ၶဝ်ႈသူၼ်မၢၵ်ႇႁၢၵ်ႈၶမ်း  တီႈဝၢၼ်ႈလူင်ႁွင်ႈလိုၵ်ႉ ၸႄႈဝဵင်းတႃႈၶီႈလဵၵ်း...

မေႃၵႂၢမ်းတႆးၸိုဝ်ႈသဵင်ယႂ်ႇ ၸၢႆးသၢႆမၢဝ်း ၶဝ်ႈၵူတ်ႇထတ်းယူတ်းယႃပၢႆးယူႇလီ တီႈဝဵင်းလိူဝ်ႇ 2 ၶိုၼ်း 3 ဝၼ်း ။ ပူၼ်ႉမႃး ဝၼ်းတီႈ 2-3/9/2022 ၼႆႉ မေႃၵႂၢမ်း ၸၢႆးသၢႆမၢဝ်း ၶဝ်ႈၵူတ်ႇထတ်းပၢႆးယူႇလီ တီႈႁူင်းယႃမဵဝ်ႉတေႃႇ   ဝဵင်း လိူဝ်ႇ (မၼ်းတလေး) တႃႇလႅၵ်ႈလွတ်ႇဢၼ်သႂ်ႇဝႆႉတီႈတႂ် ၼၼ်ႉဝႃႈၼႆ။ မေႃတႅမ်ႈၵႂၢမ်း ၸၢႆးလၢဝ်သႂ် ၵေႃႉပဵၼ်ပီႈဢၢႆႈ ၸၢႆးသၢႆမၢဝ်း...

လုင်းသူၺ်ႇပုၼ်း ၵူၼ်းၵေးသီး ထုၵ်ႇသိုၵ်းမၢၼ်ႈၽၼ်းသႂ်ႇ  မၢတ်ႇၸဵပ်းႁၢဝ်ႈႁႅင်း လႆႈယဵပ်ႉဢမ်ႇယွမ်း 40 ႁွႆးၼၼ်ႉ ယူတ်းယႃတူဝ်သဵင်ႈငိုၼ်းဝႆႉၼပ်ႉႁူဝ်သႅၼ်ပျႃး ၵူၺ်းၵႃႈတေႃႇထိုင်ယၢမ်းလဵဝ် သိုၵ်းမၢၼ်ႈ တိုၵ်ႉမႃးၸွႆႈ 5 မိုၼ်ႇပျႃးၵူၺ်း။ လုင်းသူၺ်ႇပုၼ်း ဢႃယု 67 ပီ ၵူၼ်း ဝၢၼ်ႈၼွင်ယူမ်း ဢိူင်ႇမိူင်းၼိမ် ၸႄႈဝဵင်းၵေးသီး ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ဢၼ်ထုၵ်ႇသိုၵ်းမၢၼ်ႈၽၼ်း    တီႈတၢင်းၾၢႆႇဢွၵ်ႇဝၢၼ်ႈၼၼ်ႉ...

ၶိူဝ်းၵူၼ်းဢၼ်ယူႇလႆႈမႃးယၢဝ်းၼၢၼ်းၼပ့်ႁဵင်ပီၼၼ်ႉ ပဵၼ်ၶိူဝ်းၵုမ်ႇၵွၼ်ႈၵူၼ်းၼမ် မီးပိုၼ့်တီႈယူႇမၼ်ႈ ၵႅၼ်ႇၼႅၼ်ႈၵိုမ်း ယူႇမႃးယိုၼ်း ယၢဝ်းၼိူဝ်ဢွင်ႈတီႈ ပိုၼ့်တီႈၼၼ့် ပွင်ႇဝႃႈ မီးၽႅၼ်ႇလိၼ် တူဝ်ၵဝ်ႇ မီးၶူဝ်းၼုင်ႈတၢင်းဝႆၾိင်ႈငႄႈႁိတ်ႈႁွႆး မီးၽႃသႃ ၵႂၢမ်းလၢတ်ႈ မီးလိၵ်ႈလၢႆးပၢႆၵမ် မေႃၵၢၼ်ၽုၵ်ႇသွမ်ႈ ၵၢၼ်မၢၵ်ႈမီး ၵၢၼ်ၵႃႉၶၢႆ ၵၢၼ်ၵပ်းသိုပ်ႇၵႂႃႇမႃး မီးတၢင်းမေႃႁႃၵိၼ်လဵင်ႉတူဝ်ၸႂ် လႄႈမီးၵၢၼ် မေႃပူၵ်းပွင်ၵၼ် ၼႂ်းပိုၼ့်တီႈ ၸဝ်ႈၵဝ်ႇၼၼ်ႉ တေလႆႈဝႃႈပဵၼ်ၾၢင်ႁၢင်ႈ...

ၵူၼ်းမိူင်းၼၢႆး 3 ၵေႃႉၼၢႆး-လုၵ်ႈ-လၢၼ်   ၺႃးၵူၼ်းႁိူၼ်းလဵဝ်ၵၼ်လမ်းၽၼ်းတႅင်းလႄႈလူႉတၢႆထင်တီႈၽွမ်ႉၵၼ်တင်း 3 ၵေႃႉ ။ ဝၼ်းတီႈ 2 /9/2022 ယၢမ်းၵၢင်ၼႂ်ၵူၼ်းမိူင်းၼၢႆး 3 ၵေႃႉ ၼၢႆးလၢၼ် ယူႇႁိူၼ်းႁုင်ၶဝ်ႈၽၵ်းယူႇၼၼ်ႉ လုၵ်ႈၸၢႆးမႄႈထဝ်ႈၸဝ်ႈႁိူၼ်း ၶဝ်ႈမႃးတႅင်းၽၼ်းၵေႃႉပဵၼ်မႄႈမၼ်းလႄႈ ၼွင်ႉပႂ်ႉမၼ်း ဢိၵ်ႇပႃးလၢၼ်ဢွၼ်ႇမၼ်း(လုၵ်ႈၼွင်ႉၸၢႆး ၼွင်ႉပႂ်ႉ) ဢႃယု 2 ၶူပ်ႇ၊ လူႉတၢႆထင်တီႈ 3...

ၼႂ်းလိူၼ်လုၵ်ႈဢေႃႊၵတ်ႊသ်ပူၼ်ႉမႃးၼႆႉ  ၾူၼ်တူၵ်းႁႅင်းသေ ၼမ်ႉလုပ်ႇထူမ်ႈ ၼႂ်းမိူင်းတႆး လၢႆၸႄႈဝဵင်း ႁၢဝ်ႈႁႅင်း မိူၼ်ၼင်ႇ ၸိုင်ႈတႆးပွတ်းဢွၵ်ႇၶူင်း မိူင်းတူၼ်၊ တႃႈၶီႈလဵၵ်းလႄႈ ၵဵင်းတုင် ၸိူဝ်းၼႆႉ။ ထိုင်တီႈရူတ်ႉၵႃး၊ ၶူဝ်းႁိူၼ်းယေး၊ ၶူဝ်းၵုၼ်ႇ ၼႂ်းႁၢၼ်ႉ ၼႂ်းၵၢတ်ႇ သူၼ်ႁႆႈၼႃး ၸိူဝ်းၼႆႉ လူႉသုမ်းၼမ် ၼပ်ႉႁူဝ်ႁဵင်သႅၼ်ပျႃး။ ယဝ်ႉၵေႃႈ ၶူဝ်ၵၢႆႇၼိူဝ်သဵၼ်ႈတၢင်း ၸိူဝ်းၼႆႉ...

 ၼၢင်းယိင်းၵေႃႉၼိုင်ႈ ဢႃယု 60 ပီ ၵူၼ်းမိူင်းသၢတ်ႇ ၺႃးၵူၼ်းဢမ်ႇႁူႉၾၢႆႇၸူၼ်ႁိမ်ဢဝ်ထူင်ငိုၼ်းသေ ႁဵတ်းႁၢႆႉပေႃႉမၼ်းၼၢင်းပႃး မၢတ်ႇၸဵပ်း။ မိူဝ်ႈၼႆႉဝၼ်းတီႈ 3 ယၢမ်းၵၢင်ၼႂ် 4 မူင်းၼႆႉ ပႃႈလူင် ဢႃယု 60 ပီ ၵူၼ်းပွၵ်ႉမႄႈသွၼ် ဝဵင်းမိူင်းသၢတ်ႇ ပႃးထူင်ငိုၼ်းသေၶီႇရူတ်ႉထိပ်ႇၵႂႃႇၵၢတ်ႇ ဢၢၼ်းၵႂႃႇသိုဝ်ႉၶူဝ်းၶွင်တႃႇမႃးႁဵတ်းတၢင်းၶၢႆ။ ၽွင်းၼၼ်ႉမီးၵူၼ်းၸၢႆးၵေႃႉၼိုင်ႈ ငွႆးပေႃႉမၼ်းၼၢင်းသေ ဢဝ်ဢႅပ်ႇငိုၼ်းမၼ်းၵႂႃႇ။ ၵူၼ်းမိူင်းသၢတ်ႇၵေႃႉၼိုင်ႈလၢတ်ႈဝႃႈ -“ပႃႈလူင်ၼႆႉၶၢႆၶဝ်ႈသွႆးတီႈႁိူၼ်းမၼ်းဢေႃႈ။...

မိူဝ်ႈဝႃးဝၼ်းတီႈ 2/9/2022 ၼမ်ႉႁူၺ်ႈၼမ်ႉလွႆၵိုင်ႉၵၢင်ႉၼွင်းထူမ်ႈဝၢၼ်ႈတွင်ၵၢႆး ၸႄႈဝဵင်းမိူင်းမိတ်ႈ ၽူႈၸၢႆးၵေႃႉၼိုင်ႈလႆလွင်ႈၸွမ်းၼမ်ႉသေလူႉတၢႆ။ ၾူၼ်တူၵ်းႁႅင်းယၢမ်းၵၢင်ၶိုၼ်းလႄႈ မိူဝ်ႈဝႃးယၢမ်းၵၢင်ၼႂ် 4 မူင်းၶိုင်ႈ ၼမ်ႉႁူၺ်ႈၼွင်း ၊ၼမ်ႉႁွင်ႈႁိမ်းဝၢၼ်ႈလူၼ်ႉၾင်ႇ ထူမ်ႈႁိူၼ်းယေးၸိူဝ်းယူႇႁိမ်းၾင်ႇၼမ်ႉ။ ၽူႈၸၢႆးၵေႃႉၼိုင်ႈဢႃယု 70 ပၢႆလွင်ႈၸွမ်းၼမ်ႉသေလူႉတၢႆ။ “ၾူၼ်တူၵ်းႁႅင်းလႄႈၼမ်ႉလွႆလႆလူင်းၼႂ်းၼမ်ႉႁွင်ႈႁိမ်းဝၢၼ်ႈၼၼ်ႉဢေႃႈ ။ ၼမ်ႉႁွင်ႈၼၼ်ႉၼွင်းထူမ်ႈလၢၵ်ႈဢဝ်ႁိူၼ်းယေး ထဵင် သုမ်ႉၸိူဝ်းမီးႁိမ်းၾင်ႇၼမ်ႉၼၼ်ႉၵႂႃႇမူတ်း။ မီးလုင်းၵေႃႉၼိုင်ႈဢႃယု 70 ပၢႆ ၼွၼ်းယူႇၼႂ်းသုမ်ႉမၼ်း ၼႂ်းသူၼ်ၵူၺ်ႈႁိမ်းၾင်ႇၼမ်ႉၼၼ်ႉ။ တူဝ်မၼ်းတႄႉ...