ဝၼ်းတီႈ 23/04/2026 ႁွင်ႈၵၢၼ်ၾၢႆႇပၢႆးမွၼ်းၸိုင်ႈမိူင်း တႂ်ႈသိုၵ်းမၢၼ်ႈပိုၼ်ၽၢဝ်ႇလိၵ်ႈဢွၵ်ႈၽိုၼ်ႈၼိုင်ႈ- “ၵူၼ်းၸိူဝ်းတေႁွင်ႉၵႂၢမ်း ၼိူဝ်ၶဵင်ႇ တေႃႇထိုင်ႁွင်ႉဢွၵ်ႇတၢင်းဢွၼ်ႊလၢႆႊ” ႁွင်ႉလဵၼ်ႈၵေႃႈယဝ်ႉႁွင်ႉတႄႉၵေႃႈယဝ်ႉ - တၵ်းတေလႆႈယွၼ်းဢၼုယၢတ်ႈတီႈၸဝ်ႈၶွင်ၽဵင်းၵႂၢမ်းၵွၼ်ႇ။ သင်ဢမ်ႇယွၼ်း/ ဢမ်ႇလႆႈဢၼုယၢတ်ႈတီႈၸဝ်ႈၶွင်ၸိုင် ၽိတ်းပၵ်းပိူင်လႄႈတေထုၵ်ႇဢဝ်လိူင်ႈပၼ်တူတ်ႈတၢမ်ႇဝႃႈၼႆ။ တေႁွင်ႉၼိူဝ်ၶဵင်ႇတႃႇပၢင်မူၼ်ႈသိူဝ်း ၼႂ်းဝၢၼ်ႈ-ၼႂ်းဝဵင်း- ၸွမ်းႁၢၼ်ႉၵိၼ်ၵျေႃႇမူၼ်ႈသိူဝ်း၊ ၸၢတ်ႈသႅင်း၊ လဵၼ်ႈၸိူင်းၸိူဝ်းၼႆႉလႄႈသင်၊ ၸိူဝ်းႁွင်ႉလဵၼ်ႈ ပႃးၸဵမ် Cover Song ၼႂ်းဢွၼ်ႊလၢႆႊ ၊ ဢဝ်လမ်ႇၽဵင်းပိူၼ်ႈမႃးလႅၵ်ႈၼိူဝ်ႉၵႂၢမ်းသေႁဵတ်းတႃႇပိုၼ်ၽၢဝ်ႇၶၢႆၶူဝ်းၶွင်...

ဝၼ်းတီႈ 26/04/2026 ၼႆႉ ၵူၼ်းမိူင်းမၢၼ်ႈဢၼ်ႁွတ်ႈထိုင် ဝဵင်း ဝႅၼ်ႊၶူႊဝႃႊၸိုင်ႈမိူင်းၶၼေႊတႃႊ ၶွၼ်ႈတုမ်ၵၼ်တီႈသူၼ်မွၵ်ႇ ပီႊၶွၼ်ႊသၾီႊယ် Beaconsfielသေ ၼႄၵၢင်ၸႂ်လွင်ႈတူင်ႉၼိုင် Proof of Life ဝႃႈ သင်ဝႃႈ ဢွင်ႇသၢၼ်းၸူႉၵျီႇ တိုၵ်ႉယူႇလီလိပ်းၶီးယူႇၸိုင် ႁႂ်ႈသိုၵ်းမၢၼ်ႈၼႄပၼ်သၢၵ်ႈသေႇလၵ်းထၢၼ်မႃး- ဝႃႈၼႆ။ ၵူၼ်းမိူင်းမၢၼ်ႈၸုမ်းၼၼ်ႉ ယိပ်းတင်းပၢႆႉဢၼ်တႅမ်ႈဝႆႉဝႃႈ "Proof of Life"...

သိုၵ်းမၢၼ်ႈပိုၼ်ၽၢဝ်ႇဝႆႉဝႃႈ တႄႇဢဝ်ဝၼ်းတီႈ 1/5/2026 ၼႆႉၵႂႃႇ တေတိူဝ်းၵဵပ်းၶွၼ်ႇ တီႈၶူဝ်းၵုၼ်ႇဢၼ်ၼမ်းဢဝ်ၼွၵ်ႈမိူင်းၶဝ်ႈမႃးၶၢႆၼႂ်းမိူင်း ဝႃႈၼႆ။ ႁွင်ႈၵၢၼ်ၽွင်းလူင်ၾၢႆႇၽၼ်ႇတႃႇငိုၼ်းတွင်းလႄႈၾၢႆႇၶွၼ်ႇငႂ်ႈ တႂ်ႈၶွင်ႇသီႇသိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇဝႆႉဝႃႈ - ဢၼ်တေၶိုၼ်ႈၵႃႈၶွၼ်ႇၶူဝ်းၵုၼ်ႇၼမ်းၶဝ်ႈၼႆႉ တေမီးယူႇ 252 ဢၼ်။ ပႃးၸဵမ် ၼမ်ႉမၼ်းၸၢၵ်ႈ၊ ၼမ်ႉမၼ်းလေႃႇလိုၼ်ႈ၊ ၼမ်ႉၼူမ်းလႄႈ ၶူဝ်းၵုၼ်ႇၵိၼ်ယမ်ႉဢၼ်ဢဝ်ၼမ်ႉၼူမ်းႁဵတ်းဝႆႉ ဢိၵ်ႇတင်းၶူဝ်းၸႂ်ႉသွႆလႄႈၶူဝ်းၵိၼ်ယမ်ႉ တင်းၼမ်တင်းလၢႆ ။ လိၵ်ႈပိုၼ်ၽၢဝ်ႇတေၶိုၼ်ႈၶွၼ်ႇၶူဝ်းၵုၼ်ႇၼႆႉ ဢွၵ်ႇမႃးၸဵမ်မိူဝ်ႈဝၼ်းတီႈ 30/03/2026...

ဝၼ်းတီႈ 25/04/2026 ၾူၼ်လူင်လႄႈလူမ်းလႅင်ႉၽတ်ႉတီႈမိူင်းၶၢင်လႄႈ တိူင်းတႃႈလိူဝ်ႇ ႁဵတ်းႁႂ်ႈႁိူၼ်းယေးၵူၼ်းမိူင်းလူမ်ႉၵွႆတင်းၼမ်။ ဝၼ်းတီႈ 25 ယၢမ်းၵၢင်ၶိုၼ်း 10 မူင်းလူမ်းလႅင်ႉလႄႈၾူၼ်လူင်မၢၵ်ႇႁဵပ်းတူၵ်းတီႈဝဵင်းၼမ်ႉတီး၊ မိူင်းၵွင် လႄႈ ဝဵင်းၸႄႈၼႃး ၼႂ်းမိူင်းၶၢင်။ ႁိူၼ်းယေးၵူၼ်းမိူင်း ပႃးၸဵမ်သုမ်ႉသွင်းၵူၼ်းပၢႆႈၽေးသိုၵ်း၊ လုမ်းပလိၵ်ႈၸိူဝ်းၼႆႉ လူမ်ႉၵွႆ။ တူၼ်ႈမႆႉယႂ်ႇလူင်ၵူၼ်ႇလူမ်ႉတဵင်သုမ်ႉသွင်းၵူၼ်းပၢႆႈၽေးသိုၵ်းၸိူဝ်းလုၵ်ႉတၢင်းၽႃၵၢၼ်ႉမႃးတင်ႈသေယူႇသဝ်းဝႆႉ ။ လူမ်းႁႅင်းထိုင်တီႈ လင်ၶႃးႁိူၼ်း ပႃးၸဵမ်ၽိူၼ်/တင်ႇၵေႃႇၸိူဝ်းၼႆႉပိဝ်မူတ်း- ၵူၼ်းမိူင်းဝဵင်းၸႄႈၼႃးလၢတ်ႈၼင်ႇၼႆ။ ဝၼ်းတီႈ 25...

ၵူၼ်းၼုမ်ႇဝဵင်းယႂႃႇငၢၼ်ႇ 5 ၵေႃႉဢၼ်ၵႂႃႇၾိုၵ်းၵၢၼ်သိုၵ်း ၸွမ်းသိုၵ်းမၢၼ်ႈ ၸုပ်ႈတီႈၼိုင်ႈ ၸဵမ်မိူဝ်ႈ 3 ပီပူၼ်ႉမႃးၼၼ်ႉ ၸင်ႇႁႃလႆႈပွၵ်ႈႁိူၼ်းၶိုၼ်းယၢမ်းလဵဝ် - ပွၵ်ႈမႃးၶိုၼ်း 3 ၵေႃႉၵူၺ်း 2 ၵေႃႉတႄႉတၢႆၼႃႈသိုၵ်းယဝ်ႉဝႃႈၼႆ။   ၼႂ်းလိူၼ်ၾႅပ်ႊပိဝ်ႊရီႊ ပီ 2024 ဝၢႆးသိုၵ်းမၢၼ်ႈ ပိုၼ်ၽၢဝ်ႇ မၢႆမီႈႁၢပ်ႇၵၢၼ်သိုၵ်းယဝ်ႉ ၵၢင်ႉၵႄႇ ၼႂ်းၸႄႈဝဵင်းဝၢၼ်ႈငႂ်ႈ(ယႂႃႇငၢၼ်ႇ) လူင်းၵဵပ်းသဵၼ်ႈမၢႆၵူၼ်းၼုမ်ႇ...

ၵူၼ်းၶီႇရူတ်ႉၶိူင်ႈၵေႃႉၼိုင်ႈ မႃးတူၵ်းလုၵ်းဢၼ်ၾၢႆႇလိူမ်ႈလႆႇၶုတ်းဝႆႉ ႁိမ်းၵၢတ်ႇလူင် (မဵဝ်ႉမၸေး) ဝဵင်းတူၼ်ႈတီး တူၵ်းသဵပ်ႇၺႃးလဵၵ်းၼႂ်းလုၵ်းၼၼ်ႉသေထိုင်တီႈလူႉတၢႆ။ ဝၼ်းတီႈ 24/4/2026  ယၢမ်းၵၢင်ၶမ်ႈ 8 မူင်း  ၵူၼ်းၸၢႆးၵေႃႉၼိုင်ႈ ၶပ်းရူတ်ႉၶိူင်ႈ လုၵ်ႉတၢင်း  ၸၢၼ်းၵၢတ်ႇသေ ႁေႃႈရူတ်ႉမႃးတၢင်းႁွင်ႇ၊ မႃးတူၵ်းလုၵ်း ဢၼ်ၶဝ်ၶုတ်းဝႆႉ (တႃႇႁဵတ်း သေဢၼ်ဢၼ်) ဢၼ်မီးၾၢႆႇႁွင်ႇၵၢတ်ႇလူင်  ။ လုၵ်းၼၼ်ႉ လိုၵ်ႉမွၵ်ႈ 10 ထတ်း(ပေႇ)...

ႁွင်ႈၵၢၼ်ၽွင်းလူင်ၾၢႆႇႁႅင်းထၢတ်ႈလႄႈၾႆးၾႃႉ လူင်ပွင်ၸိုင်ႈမိူင်းတႆး တႂ်ႈသိုၵ်းမၢၼ်ႈ ဢဝ် ၼမ်ႉမၼ်း ၸိူဝ်ႉၾႆး ဢၼ်မၢၼ်ႈႁဵတ်းဢွၵ်ႇၼၼ်ႉမႃးၶၢႆပၼ်ၸဝ်ႈၼႃးၼႂ်းထုင်ႉပူင်း ၸႄႈဝဵင်း သီႇသႅင်ႇ တူၼ်ႈတီးလႄႈ ဝဵင်းႁူဝ်ပူင်း၊ ၼိုင်ႈၵႃႊလၼ်ႊ 1 မိုၼ်ႇပျႃးၵူၺ်းဝႃႈၼႆသေတႃႉ ၸဝ်ႈၼႃးဢမ်ႇတၼ်းလႆႈသိုဝ်ႉၸေးၵၼ်။  ႁွင်ႈၵၢၼ်ၽွင်းလူင်တႄႉပိုၼ်ၽၢဝ်ႇဝႃႈ ဢဝ်မႃးၶၢႆပၼ်ၵူၼ်းၼႂ်းထုင်ႉပူင်း 5600 ၵႃႊလၼ်ႊ ဝႃႈၼႆသေတႃႉ  ဢိင်ၼိူဝ်ၼမ်ႉမၼ်းၸိူဝ်ႉၾႆး ႁႃသိုဝ်ႉယၢပ်ႇႁိုင်ၼၢၼ်းမႃးယဝ်ႉလႄႈ ၸဝ်ႈၼႃးႁိမ်ၵၼ်သိုဝ်ႉ ၵမ်ႈၽွင်ႈဢမ်ႇတၼ်းလႆႈသိုဝ်ႉ ၼႆ...

မိူဝ်ႈဝၼ်းတီႈသၢမ် ၼႂ်းလုၵ်ႈလိူၼ်​​ဢေႇပရႄႇၼႆႉ ၸုမ်းသိုၵ်းဝႃႉ UWSA ႁဵတ်းလိၵ်ႈႁပ်ႉတွၼ်ႈ​​တေႃႇၸွမ်ပွင်ၸိုင်ႈမိၼ်းဢွင်ႇလႅင်ႇ၊ မိူၼ်ၼႆ​​သေ ၸုမ်းမိူင်းလႃး လႄႈ ၸုမ်းသိုၵ်းလွႆ TNLA ​​ၵေႃႈ ​​တေႃႈယိုၼ်ႈသူင်ႇ။ လွင်ႈၼႆႉ ၵူၼ်းၼမ်ႁၼ်ထိုင်ဝႃႈ ပဵၼ်လၢႆးမႅၵ်ႇၶႃၵၼ်ၵွႆးလႄႈ တႃႉလီဢိမ်ႇမိူဝ်ႇၼႆ​​သေတႃႉ ​​ပေႃးယူႇတီႈလွၵ်း ၵၢၼ်မိူင်းထူပ်းမိုဝ်းဝူၼ်ႉသွၼ်ႇၸိုင် ​​တေလႆႈဝႃႈၸပ်းမႅၼ်ႈၸွမ်းလၢႆး Long term strategy လွၵ်းၽႅၼ်ၶၢဝ်းယၢဝ်း တႃႇၸုမ်းၸၢဝ်းၶဝ်ယူႇ။ မိူၼ်ၸိူင်ႉၸုမ်းဝႃႉၼႆ...

ဝၼ်းတီႈ 23/04/2026 ၼႆႉ ဢမေႊရိၵၼ်ႊပိုၼ်ၽၢဝ်ႇဢွၵ်ႇမႃးဝႃႈ - တႃႇတေယိုတ်းသိမ်းလႆႈ ၵၢၼ်လႅၼ်ၵိၼ်ငိုၼ်းတင်းဢွၼ်ႊလၢႆႊ ၵျႃႊၽျႅၼ်ႉၼၼ်ႉ ၽႂ်ပၼ်လႆႈငိူၼ်ႈၶၢဝ်ႇ ငဝ်ႈငုၼ်းလႅၼ်ငိုၼ်းတင်းဢွၼ်ႊလၢႆႊ Tai Chang ဢၼ်မီးဝႆႉ ၼႂ်းမိူင်းယၢင်းၽိူၵ်ႇ (ၼႂ်းၼႃႈလိၼ်သိုၵ်းယၢင်း DKBA ၵုမ်းၵမ်)လႆႈၸိုင် တေပၼ်ငိုၼ်းသူး ၻေႃႊလႃႊ 10 လၢၼ်ႉ ဝႃႈၼႆ။ ႁွင်ႈၵၢၼ်ၽွင်းလူင် ၽၼ်ႇတႃႇငိုၼ်းတွင်း ဢမေႊရိၵၼ်ႊ...

ၼႂ်းဝူင်ႈပူၼ်ႉမႃးၼႆႉ ၶလိပ်ႉဝီးတီးယူဝ်း ၼၢင်းယိင်းၵေႃႉၼိုင်ႈ ပေႃႉႁႅမ်လုၵ်ႈဢွၼ်ႇယိင်းႁၢဝ်ႈႁႅင်း ၽႄႈၸွတ်ႇမႃးၼိူဝ်သိုဝ်ႇတူင်ႇဝူင်း Social Media ထိုင်တီႈၵေႃႉပဵၼ်ပႃႈထုၵ်ႇဢဝ်လိူင်ႈပၼ်တူတ်ႈတၢမ်ႇ။ ဝၼ်းတီႈ 22/04/2026 ပႃႈပေႃႉႁႅမ်လၢၼ်ယိင်း တီႈပွၵ်ႉ ယၢၼ်ႇဢွင်ႇမျေႇ ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ- မီးၵူၼ်းထၢႆႇၶလိပ်ႉတၢင်ႇၼိူဝ်ၾဵတ်ႉသ်ပုၵ်ႉ ၽႄႈတၢင်းဢွၼ်ႊလၢႆႊ။ ထိုင်တီႈၸုမ်းသုၼ်ႇလႆႈၵူၼ်းတိူင်ႇလၢတ်ႈလႄႈ ၵေႃႉပဵၼ်ပႃႈ ထုၵ်ႇႁွင်ႉမႃးထဵတ်ႈထၢမ် လူၺ်ႈၶေႃႈပူၼ်ႉပႅၼ်သုၼ်ႇလႆႈလုၵ်ႈဢွၼ်ႇ။ ၸိုဝ်ႈပႃႈၵေႃႉပေႃႉႁႅမ်လုၵ်ႈဢွၼ်ႇၼၼ်ႉပဵၼ် တေႃႇလေႃးမဵင်ႉ (ဒေါ်လောမိန့်)။ မၼ်းၼၢင်းလၢတ်ႈတီႈၸဝ်ႈၼႃႈတီႈဝႃႈ -“ ယိင်းဢွၼ်ႇၼၼ်ႉပဵၼ်လၢၼ်ယိင်းမၼ်း။...

မိူဝ်ႈၼႆႉ ဝၼ်းတီႈ 24/4/2026 တူၵ်းမႅၼ်ႈဝၼ်းၵေႃႇတင်ႈ တပ်ႉသိုၵ်းၸိုင်ႈတႆး SSA ၶွပ်ႈတဵမ် 62 ပီတဵမ် ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး (SSPP/SSA) ၸတ်းပၢင်ၵႅဝ်ႈ တီႈတပ်ႉငဝ်ႈသိုၵ်း (989)၊ တပ်ႉငဝ်ႈသိုၵ်း 748 ၊ တပ်ႉငဝ်ႈသိုၵ်း 969 ယူႇလၢႆတီႈ မီးၵူၼ်းၶဝ်ႈႁူမ်ႈ 1700 ၵေႃႉ...

မိူဝ်ႈဝႃးဝၼ်းတီႈ 23 /4/2026 ယၢမ်းၵၢင်ၶမ်ႈ ၸွမ်ၸိုင်ႈဢူးမိၼ်းဢွင်ႇလၢႆႇ (ဢၼ်လုၵ်ႉတီႈသိုၵ်းမၢၼ်ႈယိုတ်းမိူင်းသေၶိုၼ်ႈမႃးၼၼ်ႉ) ပိုၼ်ၽၢဝ်ႇဢွၵ်ႇ ပဵၼ်တၢင်းၵၢၼ် တင်းသဵင်ႈ 60 ၸႄႈဝဵင်း( ၼႂ်း 9 ၸႄႈတိူင်း လႄႈ ၸႄႈမိူင်း ) ႁူမ်ႈပႃးၸႄႈဝဵင်း ၼႂ်းၼႃႈတီႈ သိုၵ်းရၶႅင်ႇၵုမ်းၵမ်။ ၵွၼ်ႇၼႃႈပၢင်လိူၵ်ႈတင်ႈပွမ်ၼႆႉ သိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇၵိုတ်းဝႆႉငဝ်းလၢႆးၶိုၵ်ႉၶၵ်ႉသေ ၸတ်းႁဵတ်း ၶိုင်ပွင်ပၢင်လိူၵ်ႈတင်ႈ...

မိူဝ်ႈဝႃးၼႂ်းဝၼ်းတီႈ 22/4/2026 ႁွင်ႈၵၢၼ်ၽွင်းလူင်ၾႆးၾႃႉ လူင်ပွင်ၸိုင်ႈမိူင်းႁူမ်ႈတုမ် ဢူးၵူဝ်ႇၵူဝ်ႇလုၼ်ႇ လၢတ်ႈၵႂႃႇတီႈၼႂ်းပၢင်ၵုမ် တီႈၼေႇပျီႇတေႃႇ ၵဵဝ်ႇၵပ်းလွင်ႈၾႆးၾႃႉဝႃႈ တႄႇဢဝ်ၼႆႉၵႂႃႇ တေၸႅၵ်ႇၾႆးၾႃႉပၼ်ၵူၼ်းမိူင်းႁႂ်ႈၼမ်မႃးလိူဝ်ၵဝ်ႇဝႃႈၼႆသေတႃႉ ၾႆးၾႃႉ တင်းတိုၵ်ႉၵမ်းၵမ်းမွတ်ႇယူႇ။ တီႈဝဵင်းတူၼ်ႈတီႈ ၸိုင်ႈတႆးပွတ်းၸၢၼ်းၼႆႉ ပူၼ်ႉမႃးၶၢဝ်းတၢင်း 3 လိူၼ်ၼႆႉ ၾႆးမွတ်ႇ ၼိုင်ႈ ဝၼ်း 3 ၵမ်း။ ဝႃႈၼၼ်သေတႃႉ ၵႃႈၸႂ်ႉၾႆးၾႃႉ(ၵႃႈမီႇတႃႇ) ယင်းတိုၵ်ႉလႆႈပၼ်ၵႃႈယႂ်ႇယူႇ...

မိၼ်းဢွင်ႇလၢႆႇ လႆႈၸၼ်ႉပဵၼ်ၸွမ်ၸိုင်ႈယိုတ်းမိူင်းယဝ်ႉ ၼႃႈတီႈပုၼ်ႈၽွၼ်း လႄႈ ႁွင်ႈၵၢၼ်လူင်ပွင်ၸိုင်ႈ တႂ်ႈဢႃႇၼႃႇဢၢမ်းၼၢတ်ႈသိုၵ်းမၢၼ်ႈၵေႃႈ ပိၼ်ႇလႅၵ်ႈၵႂႃႇလၢႆလၢႆတီႈ။ ဝၢႆးလင်ပွႆးသွၼ်းၼမ်ႉလင်မိၼ်းဢွင်ႇလၢႆႇ တိူင်ႇၵၢဝ်ႇပဵၼ်ၸွမ် ပဵၼ်တၢင်းၵၢၼ်ယဝ်ႉ ႁိူဝ်းမိၼ်သိုၵ်းမၢၼ်ႈ ၶိုၼ်ႈၶိုၼ်ႈလူင်းလူင်း တီႈၶူင်ႇႁိူဝ်းမိၼ် ဝဵင်းလႃႈသဵဝ်ႈ ။ ၵူၼ်းႁူႉၸၵ်းၸမ်ၸႂ်သိုၵ်းမၢၼ်ႈလၢတ်ႈဝႃႈ သိုၵ်းမၢၼ်ႈယိုတ်းမိူင်းၶဝ် တေႃႉဢဝ်ၵူၼ်းသိုၵ်း တၢင်းတိူင်းသိုၵ်းဝဵင်းလႃႈသဵဝ်ႈ ၶိုၼ်ႈၵႂႃႇလႅၵ်ႈၵူၼ်း ၵၼ် တီႈဝဵင်းမူႇၸေႊ လႅၼ်လိၼ် မိူင်းမၢၼ်ႈ-မိူင်းၶႄႇ မိူင်းတႆးပွတ်းႁွင်ႇဝႃႈၼႆ။ ၵူၼ်းမိူင်းပိုၼ်ႉတီႈ...

မိူဝ်ႈဝႃး ဝၼ်းတီႈ 22/4/2026 ယၢမ်းတၢမ်းၶမ်ႈ မၢၵ်ႇတႅၵ်ႇၼႂ်းဝဵင်းလႃႈသဵဝ်ႈ ၊ ဢမ်ႇမီးလွင်ႈမၢတ်ႈၸဵပ်းလူႉတၢႆသေတႃႉ ႁဵတ်းႁႂ်ႈၵူၼ်းပိုၼ်ႉတီႈ တူၵ်းၸႂ်။ ၵူၼ်းမိူင်းပိုၼ်ႉတီႈၵေႃႉယူႇၼႂ်းဝဵင်းလႃႈသဵဝ်ႈလၢတ်ႈ တီႈၽူႈတွႆႇႁွၵ်ႈဝႃႈ - “ လႆႈငိၼ်းသဵင်မၢၵ်ႇယူႇလၢႆၵမ်း။ ၵမ်ႈၽွင်ႈဝႃႈ မၢၵ်ႇတႅၵ်ႇတၢင်းမႄႈႁၢၼ်ႇ။ ႁဝ်းယူႇၼႂ်းၵၢတ်ႇလူင်ၼႆႉ ငိၼ်းၸႅင်ႈလီၼႃႇ။ ပေႃးဢၢင်ႈသိမ်းၵၢတ်ႇယူႇၵမ်းၼိုင်ႈ။ တႆးၵေႃႉၶႃႈ ဢၼ်ယူႇတၢင်းပွၵ်ႉ 10 ၼၼ်ႉၵေႃႈဝႃႈ လႆႈငိၼ်းၸႅင်ႈလီၼႃႇ” ဝႃႈၼႆ။ ဝဵင်းလႃႈသဵဝ်ႈၼႆႉ...