ၸုမ်းပျီႇတူႉၸိတ်ႉပဢူဝ်း PNO ယွၼ်းၶဝ်ႈ ယွၼ်းၵူၼ်းၼႂ်းၸႄႈဝဵင်းသီႇသႅင်ႇ ၊ ၵူၼ်းမိူင်းပိုၼ်ႉတီႈ တေသႂ်ႇသမ်ႉၵူဝ် သိုၵ်း PDF ၶဝ်ႈယိုဝ်းယွၼ်ႉၵမ်ႉထႅမ်သိုၵ်းမၢၼ်ႈလႄႈပျီႇတူႉၸိတ်ႉ၊ တေဢမ်ႇသႂ်ႇသမ်ႉပၢႆႈဢမ်ႇလွတ်ႈ လႄႈပဵၼ်ဢၼ်ယူႇယၢပ်ႇ ၵိၼ်းၸႂ်ဝႆႉဝႃႈၼႆ။ PNO ယွၼ်းၶဝ်ႈ၊ ယွၼ်းၵူၼ်းသိုၵ်း ဝၼ်းတီႈ 27/6/2022 ၼႆႉ ဝႆႉပဵၼ်ဝၼ်းလိုၼ်းသုတ်း ႁႂ်ႈၵူၼ်းမိူင်းၼႂ်း ၸႄႈဝဵင်း သီႇသႅင်ႇ  ၵႂႃႇသႂ်ႇပၼ်ငိုၼ်းတွင်း၊ ၶဝ်ႈသၢၼ်လႄႈ...

မိူဝ်ႈၼႆႉ ဝၼ်းတီႈ 6/6/2022 ယၢမ်းၵၢင်ၼႂ် မွၵ်ႈ 6 မူင်းၶိုင်ႈ ၽူႈၶဝ်ႈၸုမ်းပျီႇတူႉၸိတ်ႉ ၵေႃႉၼိုင်ႈ ၺႃးၸူၼ် တီႈပွၵ်ႉၵွင်းမူးလွႆ ၸႄႈဝဵင်းမူႇ ၸေႊ ၸိုင်ႈတႆးပွတ်းႁွင်ႇ  ။ ၵူၼ်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ မီးၵူၼ်းၶီႇၵႃးမႃးၸွမ်းၵၼ် ယိပ်းၵွင်ႈၸေးမိုဝ်းသေ လူင်းၵႃးမႃးၸူၼ် လုၵ်ႈၸုမ်းပျီႇတူႉၸိတ်ႉ ၵေႃႉၼိုင်ႈ တီႈပွၵ်ႉၵွင်းမူးလွႆ...

ၵၢၼ်ၵေႃႇသၢင်ႈဢဵၼ်ႁႅင်းလွင်ႈၽွမ်ႉႁူမ်ႈ တႃႇလွတ်ႈလႅဝ်းၵွၼ်းၶေႃ သုတ်းတိူၵ်ႈလူမ်ႉလႅဝ် မူတ်းတိုဝ်ႉတၢင်း ပူၼ်ႉမႃး ယဝ်ႉလၢႆပွၵ်ႈလၢႆႁူၼ် ထိုင်ယွတ်ႈႁွတ်ႈပၢႆလိုၼ်းသုတ်း ၸွင်ႇမီးတိုဝ်ႉတၢင်းထႅင်ႈယူႇႁိုဝ်။ တႃႇတေၶိုၼ်းႁႃ တိုဝ်ႉတၢင်း လွင်ႈၽွမ်ႉႁူမ်ႈထႅင်ႈ ဝၢႆးၸဝ်ႈၵွၼ်းၸိူင်းဢွၼ်ႁူဝ်ႁဵတ်းလွင်ႈၽွမ်ႉႁူမ်ႈ မိူဝ်ႈ 1983 ၼၼ်ႉ  ၸွင်ႈတေငၢႆႈ ၸွင်ႇတေ ၵိူတ်ႇ ၶိုၼ်ႈပဵၼ်လႆႈထႅင်ႈ။ ၼႂ်းမိူဝ်ႈငဝ်းလၢႆးၸိူင်ႉၼင်ႇၼႆ ၸဵမ်ဢဵၼ်ႁႅင်းၵွင်ႈၵၢင်ႇမၢၵ်ႇမိုဝ်ႈၸိုၼ်းယၢမ်းငိုၼ်းတွင်း ႁူမ်ႈတင်းသၢႆငၢႆၵူႈလွင်ႈလွင်ႈ ၸွင်ႇပၼ်ဢမ်ႇပၼ် တိုဝ်ႉတၢင်းတႃႇဢဝ်လွတ်ႈလႅဝ်းၵွၼ်းၶေႃလူး ၸွင်ႇပူၼ်ႉၵၢပ်ႈပူၼ်ႉပၢၼ်...

 သိုၵ်းမၢၼ်ႈ ယိုတ်းမိူင်းမႃး ၶၢဝ်းတၢင်းပီပၢႆၼႆႉ ၵူၼ်းၼမ်ႉတူႈ ဢွၼ်ၵၼ် ပၢႆႈဢွၵ်ႇဝဵင်းၼမ် ယွၼ်ႉမီးၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း ၼႂ်းပိုၼ်ႉ တီႈ လၢႆမူႇၸုမ်း ဢွၼ်ၵၼ်ၵဵပ်းသိုၵ်းႁၢဝ်ႈႁႅင်း။ တႄႇဢဝ်လိူၼ်မေႊ 2022 ၼၼ်ႉမႃး တေႃႇထိုင်ယၢမ်းလဵဝ် ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း ၼႂ်းပိုၼ်ႉတီႈ လၢႆမူႇၸုမ်း ၶဝ်ႈတီႉၺွပ်း ၵူၼ်းၼႂ်းဝဵင်း ၼမ်ႉတူႈ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ...

လုင်းၸၢႆးဝုၼ်းဢွင်ႇ  ၽူႈဢွၼ်ႁူဝ်ၼႂ်းၸုမ်း ၵေႃလိၵ်ႈလၢႆးတႆး ၺႃးငွႆးယိုဝ်းတၢႆ တီႈႁိူၼ်းမၼ်းၸၢႆး တီႈဝၢၼ်ႈငႃးဢဵင်ႇၸု ဝၢၼ်ႈတႆး ဝဵင်းၽႃပုၼ် ၸႄႈမိူင်းယၢင်းၽိူၵ်ႇ။ ဝၼ်းတီႈ 31/5/2022 ယၢမ်းႁူဝ်ၶမ်ႈ မွၵ်ႈ 5 မူင်း လုင်းၸၢႆးဝုၼ်းဢွင်ႇ ၵေႃလိၵ်ႈလၢႆးလႄႈ ၾိင်ႈငႄႈတႆး ဝဵင်းၽႃပုၼ် ၸႄႈမိူင်းယၢင်းၽိူၵ်ႇ ထုၵ်ႇၵူၼ်းဢမ်ႇႁူႉၾၢႆႇ ဢဝ်ၵွင်ႈယိုဝ်းမႅၼ်ႈ (သၼၢႆႇပႃႇ) ယိုဝ်းသႂ်ႇတီႈၵွၵ်းႁူဝ်မၼ်းၸၢႆးသေ လႆႈလူႉတၢႆထင်တီႈ...

ၸဝ်ႈသိလ်ထမ်း ၶူးဝႃးဝုၼ်းၸုမ်ႉ ၶဝ်ႈထမ်ႈ ဢတိတ်ႉထၢၼ်ႇ တိုဝ်းၵမ်သိလ်ထမ်း 3 ပီ 3 လိူၼ်ပၢႆ 3 ဝၼ်း တီႈထမ်ႈမိူင်းၵႅတ်ႇ တေတဵမ်ယဝ်ႉ ဝႃႈၼႆႉသေ တေဢွၵ်ႇထမ်ႈဝၼ်းလႂ်တႄႉ ပႆႇႁူႉတႅတ်ႈတေႃး ႁူဝ်ပဝ်ႈၵိင်ႇၽႄငဝ်ႈငုၼ်း မုၵ်ႉၸုမ်းလူင်သင်ႇၶႃႇ ၸိုင်ႈတႆးပွတ်းဢွၵ်ႇၶူင်းလၢတ်ႈ။   ၸဝ်ႈၶူးလူင် ၺႃႇၼသီႇရိ (ၸဝ်ႈမၢၼ်ႇတႃဢွၼ်ႇ) ႁူဝ်ပဝ်ႈၵိင်ႇၽႄငဝ်ႈငုၼ်း မုၵ်ႉၸုမ်းလူင်...

ႁၢၼ်ႉၶၢႆ ၼမ်ႉမၼ်းၸၢၵ်ႈ ၼႂ်းဝဵင်းၼမ်ႉတူႈ လႆႈပိၵ်ႉဢိုတ်းပႅတ်ႈၼမ် ယွၼ်ႉၶၼ်ၼမ်ႉမၼ်းပုင်ႈၶိုၼ်ႈႁႅင်းလႄႈ ႁဵတ်းႁႂ်ႈၵူၼ်းပိုၼ်ႉတီႈ ထူပ်းတၢင်း ယၢပ်ႇၽိုတ်ႇႁႅင်း ထိုင်တီႈ ပေႃးလႆႈပႆတိၼ်လၢႆၵႂႃႇႁဵတ်းၵၢၼ်သူၼ်ႁႆႈၼႃးၵၼ်။ တႄႇဢဝ်ဝူင်ႈၼႆႉမႃး ၶၼ်ၼမ်ႉမၼ်းၸၢၵ်ႈ ပုင်ႈၶိုၼ်ႈႁႅင်း 1 လိတ်ႊတိူဝ်ႊ ထိုင် 3,000 ပၢႆ ႁၢၼ်ႉၶၢႆၼမ်ႉမၼ်းၸၢၵ်ႈ (ပမ်ႉၼမ်ႉမၼ်း) ၼႂ်းၸႄႈဝဵင်းၼမ်ႉတူႈ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ လႆႈပိၵ်ႉဢိုတ်းပႅတ်ႈ တုမ်ႉတိူဝ်ႉၵူၼ်းမိူင်းပိုၼ်ႉတီႈ...

ငဝ်ႈငုၼ်း ၵေႃလိၵ်ႈလၢႆးတႆး ပတ်းပိုၼ်ႉ တေဢဝ်တၢင်းၵႃႈၼူၵ်ႉ/ တူဝ်း ၶဝ်ႈပူင်သွၼ် ႁႂ်ႈပဵၼ်လၵ်းသုတ်ႇမႂ်ႇၵႂႃႇ ၼႂ်းၸၼ်ႉၸွမ် ၾိင်ႈငႄႈ ၵူႈ ၸၢဝ်းၶိူဝ်း တီႈဝဵင်းလိူဝ်ႇ (မၼ်းတလေး)။ ဝၼ်းတီႈ 1/6/2022 ယူႇတီႈ ၵႅမ်ၶူးလူင် ဢူးၵျေႃႇတူႇရ ၸၼ်ႉၸွမ် ဝဵင်းလိူဝ်ႇလႄႈ ၽူႈမီးပုၼ်ႈၽွၼ်း ထႅင်ႈလၢႆၵေႃႉ ႁူပ်ႉဢုပ်ႇဢူဝ်းၵၼ် တင်း ၸၢႆးၶိူဝ်းလဵဝ်...

မိူဝ်ႈၼႆႉဝၼ်းတီႈ 3/6/2022 ယၢမ်းၵၢင်ဝၼ်း 1 မူင်း ဢူးသၢၼ်းပိူဝ်ႇ ၵႅမ်ႁူဝ်ပဝ်ႈ ၵေႃႇမတီႇလွင်ႈၽွမ်ႉႁူမ်ႈလႄႈ ၵၢၼ်ငမ်းယဵၼ် NDAA ၸုမ်းမိူင်းလႃး ဢွၼ်ႁူဝ် ၽူႈမီးပုၼ်ႈၽွၼ်း ၸုမ်းတၢင်တူဝ်သေ လုၵ်ႉၵဵင်းတုင် ၶိုၼ်ႈႁိူဝ်းမိၼ်ၵႂႃႇၼေႇပျီႇတေႃႇ တႃႇႁူပ်ႉထူပ်းၵၼ်တင်း ၸွမ်ၸိၵ်းသိုၵ်းမၢၼ်ႈ ။ ၶၢဝ်းတၢင်းၼႆႉ ဢူးၵျီႇမျိၼ်ႉ ၽူႈၼမ်းၼႂ်းၵူႈလွင်ႈလွင်ႈ ၊ ဢူးဢႃးလူႇ ၽူႈၼမ်းၼႂ်း...

ပႃႇတီႇဝႃႉၽွမ်ႉႁူမ်ႈ UWSP ႁူပ်ႉထူပ်းၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇသေလၢတ်ႈဝႃႈ ဝႃႉတေဢမ်ႇၽၢတ်ႇဢွၵ်ႇမိူင်းႁူမ်ႈတုမ်၊ ႁႂ်ႈလႆႈတင်ႈၸႄႈမိူင်းဝႃႉ  ဢၼ်မီးလွင်ႈၽွင်းငမ်းတူဝ်ၵဝ်ႇ၊ လွင်ႈၼႆႉသိုၵ်းမၢၼ်ႈႁၼ်လီၸွမ်း - ဝႃႈၼႆ။ ဝၼ်းတီႈ 30/5/2022 ၵႅမ်ႁူဝ်ပဝ်ႈ UWSP ဢူးလေႃႇယႃႇၵု ဢွၼ်ႁူဝ် လုၵ်ႈၸုမ်းၵႂႃႇႁူပ်ႉထူပ်းၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇတီႈၼေႇပျီႇတေႃႇ ။ ႁွင်ႈၵၢၼ်ၶၢဝ်ႇ UWSP ပိုၼ်ၽၢဝ်ႇဝႆႉဝႃႈ - ၵႅမ်ႁူဝ်ပဝ်ႈ UWSP လၢတ်ႈၽွင်းႁူပ်ႉထူပ်းမိၼ်းဢွင်ႇလၢႆႇဝႃႈ- ႁႂ်ႈပၼ်ဝႃႉတင်ႈၸႄႈမိူင်းႁင်းၶေႃ၊ ၼွၵ်ႈလိူဝ်ၵၢၼ်ၵႅတ်ႇၶႄၸိုင်ႈမိူင်းလႄႈ...

ၵူၼ်းၼုမ်ႇ ၽူႈၸၢႆးဢွၼ်ႇဢၼ်ၺႃးသိုၵ်းမၢၼ်ႈတီႉၽွင်းမၢၵ်ႇတႅၵ်ႇၵၢင်ဝဵင်းတႃႈၶီႈလဵၵ်းၼၼ်ႉ လုမ်းတြႃးတတ်းသိၼ်ဝႃႈမၼ်းၸၢႆးပဵၼ်ၵူၼ်းထိုမ်ႈမၢၵ်ႇၼႆသေ တႅပ်းတတ်းပၼ်တူတ်ႈတၢမ်ႇတၢႆ။ မိူဝ်ႈဝႃး ဝၼ်းတီႈ 1/6/2022  လုမ်းတႅပ်းတတ်းတြႃး ၸႄႈတွၼ်ႈတႃႈၶီႈလဵၵ်း  တတ်းသိၼ် ပၼ်တၢမ်ႇတၢႆ ၸၢႆးသႅင်မိူင်း ဢႃ ယု 24 ပီ ၸၢဝ်းဝႃႉ ။ လုမ်းတြႃးတႅပ်းတတ်းဝႃႈ မၼ်းၸၢႆး ၶဝ်ႈပႃး ၼႂ်းၸုမ်းပွႆႇမၢၵ်ႇတႅၵ်ႇ သႂ်ႇၾုင်ၵူၼ်းၼႄၵၢင်ၸႂ်...

သိုၵ်းမၢၼ်ႈလွၵ်ႉၸွၵ်ႇယိုဝ်းၵွင်ႈၸၢၵ်ႈ ယၢမ်းၵၢင်ၶိုၼ်း ထပ်းၵၼ်လၢႆၶမ်ႈ  ႁဵတ်းႁႂ်ႈၵူၼ်းပိုၼ်ႉတီႈ တူၵ်းၸႂ်တိုၼ်ႇ သၢၼ်ႈ။ ဝၢၼ်ႈၵဵင်းၶမ်း ၸႄႈဝဵင်းလွၵ်ႉၸွၵ်ႇ ဝၼ်းတီႈ 31/5/2022 တင်း 1/6/2022 ယၢမ်းၵၢင်ၶမ်ႈ 8 မူင်း ၶွင်ႇသီႇသိုၵ်းမၢၼ်ႈ ယိုတ်းမိူင်း တပ်ႉ 509 ဢၼ်ပၵ်းဝႆႉတီႈ တၢင်းၾၢႆႇႁွင်ႇ ဝဵင်းလွၵ်ႉၸွၵ်ႇ ၸိုင်ႈတႆးပွတ်းၸၢၼ်းၼၼ်ႉ ယိုဝ်းၵွင်ႈၸၢၵ်ႈထပ်းၵၼ်  2 ၶမ်ႈ...

မၢၵ်ႇတႅၵ်ႇ ၼႂ်းဝၢင်းႁိူၼ်းလင်ၼိုင်ႈ တီႈႁိမ်းၵၢတ်ႇလူင် ဝဵင်းၼွင်ၶဵဝ် ၸၢၵ်ႇမၢၵ်ႇတိူဝ်ႉသႂ်ႇ လုၵ်ႈဢွၼ်ႇယိင်း 2 ၵေႃႉ  မၢတ်ႇၸဵပ်းၸွမ်း ယၢမ်းလဵဝ် သူင်ႇယူတ်းယႃတူဝ်ဝႆႉ တီႈ ႁူင်းယႃ။ ဝၼ်းတီႈ 1/6/2022 ယၢမ်းၵၢင်ၶမ်ႈ မွၵ်ႈ 7 မူင်း မၢၵ်ႇတႅၵ်ႇၼႂ်းဝၢင်းႁိူၼ်းလင်ၼိုင်ႈဢၼ်မီး ၾၢႆႇလင်ၵၢတ်ႇလူင် ၸႄႈဝဵင်းၼွင်ၶဵဝ် ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ။...

ပွႆးဝၢင်းႁၢၵ်ႈမၢၵ်ႇဢုတ်ႇငိုၼ်း/ ၶမ်း တႃႇၵေႃႇသၢင်ႈ တၢင်းၵေးၽၢင်ဢိင်ၽြႃး တီႈၵုၼ်ၼမ်ႉလၢဝ်း ၸႄႈဝဵင်းမိူင်းၵိုင် မီးသင်ၶၸဝ်ႈ လႄႈ တၵ်ႉၵႃႇသတ်းထႃး ၶဝ်ႈႁူမ်ႈလူႇတၢၼ်းၼမ်။ မိူဝ်ႈဝႃးဝၼ်းတီႈ 1/6/2022 ယၢမ်းၵၢင်ၼႂ် ၸဝ်ႈသြႃႇဝႃႇရိၼ်ႇတ ၸဝ်ႈၵွၼ်းဝတ်ႉ/ ၵျွင်း ဢွၼ်ႁူဝ်ၼမ်းၼႃႈ ၸတ်းႁဵတ်း ပၢင်ပွႆး တမ်း ဝၢင်းမၢၵ်ႇဢုတ်ႇငိုၼ်း/ ၶမ်း တႃႇၵေႃႇသၢင်ႈ တၢင်းၵေးၽၢင်ဢိင်ၽြႃး ထမ်ႇမၸၵ်ႉၵမုတ်ႉတြႃး...

ၶၢဝ်းတၢင်း 2 လိူၼ်ပၢႆမႃးၼႆႉ သိုၵ်းမၢၼ်ႈ တင်ႈလၢၼ်ႇပႂ်ႉၵူတ်ႇထတ်း ၵူၼ်းၶဝ်ႈဢွၵ်ႇဝဵင်းလွၵ်ႉၸွၵ်ႇ ၵႂႃႇမႃးႁၢဝ်ႈႁႅင်း တေႃႇထိုင်ယၢမ်းလဵဝ် ပႆႇ ပူတ်းပႅတ်ႈလၢၼ်ႇ  ႁဵတ်းႁႂ်ႈၵူၼ်းမိူင်း ၵႂႃႇမႃး ဢမ်ႇမီးလွင်ႈလွတ်ႈလႅဝ်းထၢင်ႇႁၢင်ႈ။ လၢၼ်ႇၼႆႉ တင်ႈတၢင်းၶဝ်ႈဝဵင်းလွၵ်ႉၸွၵ်ႇ – ယွင်ႁူၺ်ႈ၊ လွၵ်ႉၸွၵ်ႇ – တူၼ်ႈတီးလႄႈ တၢင်းၼႃႈတပ်ႉသိုၵ်းမၢၼ်ႈပႃႉထူး လွၵ်ႉၸွၵ်ႇ – ၼမ်ႉ လၼ်ႈ၊...