မိူဝ်ႈၼႆႉဝၼ်းတီႈ 29/9/2022 ယၢမ်းၵၢင်ၶမ်ႈ 6 မူင်း 15 မိၼိတ်ႉၶၢဝ်းယၢမ်းမိူင်းတႆး မၢၵ်ႇတႅၵ်ႇသႂ်ႇရူတ်ႉၵႃးလမ်းၼိုင်ႈ တီႈပွၵ်ႉႁူဝ်ၼွင် ဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ ၵူၼ်းတၢႆၵိုၵ်းရူတ်ႉၵႃး 1 ၵေႃႉမၢတ်ႇၸဵပ်းႁႅင်း 3 ၵေႃႉ။ ၵူၼ်းၼမ်ႉၶမ်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “မၢၵ်ႇတႅၵ်ႇသႂ်ႇ ၵႃးလမ်းၼိုင်ႈတီႈ ႁိမ်းသုမ်ႉယၢမ်း ပွၵ်ႉႁူဝ်ၼွင် ၼိူဝ်သဵၼ်ႈတၢင်းၵႂႃႇမိူင်းဝီး။ ၾႆးမႆႈၵူၼ်းတၢႆၵိုၵ်းၵႃးၵေႃႉၼိုင်ႈ ။...

လူင်ပွင်ၸိုင်ႈၶႄႇ သင်ႇပိၵ်ႉဢိုတ်း Lockdown ဝဵင်းမိူင်းမၢဝ်းထႅင်ႈ တင်းမူတ်း ယွၼ်ႉၵူတ်ႇထတ်းႁၼ် ၵူၼ်းတိတ်းၸပ်း ၸိူဝ်ႉမႅင်းတၢင်း ပဵၼ်ၶူဝ်ႊဝိတ်ႉ 19 ၽႄႈလၢမ်းႁႅင်း။ မိူဝ်ႈဝႃး ဝၼ်းတီႈ 28/9/2022 ယၢမ်းၵၢင်ၶိုၼ်း 12 မူင်း (ၶၢဝ်းယၢမ်းမိူင်းၶႄႇ) ယူႇတီႈ လူင်ပွင်ၸိုင်ႈၶႄႇ သင်ႇပိၵ်ႉဢိုတ်း Lockdown ထႅင်ႈ တင်းဝဵင်းမိူင်းမၢဝ်း ၼႃႈလိၼ်ၽွင်းငမ်းတူဝ်ၵဝ်ႇ...

ၵူၼ်းပၢႆႈၽေးသိုၵ်း ဢၼ်မႃးမီးတီႈ မိူင်းငေႃႉ သွင်ၵေႃႉ သွၼ်ႉရူတ်ႉၶိူင်ႈ ၸွမ်းၵၼ် ပဵၼ်ၽေးၵိုင်ႉၵၢင်ႉ ၽႃႇတမ်ၵၼ်တင်းၵူၼ်းဝၢၼ်ႈသေ မၢတ်ႇၸဵပ်းႁႅင်း၊ ထိုင်တီႈပေႃးလႆႈ သူင်ႇယူတ်းယႃတူဝ် တီႈဝဵင်းလႃႈသဵဝ်ႈ။ မိူဝ်ႈဝႃး ဝၼ်းတီႈ 28/9/2022 ယၢမ်းၵၢင်ၼႂ် ၸၢႆးဢၢႆႈႁူမ်ႈ ဢႃယု 42 ပီလႄႈ ၼၢင်းၸိင်ႇ ဢႃယု 39 ပီ သွၼ်ႉရူတ်ႉၶိူင်ႈၵၼ်...

ဝဵင်းမိူင်းလႃး ၼႃႈလိၼ်ၶိုၵ်ႉတွၼ်း မၢႆ 4 တေသိုပ်ႇပိၵ်ႉဢိုတ်း လွၵ်ႊတွင်ႊထႅင်ႈ ပွၵ်ႈၼႆႉ တေဢမ်ႇပၼ်ၵူၼ်းပိုၼ်ႉတီႈ ဢွၵ်ႇ ႁိူၼ်း ႁႂ်ႈၵၵ်းတူဝ်ယူႇၼႂ်းႁိူၼ်းယေးၽႂ်မၼ်း ဝႃႈၼႆ။ ပေႃးထိုင်မႃး ဝၼ်းတီႈ 1/10/2022 ၼႆႉၸိုင် တီႈဝဵင်းမိူင်းလႃး ၼႃႈလိၼ်ၶိုၵ်ႉတွၼ်း မၢႆ 4 (NDAA) ၼႂ်းၸိုင်ႈတႆး ပွတ်းဢွၵ်ႇ ၶူင်း တေသိုပ်ႇပိၵ်ႉဢိုတ်း...

သိုၵ်း RCSS – SSPP ယိုဝ်းၵၼ် တီႈၸႄႈဝဵင်းလၢႆးၶႃႈ ၵူၼ်းပိုၼ်ႉတီႈ ဢွၼ်ၵၼ် ၽူင်ႉပၢႆႈၶဝ်ႈဝဵင်း ဢမ်ႇယွမ်းၵႃး 3 လမ်း။ မိူဝ်ႈဝႃး ဝၼ်းတီႈ 28/9/2022 ယၢမ်းႁူဝ်ၶမ်ႈ သိုၵ်း SSPP တင်း RCSS ၽႃႇၺႃးၵၼ်   တီႈၶူဝ်ၼမ်ႉတွၼ် ႁိမ်းဝၢၼ်ႈမွၼ်း ၾၢႆႇႁွင်ႇဝၢၼ်ႈမၢၵ်ႇလၢင်း ယၢၼ်ဝၢၼ်ႈမၢၵ်ႇလၢင်း...

ၸဝ်ႈသိလ်ထမ်း ၶူးဝႃးဝုၼ်းၸုမ်ႉ ဢၼ်ၶဝ်ႈဝႃႇ သႃတိုဝ်းၵမ် သိၼ်ထမ်း ယူႇတီႈမိူင်းၽူင်း/ဝဵင်းတႃႈၶီႈ လဵၵ်း ၼၼ်ႉ မႅတ်ႉတႃႇတြႃးထိုင် တၵ်ႉၵႃႇသတ်းထႃး ႁႂ်ႈဢွၼ်ၵၼ်ၶတ်းၸႂ်သႂ်ႇႁႅင်း ႁဵၼ်းဢဝ် လိၵ်ႈလၢႆးတႆးလူင် ယႃႇပၼ်ႁၢႆလၢႆ ဝႃႈၼႆ။ ပူၼ်ႉမႃး မိူဝ်ႈဝၼ်းတီႈ 26/9/2022 ၼၼ်ႉ ၸဝ်ႈသိလ်ထမ်း ၶူးဝႃးဝုၼ်းၸုမ်ႉ ဝတ်ႉၽရထၢတ်ႈ သီၻွၼ်ႊ ႁိူင်း ဢိူင်ႇမိူင်းၽူင်း...

ဝၼ်းတီႈ 28/9/2022 မိူဝ်ႈၼႆႉ လူင်ပွင်ၸိုင်ႈၶႄႇ ၼႃႈလိၼ်ၽွင်းငဝ်းတူဝ်ၵဝ်ႇတႂ်ႈၶူင်း မိူင်းမၢဝ်း ပိုၼ်ၽၢဝ်ႇဝႃႈ -  ၸိူဝ်းပဵၼ်ႁႅင်းၵၢၼ်မၢၼ်ႈ ဢၼ်ၶဝ်ႈႁဵတ်းၵၢၼ် ႁႃၵၢၼ်ၼႂ်းမိူင်းၶႄႇ တင်းသဵင်ႈ တႄႇ ဝၼ်းတီႈ 29/9/2022 ၼႆႉၵႂႃႇ ႁၢမ်ႈဢွၵ်ႇၼွၵ်ႈႁိူၼ်းယေး။ တေဢွၵ်ႇၼွၵ်ႈႁိူၼ်း ၼွၵ်ႈယေး ၶဝ်ႈၵၢတ်ႇၶဝ်ႈသႃး ၵႂႃႇႁဵတ်းၵၢၼ်လႆႈမိူဝ်ႈလႂ် တေပိုၼ်ၽၢဝ်ႇ ပၼ်ထႅင်ႈၵမ်းၼိုင်ႈဝႃႈၼႆ။ ၵူၼ်းမိူင်းမၢဝ်း လၢတ်ႈတီႈၽူႈတွႆႇႁွၵ်ႈဝႃႈ -...

ၸူဝ်ႈၶွင်ႇသီႇသိုၵ်းမၢၼ်ႈ ယိုတ်းမိူင်းမႃး ၶၢဝ်းတၢင်း ပီပၢႆ 8 လိူၼ်ၼႆႉ ၵူၼ်းၼုမ်ႇ ၼႂ်းဝဵင်းလႃႈသဵဝ်ႈ တင်ႈပဵၼ်မူႇ ပဵၼ်ၽုင်သေ ဢႅဝ်ႇႁႃၽိတ်းမေႃး ပေႃႉထုပ်ႉၵၼ် ၶဵဝ်ပေႃးႁူင်ႈလၢႆႈသိၵ်ႈ။ ၵၢင်လိူၼ်သႅပ်ႊထႅမ်ႊပိူဝ်ႊၼႆႉ လုၵ်ႈႁဵၼ်း ၼႂ်းၸႄႈဝဵင်းလႃႈသဵဝ်ႈ တင်ႈပဵၼ်မူႇ ပဵၼ်ၵေႃ သေ ဢႅဝ်ႇႁႃၽိတ်းမေႃးၵၼ်၊ ပႂ်ႉႁႅမ်ၵၼ်ၸွမ်းတႃႈၸွမ်းတၢင်း၊ ၸွမ်းၵိဝ်ႇၸွမ်းငႅၵ်ႈ။ လုၵ်ႈႁဵၼ်းၸၼ်ႉသုင် မၢႆ 6...

မိူဝ်ႈၼႆႉ ဝၼ်းတီႈ 28/9/2022 တႄႇဢဝ် ယၢမ်းၵၢင်ၼႂ် 7 မူင်းမႃး တေႃႇထိုင်ယၢမ်းလဵဝ် ၶွင်ႇသီႇသိုၵ်းမၢၼ်ႈ ယိုတ်းမိူင်း တပ်ႉ ၶမယ 324 ယိုဝ်းၵွင်ႈလူင် ၵႂႃႇတၢင်းပၢင်ႁႆး ၼႂ်းၸႄႈဝဵင်းၼမ်ႉတူႈ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ဢမ်ႇယွမ်း 10 လုၵ်ႈ။ ၵူၼ်းပိုၼ်ႉတီႈ ဝဵင်းၼမ်ႉတူႈ လၢတ်ႈတီႈၽူႈတွႆႇႁွၵ်ႈဝႃႈ -...

ပီၼႆႉ ၶၼ်ငႃး ၼႂ်းၸႄႈဝဵင်းလၢင်းၶိူဝ်း ပဵၼ်ၵၢၼ် ပုင်ႈၶိုၼ်ႈႁႅင်း 1 ၸွႆႉလႂ် ၶၢႆလႆႈ 6,500 ပျႃး။ တႄႇဢဝ် လိူၼ်သႅပ်ႊထႅမ်ႊပိူဝ်ႊၼႆႉမႃး ၶၼ်ငႃး ၼႂ်းၸႄႈဝဵင်းလၢင်းၶိူဝ်း ၸိုင်ႈတႆးပွတ်းၸၢၼ်း ပုင်ႈၶိုၼ်ႈႁႅင်း ငႃး 22 ၸွႆႉ (ၼိုင်ႈထူင်) ၶၢႆလႆႈ 150,000 ပျႃး။ မီးၵူၼ်းၵၢင် (ပွဲစား)...

ၵူၼ်းၼုမ်ႇၵူၼ်းၶၢဝ်ႉ ၼႂ်းၸႄႈဝဵင်းမိူင်းသူႈ - ၵေးသီး ဢွၼ်ၵၼ်ပၢႆႈၵႂႃႇမိူင်းထႆးၼမ် ယွၼ်ႉၵၢၼ်ႁႃၵိၼ်လဵင်ႉတွင်ႉ ယၢပ်ႇၽိုတ်ႇ ႁႅင်းလႄႈ လွင်ႈပၼ်ႁႃသိုၵ်းသိူဝ် ၼႂ်းပိုၼ်ႉတီႈ ၵဵပ်းၶွၼ်ႇၵဵပ်းသိုၵ်းႁၢဝ်ႈႁႅင်း။ တင်ႈတႄႇသိုၵ်းမၢၼ်ႈယိုတ်းမိူင်းမႃးထိုင်ယၢမ်းလဵဝ် ႁိုင် ပီပၢႆ 8 လိူၼ်ၼႆႉ   ၵူၼ်းမိူင်း  ၼႂ်းၸႄႈဝဵင်း မိူင်းသူႈ - ၵေးသီး ၼႂ်းၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ဢွၼ်ၵၼ်ပၢႆႈၶဝ်ႈမိူင်းထႆး ၊...

ၽူႈၵွၼ်းပွၵ်ႉယွမ်ႇ လႄႈ ပလိၵ်ႈမၢၼ်ႈ ဝဵင်းတႃႈၶီႈလဵၵ်း လိုပ်ႈလမ်းတီႉၺွပ်း ၵူၼ်းၼုမ်ႇသၢမ်ၵေႃႉ ဢၼ်ပႃးမိတ်ႈပႃးလႅဝ်း ၽၼ်းလွၵ်ႇငိူတ်ႈၸူၼ်ရူတ်ႉၶိူင်ႈ ၵူၼ်းမဵတ်းပႃ  တီႈပၢင်ပေႃႉၵွပ်ႉၾ် Regina ဝဵင်းတႃႈၶီႈလဵၵ်း။ ၵူၼ်းယိပ်းမိတ်ႈယိပ်းလႅဝ်းၸုမ်းၼၼ်ႉ ၸူၼ်ဢဝ်ရူတ်ႉၶိူင်ႈၵူၼ်းမဵတ်းပႃမိူဝ်ႈဝၼ်းတီႈ 25/9/2022 ၊ ၵူၺ်းၵႃႈ ၵူၼ်းဝၢၼ်ႈလိုပ်ႈလမ်းလႄႈ ၸူၼ် 3 ၵေႃႉ ပွႆႇပႅတ်ႈရူတ်ႉၶိူင်ႈယဝ်ႉလႅၼ်ႈပၢႆႈ။ ထိုင်ဝၼ်းတီႈ 26/9/2022 ၵွၼ်းဢိူင်ႇၵၢင်ႉၵႄႇဢိၵ်ႇတၢင်းပလိၵ်ႈမၢၼ်ႈ သိုပ်ႇလမ်းတီႉၺွပ်းလႆႈ...

ၼႂ်းဢမ်ႇႁိုင်ဢမ်ႇၼၢၼ်းၼႆႉ ၸုမ်း Facebook (Meta) တေလႅၵ်ႈပိူင် ၼႃႈလိၵ်ႈ News Feed  ၊ ၼႃႈလိၵ်ႈမႂ်ႇဢၼ် Facebook (Meta) တေလႅၵ်ႈၼႆႉ ႁဵတ်းႁႂ်ႈၵူၼ်းမိူင်းႁူမ်ႈတုမ် တေဢမ်ႇလႆႈႁၼ် ၵၢၼ်သိုဝ်ႇသၢၼ် ဢၼ်လမ်ႇလွင်ႈ လႄႈ တုမ်ႉတိူဝ်ႉတႃႇၵူၼ်းမိူင်းတေလႆႈႁပ်ႉႁူႉၶၢဝ်ႇသၢၼ် ဢၼ်လမ်ႇလွင်ႈပဵၼ်ၵၢင် ၼႆသေ ၸုမ်းသိုဝ်ႇၶၢဝ်ႇ ၸၢဝ်းၶိူဝ်းလႄႈသိုဝ်ႇၶၢဝ်ႇလွတ်ႈလႅဝ်းမိူင်းမၢၼ်ႈ 43...

လိၵ်ႈၵႂၢမ်း ဢိင်းၵလဵတ်ႈ ပဵၼ်ၽႃသႃလုမ်ႈၾႃႉ ဢၼ်ၽႂ်ၽႂ် ၸိုင်ႈမိူင်းလႂ်ၵေႃႈမၵ်းမၼ်ႈယွမ်းႁပ့်ဢဝ် ၸႂ်ႉတိုဝ်း ပဵၼ်တၢင်းၵၢၼ်။ ယွၼ့်ၵွပ်ႈ ၸိူဝ့်ၸၢတ်ႈၶိူဝ်းၵူၼ်းဢၼ်ၸႂ်ႉတိုဝ်းလိၵ်ႈၵႂၢမ်းဢိင်းၵလဵတ်ႈ ပဵၼ်တၢင်းၵၢၼ် ၼၼ့်ပဵၼ်ၶိူဝ်းၵူၼ်းဢၼ်ၶိုၼ်ႈယႂ်ႇၼႆလၢတ်ႈလႆႈတဵမ်သူပ်းတဵမ်ပၢၵ်ႇ။ လိၵ်ႈပိူၼ်ႈၶိုၼ်ႈယႂ်ႇ ၵူၼ်းၵေႃႈမီးၼမ့်ၵတ့် တၢင်းႁူႉတၢင်းႁၼ်သုင် ယွၼ့်ၼႂ်းၽႃသႃဢိင်းၵလဵတ်ႈၼၼ့် မီးၶေႃႈမုလ်း ယူႇၵူႈလွင်ႈ။ ပပ့်လိၵ်ႈၽိုၼ်လၢႆး ဢၼ်ပၼ်တၢင်းႁူႉ ဢမ်ႇဝႃႈလွင်ႈၵၢၼ်သိုၵ်းၵၢၼ်မိူင်း ၵၢၼ်မၢၵ်ႈမီး ထဵၵ့်ၼူဝ်ႊလူဝ်ႊၵျီႊ လႄႈၵူႈလွင်ႈလွင်ႈ  ၵူႈၸိုင်ႈမိူင်းလႆႈဢဝ်ၶေႃႈမုလ်းဢၼ်တႅမ်ႈဝႆ့ၼႂ်းၽႃသႃ ဢိင်းၵလဵတ်ႈၼၼ့်မႃးပိၼ်ႇပဵၼ်...

ၵူၼ်းပၢႆႈၽေးသိုၵ်း တီႈဝဵင်းပၢင်လွင်း မီး 5 ႁဵင်ပၢႆ ယၢမ်းလဵဝ်ဢမ်ႇမီးၸဝ်ႈတႃႇၼတီႈၸမ်/ၵႆ မႃးၸွႆႈထႅမ်လႄႈ  လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်းၵိၼ် ႁၢဝ်ႈႁႅင်း  ။ ယၢမ်းလဵဝ် ၵူၼ်းပၢႆႈၽေးသိုၵ်း ဢၼ်ပၢႆႈမႃးသွၼ်ႈဝႆႉ ၼႂ်းဝဵင်းပၢင်လွင်းၼႆႉ မီးႁူဝ်ၵူၼ်း 5 ႁဵင်ပၢႆ ။ ၵမ်ႈၼမ် သွၼ်ႈယူႇဝႆႉ ၸွမ်းႁိူၼ်းယေးပီႈၼွင်ႉ ၼႂ်းပွၵ်ႉ/ ယွမ်ႇ ၸိူဝ်းၼႆႉ...