မိူဝ်ႈၼႆႉ ဝၼ်းတီႈ 5/10/2023 ယၢမ်းၵၢင်ၼႂ် 10 မူင်း ပလိၵ်ႈမၢၼ်ႈ ၾၢႆႇပႃႇမႆႉ တႂ်ႈသိုၵ်းမၢၼ်ႈ ၵုမ်းၵမ် မႃးႁူပ်ႉထူပ်း ၵူၼ်းမိူင်း တီႈဝတ်ႉဝၢၼ်ႈပုင်ႇ ၸႄႈဝဵင်းမိူင်းယႆ ၸိုင်ႈတႆးပွတ်းႁွင်ႇ မႃးသပ်းလႅင်းၶၵ်ႉၵၢၼ်ၾၢႆႇပႃႇမႆႉၶဝ်သေ တေဢဝ်လွႆၵိဝ်ႇၸီႉ တႃႇ 14,500 ဢေႊၶိူဝ်ႊၼၼ်ႉ ႁဵတ်းပဵၼ်ပႃႇထုၵ်ႇႁၢမ်ႈ (မၢႆ - 3)...

မိူဝ်ႈဝၼ်းတီႈ 4/10/2023 ယၢမ်းၶမ်ႈ ၸုမ်းၶၢဝ်ႇ BNI ( Burma News International ) ၸတ်းပၢင်ႁူမ်ၸူမ်းလွင်ႈလႆႈ ႁပ်ႉသူး ႁီႊရူဝ်ႊသျီႊမႃႊ (Hiroshima) ။ ယူႇတီႈၸုမ်း Edita and Morris Hiroshima Foundation for Peace and Culture...

ႁႅင်းၵၢၼ်တႆး ဢႃယု 40 ပၢႆ ၵေႃႉၼိုင်ႈ ၸူမ်ၼမ်ႉတၢႆ ၼႂ်းၼမ်ႉႁွင်ႈ (ၶွင်းၼမ်ႉ) တီႈၼိုင်ႈ ၼႂ်းဝဵင်းလူင်ၵုင်းထဵပ်ႈ (မိူင်းၵွၵ်ႇ)။ ပူၼ်ႉမႃး မိူဝ်ႈဝၼ်းတီႈ 29/9/2023 ယၢမ်းၵၢင်ၶိုၼ်း ၸၢႆးၼၼ်ႇတႃႇ ဢႃယု 43 ပီ ၸူမ်ၼမ်ႉတၢႆ ၼႂ်းၼမ်ႉႁွင်ႈ (ၶွင်းၼမ်ႉသႅၼ်သႅပ်ႇ) ဢၼ်မီးႁိမ်းၶၢင်ႈတၢင်းၼဝမိၼ်း ၼႂ်းဝဵင်းလူင်ၵုင်းထဵပ်ႈ ၸိုင်ႈထႆး...

မိူဝ်ႈၼႆႉ ဝၼ်းတီႈ 5/10/2023 ယၢမ်းဝၢႆးဝၼ်း 1 မူင်းပၢႆ ငႃးသိုၵ်းမၢၼ်ႈ  ၶဝ်ႈၸူး ၼႂ်းၼႃႈလိၼ် တပ်ႉသိုၵ်း SSPP/ SSA လႄႈ သွင်ၾၢႆႇ ပဵၼ်ပၢင်တိုၵ်းၵၼ် ၼႂ်းဢိူင်ႇၵုၼ်ၵွၵ်ႇ ၸႄႈဝဵင်းသႅၼ်ဝီ။ မိူဝ်ႈၼႆႉ ယၢမ်းၵၢင်ၼႂ် 10 မူင်း သိုၵ်းမၢၼ်ႈ ႁႅင်းၵူၼ်းမွၵ်ႈ 30...

ပီၼႆႉ ပီႈၼွင်ႉထုင်ႉပူင်း တေႁူမ်ႈၵၼ် ၸတ်းႁဵတ်းပၢင်ပွႆးၶေႉႁိူဝ်း ၾိင်ႈထုင်းတႆး ၶိုၵ်ႉယႂ်ႇလူင် ပဵၼ်ပွၵ်ႈၵမ်း 7 တီႈဝၢၼ်ႈႁူဝ်တၢတ်ႇ ၸႄႈဝဵင်းတူၼ်ႈတီး။ ပေႃးထိုင်မႃး ဝၼ်းတီႈ 7/10/2023 တူၵ်းမႅၼ်ႈ ဝၼ်းလိူၼ်သိပ်းလွင်ႈ 8 ၶမ်ႈ (ဝၼ်းသဝ်) ယၢမ်းၵၢင်ၼႂ် 9 မူင်း ယူႇတီႈ သင်ၶၸဝ်ႈလႄႈ ၵူၼ်းပိုၼ်ႉတီႈ တေႁူမ်ႈၵၼ်...

 ဝၼ်းတီႈ 3/10/2023  သိုၵ်းမၢၼ်ႈတင်းသိုၵ်းၶၢင် KIA ပိုတ်းယိုဝ်းၵၼ်ႁၢဝ်ႈႁႅင်းသေ မၢၵ်ႇလူင်တူၵ်းသႂ်ႇ ႁိူၼ်းၵူၼ်းမိူင်းလူႉၵွႆလူႉသုမ်းၼမ် ၼႂ်းဝၢၼ်ႈသိူၵ်ႈမူ ၸႄႈဝဵင်းၽႃၵၢၼ်ႉ။ ၵူၼ်းၽႃၵၢၼ်ႉၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ႁဵတ်းၼႆၼႆႉ ၽႂ်ၵေႃႈဢမ်ႇလႆႈၸႂ် မၼ်းတုမ်ႉတိူဝ်ႉ ၵူၼ်းမိူင်းၵူၺ်း   ။ သိုၵ်းမၢၼ်ႈၸိူဝ်းၼႆႉ  ၶဝ်ၶႂ်ႈႁဵတ်းသင်ၵေႃႈႁဵတ်းၵႂႃႇတိၵ်းတိၵ်း ၶဝ်ဢမ်ႇဝူၼ်ႉသင်။ ၵမ်းလိုၼ်းၵေႃႈ တိူဝ်ႉ ၵူၼ်းမိူင်းၶိုၼ်းၵွႆး  ” -...

ၵူၼ်းၵိၼ်ၸၢင်ႈႁပ်ႉသူင်ႇတႃႈၶီႈလဵၵ်းၵေႃႉၼိုင်ႈ ၺႃးၵူၼ်းၶၢတ်ႈၶီႇ ဢၢၼ်းၸူၼ်သေ ၽၼ်းတႅင်း။ မိူဝ်ႈဝၼ်းတီႈ 3/10/2023 ယၢမ်းၵၢင်ဝၼ်း 11 မူင်းၼၼ်ႉ ၸဝ်ႈရူတ်ႉၶိူင်ႈႁပ်ႉၸၢင်ႈ(Taxi)ၵေႃႉၼိုင်ႈ ၺႃးၵူၼ်းၶၢတ်ႈၶီႇရူတ်ႉၶိူင်ႈ ဢၢၼ်းၸူၼ် ၶိုၼ်းသေ ၽၼ်းတႅင်းမၢတ်ႇၸဵပ်းႁၢဝ်ႈႁႅင်း ။ ၸုမ်းၸွႆႈတူင်ႇၵူၼ်းတႃႈၶီႈလဵၵ်းသူၺ်ႇတႃႇၶျီႇ ႁၢႆးငၢၼ်းဝႆႉဝႃႈ - “ ၵူၼ်းၸၢႆးႁေႃႈ Taxi ၼႆႉ ၺႃးၵူၼ်းၸၢႆးၵေႃႉၼိုင်ႈ မႃးၶၢတ်ႈၶီႇရူတ်ႉၶိူင်ႈမၼ်း လုၵ်ႉတီႈတၢင်းၼႃႈၵၢတ်ႇဢႃႇၶႃႇ ၼႂ်းပွၵ်ႉဝဵင်းၵႅဝ်ႈၼၼ်ႉသေ...

သဵင်ၵွင်ႈလူင် တႅၵ်ႇတီႈဝဵင်းမူႇၸေႊ 2 လုၵ်ႈထပ်းၵၼ် ႁဵတ်းႁႂ်ႈၵူၼ်းမိူင်းပိုၼ်ႉတီႈ ဢွၼ်ၵၼ်တူၵ်းၸႂ်တိုၼ်ႇ ဝႃႈ ၼႆ။ မိူဝ်ႈဝႃး ဝၼ်းတီႈ 3/10/2023 ယၢမ်းၵၢင်ၶိုၼ်းမွၵ်ႈ 10 မူင်း သဵင်ၵွင်ႈလူင် တႅၵ်ႇတီႈပွၵ်ႉၵွင်းမူးတူင်ႈ ၸႄႈဝဵင်းမူႇၸေႊ ၸိုင်ႈတႆး ပွတ်းႁွင်ႇ လႅၼ်လိၼ်တႆး - ၶႄႇ ၼႆယဝ်ႉ။ ၵူၼ်းပိုၼ်ႉတီႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ...

ဝၼ်းတီႈ 3/10/2023 ယၢမ်းႁူဝ်ၶမ်ႈ 4 မူင်းပၢႆ လုၵ်ႈဢွၼ်ႇၸၢႆး လုၵ်ႈႁဵၼ်း ၸၼ်ႉၵၢင်  ဢႃယု 14 ပီၵေႃႉၼိုင်ႈ လၢမ်းလိမ်းယိုဝ်းၵွင်ႈၼႂ်းႁၢၼ်ႉ သယၢမ်ႊ ၽႃႊရႃႊၵွၼ်ႊ  ၵၢင်ဝဵင်းလူင် ၵုင်းထဵပ်ႈ မၢတ်ႇၸဵပ်း 5 ၵေႃႉ  တၢႆ 2 ၵေႃႉ ၼႂ်းၼၼ်ႉ ပႃးႁႅင်းၵၢၼ်မိူင်းႁူမ်ႈတုမ်...

ၸုမ်းၵူၼ်းၼုမ်ႇတႆး ပွတ်းႁွင်ႇ တူင်ႉၼိုင်သၢၼ်ၶတ်း ၶွမ်ႊပၼီႊငူၺ်ႇယီႇပလႄး တေသိုပ်ႇၶုတ်းထၢၼ်ႇႁိၼ် ၼႂ်းဢိူင်ႇၼမ်ႉမႃႉ ၸႄႈဝဵင်းသီႇပေႃႉထႅင်ႈ။ ပူၼ်ႉမႃး မိူဝ်ႈဝၼ်းတီႈ 1/10/2023 ယူႇတီႈ ၸုမ်းၵူၼ်းၼုမ်ႇတႆး ပွတ်းႁွင်ႇ ဢွၼ်ၵၼ်တူင်ႉၼိုင် တိုၵ်းသူၼ်း ၵူၼ်းမိူင်း ပိုၼ်ႉတီႈ ဢွၼ်ၵၼ်သၢၼ်ၶတ်း ၶွမ်ႊပၼီႊငူၺ်ႇယီႇပလႄး ဢၼ်သႂ်ႇၶွၼ်ႇၵမ်ႉထႅမ်ပၼ် တပ်ႉသိုၵ်းမၢၼ်ႈ ယိုတ်းမိူင်း တႃႇ...

ၵူၼ်းမၢၼ်း တီႈဝဵင်းပၢင်လႃႈ ၵေႃႉၼိုင်ႈ ၺႃးသိုၵ်းမၢၼ်ႈ လၢၵ်ႈၸၼ်တီႉၺွပ်းၵႂႃႇလႄႈ ႁဵတ်းႁႂ်ႈမၼ်းၼၢင်းတူၵ်းၸႂ်ၵူဝ်ႁႄသေထိုင်တီႈတူၵ်းလုၵ်ႈ။ ဝၼ်းတီႈ 29/9/2023 ယၢမ်း 2 မူင်းၼၼ်ႉ သိုၵ်းမၢၼ်ႈယိုတ်းမိူင်းၼႄးဝႃႈ ၵူၼ်းၸၢႆးၵေႃႉၼိုင်ႈဢၼ်တီႈ  ဝဵင်းပၢင်လႃႈၼၼ်ႉ ၵဵဝ်ႇၵပ်းၵွင်ႉၵၢႆႇၸွမ်းၵၢၼ်သိုၵ်းၵၢၼ်မိူင်းၼႆသေ လိုပ်ႈလမ်းတီႉၺွပ်း။ ၽွင်းသိုၵ်းမၢၼ်ႈ ၶဝ်ႈသွၵ်ႈတဝ်ႁိူၼ်းယေးမၼ်းၸၢႆးၼၼ်ႉ  ဢမ်ႇၺႃးမၼ်းၸၢႆး၊ ၺႃးၵေႃႉပဵၼ်မေးၼၢင်း ဢၼ်မီးတွင်ႉပႃးပုမ်ဝႆႉ 3 လိူၼ်။ သိုၵ်းမၢၼ်ႈႁိုတ်းႁၢတ်ႇၸၢတ်ႇသႂ်ႇ ထဵတ်ႈထၢမ်လၢၵ်ႈၸၼ်တီႉၺွပ်းမၼ်းၼၢင်းၵႂႃႇၸွမ်းလႄႈ...

သိုၵ်းမၢၼ်ႈ ယိုတ်းမိူင်း လၢမ်းလိမ်းယိုဝ်းၵွင်ႈလူင် သႂ်ႇၼႂ်းဝၢၼ်ႈၵူၼ်းမိူင်း တီႈဝဵင်းၾၢႆၶုၼ် ၼႂ်းလိူၼ်လဵဝ် ဢမ်ႇယွမ်း 10 ပွၵ်ႈ ႁဵတ်းႁႂ်ႈႁိူၼ်းယေးၵူၼ်းဝၢၼ်ႈလႄႈ သူၼ်ႁႆႈၼႃး ၵူၼ်းမိူင်း ၸိူဝ်းၼႆႉ လူႉၵွႆသုမ်းၼမ်။ ၼႂ်းလိူၼ်သႅပ်ႊထႅမ်ႊပိူဝ်ႊ 2023 ပူၼ်ႉမႃးၼႆႉ သိုၵ်းမၢၼ်ႈ ယိုတ်းမိူင်း ၸႂ်ႉၵွင်ႈလူင် ယိုဝ်းသႂ်ႇ ၼႂ်းဝၢၼ်ႈသူၼ်ႁႆႈၼႃး ၵူၼ်း မိူင်း ၼႂ်းဢိူင်ႇလွႆပဝ်း...

 သၢမ်ၸိုင်ႈမိူင်း မိူင်းထႆး-မိူင်းၶႄႇ - မိူင်းမၢၼ်ႈ ပိုၼ်ၽၢဝ်ႇတေႁူမ်ႈၵၼ်ၵူတ်ႇထတ်းၵႂၢတ်ႇလၢင်ႉ ၵူၼ်းလႅၼ် ငိုၼ်းဢွၼ်ႊလၢႆႊ ၼႆသေ လူင်းပိုၼ်ႉတီႈၵူတ်ႇထတ်း ထိုင်မႃးၼႂ်းႁူဝ်လိူၼ်ဢွၵ်ႊထူဝ်ႊပိူဝ်ႊၼႆႉ  ၶိုၼ်းပိုၼ်ၽၢဝ်ႇဝႃႈ တီႉၺွပ်းလႆႈ 200 ပၢႆယဝ်ႉ ဝႃႈၼႆ။ ၼႂ်းၽိုၼ်ၶၢဝ်ႇမျၢၼ်ႇမႃႉဢလိၼ်း ၶွင်သိုၵ်းမၢၼ်ႈယိုတ်းမိူင်း ႁၢႆးငၢၼ်းပိုၼ်ၽၢဝ်ႇဝႆႉဝႃႈ - “ တႄႇဢဝ်လိူၼ်ဢေႊပရိူဝ်ႊ ထိုင်လိူၼ်ၵျုၼ်ႊ ဝၼ်းတီႈ16 ပူၼ်ႉမႃးၼႆႉ မၵ်းမၼ်ႈပဵၼ်ၶၢဝ်းတၢင်း...

သိုၵ်းမၢၼ်ႈယိုတ်းမိူင်း လၢမ်းလိမ်းယိုဝ်းၵွင်ႈလူင် ၵႂႃႇတၢင်းၾၢႆႇဢွၵ်ႇဝဵင်းလၢႆးၶႃႈသေ ႁဵတ်းႁႂ်ႈၵူၼ်းပိုၼ်ႉတီႈ တိုၼ်ႇသၢၼ်ႈ မႆႈၸႂ်ၵူဝ်ပဵၼ်ပၢင်တိုၵ်း။ ဝၼ်းတီႈ 30/9/2023 ယၢမ်းၵၢင်ၶိုၼ်း 10 မူင်းပၢႆ သိုၵ်းမၢၼ်ႈ ယိုတ်းမိူင်း ယူႇတၢင်းၾၢႆႇၸၢၼ်းဝဵင်းလၢႆးၶႃႈ ယိုဝ်းၵွင်ႈလူင် ၸူးတၢင်းၾၢႆႇဢွၵ်ႇဝဵင်း 5 လုၵ်ႈ ၼႂ်းၸႄႈဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ၼႆယဝ်ႉ။ ၵူၼ်းပိုၼ်ႉတီႈ ဝဵင်းလၢႆးၶႃႈ လၢတ်ႈတီႈၽူႈတွႆႇႁွၵ်ႈဝႃႈ -...

ၵူၼ်းၵေးသီး တုၵ်းယွၼ်း ႁႂ်ႈၶွမ်ႊပၼီႊ ၵိုတ်းယိုတ်း လွင်ႈၶုတ်းထၢၼ်ႇႁိၼ် တီႈဢိူင်ႇမိူင်းၵၢဝ် ယွၼ်ႉတေတုမ်ႉတိူဝ်ႉပၢႆးယူႇလီ သူၼ်ႁႆႈၼႃးၵူၼ်းပိုၼ်ႉတီႈလႄႈ သိင်ႇဝႅတ်ႉလွမ်ႉ ၸိူဝ်းၼႆႉ။ ၵႃးလူင် 22 လေႃႉ (ၵႃးတွႆး) တၢင်ႇထၢၼ်ႇႁိၼ် ၼႂ်းဢိူင်ႇမိူင်းၵၢဝ် ၸႄႈဝဵင်းၵေးသီး ၸႄႈတွၼ်ႈလွႆလႅမ်သေ သူင်ႇၸူး ဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇၼိုင်ႈဝၼ်းဢမ်ႇယွမ်း 100 လမ်းၼၼ်ႉ တႄႇဢဝ် ႁၢင်လိူၼ်သႅပ်ႊထႅမ်ႊပိူဝ်ႊ...