Tuesday, November 29, 2022

ၶၼ်ငႃး တီႈဝဵင်းလၢင်းၶိူဝ်း ပီၼႆႉ ပဵၼ်ၵၢၼ် 1 ၸွႆႉ 6,000 ပၢႆ

Must read

ပီၼႆႉ ၶၼ်ငႃး ၼႂ်းၸႄႈဝဵင်းလၢင်းၶိူဝ်း ပဵၼ်ၵၢၼ် ပုင်ႈၶိုၼ်ႈႁႅင်း 1 ၸွႆႉလႂ် ၶၢႆလႆႈ 6,500 ပျႃး။

Photo Ying Nong- ၵၢၼ်ၽုၵ်ႇငႃး ဝဵင်းလၢင်းၶိူဝ်း

တႄႇဢဝ် လိူၼ်သႅပ်ႊထႅမ်ႊပိူဝ်ႊၼႆႉမႃး ၶၼ်ငႃး ၼႂ်းၸႄႈဝဵင်းလၢင်းၶိူဝ်း ၸိုင်ႈတႆးပွတ်းၸၢၼ်း ပုင်ႈၶိုၼ်ႈႁႅင်း ငႃး 22 ၸွႆႉ (ၼိုင်ႈထူင်) ၶၢႆလႆႈ 150,000 ပျႃး။ မီးၵူၼ်းၵၢင် (ပွဲစား) ႁိမ်ၵၼ်ႁပ်ႉသိုဝ်ႉ သူင်ႇၸူး တၢင်းဝဵင်းလိူဝ်ႇ(မၼ်းတလေး) ၼႆယဝ်ႉ။

ၵူၼ်းဝဵင်းလၢင်းၶိူဝ်း လၢတ်ႈတီႈၽူႈတွႆႇႁွၵ်ႈဝႃႈ – “ပီၼႆႉ ၶၼ်ငႃး ပဵၼ်ၵၢၼ် ပုင်ႈၶိုၼ်ႈႁႅင်းတႄႉ။ ပွႆးၸႃးၼႆႉ ႁိမ်ၵၼ်သိုဝ်ႉၶႃႈ ဢေႃႈ။ ၶဝ်ႁပ်ႉသိုဝ်ႉၶဵဝ်။ ငႃး 22 ၸွႆႉ ၶၢႆလႆႈ 150,000 ပျႃး။ ဢမ်ႇတွၼ်ႉၶိုၼ်ႈႁႅင်း ပဵၼ်တၢၼ်ႇၼႆႉ။ ပေႃးၼပ်ႉသွၼ်ႇပဵၼ်ၸွႆႉ တႄႉ တေတူၵ်း 1 ၸွႆႉ 6,500 ပျႃး။ ၶၼ်ငႃးတႄႇၶိုၼ်ႈႁႅင်းတႄႉ ပဵၼ်ၼႂ်းလိူၼ်ၼႆႉမႃး မိူဝ်ႈတႄႇမၼ်း 22 ၸွႆႉ 100,000 ပျႃး ၊ ဝၼ်းသွင်ဝၼ်းမႃး ပုင်ႈၶိုၼ်ႈ 102,000 ပျႃး – 110,000 တေႃႇလဵဝ်ထိုင် 150,000 ပျႃး”- ဝႃႈၼႆ။

ငႃး

 ၶၼ်ငႃး မိူဝ်ႈပီၵၢႆ  22 ၸွႆႉမီး 90,000 – 100,000 ပျႃး ၵူၺ်း။  ဝဵင်းလၢင်းၶိူဝ်းၼႆႉ ၵူၼ်းမိူင်းပိုင်ႈဢိင်ၵၢၼ်ၽုၵ်ႇသွမ်ႈပဵၼ်ပိူင်လူင်။  ၾိင်ႈၾႃႉရႃႇသီႇ မႅၼ်ႈၵၼ်တင်းၵၢၼ်ၽုၵ်ႇငႃးလႄႈ  ငႃး၊ ထူဝ်ႇလိၼ်၊ ၼမ်ႉဢွႆႈ ဢွၵ်ႇၼမ်။ လႆႈသူင်ႇၶၢႆထိုင်မိူင်းမၢၼ်ႈ။   

“ငႃးၼႆႉ ပွႆးၸႃးၶဝ် မႃးသိုဝ်ႉၶဵဝ်ၵမ်းလဵဝ် ၶဝ်ဢမ်ႇဢိတ်ႇၼမ်ႉမၼ်း ၶဝ်တေသိုဝ်ႉငႃးၼၼ်ႉသေ သူင်ႇၸူးတၢင်းဝဵင်းလိူဝ်ႇ။ လႆႈ ငိၼ်းဝႃႈ တေသူင်ႇၶၢႆတၢင်းမိူင်းၼွၵ်ႈ။ ၵူႈပွၵ်ႈတႄႉ သူင်ႇၸူးတၢင်းမိူင်းၶႄႇ။ လႆႈငိၼ်းဝႃႈ ပွၵ်ႈၼႆႉ တေသူင်ႇၶၢႆတၢင်းမိူင်းၵျုႇ ပၢၼ်ႇ ၼႆဝႃႇ။ ပွႆးၸႃးၼၼ်ႉ ၶဝ်တေသိုဝ်ႉတတ်းၶၼ်(ဖြတ်စျေး) ၸွမ်းဝၼ်းလၢႆဝၼ်းၼၼ်ႉၵမ်းလဵဝ်။ ၼႂ်းဝၼ်းသွင်ဝၼ်းၼႆႉ ၶၼ်မၼ်းလူင်းၶိုၼ်းဢိတ်းၼိုင်ႈယဝ်ႉၶႃႈ”- ၵူၼ်းဝဵင်းလၢင်းၶိူဝ်း သိုပ်ႇလၢတ်ႈၼႄၼင်ႇၼႆ။

တၢင်းဝဵင်းၶူဝ်လမ်ၵေႃႈ ၶၼ်ငႃး ပုင်ႈၶိုၼ်ႈႁႅင်း မိူၼ်ၵၼ် 1 ၸွႆႉ 6,500 ပျႃး။ ၵူႈပီတႄႉ 1 ၸွႆႉ လႆႈ 3,000 ပျႃး ၼႆယဝ်ႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- SHAN's Apps -spot_img

ၶၢဝ်ႇလိုၼ်းသုတ်း