မီးလွင်ႈလူဝ်ႇတွင်ႈထၢမ်ၼႆသေ သိုၵ်းမၢၼ်ႈထၢၵ်ႈၵေႃႉၼိုင်ႈတီႈၼွင်ႁၢႆးယႃႈ ၺႃးတီႉၺွပ်းၵုမ်းၶင်ဝႆႉ တီႈႁူင်းပလိၵ်ႈယွင်ႁူၺ်ႈ ၸႄႈတွၼ်ႈတူၼ်ႈတီး မိူဝ်ႈဝၼ်းတီႈ 8/10/2023 ၼႆႉ။ ၵူၼ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸၵၸၶဝ် (ၾၢႆႇၸွပ်ႇၶၢဝ်ႇသိုၵ်းမၼ်ႈ) မႃးၸူဝ်းမၼ်းၵႂႃႇတီႈလၢၼ်ႉၶၢႆၼမ်ႉၼဵင်ႈၸဵမ်းၼႆသေ တီႉၺွပ်းဢဝ်ၵႂႃႇတီႈႁူင်းပလိၵ်ႈယွင်ႁူၺ်ႈ တႄႇဢဝ် ၶၢဝ်းယၢမ်း 11 မူင်းထိုင် 3 မူင်းႁူဝ်ၶမ်ႈ။ႁွင်ႉမၼ်းၶဝ်ႈႁွင်ႈထဵတ်ႈထၢမ်ၵေႃႉလဵဝ်ၼႆဢေႃႈ။ ၸႂ်ႉၵူၼ်းၵႂႃႇၸွမ်း ပႂ်ႉဝႆႉတၢင်းၼွၵ်ႈၼႆဢေႃႈ။ ဝၢႆးၼၼ်ႉလၢတ်ႈဝႃႈ လူဝ်ႇၵုမ်းၶင်ဝႆႉၼႆသေ...

မိူဝ်ႈၼႆႉ ဝၼ်းတီႈ 9/10/2023 ယၢမ်းၵၢင်ၼႂ် 10:45 မူင်း သိုၵ်းမၢၼ်ႈ ယိုတ်းမိူင်း ယိုဝ်းၵွင်ႈလူင်မႃးတူၵ်းတႅၵ်ႇ ၼႂ်း ဝၢၼ်ႈ ၵွင်းၶဵဝ် ဢိူင်ႇၵုၼ်ၵွၵ်ႇ ၸႄႈဝဵင်းသႅၼ်ဝီ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ လုၵ်ႈၼိုင်ႈ ၸၢၵ်ႇမၢၵ်ႇတိူဝ်ႉသႂ်ႇ မႄႈ ႁိူၼ်းၼုမ်ႇ ဢႃယု 25 ပီ (မႄႈမၢၼ်း)...

ၼႂ်းၶၢဝ်းၾူၼ် ပီ 2023 ၼႆႉ ၼူယႃႉတဝ်ၶူပ်းၵိၼ်ၶဝ်ႈၵၢပ်ႇၼႂ်းသူၼ် ၵူၼ်းမိူင်းၼမ်ႉလၼ်ႈ   ၸဝ်ႈသူၼ်မႆႈၸႂ် ၵူဝ် ဢမ်ႇလႆႈၶိုၼ်းငိုၼ်းတိုၼ်း  ဝႃႈၼႆ  ။ ၸဝ်ႈသူၼ်ၶဝ်ႈၵၢပ်ႇ ၸႄႈဝဵင်းၼမ်ႉလၼ်ႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “သူၼ်ၸွမ်းလွႆမိူၼ်ၼင်ႇ တၢင်းႁွင်ႇ လွႆၵူင်ၼၼ်ႉႁေ ပီၼွင်ႉဝၢၼ်ႈၶၢႆးၶဝ်ၸိူဝ်းၼႆႉဢေႃႈ ၺႃးၼူၶူပ်း ၵိၼ်ၵႂႃႇမူတ်းပိတ်းတင်းသူၼ်တႄႉၵေႃႈ ဢမ်ႇၸႂ်ႈ ၼင်ႇၵဝ်ႇ။ ၵူၺ်းၼႃႇၶဝ်ၵိၼ်ၵႂႃႇၸွမ်းလႅၼ်မၼ်းတိၵ်းတိၵ်း။ ၵႂႃႇလွၵ်ႇၵႂႃႇယႃႉယူႇၵေႃႈ သမ်ႉဢမ်ႇပၢႆႈ...

ၾႆးမႆႈ ႁိူၼ်းယေး ၵူၼ်းဝၢၼ်ႈ လင်ၼိုင်ႈ တီႈဝဵင်းၵဵင်းတုင် ၶူဝ်းႁိူၼ်းယေး ဢမ်ႇတၼ်းလႆႈ မီးလွင်ႈလူႉသုမ်းၼမ် ယွၼ်ႉၾႆးၾႃႉသျွတ်ႉ။ မိူဝ်ႈဝႃး ဝၼ်းတီႈ 8/10/2023 ယၢမ်းၵၢင်ဝၼ်းမွၵ်ႈ 11 မူင်း ၾႆးမႆႈႁိူၼ်း လုင်းသၢမ်လေႃးလႄႈ ပႃႈဢၢမ်း ဝၢၼ်ႈယၢင်း လေႃး ၸႄႈဝဵင်းၵဵင်တုင် ၸိုင်ႈတႆးပွတ်းဢွၵ်ႇၶူင်း ယွၼ်ႉၾႆးၾႃႉသျွတ်ႉ လွင်ႈၵူၼ်းမၢတ်ႇၸဵပ်းလူႉတၢႆတႄႉ ဢမ်ႇမီး...

ၵေႃလိၵ်ႈလၢႆးလႄႈၾိင်ႈငႄႈတႆးမိူင်းၼၢႆးတင်း Yangon Flim School ႁူမ်ႈ ပိုတ်ႇပၢင်ၾိုၵ်းၽွၼ်ႉငဝ်းတူင်ႉ ပၼ်တၢင်းႁူႉ တႃႇပိုၼ်ၽႄငဝ်းလၢႆးပိုၼ်ႉတီႈ ။ ၼႂ်းႁူဝ်လိူၼ်ဢွၵ်ႊထူဝ်ႊပိူဝ်ႊၼႆႉ ၵေႃလိၵ်ႈလၢႆးမိူင်းၼၢႆးတင်း Yangon Flim School ႁူမ်ႈၵၼ် ပိုတ်ႇပၢင်ၾိုၵ်းၽွၼ်ႉ ၵၢၼ်ထၢႆႇငဝ်းတူင်ႉပၼ်တၢင်းႁူႉ(Documentary) တႃႇမူၼ်ႉမႄးငဝ်းလၢႆးပိုၼ်ႉတီႈ။ ထိုင်မႃးဝၼ်းတီႈ 7/10/2023 ၼႆႉ ၸင်ႇၸတ်းပၢင်ပိုတ်ႇၼႄငဝ်းတူင်ႉ ဢၼ်လႆႈလူင်းမိုဝ်းထႆႇဝႆႉ ၸိူဝ်းၼၼ်ႉ တီႈ...

ပေႃးထိုင်မႃး ဝၼ်းတီႈ 15/10/2023 ၼႆႉ ပဵၼ်ဝၼ်းၶွပ်ႈၶူပ်ႇ လိၵ်ႈႁူမ်ႈမၢႆလူင်းမိုဝ်းၵိုတ်းတိုၵ်းတူဝ်ႈမိူင်း NCA လႄႈ ယူႇတီႈသိုၵ်းမၢၼ်ႈယိုတ်းမိူင်း တေၸတ်းၶိုၵ်ႉယႂ်ႇ တီႈၼေႇပျီႇတေႃႇ။လွင်ႈၼႆႉ သိုၵ်းမၢၼ်ႈယိုတ်းမိူင်းလႆႈ ၽိတ်ႈမွၵ်ႇႁွင်ႉဢဝ် လၢႆမူႇလၢႆၸုမ်းၶိုၼ်ႈႁွတ်ႈ။ၼႂ်းၼၼ်ႉ ဢၼ်ပဵၼ် ၼႃႇယၵ PNLO ၸဝ်ႈသိုၵ်းလူင်ၶုၼ်ႇဢူၵ်ႉၵႃႇၵေႃႈ လႆႈလိၵ်ႈၽိတ်ႈမွၵ်ႇဝႆႉယဝ်ႉဝႃႈၼႆ။ဢိင်ၼိူဝ်လွင်ႈၼႆႉ ယူႇတီႈ ၼႃႇယၵ PNLO ၸဝ်ႈသိုၵ်းလူင်ၶုၼ်ႇဢူၵ်ႉၵႃႇ မီးတၢင်းႁၼ်ထိုင်ၸိူင်ႉႁိုဝ်ဢၼ်ဝႃႈၼၼ်ႉ...

မိူဝ်ႈၼႆႉ ဝၼ်းတီႈ 7/10/2023 ယၢမ်းၵၢင်ၼႂ် 11 မူင်း သိုၵ်းမၢၼ်ႈ ဢၼ်ပၵ်းယူႇတီႈၽြႃးမုင်ႈမိူင်းၼၼ်ႉသေ ယိုဝ်းၵွင်ႈလူင်း သႂ်ႇ သိုၵ်းၶၢင် KIA ဢၼ်ပႂ်ႉၵဵပ်းၶွၼ်ႇၾၢႆႇၼႃႈဝတ်ႉမုၼ်ၸဝ်ႈ ဝၢၼ်ႈၵုၼ်ၵွၵ်ႇ ၼႂ်းၸႄႈဝဵင်းသႅၼ်ဝီ ၸႄႈတွၼ်ႈလႃႈသဵဝ်ႈ ၸိုင်ႈတႆး ပွတ်းႁွင်ႇၼၼ်ႉ မၢၵ်ႇလူင်သိုၵ်းမၢၼ်ႈ မႃးတူၵ်းသႂ်ႇၼႂ်းဝၢင်းဝတ်ႉ တႅၵ်ႇတိူဝ်ႉသႂ်ႇ ႁွင်ႈၼွၼ်းၸဝ်ႈသၢင်ႇလႄႈ လဵၵ်း မုင်း...

မိူဝ်ႈၼႆႉ ဝၼ်းတီႈ 7/10/2023 ယၢမ်းၵၢင်ၼႂ် ၼမ်ႉႁူၺ်ႈၼမ်ႉပႃႇ လႆလူင်းၼႂ်းမႄႈၼမ်ႉပုၺ်းသေ ႁဵတ်းႁႂ်ႈလူၼ်ႉၾင်ႇလုပ်ႇ ထူမ်ႈ တူင်ႈႁႆႈၼႃး သူၼ်ၶဝ်ႈၵၢပ်ႇ (ၶဝ်ႈၶႄႇ) ၶွင်ၵူၼ်းပိုၼ်ႉတီႈ ဢမ်ႇယွမ်း 10 တူင်ႈ တၢင်းၾၢႆႇႁွင်ႇဝဵင်း ၼႂ်း ၵႄႈဝဵင်းလၢႆးၶႃႈ - ဝၢၼ်ႈၼွင်မိူင်း တၢင်းဢွၵ်ႇၵႂႃႇမိူင်းၵိုင် ၼႂ်းၸႄႈဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်း...

(ၼႂ်းၵႄႈလွင်ႈတၢင်းၶီ ၵူၼ်းမိူင်းမီးၸုမ်း ၼမ်ႉၶူင်း လူင်းၸွႆႈတူၺ်းပၼ်ပၢႆးယူႇလီ) ပၢႆးယူႇလီဢၼ်ဝႃႈၼႆႉ ပဵၼ်ဢၼ်လမ်ႇလွင်ႈတႃႇၵူၼ်းၵူႈၵေႃႉယဝ်ႉ မီးငိုၼ်းၼမ် ပဵၼ်သထေးလူင်ယူႇသေတႃႉၵေႃႈ သင်ပၢႆး ယူႇလီ ဢမ်ႇတဵမ်ထူၼ်ႈၸိုင် ပဵၼ်တၢင်းတုၵ်ႉၶၸႂ်ဝႆႉဢၼ်ၼိုင်ႈယဝ်ႉ။ သင်ဝႃႈ ပဵၼ်ၵူၼ်းၽၢၼ်သေ ပၢႆးယူႇလီသမ်ႉ တဵမ် ထူၼ်ႈ ယူႇၼႆၸိုင် တေလႆႈဝႃႈ ပဵၼ်သူးလၢပ်ႈလူင် ဢၼ်ၼိုင်ႈ တႃႇၵူၼ်းၵေႃႉၼၼ်ႉယဝ်ႉ။ ၵွပ်ႈၼႆလႄႈ ပၢႆးယူႇလီၼႆႉ...

သိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်းၼႆႉ တုမ်ႉတိူဝ်ႉၵၢၼ်မိူင်းၵူၺ်းဢမ်ႇၵႃး တုမ်ႉတိူဝ်ႉပႃးလွင်ႈယူႇသဝ်းၵိၼ်သၢင်ႈ ၵူၼ်းမိူင်း၊ ၵၢၼ်ႁဵၼ်းႁႃပၢႆးပၺ်ႇၺႃႇ ၊ ၵၢၼ်ႁႃၵိၼ်လဵင်ႉတွင်ႉ၊ တုမ်ႉတိူဝ်ႉပႃး လွင်ႈႁုၼ်ႈမုၼ်းမႂ်ႇသုင် ၵူၼ်းၼုမ်ႇ ပတ်းပိုၼ်ႉ တူဝ်ႈမိူင်း။   မိူၼ်ၼင်ႇ ၸုမ်းပၢႆးမွၼ်း ၊ ၽူႈမီးၸိုဝ်ႈသဵင်ယႂ်ႇၵေႃႈ ၺႃးမၢပ်ႇမႂ်လူၺ်ႈမၢႆမီႈ 505 တင်းၼမ်။ ဢမ်ႇၸၢင်ႈႁဵတ်းၵၢၼ်ပၢႆးမွၼ်းလႆႈထၢင်ႇႁၢင်ႈ၊ လႆႈပိုၼ်ႉပွႆႇ ၾၼ်မုင်ႈယိူင်းၸဝ်ႈၵဝ်ႇသေ ဢွၵ်ႇယၢၼ်ပိုၼ်ႉတီႈ...

သိုၵ်းမၢၼ်ႈလႄႈသိုၵ်းၶၢင် KIA ၶဵင်ႈၶႅင်ၵၢၼ်သိုၵ်းတေႃႇၵၼ် တီႈၼႂ်းဢိူင်ႇၸႄႈဢူ လႄႈ ဢိူင်ႇၵုၼ်ၵွၵ်ႇ ၸႄႈဝဵင်းသႅၼ်ဝီ ၵူၼ်းမိူင်းပိုၼ်ႉတီႈ လႆႈဢွၼ်ၵၼ်ပၢႆႈၽေးသိုၵ်း။ ၼႂ်းဝၼ်းတီႈ 6 ဢွၵ်ႊထူဝ်ႊပိူဝ်ႊ ယၢမ်းၵၢင်ၼႂ် သိုၵ်းၶၢင် KIA ထႅမ်ႁႅင်းသိုၵ်း ၶဝ်ႈတၢင်း ဢိူင်ႇၵုၼ်ၵွၵ်ႇ သိုၵ်းမၢၼ်ႈသမ်ႉဢိူမ်ႈၶဝ်ႈၸူးၼႂ်းဢိူင်ႇၸေႊဢူ ။ ၵူၼ်းမိူင်းမွၵ်ႈ 300 လႆႈပၢႆႈၽေးသိုၵ်း၊ သွၼ်ႈယူႇဝႆႉတီႈၵျွင်းမုၼ်ၸဝ်ႈၽၢႆၶမ်း မွၵ်ႈ...

NUG ပိုၼ်ၽၢဝ်ႇဝႃႈ ပိုတ်ႇၵၢၼ်သွၼ်ႁဵၼ်းဝႆႉ ၼႂ်းပိုၼ်ႉတီႈလႄႈ ၼိူဝ်ဢွၼ်ႊလၢႆႊ ႁူမ်ႈၵၼ်မီး 5000 ပၢႆယဝ်ႉဝႃႈၼႆ။ ႁူင်းႁဵၼ်းသွၼ်လိၵ်ႈ ဢၼ်ႁွင်ႈၵၢၼ်ၾၢႆႇပၢႆးပၺ်ႇၺႃႇ တႂ်ႈ NUG ၼႆႉ ပိုတ်ႇသွၼ်မႃး ႁူင်းႁဵၼ်းသွၼ်ၼိူဝ်ဢွၼ်ႊလၢႆႊ မီးဝႆႉ 70 ပၢႆသေ ႁူင်းႁဵၼ်းသွၼ်ပိုၼ်ႉတီႈ မီး 5000 လင်ပၢႆ။ တူႊဝႃႇလသျီးလႃႉ ၸွမ်ၸိုင်ႈမိူင်းႁူမ်ႈတုမ်ၸူဝ်ႈၶၢဝ်း NUG  လၢတ်ႈ...

ထူပ်းႁၼ်တူဝ်တၢႆ ၵူၼ်းၸၢႆးၵေႃႉၼိုင်ႈ တီႈႁိမ်းဝၢၼ်ႈၵွင်းၵၢင် ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇ။ မိူဝ်ႈဝၼ်းတီႈ 5/10/2023 ယၢမ်းၶမ်ႈ 6 မူင်းၶမ်ႈၼၼ်ႉ ထူပ်းႁၼ်တူဝ်တၢႆၵူၼ်းၸၢႆးၵေႃႉၼိုင်ႈ ႁိမ်းဝၢၼ်ႈၵွင်းၵၢင် ၶဵတ်ႇၼိုင်ႈ ၸႄႈဝဵင်းၵဵင်းတုင် ပႆႇႁူႉဝႃႈပဵၼ်ပီႈၼွင်ႉၽႂ်။ ၽူႈၶဝ်ႈၸုမ်းၸွႆႈၶႅၵ်ႇလီပၢင်ၸႃႉတႆးၼိူဝ်ၵဵင်းတုင် လၢတ်ႈတီႈၽူႈတွႆႇႁွၵ်ႈဝႃႈ - “ ၵူၼ်းဝၢၼ်ႈထူဝ်းမႃးလၢတ်ႈလႄႈ ၵႂႃႇတေႃႉဢဝ်တူဝ်မၼ်းသူင်ႇပၼ်ႁူင်းယႃၶႃႈဢေႃႈ ။ တူၺ်းတႄႉ ပဵၼ်ၵူၼ်းယူႇၵိၼ်ၸွမ်းတႃႈ ၸွမ်းတၢင်း ႁဵတ်းၼၼ်ၵွႆး။...

ၽူႈလၵ်ႉၸၵ်ႉၶုတ်ႈလိူင်ႇၼမ် ၶဝ်ႈၵျွင်းမုၼ်ၸဝ်ႈၼွင်ၸၢင်ႉ တီႈထုင်ႉပူင်း ယွၼ်းထႅမ်ႁႅင်းၾူၼ်းသေ လၵ်ႉဢဝ်ၾူၼ်းမုၼ်ၸဝ်ႈ ၸဝ်ႈသၢင်ႇၵႂႃႇ 6 လုၵ်ႈ ။ ဝၼ်းတီႈ 4/10/2023 ၵူၼ်းၸၢႆးပႅၵ်ႇၼႃႈပႅၵ်ႇတႃၵေႃႉၼိုင်ႈ ၶီႇရူတ်ႉၶိူင်ႈ ၶဝ်ႈဝၢင်းၵျွင်းမုၼ်ၸဝ်ႈဝၢၼ်ႈၼွင်ၸၢင်ႉ၊ ၽွင်းသင်ၶႃၸဝ်ႈၵႂႃႇသုင်းသွမ်းၼၼ်ႉ မၼ်းၸၢႆးဢဝ်ပႃးၾူၼ်းတီႈၵျွင်းမုၼ်ၸဝ်ႈသေဢွၵ်ႇမိူဝ်းၵႂႃႇ ဝႃႈၼႆ။ တၵ်ႉၵႃႇသတ်ႉထႃး ၵူၼ်းဝၢၼ်ႈၼွင်ၸၢင်ႉ ၼၢင်းယိင်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ “ မၼ်းၶဝ်ႈမႃးၼႂ်းၵျွင်းသေ ထၢမ်ႁႃထၢင်ၶီႈ၊ သမ်ႉလၢတ်ႈဝႃႈၶႂ်ႈထႅမ်ႁႅင်းၾူၼ်းၼႆ ၸဝ်ႈသၢင်ႇပေႃးၼိုင်ႈၵႂႃႇဢဝ်သၢႆထႅမ်ႁႅင်းၾူၼ်းမႃးပၼ်မၼ်းထႅမ်။ ၽွင်းၼၼ်ႉပဵၼ်ၶၢဝ်းသုင်းသွမ်းလႄႈ...

ၸၢႆးပီး ဢႃယု 35 ပီၵူၼ်းၼႂ်းဢိူင်ႇမိူင်းၶိူဝ်း ၸႄႈဝဵင်းသီႇပေႃႉ ၵႂႃႇၶၢႆရူတ်ႉၶိူင်ႈတေႃႇၵူၼ်းၼႂ်းဢိူင်ႇလဵဝ်ၵၼ်၊ ၵၼ်ႉၸၼ်လူလၢႆလုၵ်ႈဢွၼ်ႇၵေႃႉတေသိုဝ်ႉရူတ်ႉၼၼ်ႉ၊ ယၢမ်းလဵဝ်ထုၵ်ႇၸဝ်ႈၼႃႈတီႈ ၸုမ်းယိပ်းၵွင်ႈၵၢင်ႇ ၼႂ်းပိုၼ်ႉတီႈ တီႉၺွပ်းၵုမ်းၶင်ဝႆႉတႃႇပၼ်တူတ်ႈတၢမ်ႇ။ ၵူၼ်းမိူင်းၶိူဝ်းၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ ၵေႃႉၵၼ်ႉၸၼ်လုၵ်ႈဢွၼ်ႇၼႆႉ ၸိုဝ်ႈႁွင်ႉၸၢႆးပီး။ မၼ်းဢၢၼ်းၵႂႃႇၶၢႆရူတ်ႉၶိူင်ႈပၼ်ပေႃႈလုၵ်ႈဢွၼ်ႇ၊ ပေႃႈလုၵ်ႈဢွၼ်ႇသမ်ႉၵႂႃႇႁႆႈလႄႈ ၸၢႆးပီးၸင်ႇႁႂ်ႈလုၵ်ႈဢွၼ်ႇယိင်းၼၼ်ႉ ၵႂႃႇသူင်ႇတီႈႁႆႈ၊ ႁဵတ်းၼၼ်သေမၼ်းၸၢႆးၶျေႃးလုၵ်ႈဢွၼ်ႇၼၼ်ႉ ၵၼ်ႉၸၼ်ၼႂ်းယုမ်း ၶၢင်ႈတၢင်း ၵွၼ်ႇထိုင်တီႈႁႆႈ။...