ၼႂ်းၵၢင်လိူၼ်ဢေႃႊၵတ်ႊသ်ၼႆႉ တၢမ်တူဝ်ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ၵေႃႉယုၵ်ႉယွင်ႈၸဝ်ႈၵဝ်ႇၶိုၼ်ႈပဵၼ်ၸွမ်ၸိုင်ႈ ၸူဝ်ႈၶၢဝ်းမိူင်းႁူမ်ႈတုမ်ဝႆႉ ပိုၼ်ၽၢဝ်ႇဢွၵ်ႇပဵၼ်တၢင်းၵၢၼ်ဝႃႈ ပဵၼ်ႁိုဝ်ၵေႃႈယဝ်ႉ တိုၼ်းတေၸတ်းႁဵတ်းပၢင်လိူၵ်ႈတင်ႈ ၼႂ်းမိူင်းႁူမ်ႈတုမ်ၵႂႃႇႁႂ်ႈ ပေႃးလႆႈၼႆယူႇ။ ၼႂ်းသဵၼ်ႈၸိုဝ်ႈၸႄႈဝဵင်း ဢၼ်ၶွမ်ႊမသျိၼ်ႊၵၢၼ်လိူၵ်ႈတင်ႈ ပိုၼ်ၽၢဝ်ႇသဵၼ်ႈမၢႆ တေၸတ်းႁဵတ်းပၢင်လိူၵ်ႈတင်ႈၼၼ်ႉ ၼႂ်းမိူင်းတႆးပွတ်းႁွင်ႇ ပႃးဝႆႉၸႄႈဝဵင်း ၸိူဝ်းဢၼ်ၸုမ်းသိုၵ်းၸၢဝ်းၶိူဝ်းသၢမ်ၸုမ်း ၶဝ်ယိုတ်းၵုမ်းလႆႈဝႆႉပႃး။ ၾၢႆႇၼိုင်ႈၵေႃႈ ၼႂ်းမိူင်းတႆးပွတ်းႁွင်ႇ ဢိၵ်ႇၼႂ်းမိူင်းၶၢင်၊ မိူင်းရၶႅင်ႇ၊ မိူင်းယၢင်းလႅင် ၸဵမ်ၸိူဝ်းၼႆႉ သိုၵ်းမၢၼ်ႈတင်း...

သိုၵ်းမၢၼ်ႈ ၸႂ်ႉတိုဝ်းၸိုဝ်ႈဢၼ်ဝႃႈ “ၶွင်ႇသီႇၾၢႆႇၸတ်းၽႅၼ်ၵၢၼ်ၽွင်းငမ်းၸိုင်ႈမိူင်း” ၼႆသေ   တဵၵ်းႁိမ်ဢဝ်ဢႃႇၼႃႇ ၸိုင်ႈမိူင်း တီႈလူင်ပွင်ၸိုင်ႈၵူၼ်းမိူင်းမႃး တင်ႈတႄႇလိူၼ်ၾႅပ်ႊပိဝ်ႊရီႇ 1 ဝၼ်း ပီ 2021 ။ တင်ႈတႄႇၼၼ်ႉမႃး သိုၵ်းမၢၼ်ႈ ႁဵတ်းႁၢႆႉၸႃႉ ၶီႇၼဵၵ်းတဵၵ်းတဵင် သၢင်ႈလွင်ႈႁုၵ်းႁၢႆႉ ၶႃႈႁႅမ်တီႉၺွပ်း ၵူၼ်းၵူႈသႅၼ်း ၵူႈၸၼ်ႉထၢၼ်ႈ ၸိူဝ်းသၢၼ်ၶတ်း လုၵ်ႉၽိုၼ်ႉၶဝ်ၼၼ်ႉ ႁဵတ်းၽိတ်းပူၼ်ႉပႅၼ်...

ယၢမ်းလဵဝ် သိုၵ်းမၢၼ်ႈ ယိုတ်းမိူင်း ႁွင်ႈၶိုၼ်းၵူၼ်းပၢႆႈၽေးသိုၵ်းဝဵင်းၾၢႆၶုၼ် ပွၵ်ႈႁိူၼ်းယေး တႃႇႁၢင်ႈႁႅၼ်းပၢင်လိူၵ်ႈတင်ႈ ဝႃႈၼႆ။ ပူၼ်ႉမႃး မိူဝ်ႈလိူၼ်ၵျူႊလၢႆႊၼႆႉ သိုၵ်းမၢၼ်ႈ ယိုတ်းၵုမ်းလႆႈၶိုၼ်း ဝဵင်းၾၢႆၶုၼ်တင်း ဝဵင်းမိူင်းပၢႆး ၼႂ်းၸိုင်ႈတႆးပွတ်းၸၢၼ်း ယဝ်ႉလႄႈ ယၢမ်းလဵဝ် ၵူၼ်းပၢႆႈၽေးသိုၵ်း ၸိူဝ်းပၢႆႈၵႂႃႇသွၼ်ႈဝႆႉ တၢင်းဝဵင်းပၢင်လွင်း၊ ယွင်ႁူၺ်ႈလႄႈ သီႇသႅင်ႇ ၸိူဝ်းၼၼ်ႉ ႁႂ်ႈဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်း ၼႆယဝ်ႉ။ ၵူၼ်းပၢႆႈၽေးသိုၵ်း ၵေႃႉၼိုင်ႈ...

မိူဝ်ႈၼႆႉ ဝၼ်းတီႈ 18/08/2025 ယၢမ်းၵၢင်ဝၼ်း ၶွင်ႇသီႇသိုၵ်းမၢၼ်ႈ ၶွမ်ႊမသျိၼ်ႊၵၢၼ်လိူၵ်ႈတင်ႈ မၵ်းမၼ်ႈပိုၼ်ၽၢဝ်ႇ ဝၼ်းတေၸတ်းႁဵတ်းပၢင်လိူၵ်ႈတင်ႈ ပတ်းပိုၼ်ႉၸိုင်ႈမိူင်း။ ၼႂ်းၶေႃႈပိုၼ်ၽၢဝ်ႇၼၼ်ႉပႃးဝႆႉဝႃႈ - ပၢင်လိူၵ်ႈတင်ႈၼႆႉ တေၸတ်းႁဵတ်းၵႂႃႇ ပဵၼ်ၶၵ်ႉပဵၼ်တွၼ်ႈ ၸွမ်း ၼင်ႇ ပိူင်ငဝ်ႈပိုင်းမိူင်း 2008 တွၼ်ႈ 399 (က) ၊ ၾိင်ႈမိူင်း ၶွမ်ႊမသျိၼ်ႊ ၵၢၼ်လိူၵ်ႈတင်ႈတွၼ်ႈ...

NUG ၼႆႉ ႁပ်ႉပဵၼ်လူင်ပွင်ၸိုင်ႈႁင်းၵူၺ်းသေ ၶိုၼ်ႈၼႃႈလူၺ်ႈ ၾႅတ်ႊတရႄႊတီႊမူဝ်ႊၶရေႊၸီႊ ၶျႃႇတႃႇမႃး မီး 4 ပီပၢႆၶိုင်ႈယဝ်ႉ၊ ၵႂႃႇၼႃႈထႅင်ႈ သီႇႁႃႈႁူၵ်းလိူၼ် ဢႃယုလူင်ပွင် ၸိုင်ႈၶဝ် တေသဵင်ႈယဝ်ႉလႄႈ တေႁဵတ်းႁိုဝ်သိုပ်ႇတေႃႇၵႂႃႇထႅင်ႈၼႆ ဢွၵ်ႇပဵၼ်ၵႂၢမ်းထၢမ်ဝႆႉယူႇ။ NUG ၼႆႉ ယွၼ်ႉပိူဝ်ႈမၼ်းယၼ်ၼိူဝ်ၽွၼ်းၵၢၼ်ပၢင်လိူၵ်ႈတင်ႈ 2020 သေ ၶွတ်ႇၽွတ်ႈဝႆႉလႄႈ ပေႃးဝႃႈပၢင်လိူၵ်ႈတင်ႈ ဢၼ်ၸုမ်းသိုၵ်းယိုတ်းမိူင်း ပဵၼ်ပၢင်ၵႂႃႇတႄႉၼႆ...

မိူဝ်ႈဝၼ်းတီႈ 12/08/2025 ယၢမ်းၵၢင်ၼႂ် သိုၵ်းမၢၼ်ႈ ယိုတ်းမိူင်း ၸတ်းႁဵတ်းပၢင်ၵုမ်လူင် ၶွမ်ႊမသျိၼ်ႊ ၵတ်းယဵၼ်သႃႇယႃႇလႄႈ ၵၢၼ်ႁူမ်ႇလူမ်ႈၸိုင်ႈမိူင်း တီႈဝဵင်းလူင်ၼေႇပျီႇတေႃႇ။ ၼႂ်းပၢင်ၵုမ်လူင်ၼၼ်ႉ တၢမ်တူဝ် ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ဢွၼ်ၼမ်းၸတ်းႁဵတ်းသေ မီးၵႅမ်ႁူဝ်ပဝ်ႈ ၵႅမ်ၸွမ်ၸိၵ်းသိုၵ်းမၢၼ်ႈ ၸူဝ်းဝိၼ်း၊ ၽူႈၶဝ်ႈၸုမ်းၶွမ်ႊမသျိၼ်ႊ၊ ၸွမ်ၽွင်းလူင်ၸိုင်ႈမိူင်း ဢူးၺူဝ်ႇၸေႃး ၸိူဝ်းၼႆႉ ၶဝ်ႈႁူမ်ႈၸွမ်း။ မိၼ်းဢွင်ႇလၢႆႇ မွၵ်ႇလၢတ်ႈၵႂႃႇ ၼႂ်းပၢင်ၵုမ်လူင်ၼၼ်ႉဝႃႈ...

သိုၵ်းမၢၼ်ႈပိုၼ်ၽၢဝ်ႇ တေၸတ်းႁဵတ်းပၢင်လိူၵ်ႈတင်ႈၼႂ်းႁၢင်ပီ 2025 ဢမ်ႇၼၼ် ႁူဝ်ပီ 2026 ၼႆၼၼ်ႉ ၸမ်မႃးတိၵ်းတိၵ်းယဝ်ႉလႄႈ ၾၢႆႇတင်းသိုၵ်းမၢၼ်ႈ ၵူတ်ႇထတ်းၵူၼ်းမိူင်းၵႂႃႇမႃးႁၢဝ်ႈႁႅင်း တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ။ တင်ႈတႄႇ ႁူဝ်လိူၼ် ဢေႃႊၵတ်ႊသ်ၼႆႉမႃး  တႃႇပၢင်လိူၵ်ႈတင်ႈၼႆသေ  ၵၢင်ႉၵႄႇ တႂ်ႈသိုၵ်းမၢၼ်ႈ လႄႇလမ်းႁႃၵဵပ်းသဵၼ်ႈမၢႆ ၵူၼ်းဢႃယု 18 ၶိုၼ်ႈၼိူဝ်ဝႆႉသေ ၵူတ်ႇထတ်းသဵၼ်ႈမၢႆၵူၼ်း ၵူႈဝၼ်းဝႃႈၼႆ...

ထွမ်ႇတူၺ်းၶေႃႈၵႂၢမ်းၸိုင် ၸုမ်းသိုၵ်းယိုတ်းမိူင်းၼႆႉ လုၵ်ႉတီႈၼၸၵ (နစက) ၶွင်ႇသီႇၽွင်းငမ်းၸိုင်ႈမိူင်းသေ လႅၵ်ႈပဵၼ်ၶွမ်ႊမသျိၼ်ႊႁူမ်ႇလူမ်ႈၸိုင်ႈမိူင်းယဝ်ႉၼႆ ပွင်ႇၸႂ်လႆႈငၢႆႈငၢႆႈသေတႃႉ ၽဝပၢၼ်ပဵၼ်ၵူၼ်းမိူင်းၼႆႉ တေတိူဝ်းၵပ်ႉၵိၼ်းၶၢၼ်ၸႂ်လိူဝ်ၵဝ်ႇတိူၵ်ႈတႅၵ်ႉယဝ်ႉ ဢၼ်ဝႃႈၼၼ်ႉ ႁူႉႁၼ်သႅၵ်ႇလႅၵ်ႇယူႇၵေႃႈ ၵွပ်ႈပိူဝ်ႈလိူဝ်ဢမ်ႇၸၢင်ႈလႄႈ ၵႃႈလႆႈမူၵ်းယူႇမူၵ်းၵိၼ်ၵႂႃႇၵူၺ်း။ ၶၢဝ်းႁူၵ်းလိူၼ် ၵွၼ်ႇပႆႇပဵၼ်ပၢင်လိူၵ်ႈတင်ႈ ႁူႉတေလႆႈယူႇၵႂႃႇမူထူမႃထႃယဝ်ႉ ၸိူဝ်းဝႃႈၼႆၵေႃႈတေမီးယူႇ။ ပေႃးၼႆ ဝၢႆးပၢင်လိူၵ်ႈတင်ႈယဝ်ႉ ၸွင်ႇသမ်ႉတေပူၼ်ႉလွတ်ႈထၢင်ႇႁၢင်ႈလူမ်ၸႂ်တႄႉယူႇႁႃႉ၊ ဢမ်ႇၼႄႉၼွၼ်းသႄႈ။ ၸုမ်းသိုၵ်းယိုတ်းမိူင်းၼႆႉ တႄႇၸဵမ်ဝၼ်းတီႈ 29 ပိုၼ်ဢွၵ်ႇပၵ်းပိူင်မူၼ်ႉမႄးၵၢၼ်လိူၵ်ႈတင်ႈဝႃႇ၊ ပၵ်းပိူင်ႁႄႉၵင်ႈ...

ဝၼ်းတီႈ 06 -07/08/2025 ၸွမ်ၽွင်းလူင်မိူင်းတႆး ၸုမ်းသိုၵ်းမၢၼ်ႈ ဢူးဢွင်ႇဢွင်ႇ ဢွၼ်ၼမ်းၽူႈၶဝ်ႈၸုမ်း၊ ဢိၵ်ႇၸုမ်းၶွင်ႇသီႇ ၾၢႆႇၵႅတ်ႇၶႄၸိူဝ်ႉၸၢတ်ႈမိူင်းႁူမ်ႈတုမ် ပဵၼ်တူဝ်တႅၼ်း ၸုမ်းလူင်ပွင်ၸိုင်ႈမိူင်းႁူမ်ႈတုမ် တႂ်ႈသိုၵ်းမၢၼ်ႈၵုမ်းၵမ်သေ ၵႂႃႇႁူပ်ႉထူပ်းၽူႈၼမ်း ၸုမ်းသိုၵ်းဝႃႉ (UWSA) တီႈဝဵင်းပၢင်သၢင်း။ ႁွင်ႈၵၢၼ်ၶၢဝ်ႇ ၸုမ်းသိုၵ်းဝႃႉ ပိုၼ်ၽၢဝ်ႇပဵၼ်တၢင်းၵၢၼ်ဝႆႉဝႃႈ - ဝၼ်းတီႈ 6 ယၢမ်းဝၢႆးဝၼ်း တူဝ်တႅၼ်း ၸုမ်းလူင်ပွင်ၸိုင်ႈမိူင်းတႆး...

မိူဝ်ႈဝၼ်းတီႈ 6 လိူၼ်ဢေႃးၵၢတ်ႉသ် ၸုမ်းယိပ်းၵွင်ႈၵၢင်ႇၸၢဝ်းၶိူဝ်း 7 ၸုမ်း ၸိူဝ်းလူင်းလၢႆးမိုဝ်းၵိုတ်းတိုၵ်းတူဝ်ႈမိူင်း NCA ၸတ်းႁဵတ်းပၢင်ဢုပ်ႇဢူဝ်းၵၼ် တၢင်းဢွၼ်ႊလၢႆႊ ၽူႈၼမ်း EAOs ၸွမ်သိုၵ်းလူင် ယွတ်ႈသိုၵ်း ၼမ်းၼႃႈ ပၢင်ၵုမ် ။ ပၢင်ၵုမ်ၼၼ်ႉ မီးၵႅမ်ၽူႈၼမ်း ဢွင်ႇမိၼ်းၼၢႆႇ လႄႈ ၸုမ်းၽူႈၼမ်းၼႂ်း၊ ၽူႈၵွၼ်းၾၢႆႇဢုပ်ႇဢူဝ်းငူပ်ႉငီႉ ၼႂ်းၶွမ်ႇမတီႇ ၾၢႆႇႁဵတ်းသၢင်ႈၵၢၼ်ငၢၼ်း...

ဝၢႆးလင် ၸွမ်ၸိၵ်းသိုၵ်းမိၼ်းဢွင်ႇလၢႆႇယိုတ်းဢၢမ်းၼၢတ်ႈ သိမ်းဝၢၼ်ႈမိူင်းယဝ်ႉ ၼႂ်းမိူင်းႁူမ်ႈတုမ် ပဵၼ်ပၼ်ႁႃယုင်ႈ ယၢင်ႈ ႁဵတ်းႁႂ်ႈၵိူတ်ႇပဵၼ်ပၢင်တိုၵ်းသိုၵ်းသိူဝ်မႃး။ ၾၢႆႇၼိုင်ႈၵေႃႈ ၵိုင်ႉၵၢင်ႉ လႆႈႁၼ် လူင်ပွင်ၸိုင်ႈမိူင်းၶႄႇ ၸႂ်ႉလၢႆးတၢင်း ႁမ်ႉပေႃးၸွတ်ႇၸေးမဵဝ်းမၼ်းသေ ၶတ်းၸႂ်ၶဝ်ႈၵႄႈၵၢင် ငူပ်ႉငီႉ ပၼ် သိုၵ်းမၢၼ်ႈ တင်း သိုၵ်းၸၢဝ်းၶိူဝ်းၶဝ်မႃးယူႇဢမ်ႇ ထၢတ်ႇ။ ဢၼ်ၾၢႆႇမိူင်းၶႄႇ ၶတ်းၸႂ်ႁႂ်ႈသိုၵ်းမၢၼ်ႈ တင်း ၸုမ်းသိုၵ်းၸၢဝ်းၶိူဝ်းၶဝ် ဢုပ်ႇဢူဝ်းငူပ်ႉငီႉ...

ၸူဝ်ႈသိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်းမႃးၼႆႉ ငဝ်းလၢႆးၼႂ်းၵႄႈၵၢင် ၽူႈမီးၸၼ်ႉသိုၵ်းမၢၼ်ႈ တီႈၼေႇပျီႇတေႃႇၶဝ်ယၢမ်းလဵဝ် မိူၼ်ၵႂႃႇၶိုၼ်းမိူဝ်ႈ 15 ပီပူၼ်ႉမႃးၼၼ်ႉထႅင်ႈၵမ်းၼိုင်ႈယဝ်ႉၼႆ ၽႂ်တေဢမ်ႇၸၢင်ႈထဵင်ႈလႆႈ။ မိူဝ်ႈပၢင်လိူၵ်ႈတင်ႈ ပီ 2010 ပူၼ်ႉမႃးၼၼ်ႉ လွင်ႈဢၼ်ၼႂ်းတူင်ႇဝူင်း ၽူႈမီးၸၼ်ႉသိုၵ်းမၢၼ်ႈၶဝ် ၶႂ်ႈႁူႉ လိူဝ်ပိူၼ်ႈၼၼ်ႉၵေႃႈပဵၼ် ၽႂ်တေလႆႈယူႇၵိုတ်းဝႆႉတီႈၼႂ်းတပ်ႉသိုၵ်း လႄႈ ၽႂ်တေလႆႈၶဝ်ႈၶေႉၶဵင်ႇၼႂ်းပၢင် လိူၵ်ႈတင်ႈ ၼႆယဝ်ႉ။ ယၢမ်းလဵဝ်ၵေႃႈ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ တႄႇယွၼ်းသဵၼ်ႈမၢႆ ၽူႈမီးၸၼ်ႉ...

ပၢင်လိူၵ်ႈတင်ႈ ဢၼ်သိုၵ်းမၢၼ်ႈ တေၸတ်းႁဵတ်းၼႂ်းႁၢင်ပီ 2025 ဢမ်ႇၼၼ် ႁူဝ်ပီ 2026 ၼႆႉ တေဢမ်ႇႁႂ်ႈၵူၼ်းမိူင်းတႅမ်ႈလူင်းၶိတ်ႇပၼ် ပႃႇတီႇလႂ်ပႃႇတီႇၼၼ်ႉ ၼႂ်းမၢင်ၸေႈယဝ်ႉ ႁူဝ်ပဝ်ႈ ၶွမ်ႊမသျိၼ်ႊၵၢၼ်လိူၵ်ႈတင်ႈ ဢၼ်ယူႇတႂ်ႈဢႃႇၼႃႇသိုၵ်းမၢၼ်ႈၼၼ်ႉ တႅပ်းတတ်းၵႂႃႇဝႃႈ တေၸႂ်ႉတိုဝ်းၶိူင်ႈၸၢၵ်ႈ ႁႂ်ႈပဵၼ်တၢင်းၵမ်ႉယၼ်ၵႂႃႇ ၼႆယဝ်ႉ။ မိူဝ်ႈဝၼ်းတီႈ 20/06/2025 ၼၼ်ႉ ႁူဝ်ပဝ်ႈ ၶွမ်ႊမသျိၼ်ႊၵၢၼ်လိူၵ်ႈတင်ႈ တႂ်ႈဢႃႇၼႃႇသိုၵ်းမၢၼ်ႈ ဢူးၵူဝ်ႇၵူဝ်ႇ...

ဝၼ်းတီႈ 19/06/2025 သိုၵ်းမၢၼ်ႈ ပိုၼ်ၽၢဝ်ႇလႅၵ်ႈလၢႆႈ ပၵ်းပိူင်မၢႆမီႈ ၶွမ်ႊမသျိၼ်ႊၵၢၼ်လိူၵ်ႈတင်ႈ မိူင်းႁူမ်ႈတုမ် ပိူဝ်ႈတႃႇႁႂ်ႈၶႃႈႁၢပ်ႇၵၢၼ်ၶုၼ်ၵူႈၵေႃႉ ၶိုၼ်ႈပဵၼ်လႆႈထိုင် တၼ်းႁဵင်းႁူဝ်ပဝ်ႈ ၵၢၼ်ပိၼ်ႇလႅၵ်ႈ ပၵ်းပိူင်မၢႆမီႈပၢင်လိူၵ်ႈ တင်ႈၼႆႉ မီးၵႂႃႇၵမ်းထီႉသၢမ်ယဝ်ႉ။ ပၵ်းပိူင်မၢႆမီႈ ပၢင်လိူၵ်ႈတင်ႈမိူင်းႁူမ်ႈတုမ် ဢၼ်သိုၵ်းမၢၼ်ႈ ပိၼ်ႇလႅၵ်ႈပွၵ်ႈၼႆႉ ပဵၼ်ၼႂ်းၶၵ်ႉတွၼ်ႈ မတ်ႉတႃ 14 ၵၼ် 10 ၵိင်ႇၽႄ (ဂ)...

ဝၼ်းတီႈ 11/06/2025 ယၢမ်းၵၢင်ၼႂ်ၼႆႉ ၸုမ်းၶႃႈႁၢပ်ႇၵၢၼ် ဢၼ်ယူႇတႂ်ႈဢႃႇၼႃႇသိုၵ်းမၢၼ်ႈၵုမ်းၵမ်ၼၼ်ႉ ၸၢမ်းၸႂ်ႉတိုဝ်း ၶိူင်ႈၸၢၵ်ႈပၼ်ၶႅပ်းၵၢင်ၸႂ် ၼိူဝ်ဢွၼ်ႊလၢႆႊ (MEVM) တီႈႁွင်ႈပၢင်ၵုမ် လုမ်းၶႃႈႁၢပ်ႇၵၢၼ်ၸႄႈမိူင်းတႆး တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း။ ၼႂ်းပၢင်ၸၢမ်းၸႂ်ႉတူၺ်း ၸၢၵ်ႈပၼ်ၶႅပ်းၵၢင်ၸႂ် ၼိူဝ်ဢွၼ်ႊလၢႆးၼၼ်ႉ မီးၸွမ်ၽွင်းလူင်မိူင်းတႆး ဢူးဢွင်ႇဢွင်ႇ၊ ၽူႈၵွၼ်းတိူင်းသိုၵ်းပွတ်းဢွၵ်ႇ ၸွမ်ႁၢၼ် ၸေႃႇမိၼ်းလတ်ႉလႄႈ ၶႃႈႁၢပ်ႇၵၢၼ် ၼႂ်းၸုမ်းၶွမ်ႊမသျိၼ်ႊၵၢၼ်လိူၵ်ႈတင်ႈမိူင်းႁူမ်ႈတုမ် ၶဝ်ႈႁူမ်ႈၸွမ်းၵႂႃႇ ၼႆယဝ်ႉ။ ၼင်ႇႁိုဝ်...