မိူဝ်ႈဝၼ်းတီႈ 2/10/2025 ၶွင်ႇသီႇဢဝ်ၶိုၼ်းၸိုင်ႈတႆး RCSS ဢွၵ်ႇလိၵ်ႈပိုၼ်ၽၢဝ်ႇပဵၼ်တၢင်းၵၢၼ် တိုၵ်းသူၼ်းထိုင် ၼုမ်ႇႁၢႆးၸၢႆးယိင်းတႆး ၸိူဝ်းမီးယူႇၼႂ်းမိူင်းထႆး ႁဵတ်းႁႃၵိၼ်လဵင်ႉတွင်ႉယူႇၼၼ်ႉ ႁႂ်ႈမေႃယူႇၸွမ်းပၵ်းပိူင်မိူင်းထႆး လႄႈ ႁၵ်ႉသႃၼပ်ႉယမ် ၸဝ်ႈမုၼ်ယႂ်ႇၶုၼ်ႁေႃၶမ်းထႆး ဝႃႈၼႆ။
ၼႂ်းလိၵ်ႈပိုၼ်ၽၢဝ်ႇၼၼ်ႉ ပိူင်းၸႅင်ႈၼႄဝႆႉဝႃႈ “ၶွင်ႇသီႇဢဝ်ၶိုၼ်းၸိုင်ႈတႆး သၢၼ်ၶတ်း လွင်ႈၵူၼ်းၼုမ်ႇတႆးၵမ်ႈၽွင်ႈ ၵိူတ်ႇမိူင်းထႆး သေ ၶွတ်ႇၽွတ်ႈပဵၼ်ၵိူင်းပဵၼ်ၸုမ်း။ ၶဝ်ၼင်ႇၵၼ်ၽိတ်းမေႃး ပေႃႉထုပ်ႉၵၼ် တီႈၼႂ်းဝဵင်းလူင် မိူင်းထႆး၊ ပူၼ်ႉပႅၼ်မၢႆမီႈမိူင်းထႆး” ၸဵမ်ၸိူဝ်းၼႆႉ။
ၼႂ်းပီ 2025 ၼႆႉ ၼုမ်ႇၸၢႆးတႆးၵမ်ႈၽွင်ႈ ၸိူဝ်းႁဵတ်းၵၢၼ်ႁႃၵိၼ်လဵင်ႉတွင်ႉ မီးယူႇၼႂ်းမိူင်းထႆး ၶွတ်ႇၽွတ်ႈပဵၼ်ၵိူင်းပဵၼ်ၸုမ်းသေ ၽိတ်းမေႃးပေႃႉထုပ်ႉၵၼ်၊ ၽၼ်းၵၼ်၊ ႁဵတ်းၵၢၼ်ႁုၵ်းႁၢႆႉတေႃႇ ၵူၼ်းမိူင်းထႆး ၼမ်ၶိုၼ်ႈမႃးႁႅင်းလိူဝ်ၵဝ်ႇ။ လွင်ႈၼႆႉႁဵတ်းႁႂ်ႈတုမ်ႉ တိူဝ်ႉ ႁၼ်ၽိတ်း ထၢင်ႇလဵၵ်ႉၼိူဝ်ၵူၼ်းၶိူဝ်းတႆး ၸိူဝ်းယူႇၼႂ်းမိူင်းထႆး။
ဝၢႆးလင်ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇယိုတ်းမိူင်းယဝ်ႉသေ ပဵၼ်ပၢင်တိုၵ်းၵၼ်တင်း ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ၼႂ်းမိူင်းႁူမ်ႈ တုမ်လၢႆလၢႆၸုမ်းလႄႈ ၵူၼ်းမိူင်းတႆး ၼပ်ႉႁူဝ်မိုၼ်ႇ ႁူဝ်သႅၼ် လႆႈပၢႆႈဢွၵ်ႇယၢၼ်ႁိူၼ်းယေးသေ ႁႃသဵၼ်ႈတၢင်းၶဝ်ႈထိုင်ၼႂ်းမိူင်းထႆး ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ