ၸုမ်းၵူၼ်းၼုမ်ႇတႆး “တီႇတၢင်း (ตี่ตาง)” ဢၼ်ၸွႆႈထႅမ် တႃႇၵႄႈလိတ်ႈပၼ်ႁႃလွင်ႈဝတ်းဝႂ်ၼႂ်းမိူင်းထႆး လႆႈႁဵတ်းလိၵ်ႈယိုၼ်ႈယွၼ်းၸူးၸုမ်းသုၼ်ႇလႆႈၵူၼ်း တႃႇၸွႆႈၵႄႈလိတ်ႈလွင်ႈ “ၵူၼ်းၸိူဝ်းယိပ်းဝတ်းဝႂ်သႅၼ်း ၵူၼ်းဢမ်ႇမီးမိူင်း stateless persons ၼႂ်းမိူင်းထႆး ထုၵ်ႇႁၢမ်ႈသိုဝ်ႉ/ၵႄႈၶေႃႈမုလ်း မၢႆၾူၼ်း(သိမ်ႊၵၢတ်ႉ) မိူင်းထႆး”။ လိၵ်ႈၽိုၼ်ၼႆႉ ၸုမ်း“တီႇတၢင်း” လႆႈယိုၼ်ႈလိၵ်ႈ ထိုင်တီႈ ၶုၼ်ႊၵိတ်ႊတိၽွၼ်ႊ ပုၼ်ႊဢမ်ႊ ၸုမ်းသုၼ်ႇလႆႈၵူၼ်းၼႂ်းမိူင်းထႆး ၸဵမ်မိူဝ်ႈဝၼ်းတီႈ 28 လိူၼ်ဢွၵ်ႉထူဝ်ႊပိူဝ်ႊ။...

ဝၼ်းတီႈ 22/10/2025 ၼႆႉ ၸဝ်ႈၼႃႈတီႈထႆး လႆႈငိူၼ်ႈၶၢဝ်ႇသေ လူင်းပိုၼ်ႉတီႈၵူတ်ႇထတ်း  ၼႂ်းဢိူင်ႇမႄႈႁႄႇ ဝဵင်းၵဵင်းမႂ်ႇ ၸိုင်ႈထႆး ၊ တီႉၺွပ်းႁႅင်းၵၢၼ် ၵူၼ်းမိူင်းႁူမ်ႈတုမ်မၢၼ်ႈၵေႃႉၼိုင်ႈ ဢၼ်ႁဵတ်းၵၢၼ် ၼႂ်းႁၢၼ်ႉယွမ်ႉၵၢပ်ႇၼဵပ်ႉမိုဝ်း ။ ၸွမ်းၼင်ႇ Chiangmai Immigration ႁၢႆးငၢၼ်းဝႆႉတႄႉ  ႁႅင်းၵၢၼ်ၵေႃႉၼႆႉ-   ၶဝ်ႈႁဵတ်းၵၢၼ်သႅၼ်းဢၼ်ၸိုင်ႈထႆးႁၢမ်ႈဝႆႉ။  ႁဵတ်းၵၢၼ်ဢမ်ႇထုၵ်ႇမႅၼ်ႈတီႈမၼ်း။ ၼႂ်းဝႂ်ႁဵတ်းၵၢၼ်ၼၼ်ႉ ၸိုဝ်ႈပေႃႈလဵင်ႉၼၢႆးၸၢင်ႈပဵၼ်ၵေႃႉၼိုင်ႈ ၊...

ၸဵမ်မိူဝ်ႈလၢႆသိပ်းပီ ပူၼ်ႉမႃးၵေႃႈ မိူင်းထႆးၼႆႉ လီဢိၵ်ႇၸႃႉ ၶဝ်ႈၸိုဝ်ႈဝႃႈ ပဵၼ်မိူင်းဢၼ် ၵူၼ်းမိူင်းႁူမ်ႈတုမ်မၢၼ်ႈ လႆႈၸႂ်ယႂ်ႇ လႆႈပိုင်ႈဢိင်မႃးတႄႉတႄႉ ။ ၶၢဝ်းၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇယိုတ်းမိူင်းမႃး ၶၢဝ်းတၢင်း 4 ပီ ၸမ် 5 ပီၼႆႉၵေႃႈ ၵူၼ်းမိူင်းႁူမ်ႈတုမ်လႆႈပၢႆႈၽေး ၶဝ်ႈသွၼ်ႈမိူင်းထႆးမီးတၢင်းၼမ် ။ ၸင်ႇၼၼ်လႄႈ လူင်ပွင်ၸိုင်ႈထႆးၵေႃႈ ၵႃႈလႆႈဝူၼ်ႉသွၼ်ႇ ၸတ်းပွင်ပႃးလွင်ႈၵူၼ်းပၢႆႈၽေးမိူင်းမၢၼ်ႈ...

မိူဝ်ႈဝၼ်းတီႈ 2/10/2025 ၶွင်ႇသီႇဢဝ်ၶိုၼ်းၸိုင်ႈတႆး RCSS ဢွၵ်ႇလိၵ်ႈပိုၼ်ၽၢဝ်ႇပဵၼ်တၢင်းၵၢၼ် တိုၵ်းသူၼ်းထိုင် ၼုမ်ႇႁၢႆးၸၢႆးယိင်းတႆး ၸိူဝ်းမီးယူႇၼႂ်းမိူင်းထႆး ႁဵတ်းႁႃၵိၼ်လဵင်ႉတွင်ႉယူႇၼၼ်ႉ ႁႂ်ႈမေႃယူႇၸွမ်းပၵ်းပိူင်မိူင်းထႆး လႄႈ ႁၵ်ႉသႃၼပ်ႉယမ် ၸဝ်ႈမုၼ်ယႂ်ႇၶုၼ်ႁေႃၶမ်းထႆး ဝႃႈၼႆ။ ၼႂ်းလိၵ်ႈပိုၼ်ၽၢဝ်ႇၼၼ်ႉ ပိူင်းၸႅင်ႈၼႄဝႆႉဝႃႈ “ၶွင်ႇသီႇဢဝ်ၶိုၼ်းၸိုင်ႈတႆး သၢၼ်ၶတ်း လွင်ႈၵူၼ်းၼုမ်ႇတႆးၵမ်ႈၽွင်ႈ ၵိူတ်ႇမိူင်းထႆး သေ ၶွတ်ႇၽွတ်ႈပဵၼ်ၵိူင်းပဵၼ်ၸုမ်း။ ၶဝ်ၼင်ႇၵၼ်ၽိတ်းမေႃး ပေႃႉထုပ်ႉၵၼ် တီႈၼႂ်းဝဵင်းလူင်...

တႄႇဢဝ်ဝၼ်းတီႈ 1 လိူၼ်ဢွၵ်ႊထူဝ်ႊပိူဝ်ႊ ပီ 2025 ၼႆႉၵႂႃႇ ႁႅင်းၵၢၼ်ၵူၼ်းပၢႆးၽေးမိူင်းမၢၼ်ႈ ၸိူဝ်းယူႇဝႆႉ တီႈပၢင်သဝ်းၵူၼ်းပၢႆႈၽေး 9တီႈ ၸွမ်းလႅၼ်လိၼ် မိူင်းမၢၼ်ႈ - မိူင်းထႆးၼၼ်ႉ မီးသုၼ်ႇဢွၵ်ႇၼွၵ်ႈပၢင်သဝ်းသေ ႁဵတ်းၵၢၼ်လႆႈ ၶၢဝ်းတၢင်း 1 ပီတဵမ်တဵမ်ယဝ်ႉၼႆ - ၶၢဝ်ႇထႆး Thai PBS World...

ၸွမ်းၼင်ႇ ပဵၼ်ၵူၼ်းမႃးၼိုင်ႈၵေႃႉ ၵိူတ်ႇမႃးၼႂ်းမိူင်းလႂ်ၵေႃႈယဝ်ႉ တီႈဢေႇသုတ်းမၼ်း တၵ်းလႆႈမီးသုၼ်ႇလိပ်းၶီးမီးၸႂ်လႄႈ သုၼ်ႇတႅပ်းတတ်းႁင်းၶေႃ။ ၵူၺ်းၵႃႈ ပေႃးမိူၼ်ၵူၼ်းမိူင်းတႆး ပႃးၸဵမ်ၵူၼ်းၼႂ်းမိူင်းႁူမ်ႈတုမ်မၢၼ်ႈပတ်းပိုၼ်ႉတႄႉ ပဵၼ်ၵူၼ်းမီးမိူင်းသေတႃႉ ဢမ်ႇၸႂ်ႈၵူၼ်းမီးသုၼ်ႇတဵမ်ထူၼ်ႈ။ တေႃႈၼင်ႇ ပပ်ႉၶၢမ်ႈမိူင်း ၽၢတ်ႉသ်ပွတ်ႇ ဢၼ်မိူင်းပိူၼ်ႈ တိုတ်ႉႁႂ်ႈမီးၽွၼ်းလီတႃႇၵူၼ်းမိူင်းယူႇၼၼ်ႉ မိူင်းမၢၼ်ႈသမ်ႉ ဢဝ်ႁဵတ်းပဵၼ်ၶိူင်ႈမိုဝ်း တႃႇၵမ်ၵိၼ်းၵူၼ်းမိူင်းၶိုၼ်း။ မိူဝ်ႈလဵဝ် ဢၼ်လိုဝ်းၵၼ်ယူႇၵေႃႈ ႁႅင်းၵၢၼ်ယၢၼ်မိူင်းၸိူဝ်းယိပ်းပပ်ႉၶဵဝ် CI သေ ၸိူဝ်းလႅၵ်ႈပဵၼ် ပပ်ႉလႅင်...

ႁႅင်းၵၢၼ်မိူင်းမၢၼ်ႈ ၸိူဝ်းႁဵတ်းၵၢၼ်ဝႆႉ ၼႂ်းမိူင်းၶူဝ်ႊရီႊယိူဝ်ႊၸၢၼ်း တိတ်းၸပ်းၸိူဝ်ႉမႅင်းတၢင်းပဵၼ် HIV ဝႆႉ 15 ၵေႃႉ ဝႃႈၼႆ။ ၵဵဝ်ႇလူၺ်ႈငဝ်းလၢႆး ၵၢၼ်ၵူတ်ႇထတ်းၵူၼ်းတိတ်းၸပ်း ၸိူဝ်ႉမႅင်းတၢင်း ပဵၼ် HIV တီႈၼႂ်းမိူင်းသေ ၼႂ်းဝၼ်းတီႈ 23 လိူၼ်သႅပ်ႊထႅမ်ႊပိူဝ်ႊၼႆႉ ႁွင်ႈၵၢၼ်ၽွင်းလူင်ၾၢႆႇပၢႆးယူႇလီ မိူင်းၶူဝ်ႊရီႊယိူဝ်ႊၸၢၼ်း လႆႈၵဵပ်းၶေႃႈမုလ်း ယိုၼ်ႈတၢင်ႇၼႄတီႈ ၼႂ်းသၽႃး၊ ၼႂ်းသဵၼ်ႈမၢႆၼၼ်ႉ ပႃးႁႅင်းၵၢၼ်ၵူၼ်းမိူင်းမၢၼ်ႈ...

ၵၢင်လိူၼ်သႅပ်ႉထႅမ်ႊပိူဝ်ႊၼႆႉ ၵူၼ်းၼုမ်ႇၸုမ်းၼိုင်ႈ ႁဵတ်းႁၢႆႉ ၽၼ်းၼၢင်းယိင်းဢွၼ်ႇၵေႃႉၼိုင်ႈ ထိုင်တီႈမိုဝ်းပုတ်းမၢတ်ႇၸဵပ်း ၼႂ်းဝဵင်းၵဵင်းမႂ်ႇ မိူင်းထႆး။ ယွၼ်ႉပိူဝ်ႈၼၼ်ႉသေ တႄႇဢဝ်ဝၼ်းတီႈ 18 တေႃႇထိုင် 24/09/2025 ၶၢဝ်းတၢင်းဝူင်ႈလဵဝ် ၸဝ်ႈၼႃႈတီႈထႆးထႅမ်ႁႅင်း ၵူတ်ႇထတ်း ၼႂ်းဝဵင်းၵဵင်းမႂ်ႇ၊ လမ်းပုၼ်းသေ တီႉၺွပ်းႁႅင်းၵၢၼ်ၵူၼ်းၼွၵ်ႈမိူင်း 200 ပၢႆ၊ ၼႂ်းၼၼ်ႉပႃး ႁႅင်းၵၢၼ်ၵူၼ်းမိူင်းမၢၼ်ႈ 150 ပၢႆ။ ၵမ်ႈၼမ် ပဵၼ်ႁႅင်းၵၢၼ်ယၢၼ်မိူင်း...

ဝၼ်းတီႈ 25/09/2025 ႁႅင်းၵၢၼ်ယၢၼ်မိူင်း ၵူၼ်းမိူင်းမၢၼ်ႈ မႄႈမၢၼ်းတွင်ႉၵႄႇၵေႃႉၼိုင်ႈ တွင်ႉၸဵပ်းတေၵိူတ်ႇလုၵ်ႈ လႄႈ ၸၢင်ႈရူတ်ႉႁပ်ႉၸၢင်ႈ ထႅၵ်ႊသီႊ ၵႂႃႇသူင်ႇႁူင်းယႃ ဝၶျီႊရၽယႃႊပၢၼ်ႊ (တီႈဢၼ်မီးသဵၼ်ႈတၢင်းလူမ်ႇလူင်းပဵၼ်လုမ်လိုၵ်ႉ 50 မီႊတႃႊ) ။ ၽွင်းထိုင်ၵၢင်တၢင်းၼၼ်ႉ မႄႈမၢၼ်းတွင်ႉၸဵပ်းၼႃႇယိူၼ်ႉဢမ်ႇလႆႈလႄႈ ၸဝ်ႈရူတ်ႉၸင်ႇတိတ်းတေႃႇပလိၵ်ႈ သၢမ်သဵၼ် ၶူင်းၵၢၼ်ၸွႆႈၵိူတ်ႇလုၵ်ႈ(ၶူင်းၵၢၼ်ၸဝ်ႈမုၼ်ယႂ်ႇၶုၼ်ႁေႃၶမ်းထႆးၵမ်ႉၸွႆႈဝႆႉ) ၼၼ်ႉမႃးၸွႆႈၵိူတ်ႇလဵင်ႉလုၵ်ႈပၼ် တီႈႁိမ်း ယႅၵ်ႈၵၢၼ်ႁိူၼ်း ဝဵင်းလူင်ၵုင်းထဵပ်ႈ။ ပဵၼ်လုၵ်ႈယိင်း...

ဝၼ်းတီႈ 22/09/2025 ယၢမ်းၵၢင်ၼႂ်ၸဝ်ႉမွၵ်ႈ 5 မူင်းၶိုင်ႈ ရူတ်ႉၵႃးတၢင်ႇႁႅင်းၵၢၼ်ၵူၼ်းမိူင်းမၢၼ်ႈ လမ်းၼိုင်ႈ ပိၼ်ႈၶွမ်ႈတီႈၼိူဝ်သဵၼ်ႈတၢင်းလူင်မၢႆ 3111 ပထုမ်ႊထႃႊၼီႊ တီႈၸႄႈတွၼ်ႈပထုမ်ႊထႃႊၼီႊ မိူင်းထႆး ႁႅင်းၵၢၼ်ယၢၼ်မိူင်းတၢႆ 2 ၵေႃႉ။ ပလိၵ်ႈထႆးပိုၼ်ၽၢဝ်ႇသပ်းၸႅင်ႈဝႃႈ ၵူၼ်းၶပ်းရူတ်ႉငဝ်လပ်းလႄႈ ႁဵတ်းႁႂ်ႈရူတ်ႉၵႃးၽႃႇၺႃးႁူဝ်ႉဢုတ်ႇ ဢၼ်ၶႅၼ်ႈဝႆႉၵၢင်သဵၼ်ႈတၢင်းလူင်သေ ၵႃးပိၼ်ႈ၊ ၵူၼ်းၶီႇမႃးၸွမ်းၼႂ်းရူတ်ႉၵႃးၼၼ်ႉ တၢႆ 2 ၵေႃႉ မၢတ်ႇၸဵပ်း...

ငဝ်းလၢႆးဝၢၼ်ႈမိူင်းပႆႇၼိမ်လႄႈ ၵူၼ်းၼႂ်းမိူင်းတႆး ၸိူဝ်းပၢႆႈသွၼ်ႈယူႇမိူင်းထႆးပႆႇၸၢင်ႈပွၵ်ႈၶိုၼ်းႁိူၼ်း ။ မၢင်ၸိူဝ်း ပွၵ်ႈၶိုၼ်းယဝ်ႉသေတႃႉ ဢမ်ႇၸၢင်ႈႁဵတ်းၵၢၼ် ငိုၼ်းၶဝ်ႈဢမ်ႇမီးလႄႈ ၵႃႈလႆႈသွင်ႉပၢႆႈမိူင်းထႆးၶိုၼ်းၵေႃႈမီး ။ တႃႇယူႇလွတ်ႈလႆႈၼႂ်းမိူင်းထႆးၼၼ်ႉၵေႃႈ သမ်ႉလႆႈသႂ်ႇၸႂ်ပႂ်ႉတူၺ်းလွင်ႈဝတ်းဝႂ်ယူႇသေႇသေႇ ။ လူင်ပွင်ၸိုင်ႈထႆး ပိုၼ်ၽၢဝ်ႇလၢတ်ႈဝႆႉဝႃႈ ပေႃးၽႂ်ဢမ်ႇတေႃႇဝတ်းဝႂ်ၸွမ်းၼင်ႇ ၶၢဝ်းတၢင်းဢၼ်မၵ်းမၼ်ႈဝႆႉ တေၺႃးတၢမ်ႇသေဢမ်ႇၵႃး တေသူင်ႇပွၵ်ႈၶိုၼ်းမိူင်းၽႂ်မၼ်းဝႃႈၼႆဝႆႉ ။ သင်ဢမ်ႇမီးဝတ်းဝႂ်ၸိုင် လိူဝ်သေၺႃးတၢမ်ႇယဝ်ႉ ၸၢင်ႈၺႃးၽွၼ်းယွၼ်ႈမၼ်းထႅင်ႈလၢႆလွင်ႈလႄႈ ၵိုင်ႇလီသႂ်ႇၸႂ်ဝႆႉၼၵ်းတေႉတေႉ...

ဝၼ်းတီႈ 02/09/2025 ယၢမ်းၵၢင်ၶမ်ႈ ႁွင်ႈၵၢၼ် ၾၢႆႇၵူတ်ႇထတ်းၵူၼ်းၶဝ်ႈဢွၵ်ႇမိူင်း (JIM) မိူင်းမလေးသျႃး တီႉၺွပ်းႁႅင်းၵၢၼ်ယၢၼ်မိူင်း ၸိူဝ်းဢမ်ႇမီးဝတ်းဝႂ် 770 ၵေႃႉ တီႈ Bukit Bintang ဝဵင်းၵူဝ်ႊလူဝ်ႊလမ်ႊပူဝ်ႊ ၼႂ်းၼၼ်ႉ ပႃးၵူၼ်းမိူင်းမၢၼ်ႈ 235 ၵေႃႉ ဝႃႈၼႆ။ ႁွင်ႈၵၢၼ် ၾၢႆႇၵူတ်ႇထတ်းၵူၼ်းၶဝ်ႈဢွၵ်ႇမိူင်း မိူင်းမလေးသျႃး ပိုၼ်ၽၢဝ်ႇဝႆႉဝႃႈ -...

ပေႃးထိုင်ၶၢဝ်းၾႃႉၶၢဝ်းၾူၼ်မႃး ၵူၼ်းမိူင်းၵူဝ်သုတ်းၼႆႉပဵၼ်လွင်ႈလူမ်းလႅင်ႉ ၼမ်ႉၼွင်းၼမ်ႉထူမ်ႈ။ ပီႈၼိုင်ႈ ယဝ်ႉ ပီၼိုင်ႈ ၽေးသၽႃႇဝၼႆႉႁၢႆႉႁႅင်းမႃးတိၵ်းတိၵ်း။  ၵမ်ႉဝႃႈ လူမ်းလႅင်ႉ ၶႃႊၵျိၵိ (KAJIKI) ဝႃႇ ၵမ်ႉဝႃႈ လူမ်းလႅင်ႉၼွင်ၾႃႉ ဝႃႇ  ပဵၼ်ၸိုဝ်ႈလူမ်းလႅင်ႉဢၼ် ၵူၼ်းမိူင်းတႆးဢမ်ႇတွၼ်ႉငိၼ်းတွၼ်ႉၾၢင်ႉသေပွၵ်ႈ ။ ၵူၺ်းၵႃႈ ပေႃးၶဝ်ႈၸိုဝ်ႈဝႃႈ ပဵၼ်လူမ်းလႅင်ႉၼႆတႄႉ ဢၼ်လႂ်ၵေႃႈ တိုၼ်းၸၢင်ႈပဵၼ်ၽေးတေႃႇသၢႆၸႂ်ၼႆ ၵမ်ႈၽွင်ႈၵေႃႈ...

ဝၼ်းတီႈ 29/08/2025 ယၢမ်းၵၢင်ၼႂ်ၸဝ်ႉ 3 မူင်း 20 မိၼိတ်ႉ ၵူၼ်းၼုမ်ႇတႆးၸုမ်းၼိုင်ႈ (မီး 6 ၵေႃႉ) လမ်းၽၼ်းၵူၼ်းၼုမ်ႇထႆး (မီး 6 ၵေႃႉၼင်ႇၵၼ်) မၢတ်ႇၸဵပ်းႁႅင်းၵေႃႉၼိုင်ႈ ပလိၵ်ႈထႆးလမ်းတီႉ ၵူၼ်းၼုမ်ႇတႆးလႆႈဝႆႉ 5 ၵေႃႉ၊ တႃႇၵေႃႉၼိုင်ႈ တိုၵ်ႉပၢႆႈလွတ်ႈဝႆႉ။ ဝၼ်းၼၼ်ႉယၢမ်းၵၢင်ၼႂ်ၸဝ်ႉ 3 မူင်းၶိုင်ႈ...

သိုၵ်းမၢၼ်ႈယိုတ်းမိူင်းသေ ဝၢၼ်ႈမိူင်းသုၵ်ႉယုင်ႈဢူၼ်ၵဝ်း၊ ၸုမ်းသိုၵ်းၼႂ်းမိူင်းၼင်ႇၵၼ် ႁိမ်ၸိင်းဢွင်ႈတီႈၵၼ် ၸုမ်းလႂ်ၵေႃႈၶႂ်ႈမီးဢႃႇၼႃႇယႂ်ႇလူင်သေဢဝ်ပေႉပုၼ်ႈၵဝ်ပုၼ်ႈမႂ်း။ ၵူၼ်းမိူင်းတႄႉ တေယူႇၵေႃႈၵူဝ် တေပၢႆႈသမ်ႉဢမ်ႇလွတ်ႈတုၵ်ႉ။ မိူၼ်ၼင်ႇ ၵူၼ်းမိူင်းတႆးပွတ်းႁွင်ႇၼႆႉ ၸဵမ်မိူဝ်ႈၽႅၼ်ယၼ်ႇသိုၵ်း 1027 တႄႇၼၼ်ႉသေ ၵူၼ်းမိူင်းၵမ်ႈၼမ် ႁိူၼ်းဢမ်ႇလႆႈယူႇ ၵူႇဢမ်ႇလႆႈၼွၼ်း ၵုမ်ႇလႆႈပၢႆႈၽေးသိုၵ်းၵူၺ်း။ ၵၢၼ်ႁႃၵိၼ်လဵင်ႉတွင်ႉၵေႃႈ ဢမ်ႇၸၢင်ႈႁဵတ်းႁႃသင်လႄႈ ၸိူဝ်းပၢႆႈသွၼ်ႈယူႇၼႂ်းမိူင်းၶႄႇၵေႃႈ မီးတင်းၼမ်။ ၵူၼ်းၸိူဝ်းႁွတ်ႈ မိူင်းၶႄႇၵေႃႈ ဢမ်ႇလွတ်ႈတၢင်းမႆႈၸႂ်။ တႃႇတေယူႇလွတ်ႈလႆႈၵႂႃႇၵူႈဝၼ်းဝၼ်းၵေႃႈ...