မိူဝ်ႈၼႆႉဝၼ်းတီႈ 6/9/2022 သဵင်ၵွင်ႈလူင်တႅၵ်ႇတီႈႁိမ်းၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ ပဵၼ်ၽႂ်ၸုမ်းလႂ်ယိုဝ်းၵၼ်တႄႉဢမ်ႇႁူႉ ၊ ၵူၼ်းမိူင်းပိုၼ်ႉတီႈလႄႈၵူၼ်းၵႃႉ ၸဝ်ႈၵႃး တူၵ်းၸႂ် မႆႈၸႂ်တႃႇၵႂႃႇမႃး။
ၸဝ်ႈၵႃး မူႇၸေႊ လႃႈသဵဝ်ႈ ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ – “သဵင်ပိုတ်းယိုဝ်းၵၼ်ႁိုင်မွၵ်ႈ 1 ၸူဝ်ႈမူင်း။ သိုၵ်းမၢၼ်ႈတင်းသင်ယိုဝ်းၵၼ်တႄႉဢမ်ႇႁူႉၶႃႈ။တၢင်းၼၼ်ႉမီးၵူႈၸုမ်းၶႃႈလူး ဢၼ်တူင်ႉၼိုင်ဝႆႉယူႇၼၼ်ႉ။” -ဝႃႈၼႆ။
သဵင်ၵွင်ႈၼႆႉတႅၵ်ႇတၢင်းလႂ်တႄႉတႄႉ ဢမ်ႇႁူႉသေတႃႉ ယူႇတီႈဝဵင်းၼမ်ႉၶမ်းယင်းလႆႈယိၼ်း ၼႆ ၵူၼ်းၼမ်ႉၶမ်းၵေႃႉၼိုင်ႈၵေႃႈလၢတ်ႈၼင်ႇၼႆ။
ၼႂ်းၸႄႈတွၼ်ႈမူႇၸေႊၼႆႉၼွၵ်ႈလိူဝ်သိုၵ်းမၢၼ်ႈယဝ်ႉ မီးၸုမ်းၶၢင် KIA ၊ တဢၢင်းပလွင်ႈ TNLA ၊ ပႃႇတီႇမႂ်ႇသုင်ၸိုင်ႈတႆး SSPP/SSA လႄႈတပ်ႉသိုၵ်းၵူဝ်းၵၢင်ႉ MNDAA ၶဝ်တူင်ႉၼိုင်ၵူၺ်းဢမ်ႇၵႃး မီးပႃးၸုမ်းပျီႇတူႉၸိတ်ႉလဵၵ်ႉယႂ်ႇ တူင်ႉၼိုင်ဝႆႉဢမ်ႇယွမ်း 20 ၸုမ်း။
