Friday, March 29, 2024

သိလ်ထမ်းၸဝ်ႈ ၶူးဝႃး ဝုၼ်းၸုမ်ႉ မႅတ်ႉတႃႇထိုင် တၵ်ႉၵႃႇ ႁႂ်ႈသႂ်ႇၸႂ် ႁဵၼ်းလိၵ်ႈလၢႆးတႆး

Must read

ၸဝ်ႈသိလ်ထမ်း ၶူးဝႃးဝုၼ်းၸုမ်ႉ ဢၼ်ၶဝ်ႈဝႃႇ သႃတိုဝ်းၵမ် သိၼ်ထမ်း ယူႇတီႈမိူင်းၽူင်း/ဝဵင်းတႃႈၶီႈ လဵၵ်း ၼၼ်ႉ မႅတ်ႉတႃႇတြႃးထိုင် တၵ်ႉၵႃႇသတ်းထႃး ႁႂ်ႈဢွၼ်ၵၼ်ၶတ်းၸႂ်သႂ်ႇႁႅင်း ႁဵၼ်းဢဝ် လိၵ်ႈလၢႆးတႆးလူင် ယႃႇပၼ်ႁၢႆလၢႆ ဝႃႈၼႆ။

ၶူးဝႃးဝုၼ်းၸုမ်ႉ

- Subscription -

ပူၼ်ႉမႃး မိူဝ်ႈဝၼ်းတီႈ 26/9/2022 ၼၼ်ႉ ၸဝ်ႈသိလ်ထမ်း ၶူးဝႃးဝုၼ်းၸုမ်ႉ ဝတ်ႉၽရထၢတ်ႈ သီၻွၼ်ႊ ႁိူင်း ဢိူင်ႇမိူင်းၽူင်း ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်းၼၼ်ႉ တႅမ်ႈတူဝ်မႄႈ လိၵ်ႈတႆး 19 တူဝ် ဢဝ် ၵ ၶ င — တေႃႇ ထိုင် ဢ တႄႇငဝ်ႈသေ သူင်ႇလိၵ်ႈ မႅတ်ႉတႃႇ ထိုင် လုၵ်ႈသိတ်ႇ တပႄး တီႈၸမ် တီႈၵႆ ႁႂ်ႈဢွၼ်ၵၼ်ၶတ်းၸႂ်သႂ်ႇႁႅင်း ႁဵၼ်းဢဝ်လိၵ်ႈလၢႆးတႆး ၵႂႃႇႁင်းၽႂ် ႁင်းမၼ်းလႃႈ ဝႃႈၼႆ။။

ၸဝ်ႈၶူးလူင် ၺႃႇၼသီႇရိ (ၸဝ်ႈမၢၼ်ႇတႃဢွၼ်ႇ) ႁူဝ်ပဝ်ႈၵိင်ႇၽႄငဝ်ႈငုၼ်းမုၵ်ႉ ၸုမ်းလူင်သင်ႇၶႃႇ ၸိုင်ႈတႆး ပွတ်းဢွၵ်ႇ ၶူင်း လၢတ်ႈတီႈၽူႈတွႆႇႁွၵ်ႈဝႃႈ – “မိူဝ်ႈဝၼ်းတီႈ 26 ၼႆႉ လႆႈႁၼ်ၶူးဝႃးပေႃႈ တႅမ်ႈလိၵ်ႈဢွၵ်ႇမႃးၽိုၼ်ၼိုင်ႈ။ ယၢမ်းလဵဝ် ၸဝ်ႈ ၶူးပေႃႈ ၶဝ်ႈတိုဝ်းၵမ်သိလ် ၼႂ်းဝႃႇသႃ တီႈမိူင်းၽူင်းဝႆႉ တေဢမ်ႇလၢတ်ႈၵႂၢမ်း တေႃႇထိုင် ပေႃးဢွၵ်ႇဝႃႇသႃ။ ပၢႆးယူႇလီ ၸဝ်ႈ ႁဝ်းၶႃႈ ယူႇလီၶႅမ်ႈလႅပ်ႈယူႇ”-  ဝႃႈၼႆ။

လိၵ်ႈၶူးဝႃးဝုၼ်းၸုမ်ႉ

ၶူးဝႃးၸဝ်ႈ သင်ႇလၢတ်ႈမႃးဝႃႈ ယၢမ်းလဵဝ် ၼႂ်းလေႃးၵၼႆႉ ၵူၼ်းတၢႆၵႂႃႇၼမ်ယဝ်ႉ ဢၼ်ဝႃႈသႃသၼႃ ၽႂ်မၼ်းၼပ်ႉယမ်ၵႂႃႇလီလီငၢမ်းငၢမ်း ယႃႇပေတိူဝ်ႉၶိူၵ်ႈၽိတ်းမေႃးၵၼ်။ ႁဝ်းၸဝ်ႈတႄႉ ၼပ်ႉယမ်ၵူႈ သႃသၼႃ ဝႆႉၼႂ်းၸႂ်ၼၼ်ႉယဝ်ႉ။ ႁႂ်ႈမီးထၢတ်ႈၸႂ်လီမႅတ်ႉတႃႇၵရုၼတေႃႇၵၼ်တႃႉ ဝႃႈၼႆ။

ၼႂ်းၽိုၼ်လိၵ်ႈမႅတ်ႉတႃႇၼႆႉ ယင်းတႅမ်ႈဝႆႉပႃးဝႃႈ – “ဢွၼ်ၵၼ်ၶတ်းၸႂ်သႂ်ႇႁႅင်းပႅင်းယႂ်ႇ ဢွၼ်ၵၼ်ဢဝ် ၸႂ်သႂ်ႇဝႆႉ ၼၵ်းလိုၵ်ႉၶိုၵ်ႉတႄႉတႄႉ ဝႃႈဝႃႈ ႁဵၼ်းဢဝ်လိၵ်ႈလၢႆးတႆးလူင်ႁဝ်းၶႃႈ ယႃႇပၼ်ႁၢႆလၢႆ ႁႂ်ႈမီးၵိုၵ်း ၵပ်းၵမ်ႇၽႃႇ။ ထမ်ႇမတြႃးၼႆႉ ပဵၼ်လွင်ႈၵတ်းယဵၼ် ဢဝ်သတ်းတဝႃႇ ပူၼ်ႉၽေးၶဵၼ်တုၵ်ႉၶတႄႉယဝ်ႉ”- ဝႃႈၼႆ။

လိၵ်ႈၶူးဝႃးဝုၼ်းၸုမ်ႉ

ၽွင်းၸဝ်ႈသိလ်ထမ်းၶူးဝႃး ဝုၼ်းၸုမ်ႉ ၶဝ်ႈတိုဝ်းၵမ်သိလ် ၶၢဝ်းတၢင်း ၼႂ်းဝႃႇသႃ 3 လိူၼ်ၼႆႉ တေဢမ်ႇလၢတ်ႈၵႂၢမ်း ဢမ်ႇ ႁူပ်ႉၽႂ် တေႃႇထိုင်လိူၼ် 12 မူၼ်း (ၾၢႆႇတႆး) ၸင်ႇတေဢွၵ်ႇဝႃႇသႃၶိုၼ်း ၸဝ်ႈၶူးလူင် ၺႃႇၼသီႇရိ လၢတ်ႈၼႄၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း