မိူဝ်ႈၼႆႉ ဝၼ်းတီႈ 3 လိူၼ်ၾႅပ်ႉပိဝ်ႊရီႇ တႃႇသိုဝ်ႉလႆႈ ၼမ်ႉမၼ်းၸၢၵ်ႈၼၼ်ႉ ၵူၼ်းမိူင်းၸိူဝ်းယူႇၼႂ်းၸႄႈဝဵင်းတူၼ်ႈတီး လႆႈၵႂႃႇၶဝ်ႈထႅဝ်ၵၼ်သေ ပႂ်ႉသိုဝ်ႉတီႈႁၢၼ်ႉၶၢႆၼမ်ႉမၼ်းၸၢၵ်ႈယူႇ ၼႆယဝ်ႉ။ ယွၼ်ႉၵူဝ်ဢမ်ႇသိုဝ်ႉလႆႈၼမ်ႉမၼ်းၸၢၵ်ႈမူတ်းသေ လႆႈၵႂႃႇပႂ်ႉၸႅၼ်ႇထႅဝ်ၵၼ်၊ ႁိမ်ၵၼ်သိုဝ်ႉၼမ်ႉမၼ်းၸၢၵ်ႈ လႄႈ ႁဵတ်းႁႂ်ႈၵႃႈၶၼ်ၼမ်ႉမၼ်းၸၢၵ်ႈ ပုင်ႈၶိုၼ်ႈၼမ်လိူဝ်ၵဝ်ႇ ၼႆ ယဝ်ႉ။ ၵူၼ်းမိူင်းဝဵင်းတူၼ်ႈတီးၵေႃႉၼိုင်ႈလၢတ်ႈဝႃႈ “မိူဝ်ႈလဵဝ် ဢွၼ်ၵၼ်မႆႈၸႂ်ဝႃႈ ၵူဝ်ၼမ်ႉမၼ်းၶၢတ်ႇၼႆႁႄ ဢွၼ်ၵၼ်မႃးပႂ်ႉၶဝ်ႈထႅဝ်၊ ႁိမ်ၵၼ်သိုဝ်ႉ။ ၵမ်ႈၽွင်ႈပႃးပုင်းယႂ်ႇပုင်းလူင်ႁႄ...

ငဝ်းလၢႆးၵၢၼ်သိုၵ်း ၵၢၼ်မိူင်းလုမ်ႈၾႃႉ ဢမ်ႇၼိမ်သဝ်းလႄႈ ၶၼ်ၶမ်းလုမ်ႈၾႃႉၵေႃႈ ၵိုင်ႉၵၢင်ႉပုင်ႈၶိုၼ်ႈသေ ၶၼ်ၶမ်းၼႂ်းမိူင်းႁူမ်ႈတုမ် (မိူင်းမၢၼ်ႈ) ၵေႃႈ ၼိုင်ႈၵျၢပ်ႈလႂ် ထိုင်ၵႂႃႇ 110 သႅၼ်ပျႃးပၢႆ ၼႆယဝ်ႉ။ မိူဝ်ႈၼႆႉ ဝၼ်းတီႈ 3/3/2026 ယၢမ်းၵၢင်ၼႂ် ၶၼ်ၶမ်းၼႂ်းမိူင်းမၢၼ်ႈ ဢၼ်ၸုမ်းၵႃႉၶၢႆၶမ်း တိူင်းတႃႈၵုင်ႈ (YGEA) တႂ်ႈလူင်ပွင်ၸိုင်ႈသိုၵ်းမၢၼ်ႈယိုတ်းမိူင်းၶဝ် မၵ်းမၼ်ႈပဵၼ်တၢင်း ၵၢၼ်ဝႆႉၼၼ်ႉ ၼိုင်ႈၵျၢပ်ႈလႂ်...

မၢႆတွင်းဝၼ်းၸိူဝ်ႉၸၢတ်ႈပဢူဝ်း ၶွပ်ႈတဵမ် 77 ပီ ၼႂ်းဝၼ်းလိူၼ်သီႇမူၼ်းၼႆႉ ၼႆသေ ပီႈၼွင်ႉၸၢဝ်းပဢူဝ်း ၼႂ်းမိူင်းတႆးပွတ်းၸၢၼ်း ႁဵတ်းပၢင်မူၼ်ႈသိူဝ်း လႄႈ ပၢင်ပိတ်ႉမၢၵ်ႇၼင်။ ပၢင်ပိုတ်ႇ ပၢင်မၢႆတွင်း တႄႇဝၼ်းတီႈ 1/3/2026။ ပၢင်မူၼ်ႈသိူဝ်းၼႆႉ ၸတ်းႁဵတ်းၵႂႃႇတီႈဝဵင်းပၢင်လူင် ႁူဝ်ပူင်း တူၼ်ႈတီး ၼွင်ႈတယႃး သီႇသႅင်ႇ ၸိူဝ်းၼႆႉ။ ဝၢႆးဢဝ်ၵွၼ်းၶေႃႁူမ်ႈမၢၼ်ႈတူင်ႈပဵင်း တေႃႇပၢၼ်ၸဝ်ႈၾႃႉ ပွႆႇၽႃႈဢႃႇၼႃႇ -...

ဝၼ်းတီႈ 2 မိူဝ်ႈၼႆႉ ၶၼ်ၼမ်ႉမၼ်းၸၢၵ်ႈပုင်ႈၶိုၼ်ႈသုင်ႁႅင်းႁဵတ်းႁႂ်ႈၵူၼ်းမိူင်းတႆးပွတ်းၸၢၼ်းပွတ်းဢွၵ်ႇ တူင်ႉတိုၼ်ႇၼႅတ်ႈႁႃသိုဝ်ႉၼမ်ႉမၼ်း မၢင်ႁၢၼ်ႉထိုင်တီႈလႆႈပိၵ်ႉႁၢၼ်ႉဝႆႉဝႃႈၼႆ။ ပႃႈၼၢင်းၼၢင်း ၵူၼ်းၵႃႉၶူဝ်းၵုၼ်ႇၵိၼ်ယမ်ႉ ၸႄႈတွၼ်ႈလၢင်းၶိူဝ်းလၢတ်ႈၽူႈတွႆႇႁွၵ်ႈဝႃႈ-“ မိူဝ်ႈသိုၼ်းၼမ်ႉမၼ်းၼိုင်ႈလိတ်ႉ 10000 ၵူၺ်း ။ မိူဝ်ႈဝႃး 11000 ။ ထိုင်မိူဝ်ႈၼႆႉ 13000 ပျႃး။ ၶိုၼ်ႈမႃးယိုၵ်ႈယိုၵ်ႈ။ ႁဝ်းၶႃႈၸိူဝ်းပဵၼ်ၸဝ်ႈၵႃး ၸဝ်ႈၵုၼ်ႇၼႆႉ ၼႅတ်ႈၵႂႃႇသိုဝ်ႉမိူဝ်ႈၼႆႉ။ ယၢမ်းၵၢင်ၼႂ်တိုၵ်ႉသိုဝ်ႉလႆႈယူႇ။ ထိုင်ယၢမ်းဝၢႆးဝၼ်းၼႆႉ...

ၵူၼ်းၵိၼ်ငိုၼ်းလိူၼ်လိုဝ်ႈၵၢၼ်ပိၼ်ႇသိၼ်ႇ (ပင်စင်) ၸိူဝ်းယူႇတၢင်းသူၼ်မွၵ်ႇဢွင်ႇသၢၼ်း တီႈပၢင်ႇလဵၼ်ႈ ႁႅင်းၵၢင်ဝဵင်းတူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ သိုၵ်းမၢၼ်ႈၸႂ်ႉၶၢႆႉၵႂႃႇယူႇတီႈ  ႁိူၼ်းမိၼ်းၵျၢၼ်ႇၸိတ်ႉ  ( မင်းကျန်စစ် အိမ်ယာ) ဢၼ်မီးၼႂ်း ဝဵင်းဢေးတႃႇယႃႇ တင်းမူတ်းဝႃႈၼႆ။  လိူၼ်ၾႅပ်ႊပိဝ်ႊရီႊ ဝၼ်းတီႈ 19 ပူၼ်ႉမႃး သိုၵ်းမၢၼ်ႈလႄႈ လူင်ပွင်ၸိုင်ႈမိူင်းတႆး တႂ်ႈသိုၵ်းမၢၼ်ႈ ဢုပ်ႇဢူဝ်းၵၼ် တႃႇႁႂ်ႈ ႁၢၼ်ႉတၢင်းၶၢႆလႄႈ ႁွင်ႈႁိူၼ်းဢၼ်မီးႁိမ်း...

တပ်ႉသိုၵ်းလုၵ်ႉၽိုၼ်ႉမိူင်းဢီႊရၼ်ႊ IRGC ပိုၼ်ၽၢဝ်ႇတီႈ ႁူင်းပွႆႇငဝ်းႁၢင်ႈသဵင် ၸိုင်ႈမိူင်းၶဝ်ၼႂ်ၼႆ့ဝႃႈ ပိုတ်းယိုဝ်းတၢင်းၵၢင်ႁၢဝ်သႂ်ႇတပ်ႉပၢင်သဝ်း ဢ​​မေႊရိၵၼ်ႊဢၼ်မီးမိူင်းႁိမ်းႁွမ်းယဝ်ႉ 14 ဢၼ် ၵူၼ်းသိုၵ်းဢ​​မေႊရိၵၼ်ႊတၢႆယဝ်ႉ 200 ပၢႆဝႃႈၼႆ။ IRGC ပိုၼ်ၽၢဝ်ႇဝႃႈ ယိုဝ်းယႃႉလႆႈပႃး တပ်ႉ ​​ရေႊၻႃႊ FP-132 ၶွင်ဢ​​မေႊရိၵၼ်ႊဢၼ်မီးတီႈ တပ်ႉပၢင်သဝ်း ဢႄႊလ်ဢူႊတဵတ်ႊ ၸိုင်ႈမိူင်းၵႃႊၻႃႊ ဝႃႈၼႆ။ တပ်ႉ​​ရေႊၻႃႊဢၼ်ၼႆႉ ၸွပ်ႇၶၢဝ်ႇၶိူင်ႈမိၼ်လႆႈထိုင် 5000...

မိူဝ်ႈၼႆႉ ဝၼ်းတီႈ 1 လိူၼ်မၢတ်ႉၶျ် ပဵၼ်ဝၼ်းၵူၼ်းၼုမ်ႇတႆးၼႆလႄႈ ၵူၼ်းၼုမ်ႇၼႂ်းမိူင်းတႆး၊ မိူင်းထႆး လႄႈ ၵူႈၸိုင်ႈမိူင်း တိုၵ်းသူၼ်းထိုင် ပႃႇတီႇၵၢၼ်မိူင်း လႄႈ တပ်ႉသိုၵ်းတႆး ဢိၵ်ႇပႃး ၸဝ်ႈသင်ႇၶ တင်း ၵေႃလိၵ်ႈၾိင်ႈငႄႈတႆးဝႃႈ - ယွၼ်းတၢင်းၸွႆႈထႅမ်ႁႂ်ႈႁူမ်ႈမိုဝ်းၵၼ်သေ တူၺ်းလူၵူၼ်းမိူင်းတႆး ၸိူဝ်းႁူပ်ႉလွင်ႈ တုၵ်ႉယၢၵ်ႈယၢပ်ႇၵိၼ်းၼၼ်ႉသေၵမ်း ၼႆယဝ်ႉ။ ၽွင်းၵူၼ်းမိူင်းတႆး ႁူပ်ႉတၢင်းယၢပ်ႇၽိုတ်ႇ...

ဝၼ်းတီႈ 28/02/2026 ၼႆႉ ဢမေႊရိၵၼ်ႊလႄႈ ဢိတ်ႉသ်ရေႊလ် ႁူမ်ႈၵၼ်ပိုတ်းယိုဝ်းမိူင်းဢီႊရၼ်ႊ။ ႁဵတ်းႁႂ်ႈ ဢီႊရၼ်ႊ ၶိုၼ်းပိုတ်းယိုဝ်းသႂ်ႇပၢင်သဝ်းသိုၵ်းဢမေႊရိၵၼ်ႊ ဢၼ်မီးတီႈ မိူင်းပႃႊရဵၼ်ႊ ဝၼ်းဢွၵ်ႇၵၢင်။ ဢီႊရၼ်ႊ ပိုၼ်ၽၢဝ်ႇဝႃႈ မၢၵ်ႇတူၵ်းတိူဝ်ႉသႂ်ႇ တပ်ႉပၢင်သဝ်းတပ်ႉၼမ်ႉ မၢႆ 5 ၶွင်ဢမေႊရိၵၼ်ႊ ဢၼ်မီးတီႈဝဵင်းလူင်မႃႊၼႃႊမႃႊ ၼႂ်းမိူင်းပႃႊရဵၼ်ႊ။ ၵဵဝ်ႇလူၺ်ႈလွင်ႈမၢတ်ႇၸဵပ်းလူႉတၢႆလူႉသုမ်းတႄႉ ဢမေႊရိၵၼ်ႊတႄႉ ဢမ်ႇပိုတ်ႇလၢတ်ႈပိုၼ်ၽၢဝ်ႇသင်။ ၼွၵ်ႈလိူဝ်ၼၼ်ႉ ဢိင်ၼိူဝ်ၶေႃႈပိုၼ်ၽၢဝ်ႇ...

AA ရၶႅင်ႇ၊ TNLA ပလွင်ႈ လႄႈ MNDAA ၶႄႇၵဝ်ႈၵၢင်ႉ ဢၼ်ႁပ်ႉၸိုဝ်ႈဝႃႈ ဢူၺ်းလီသၢမ်ပီႈၼွင်ႉၼႆႉပဵၼ်တီႈၸိူဝ်းၸုမ်းလုၵ်ႉၽိုၼ်ႉၶၢဝ်းႁွင်မိူင်းမၢၼ်ႊ Myanmar Spring Revolution ၶဝ် ပၵ်းတႃတူၺ်းဝႆႉလူၺ်ႈ ၾႆးတၢင်းၼႂ်းၶဝ်ယူႇယဝ်ႉ။ AA ရၶႅင်ႇ သိုပ်ႇၶဝ်ႈတိုၵ်း ဝဵင်းၵျွၵ်ႉၽိဝ်ႇ ဢၼ်ပဵၼ်တီႈပၵ်းသဝ်းႁူင်းၵၢၼ်​​တေႃႈ လွတ်ႇၵႅတ်ႉသ် လႄႈ ၼမ်ႉမၼ်းမဵၼ် ၶွင်မိူင်းၶႄႇၼၼ်ႉယူႇလႄႈ...

ၵျေႃႉသျူႊဝႃႊ ဝၼ်ႊ (Joshua Van) ၸၢဝ်းၶိူဝ်းၶျၢင်း ဢၼ်ပဵၼ်မႃး ၽူႈလႆႈႁပ်ႉသူး သၢႆႁတ်ႉၶျႅၼ်ႊပီႊယၼ်ႊ တီႈ UFC ၵေႃႉဢွၼ်တၢင်းသုတ်း ၼႂ်းၵူၼ်းမိူင်းႁူမ်ႈတုမ်မၢၼ်ႈ ၼၼ်ႉ တေထုပ်ႉၶႅင်ႇတွႆႇမူၺ်းၸွမ်း ၵူၼ်းမိူင်းၵျပၼ်ႊ ၼႂ်းလိူၼ်ထူၼ်ႈသီႇ (April) ပီၼႆႉ ဝႃႈၼႆ။ တေပဵၼ်မႃးပၢင်ၶႅင်ႇတွႆႇမူၺ်း ၵႅတ်ႇၶႄသူး သၢႆႁတ်ႉၶျႅၼ်ႊပီႊယၼ်ႊမၼ်းၸၢႆး ၵမ်းဢွၼ်တၢင်းသုတ်း။ UFC ၵေႃႈ...

မိူဝ်ႈဝႃးဝၼ်းတီႈ 26 ယၢမ်းၵၢင်ဝၼ်း 12 မူင်း ၸဝ်ႈသၢင်ႇဢွၼ်ႇပႃးၼိုင်ႈ တီႈဢိူင်ႇၼမ်ႉၽၵ်းၵႃ ၸႄႈဝဵင်းၵူတ်ႉၶၢႆ ၵႂႃႇၵဵပ်း ဢဝ်မၢၵ်ႇ ဢၼ်ပႆႇတႅၵ်ႇ ၵိုတ်းၶင်ႉဝႆႉၽွင်းပၢင်တိုၵ်း ၼၼ်ႉ မႃးလဵၼ်ႈသေ တႅၵ်ႇတိူဝ်ႉသႂ်ႇတူဝ်ၶိင်းမၼ်းၸဝ်ႈ ၶႃၶၢတ်ႇပုတ်းတေလႆႈတႅပ်းပႅတ်ႈၾၢႆႇၼိုင်ႈ။ မၢၵ်ႇတႅၵ်ႇၵႂႃႇ ၼႂ်းဝၢင်းၵျွင်း သၼ်ႇတိသုၶ သန္တိသုခ ဢၼ်မီးတီႈၼမ်ႉၽၵ်းၵႃ ၵႄႈၵၢင် ဝဵင်းၵူတ်ႉၶၢႆ တင်း ဝဵင်းၼမ်ႉၶမ်းသေ...

သိုၵ်းတဢၢင်း လႄႈ သိုၵ်းၵဝ်ႈၵၢင်ႉ ပဵၼ်ပၼ်ႁႃၵၼ်ၼႂ်းၸႄႈဝဵင်းၵူတ်ႉၶၢႆ၊ ၸႄႈဝဵင်းသႅၼ်ဝီ ပိုၼ်ႉတီႈဢၼ်ၶဝ်ႁူမ်ႈၵၼ် ယိုဝ်းတိုၵ်းသိုၵ်းမၢၼ်ႈသေ ယိုတ်းဢဝ်လႆႈဝႆႉၸိူဝ်းၼၼ်ႉ ထိုင်တီႈၵူၼ်းသိုၵ်းတင်းသွင်ၸုမ်း ၽိတ်းမေႃး ပေႃႉထုပ်ႉ လိုပ်ႈလမ်းၵၼ် ႁိုင်ၶၢဝ်းတၢင်း သွင်ဝူင်ႈယဝ်ႉ ႁၢၼ်ႉတေႃႇထိုင် ဝၼ်းမိူဝ်ႈၼႆႉ 27/2/2026 ၵေႃႈ ပႆႇၵႄႈလိတ်ႈၵၼ်လႆႈ ။ မိူဝ်ႈဝၼ်းတီႈ 21-23 လိူၼ်ၾႅပ်ႉပိဝ်ႊရီႇ သိုၵ်းၵဝ်ႈၵၢင်ႉ ၸိူဝ်းပၵ်းတပ်ႉပၢင်သဝ်း...

မိူဝ်ႈၼႆႉ ဝၼ်းတီႈ 27/02/2026 ၵူၼ်းမိူင်းပိုၼ်ႉတီႈ လႄႈ သြႃႇတၵ်ႉၵႃႇ ၼႂ်းဝဵင်းသႅၼ်ဝီ ႁူမ်ႈၵၼ် ပၢင်းဢဝ်ၽြႃးတိဢိင်ႇတ ၸဝ်ႈမိူင်းၶၢဝ်ႉ တီႈဝၢၼ်ႈႁူဝ်တူင်ႈ ၶဝ်ႈၼႂ်းဝဵင်းသေ တႄႇပၢင်ပွႆးလိူၼ်သီႇၵႂႃႇ ႁိုင်ၶၢဝ်း 6 ဝၼ်း ၼႆယဝ်ႉ။ ပွႆးလိူၼ်သီႇၼႆႉ မီးသိုၵ်းၵဝ်ႈၵၢင်ႉ ဢဝ်ႁူမ်ႇလူမ်ႈပၢင်ပွႆးဝႆႉၵူၺ်းဢမ်ႇၵႃး ၽွင်းပၢင်းၽြႃးၸဝ်ႈမိူင်းၶၢဝ်ႉ လုၵ်ႉတီႈၵျွင်းၼွင်ဢူၼ် ၵျွႃႉၶဝ်ႈၵႂႃႇလိုဝ်ႈသဝ်းၵိင်းတီႈၼႂ်းၵျွင်းၵၢင်ဝဵင်း ၼၼ်ႉၵေႃႈ သိုၵ်းၵဝ်ႈၵၢင်ႉ...

ဝၢႆးလင်ၸတ်းပၢင်လိူၵ်ႈတင်ႈယဝ်ႉၼႆႉ သိုၵ်းမၢၼ်ႈႁၢင်ႈႁႅၼ်း ၶပ်ႉသဵၼ်ႈမၢႆ ႁူဝ်ၼပ်ႉၵူၼ်းၸိူဝ်းမီးယူႇၼႂ်း ၸႄႈဝဵင်းသီႇပေႃႉ ထုင်ႉၼမ်ႉလၼ်ႈသေ သူင်ႇၸူးတီႈၽူႈၵွၼ်းပွၵ်ႉ-ၵွၼ်းဢိူင်ႇၶဝ် ၵူတ်ႇထတ်းသေ ယွၼ်းၵူၼ်း ၼိုင်ႈဢိူင်ႇလႂ် 1 ၵေႃႉ တေလႆႈႁႃၵူၼ်းသူင်ႇပၼ်တီႈတပ်ႉသိုၵ်းမၢၼ်ႈ တႃႇၶဝ်ႈႁဵတ်းသိုၵ်းမႂ်ႇ ၼႆယဝ်ႉ။ ၼႂ်းလိူၼ်ၾႅပ်ႉပိဝ်ႊရီႇၼႆႉ ၾၢႆႇသိုၵ်းမၢၼ်ႈ လႆႈၸတ်းသဵၼ်ႈမၢႆႁူဝ်ၼပ်ႉၵူၼ်း သူင်ႇပၼ်တီႈၶႃႈႁၢပ်ႇၵၢၼ်ၶုၼ် ၼႂ်းထုင်ႉၼမ်ႉလၼ်ႈ ၸႄႈဝဵင်းသီႇပေႃႉ ၵူတ်ႇထတ်းၸႅတ်ႈပၼ်သဵၼ်ႈမၢႆဝႃႈ ၽႂ်မီးယူႇဝႆႉတီႈႁိူၼ်း လႄႈ ၵေႃႉလႂ်ဢွၵ်ႇၶၢဝ်းတၢင်းၵႂႃႇတၢင်းလႂ်ဝႆႉၸဵမ်ၸိူဝ်းၼႆႉ...

သိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇဢွၵ်ႇဝႃႈ တီႉလႆႈႁူင်းႁုင်ယႃႈ (ဢမ်ႇမီးၸဝ်ႈၶွင်) တီႈဝၢၼ်ႈလုင်း ဝဵင်းမိူင်းၵူၵ်း ၸႄႈဝဵင်းမိူင်းသၢတ်ႇ ၼႂ်းပိုၼ်ႉတီႈပျီႇတူႉၸိတ်ႉတူင်ႉၼိုင်ၼၼ်ႉ ။ မိူဝ်ႈဝၼ်းတီႈ 24/02/2026 ယၢမ်းဝၢႆးဝၼ်း မွၵ်ႈ 2 မူင်း သိုၵ်းမၢၼ်ႈယိုတ်းမိူင်း ၶဝ်ႈၵႂႃႇသွၵ်ႈၼႂ်းထိူၼ်ႇ တၢင်းဝၢၼ်ႈလုင်း ဝဵင်းမိူင်းသၢတ်ႇသေ ထၢႆႇႁၢင်ႈပိုၼ်ၽၢဝ်ႇဝႃႈ ယိုတ်းလႆႈႁူင်း ႁုင်ယႃႈ ။ ၵူၺ်းၵႃႈ ပိုၼ်ၽၢဝ်ႇပႃးဝႃႈ...