ပၢင်လိူၵ်ႈတင်ႈဢၼ်သိုၵ်းမၢၼ်ႈယိုတ်းမိူင်း ၶပ်းၶိုင်ၸတ်းပွင်ႁဵတ်းၼႂ်းမိူင်းႁူမ်ႈတုမ် ႁႂ်ႈပဵၼ်တူဝ်ပဵၼ်တိၼ်ႇ ယူႇ ၼႂ်းႁၢင်ပီ 2025 လႄႈ ႁူဝ်ပီ 2026 ၼႆႉ မိၼ်းဢွင်ႇလၢႆႇ ၽူႈၼမ်းၸိၵ်းၸွမ်တပ်ႉသိုၵ်းမၢၼ်ႈ တူၵ်းလူင်း ၵၼ်တင်း ၸွမ်ၸိုင်ႈမိူင်းၶႄႇ  သျီႊၵျိၼ်ႉၽိင်ႊ ယဝ်ႉၵွၼ်ႇၼႆ တူဝ်တႅၼ်းလူင်ပွင်ၸိုင်ႈ မိူင်းၶႄႇ တဵင်ႉသျီႊၵျုၼ်ႊ ပိုတ်ႇပၢၵ်ႇလၢတ်ႈဢွၵ်ႇမႃးဝၢႆးလင်ၸတ်းပၢင်လိူၵ်ႈတင်ႈ ပွၵ်ႈၵမ်း 1 ဢၼ်ယဝ်ႉတူဝ်ႈၵႂႃႇၼၼ်ႉ။ တင်ႈတႄႇၼႂ်းမိူင်းႁူမ်ႈတုမ်...

ပၢင်လိူၵ်ႈတင်ႈ ပွၵ်ႈၵမ်း 2 ဢၼ်သိုၵ်းမၢၼ်ႈယိုတ်းမိူင်း ၸတ်းႁဵတ်းၵႂႃႇဝၼ်းတီႈ 11/1/2026 ၼႆႉ တီႈၼႂ်းၸႄႈဝဵင်းယႂႃႇငၢၼ်ႇ  ၸိုင်ႈတႆးပွတ်းၸၢၼ်း  ပႃႇတီႇထၼူႉ   ဢွင်ႇပေႉ တင်းသၢမ်တီႈ ဝႃႈၼႆ။ ဝဵင်းယႂႃႇငၢၼ်ႇ (ဝၢၼ်ႈငႂ်ႈ)ၼႆႉ ပႃးၼႂ်းပၢင်လိူၵ်ႈတင်ႈၵမ်းထီႉသွင် ။  မီးပႃႇတီႇ 5 ဢၼ်ၶဝ်ႈၶေႉၶဵင်ႇ ၊ ပႃႇတီႇထၼူႉ (DNDP) ၊...

ဝၼ်းပၢင်လိူၵ်ႈတင်ႈၵမ်းထိ 2 ဝၼ်းတီႈ 11/1/2026 ၼၼ်ႉ ၸုမ်းယိပ်းၵွင်ႈၵၢင်ႇၶဝ်ႈပိုတ်းယိုဝ်းလၢႆလၢႆဝဵင်းၼႂ်းမိူင်းမၢၼ်ႈတူင်ႈပဵင်း။ ပၢင်တိုၵ်းၽႅၼ်ယၼ်ႇသိုၵ်း ၼႃႈလိၼ်သိုၵ်းမၢႆ 2 ၼႆသေ ၸုမ်းသိုၵ်းယၢင်းလႄႈ PDF ႁူမ်ႈၵၼ်ပိုတ်းယိုဝ်းသိုၵ်းမၢၼ်ႈ ၼႂ်းတိူင်းပႃႇၵိူဝ် မိူၼ်ၼင်ႇၼႂ်းၸႄႈဝဵင်းၽိဝ်း ၊ ၸႄႈဝဵင်းထၢၼ်းတပိၼ်ႇ၊ ၸႄႈဝဵင်းပွင်းတီႇ လႄႈ မိၼ်းလႃႉ ၸိူဝ်းၼႆႉ ႁဵတ်းႁႂ်ႈ ၽူႈမီးၸၼ်ႉၼႂ်းႁွင်ႈၵၢၼ်ၾၢႆႇၽွင်းငမ်းၵူႈလွင်ႈလွင်ႈ ၵေႃႉၼိုင်ႈ ဢိၵ်ႇ...

ပၢင်လိူၵ်ႈတင်ႈ ပွၵ်ႈၵမ်း 2 ဢၼ်သိုၵ်းမၢၼ်ႈယိုတ်းမိူင်း ၸတ်းႁဵတ်းၵႂႃႇၼႆႉ တီႈၼႂ်းၸႄႈဝဵင်းၵုၼ်ႁဵင် ၸိုင်ႈတႆးပွတ်းၸၢၼ်း  ပႃႇတီႇသိူဝ်ၽိူၵ်ႇ  ဢွင်ႇပေႉ တင်းသၢမ်တီႈ ဝႃႈၼႆ။ ပၢင်လိူၵ်ႈတင်ႈ တွၼ်ႈသွင်ၼႂ်းမိူင်းတႆး 17 ၸႄႈဝဵင်းၼႆ့ ပႃႇတီႇသိူဝ်ၽိူၵ်ႇ ဢွင်ႇပေႉတီႈ မိူင်းတႆး 3 ၸႄႈဝဵင်း ၵုၼ်ႁဵင် ၊ လၢႆးၶႃႈ ၊ မိူင်းၵိုင်...

ပၢင်လိူၵ်ႈတင်ႈ ပွၵ်ႈၵမ်း 2 ဢၼ်သိုၵ်းမၢၼ်ႈယိုတ်းမိူင်း ၸတ်းႁဵတ်းၵႂႃႇၼႆႉ တီႈၼႂ်းၸႄႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်းၼႆႉ ပႃႇတီႇပဢူဝ်း လႆႈၶႅပ်းၵၢင်ၸႂ် ၼမ်လိူဝ်ပိူၼ်ႈသုတ်းသေ ဢွင်ႇပေႉ ဝႃႈၼႆ။ ၵူၼ်းၵႂႃႇတွတ်ႈၶႅပ်းၵၢင်ၸႂ်တီႈဝဵင်းသီႇသႅင်ႇလၢတ်ႈၽူႈတွႆႇႁွၵ်ႈဝႃႈ -“တီႈသီႇသႅင်ၼႆႉ ပဢူဝ်းၵမ်ႈၼမ် ယူႇသဝ်း ၊ မိူဝ်ႈပႃႇတီႇၶဝ်(ပႃႇတီႇပဢူဝ်း ) လူင်းမႃးသူၼ်းတုမ်ၵေႃႈလၢတ်ႈဝႆႉပႃးယူႇဝႃႈ ၶဝ်တေသၢင်ႈပၼ် လွင်ႈငမ်း ယဵၼ်တွၼ်ႈတႃႇ ၵူၼ်းမိူင်း ၊ ႁႂ်ႈၵူၼ်းၸၢဝ်းၶိူဝ်းလဵဝ်ၵၼ်တွတ်ႈပၼ်ၵၼ်ၼႆ...

ဝဵင်းမိူင်းပၼ်ႇ တီႈဢၼ်ပႃႇတီႇသိူဝ်ၽိူၵ်ႇယၢမ်ႈပေႉပၢင်လိူၵ်ႈတင်ႈမႃးၶၢဝ်းတၢင်း 20 ပီၼႆႉ ယၢမ်းလဵဝ် ပႃႇတီႇသၢင်ႇသီႈ ဢွင်ႇပေႉၵႂႃႇ ယွၼ်ႉပိူဝ်ႈၵူၼ်းမိူင်းပိုၼ်ႉတီႈဢမ်ႇမႃးပၼ်သဵင်ၵၢင်ၸႂ်ၼမ် ဝႃႈၼႆ။ ပၢင်လိူၵ်ႈတင်ႈၵမ်းထိ 2 ဢၼ်ၸတ်းႁဵတ်းဝၼ်းမိူဝ်ႈၼႆႉ 11/1/2026 ၼႆႉ တီႈဝဵင်းမိူင်းပၼ်ႇၸိုင်ႈတႆးပွတ်းၸၢၼ်း ပႃႇတီႇသၢင်ႇသီႈ ဢဝ်ၶႅပ်းၵၢင်ၸႂ်လူင်ႈၼႃႈ လုၵ်ႉၼႂ်းတပ်ႉမႃးၼပ်ႉသွၼ်ႇလေႃးသေ ဢွင်ႇပေႉၵႂႃႇဝႃႈၼႆ ။ ၽူႈမီးပုၼ်ႈၽွၼ်းၼႂ်းပႃႇတီႇသိူဝ်ၽိူၵ်ႇ ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ပၢင်လိူၵ်ႈတင်ႈပွၵ်ႈၼႆႉ ၵူၼ်းမိူင်းမႃးပၼ်...

ပၢင်လိူၵ်ႈတင်ႈ ပွၵ်ႈၵမ်း 2 ဢၼ်သိုၵ်းမၢၼ်ႈယိုတ်းမိူင်း ၸတ်းႁဵတ်းၵႂႃႇၼႆႉ ၼႂ်းမိူင်းတႆးပွတ်းဢွၵ်ႇ ပႃႇတီႇသၢင်ႇသီႈ USDP လႆႈၶႅပ်းၵၢင်ၸႂ် ၼမ်လိူဝ်ပိူၼ်ႈသုတ်း ဝႃႈၼႆ။ ၸႄႈဝဵင်းၸိူဝ်းလႆႈၸတ်းႁဵတ်းပၢင်လိူၵ်ႈတင်ႈ ပွၵ်ႈၵမ်း 2 ၼႂ်းမိူင်းတႆးပွတ်းဢွၵ်ႇ ပႃး 6 ၸႄႈဝဵင်း ပဵၼ်ၸႄႈဝဵင်းမိူင်းၶၢၵ်ႇ၊ ၸႄႈဝဵင်းမိူင်းတူၼ်၊ ၸႄႈဝဵင်းမိူင်းၽျၢၵ်ႈ၊ ၸႄႈဝဵင်းမိူင်းပဵင်း၊ ၸႄႈဝဵင်းမိူင်းယွင်း၊ ၸႄႈဝဵင်းမိူင်းယၢင်း ။ ၸၢႆးလိူၼ်ၶမ်း...

မိူဝ်ႈၼႆႉ ဝၼ်းတီႈ 11/01/2026 တႄႇယၢမ်းဢိုတ်းႁူင်းပၼ်သဵင် ဝၢႆးဝၼ်း 4 မူင်း တေႃႇထိုင်ၵၢင်ၶမ်ႈ 9 မူင်း ၽူႈမီးပုၼ်ႈၽွၼ်း ၼႂ်းၶွမ်ႊမသျိၼ်ႊပၢင်လိူၵ်ႈတင်ႈ လႄႈ ၼႂ်းပႃႇတီႇၵၢၼ်မိူင်း တိုၵ်ႉၼပ်ႉဢၢၼ်ႇၶႅပ်းၵၢင်ၸႂ် ႁႂ်ႈယဝ်ႉတူဝ်ႈ ဝႃႈၼႆ။ ႁူင်းပၼ်သဵင် ၸိူဝ်းတင်ႈဝႆႉ ၼႂ်းၸႄႈဝဵင်းၵုၼ်ႁဵင်ၼႆႉ ႁူမ်ႈသဵၼ်ႈ မီးယူႇ 47 တီႈ။ ၼိုင်ႈတီႈလႄႈ...

မိူဝ်ႈၼႆႉဝၼ်းတီႈ 11/1/2026 ဝၼ်းပၢင်လိူၵ်ႈတင်ႈ ၵူၼ်းမိူင်းလွၵ်ႉၸွၵ်ႇ လႄႈ သီႇသႅင်ႇ ၸိူဝ်းၵႂႃႇပၼ်သဵင်ၵၢင်ၸႂ်ၼၼ်ႉ ႁွင်ႈၵၢၼ်ၾၢႆႇၽွင်းငမ်းၵူႈလွင်ႈလွင်ႈမႃး ၸႅၵ်ႇပၼ် ၼမ်ႉလႄႈၶဝ်ႈမုၼ်း တၢင်းၵိၼ်တၢင်းယမ်ႉဝႃႈၼႆ ။ တီႈ ၸႄႈဝဵင်းလွၵ်ႉၸွၵ်ႇၼႆႉ ႁူင်းတွတ်ႈၶႅပ်းၵၢင်ၸႂ်ႁူမ်ႈသဵင်ႈ မီး 85 ဢၼ် ။ ၵူၼ်းၵႂႃႇတွတ်ႈၶႅပ်းၵၢင်ၸႂ်ၼမ်ယူႇဝႃႈၼႆသေတႃႉ- သူၼ်ၸႂ်ပႃးၸႂ်တႄႉဢမ်ႇၸႂ်ႈ။ ၵူၺ်းၵႃႈ ယွၼ်ႉမႆႈၸႂ် ၵူဝ်ဢမ်ႇမီးလွင်ႈႁူမ်ႇလူမ်ႈလႄႈၸင်ႇၵႂႃႇဝႃႈၼႆ ။ ၵူၼ်းၵႂႃႇတွတ်ႈၶႅပ်းၵၢင်ၸႂ်တီႈဝဵင်းလွၵ်ႉၸွၵ်ႇၵေႃႉၼိုင်ႈလၢတ်ႈၽူႈတွႆႇႁွၵ်ႈဝႃႈ...

ဝၼ်းတီႈ 11/01/2026 မိူဝ်ႈၼႆႉ သိုၵ်းမၢၼ်ႈ ၼမ်းၸတ်း ပၢင်လိူၵ်ႈတင်ႈၵမ်းထိသွင် ပွတ်းတၢင်းမိူင်းတူၼ်ၼႆႉ  ႁူင်းတွတ်ႈၶႅပ်းၵၢင်ၸႂ် မီး 58 ႁူင်း ၼႂ်းၼၼ်ႉ မၢင်ႁူင်း ပႃႇတီႇသိူဝ်ၽိူၵ်ႇလႆႈၶႅပ်းၵၢင်ၸႂ်ၼမ် ဝႃႈၼႆ။ ၵူၼ်းမိူင်းတူၼ်ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ႁူင်းတွတ်ႈၶႅပ်းၵၢင်ၸႂ် တီႈသႃလႃးၵၢင်ဝဵင်းၼႆႉတႄႉ ပႃႇတီႇသိူဝ်ၽိူၵ်ႇ လႆႈၼမ်သေပိူၼ်ႈၼႆဢေႃႈ။ ၵူၺ်းၵႃႈ ပေႃးႁူမ်ႈၵၼ် တင်းၸႄႈဝဵင်းမႃးတႄႉ...

ပၢင်လိူၵ်ႈတင်ႈ ဢၼ်သိုၵ်းမၢၼ်ႈယိုတ်းမိူင်းၸတ်းႁဵတ်းတီႈၸႄႈဝဵင်းတၢင်ႉယၢၼ်း မိူင်းတႆးပွတ်းႁွင်ႇၼၼ်ႉ ယဝ်ႉတူဝ်ႈၵႂႃႇယဝ်ႉလႄႈ ၵၢင်ၶမ်ႈမိူဝ်ႈၼႆႉ 11/01/2026 ၽူႈမီးပုၼ်ႈၽွၼ်း ၼႂ်းပႃႇတီႇ လႄႈ ၸိူဝ်းယူႇတႂ်ႈ ဢၢမ်းၼၢတ်ႈသိုၵ်းမၢၼ်ႈၶဝ် တိုၵ်ႉၼပ်ႉဢၢၼ်ႇဝႆႉ ယၢမ်းလဵဝ် လႆႈႁူႉၶေႃႈတွပ်ႇၵႂႃႇ ၶိုင်ႈၼိုင်ႈယဝ်ႉ ဝႃႈၼႆ။ ၼၢင်းသူၺ်ႇဢိင်ႇ ၼေႃႇၽွင်းတႅၼ်းသၽႃးၵူၼ်းမိူင်း ပႃႇတီႇသိူဝ်ၽိူၵ်ႇ လၢတ်ႈၼႄတီႈ ၽူႈတွႆႇႁွၵ်ႈဝႃႈ “မိူဝ်ႈလဵဝ်ၸွမ်းၼင်ႇလႆႈႁူႉၶေႃႈတွပ်ႇမၼ်းဝႆႉတႄႉ ပႃႇတီႇသၢင်ႇသီႈၼႆႉ ...

ပၢင်လိူၵ်ႈတင်ႈ တီႈဝဵင်းမိူင်းၵိုင်ၸိုင်ႈတႆးပွတ်းၸၢၼ်း ၼႂ်းဝၼ်းတီႈ 11/1/2026 ၼႆႉ မီးပႃႇတီႇသၢင်ႇသီႈလႄႈ ပႃႇတီႇသိူဝ်ၽိူၵ်ႇ ၶေႉၵၼ် တေႃႇထိုင်ယၢမ်းၵၢင်ၶမ်ႈ 8 မူင်းၼႆႉ ႁူဝ်ၼပ်ႉၶႅပ်းၵၢင်ၸႂ်ပႃႇတီႇသိူဝ်ၽိူၵ်ႇ ၼမ်းၼႃႈဝႆႉဝႃႈၼႆၵေႃႈ ၽွင်းဢၢၼ်ႇၶႅပ်းမႄးၼၼ်ႉ ၶွမ်ႊမသျိၼ်ႊၸႄႈဝဵင်းဢမ်ႇပၼ်ၼေႃႇၽွင်းတႅၼ်းၶဝ်ၶဝ်ႈတူၺ်းၸွမ်း ဝႃႈၼႆ။ တီႈဝဵင်းမိူင်းၵိုင်ၼႆႉ ႁူင်းတွတ်ႈၶႅပ်းၵၢင်ၸႂ် မီး 35 ႁူင်း။ တေႃႇထိုင်ယၢမ်း 8 မူင်းၼႆႉ ၶႅပ်းၵၢင်ၸႂ်ဢၼ်ၵူၼ်းမိူင်းမႃးပၼ်ၼၼ်ႉႁုပ်ႈလႆႈယဝ်ႉတႃႇ...

ပၢင်လိူၵ်ႈတင်ႈ ပွၵ်ႈၵမ်း 2 ဢၼ်ၸတ်းႁဵတ်းယဝ်ႉတူဝ်ႈၵႂႃႇ 11/1/2026 ယၢမ်းတၢမ်းၶမ်ႈ 4 မူင်းၼႆႉၼၼ်ႉ ယၢမ်းလဵဝ် ယၢမ်းၵၢင်ၶမ်ႈ 8 မူင်း ၽူႈမီးပုၼ်ႈၽွၼ်းၶဝ် တိုၵ်ႉၼပ်ႉသွၼ်ႇၶႅပ်းၵၢင်ၸႂ် တႃႇႁုပ်ႈၶေႃႈတွပ်ႇဝႆႉယူႇ ၵူၺ်းၵႃႈလႆႈႁၼ်ၶႅပ်းၵၢင်ၸႂ်ပႃႇတီႇသိူဝ်ၽိူၵ်ႇ ၼမ်းၼႃႈဝႆႉဝႃႈၼႆ။ တီႈၸႄႈဝဵင်းလၢႆးၶႃႈတႄႉ ႁူင်းပၼ်သဵင် မီးယူႇ 33 တီႈသေ ပႃႇတီႇသိူဝ်ၽိူၵ်ႇ လႆႈၶႅပ်းၵၢင်ၸႂ်ၼမ်လိူဝ်ပႃႇတီႇ တၢင်ႇၸုမ်းဝႆႉ...

မိူဝ်ႈၼႆႉ ဝၼ်းတီႈ 11/1/2026  ဝၼ်းပၢင်လိူၵ်ႈတင်ႈတီႈဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်းၼၼ်ႉ မီးၵူၼ်းၵမ်ႉထႅမ်ပႃႇတီႇသၢင်ႇသီႈ လွၵ်ႇငိုတ်ႈၵူၼ်းဝၢၼ်ႈဝႃႈ ၽႂ်ႇဢမ်ႇသႂ်ႇၶႅပ်းၵၢင်ၸႂ် တေလၢတ်ႈႁႂ်ႈသိုၵ်းမၢၼ်ႈတီႉၺွပ်း ဝႃႈၼႆ ။ ၵူၼ်းၵႂႃႇတွတ်ႈၶႅပ်းၵၢင်ၸႂ်တီႈဝဵင်းယႂႃႇငၢၼ်ႇ လၢတ်ႈၽူႈတွႆႇႁွၵ်ႈဝႃႈ -“ ၵူၼ်းတီႈႁိူၼ်းၼႆႉ ၵႂႃႇသႂ်ႇၶႅပ်းၵၢင်ၸႂ်ၵၼ်မူတ်း ၊ ၵူၼ်းပၼ်ႁႅင်းသိုၵ်းမၢၼ်ႈလၢတ်ႈဝႃႈ ႁိူၼ်းလႂ် ၽႂ်ဢမ်ႇၵႂႃႇသႂ်ႇၶႅပ်းၵၢင်ၸႂ် တေဢဝ်သဵၼ်ႈမၢႆဝႆႉသေ တေၵႂႃႇလၢတ်ႈၼႄႇသိုၵ်းမၢၼ်ႈ ၊ ႁႂ်ႈသိုၵ်းမၢၼ်ႈမႃးတီႉၼႆ ယွၼ်ႉၼၼ်ၵူၼ်းၼႂ်းဝၢၼ်ႈၵေႃႈၵူဝ်ႇသေ...

မိူဝ်ႈၼႆႉ ဝၼ်းတီႈ 11/01/2025 တႄႇဢဝ် 6 မူင်းၵၢင်ၼႂ် ႁူင်းပၼ်သဵင် ပိုတ်ႇပၼ်ၵူၼ်းမိူင်းၵႂႃႇတွတ်ႈသေတႃႉ ပွတ်းဢွၵ်ႇၶူင်းတႄႉ ဢမ်ႇပေႃးမီးၽႂ်တူင်ႉတိုၼ်ႇၵႃႈႁိုဝ် ၼႆ ၵူၼ်းပိုၼ်ႉတီႈ ဢွၼ်ၵၼ်လၢတ်ႈၼင်ႇၼႆ။ မိူၼ်ၼင်ႇ တီႈဝဵင်းမိူင်းတူၼ်ၼႆႉ ၵူၼ်းသူၼ်ၸႂ်မၼ်းၵေႃႈ ဢေႇ ၊ ၵူၼ်းၵႂႃႇတွတ်ႈမၼ်းၵေႃႈဢေႇ ။ ဢေႇလိူဝ်ပၢင်လိူၵ်ႈတင်ႈ ဢၼ်ယၢမ်ႈၸတ်းမႃး ။ ၵမ်ႈၼမ် ဢမ်ႇဝႄႈယၢင်ႇလႆႈလႄႈ...