ႁႅင်းၵၢၼ်မိူင်းႁူမ်ႈတုမ် ၼပ်ႉႁဵင် ၸိူဝ်းၺႃးလူင်ပွင်ၸိုင်ႈၶႄႇ သူင်ႇပွၵ်ႈမႃး တၢင်းမိူင်းလႃး ၼၼ်ႉ ၸုမ်းမိူင်းလႃး ၵုမ်းၵမ်ၸွႆႈထတ်းပႂ်ႉတူၺ်းပၢႆးယူႇလီ 21 ဝၼ်းသေ သူင်ႇတူဝ်မွပ်ႈပၼ် လူင်ပွင်ၸိုင်ႈ မိူင်းတႆး ႁပ်ႉပုၼ်ႈၽွၼ်းသူင်ႇၶဝ်ႈ ပွၵ်ႈထိုင်ႁိူၼ်းယေးလႆႈလီငၢမ်း။ တင်ႈဢဝ်လိူၼ် ဢေႊပရိူဝ်ႊမႃး တေႃႇထိုင်ဝၼ်းမိူဝ်ႈၼႆႉ ၸုမ်းမိူင်းလႃး ႁပ်ႉဢဝ် ႁႅင်းၵၢၼ်မိူင်းမၢၼ်ႈ ၼပ်ႉႁူဝ်ႁဵင် ထတ်းပၢႆးယူႇလီ ပႂ်ႉတူၺ်း 21...

ၸုမ်းတူင်ႇဝူင်းတႆးလႄႈ ၸုမ်းၸွႆႈထႅမ်ႁႅင်းၵၢၼ် လူင်းပိုၼ်ႉတီႈၸွႆႈထႅမ် ၶဝ်ႈၼမ်ႉတၢင်းၵိၼ် ၶူဝ်းၶွင်ႁႅင်ႈ ပၼ်ႁႅင်းၵၢၼ်ယၢၼ်မိူင်း ၸိူဝ်းထူပ်းၵိၼ်းယၢပ်ႇၽိုတ်ႇလိူဝ်ႁႅင်း ၼႂ်းမိူင်းထႆး။ ဝၼ်းတီႈ 3/5/2020 ယူႇတီႈၵေႃလိၵ်ႈလၢႆးလႄႈၾိင်ႈငႄႈတႆး ၵဵင်းမႆႇ၊ သမႃႊၶူမ်ႊပၢႆးပၺ်ႇၺႃႇလႄႈ ၾိင်ႈငႄႈတႆး ဢိၵ်ႇလူၺ်ႈပႃး တၢင်းဝတ်ႉၵူႇတဝ်ႈ ႁူမ်ႈၵၼ်လူင်းပိုၼ်ႉတီႈၸွႆႈထႅမ်ပီႈၼွင်ႉတႆး ႁႅင်းၵၢၼ်ယၢၼ်မိူင်း ၸွမ်းပိုၼ်ႉတီႈတူင်ႇတၢင်ႇ ၼႂ်းၸႄႈဝဵင်းၵဵင်းမႆႇ (ၸိုင်ႈထႆး) ၸိူဝ်းႁူပ်ႉလွင်ႈယၢပ်ႇၽိုတ်ႇၵိၼ်းၸႂ် ၽွင်းၶၢဝ်းတၢင်းပဵၼ်ၶူဝ်ႊဝိတ်ႉ-19 လၢမ်းၽႄႈယူႇၼႆႉ။ ၸၢႆးသႅင်ယ ႁူဝ်ပဝ်ႈ...

ၸဝ်ႈၶူးၿႃးပရႃႊၽတ်းၸၼ်တရင်းသီ ဝတ်ႉၵူႇတဝ်ႈ ႁူမ်ႈပႃး ၵေႃလိၵ်ႈလၢႆးလႄႈၾိင်ႈငႄႈတႆးၵဵင်းမႂ်ႇ ဢိၵ်ႇတင်း သမႃႊၶူမ်ႊပၢႆးပၺ်ၺႃလႄႈၾိင်ႈငႄႈတႆး လူင်းပိုၼ်ႉတီႈၸွႆႈထႅမ် ပီႈၼွင်ႉတႆးႁႅင်းၵၢၼ် ယၢၼ်မိူင်း ၸိူဝ်းတူၵ်းၵၢၼ်တူၵ်းငၢၼ်း ႁူပ်ႉလွင်ႈယၢပ်ႇၽိုတ်ႇၵိၼ်းၸႂ် ၽွင်းၶၢဝ်းတၢင်းပဵၼ်ၶူဝ်ႊဝိတ်ႉ - 19 လၢမ်းၽႄႈႁၢဝ်ႈႁႅင်းယူႇၼႆႉ ဝႃႈၼႆ။ ဝၼ်းတီႈ 1/5/2020 ဝတ်ႉၵူႇတဝ်ႈ ၵဵင်းမႆႇ ၵေႃလိၵ်ႈလၢႆးလႄႈၾိင်ႈငႄႈတႆးၵဵင်းမႂ်ႇ ဢိၵ်ႇပႃး သမႃႊၶူမ်ႊ ပၢႆးပၺ်ၺႃလႄႈၾိင်ႈငႄႈတႆး ႁူမ်ႈၵၼ်လူင်းပိုၼ်ႉတီႈ...

ႁႅင်းၵၢၼ် မိူင်းႁူမ်ႈတုမ် 500 ပၢႆ ဢၼ်ၶဝ်ႈမႃးတၢင်းမိူင်းလႃးသေ လႆႈထုၵ်ႇၵုမ်းတူဝ်ဝႆႉတဵမ် 21 ဝၼ်းယဝ်ႉၼၼ်ႉ ၸဝ်ႈၼႃႈတီႈမိူင်းလႃးပွႆႇတူဝ် ပွၵ်ႈႁိူၼ်းယေးၽႂ်မၼ်းယဝ်ႉ ဝႃႈၼႆ။ မိူဝ်ႈၼႆႉ ဝၼ်းတီႈ 1/5/2020 ယူႇတီႈၽူႈမီးပုၼ်ႈၽွၼ်းတီႈၼႃႈလိၼ်ၶိုၵ်ႉတွၼ်းမၢႆ 4 ၸႄႈဝဵင်းမိူင်းလႃး ၸိုင်ႈတႆး ပွတ်းဢွၵ်ႇၶူင်း ဢၼ်လႆႈၵုမ်းတူဝ်ပႂ်ႉတူၺ်းငဝ်းလၢႆးတၢင်းပဵၼ်ၶူဝ်ႊဝိတ်ႉ - 19 တီႈႁႅင်းၵၢၼ်မိူင်းႁူမ်ႈတုမ် လုၵ်ႉတၢင်းမိူင်း ၶႄႇပွၵ်ႈၶဝ်ႈမႃးၼၼ်ႉ...

ႁႅင်းၵၢၼ်မိူင်းႁူမ်ႈတုမ် ဢၼ်ပွၵ်ႈၶဝ်ႈမႃးတၢင်းၸႄႈဝဵင်းလၢဝ်ႇၵၢႆး ၸိုင်ႈတႆးပွတ်းႁွင်ႇၼႆႉ တႃႇႁူဝ်ၵူၼ်း 500 ပၢႆ ယူႇတီႈ လူင်ပွင်ၸိုင်ႈမိူင်းႁူမ်ႈတုမ် ၸႄႈမိူင်းၽႂ်မၼ်းသေ မႃးႁွင်ႉႁပ်ႉဢဝ်ပွၵ်ႈႁိူၼ်းၵႂႃႇယဝ်ႉ ဝႃႈၼႆ။ ႁႅင်းၵၢၼ်မိူင်းႁူမ်ႈတုမ် 1,200 ပၢႆ ဢၼ်ၵႂႃႇႁဵတ်းၵၢၼ်တၢင်းမိူင်းၶႄႇသေ ပွၵ်ႈမႃးၼၼ်ႉ ၵမ်ႈၼမ် ပဵၼ်ၵူၼ်းတၢင်းတိူင်း ဝဵင်းလိူဝ်ႇ၊ ၸႄႈၵႅင်းလႄႈ မၵူၺ်း ၸိူဝ်းၼႆႉ။ တေႃႈလဵဝ် ႁႅင်းၵၢၼ်ပွၵ်ႈမိူဝ်းဝၢၼ်ႈၽႂ်မိူင်းမၼ်း မီးၵႂႃႇ...

ဝၼ်းႁႅင်းၵၢၼ် လုမ်ႈၾႃႉ (May Day) ဝၼ်းတီႈ 1 လိူၼ်မေႊ ဢၼ်ယူႇတီႈၸုမ်းတူင်ႉၼိုင်လွင်ႈႁႅင်းၵၢၼ် ၸိုင်ႈထႆး ပွတ်းႁွင်ႇ ယၢမ်ႈၸတ်းႁဵတ်းတူင်ႉၼိုင် မႃးၵူႈပီၼၼ်ႉ ပီၼႆႉ ဢမ်ႇပဵၼ်ၸတ်းႁဵတ်းယဝ်ႉ ယွၼ်ႉတၢင်းပဵၼ်ၶူဝ်ႊဝိတ်ႉ- 19 ၼႆႉ ဝႃႈၼႆ။ မိူဝ်ႈၼႆႉ ဝၼ်းတီႈ 1/5/2020 ပဵၼ်ဝၼ်းႁႅင်းၵၢၼ် လုမ်ႈၾႃႉ (May Day)...

ၵူၼ်းမိူင်းတႆး ၸိူဝ်းၵႂႃႇႁဵတ်းၵၢၼ် မိူင်းၶႄႇပွၵ်ႈမႃး ထိုင်ၶိုၼ်း ၸႄႈဝဵင်းလွႆလႅမ် မိူင်းတႆးပွတ်းၸၢၼ်း ႁိမ်း 100 ၵေႃႉ၊ ဢမ်ႇႁူႉသဵၼ်ႈမၢႆတႅတ်ႈတေႃး ႁၢင်ႈႁႅၼ်းဢမ်ႇၶိုတ်းတၼ်း၊ လႆႈၸူၵ်းငိုၼ်း ၸႂ်ႉၸၢႆႇၵိၼ် ႁင်းၵူၺ်းၵေႃႈမီး။ ဝၼ်းတီႈ 28/4/2020 ၼႆႉ ႁႅင်းၵၢၼ် ၵူၼ်းမိူင်းတႆး ၵႂႃႇႁဵတ်းၵၢၼ်မိူင်းၶႄႇ ပွၵ်ႈမႃးမီးယူႇတီႈ ဝဵင်းလွႆလႅမ် မိူင်းတႆး ပွတ်း ၸၢၼ်း...

ႁႅင်းၵၢၼ်မိူင်းႁူမ်ႈတုမ် ဢၼ်ထုၵ်ႇပႂ်ႉတူၺ်းငဝ်းလၢႆးတၢင်းပဵၼ် ၶူဝ်ႊဝိတ်ႉ - 19 တႃႇ 21 ဝၼ်း တီႈ(မိုးကုတ်ဝိပ ဿနာရိပ်သာ) တႃႈၶီႈလဵၵ်း ႁူဝ်ၵူၼ်းၼပ်ႉပၢၵ်ႇၼၼ်ႉ ၽူႈမီးပုၼ်ႈၽွၼ်းၶဝ် သူင်ႇပွၵ်ႈႁိူၼ်းမူတ်းယဝ်ႉ ဝႃႈၼႆ။ မိူဝ်ႈဝႃး လႄႈ မိူဝ်ႈၼႆႉ ဝၼ်းတီႈ 28/4/2020 ယၢမ်းၵၢင်ၼႂ် ယူႇတီႈၶွမ်ႊမတီႊ ၵုမ်းထတ်းတၢင်းပဵၼ် ၶူဝ်ႊဝိတ်ႉ -...

RCSS/SSA သၢၼ်မိုဝ်းႁူမ်ႈၵၼ်တင်းၸုမ်းတူင်ႇဝူင်းတႆး ၼႂ်းၵဵင်းမႆႇသေ လူင်းပိုၼ်ႉတီႈ ၸွႆႈထႅမ် တႆးႁွတ်ႈၵဵင်းမႆႇ ၸိူဝ်း ဢမ်ႇလႆႈႁဵတ်းၵၢၼ် ယၢပ်ႇၽိုတ်ႇတႃႇပၢၵ်ႇတွင်ႉႁွင်ႈသႆႈ ၽွင်းၵၢပ်ႈၵႃႇလ ၶူဝ်ႊဝိတ်ႉ 19 ၽႄႈလၢမ်း။ ဝၼ်းတီႈ 21/4/2020 မႃး တေႃႇဝၼ်းမိူဝ်ႈၼႆႉ ၶွင်ႇသီႇဢဝ်ၶိုၼ်းၸိုင်ႈတႆး/တပ်ႉသိုၵ်းၸိုင်ႈတႆး RCSS/ SSA တင်း မုၵ်ႉ ၸုမ်းၸၢဝ်းၶိူဝ်းတႆး ႁူမ်ႈၵၼ်သေ လူင်းပိုၼ်ႉတီႈ...

ၵူၼ်းမိူင်းၸိူဝ်းလုၵ်ႉ မိူင်းထႆး၊ မိူင်းၶႄႇ ပွၵ်ႇၶိုၼ်းဝၢၼ်ႈမိူင်းၸဝ်ႈၵဝ်ႇၵမ်ႈၽွင်ႈ ဢမ်ႇပွင်ႇၶၢဝ်ႇၸူး ၶွမ်ႊမတီႊ လူလွမ် ပႂ်ႉတူၺ်း တၢင်းပဵၼ်ၶူဝ်ႊဝိတ်ႉ - 19 သေ မိူဝ်းမူၵ်းယူႇဝႆႉၸွမ်းႁေႃ ႁိူၼ်းယေးၽႂ်မၼ်း မီးတၢင်းၼမ် ၼႂ်းၸႄႈဝဵင်းၼမ်ႉတူႈ။ တႄႇဢဝ် ႁၢင်လိူၼ်မၢတ်ႉၶျ်လႄႈ ႁူဝ်လိူၼ်ဢေႊပရိူဝ်ႊ 2020 ၼႃႈၶၢဝ်းသွၼ်းၼမ်ႉသၢင်းၵျၢၼ်ႇၼႆႉ ၵူၼ်းမိူင်း ၸိူဝ်းၵႂႃႇႁဵတ်းၵၢၼ် တၢင်းမိူင်းၶႄႇ၊ မိူင်းထႆး...

ႁႅင်းၵၢၼ်တႆးၼႂ်းမိူင်းထႆး ၸိူဝ်းပွၵ်ႈမႃးႁိူၼ်းၽွင်းၶၢဝ်းလိူၼ်ႁႃႈလႄႈ ၽွင်းၶၢဝ်းၶူဝ်ႊဝိတ်ႉ 19 ၼႆႉ တေပွၵ်ႈမိူဝ်းႁဵတ်း ၵၢၼ်ၶိုၼ်း မိူင်းထႆးၵေႃႈ ပႆႇၸၢင်ႈပွၵ်ႈလႄႈ မႆႈၸႂ်လွင်ႈၼႃႈႁေႃတေႃႁိူၼ်း ၸိူဝ်းၵိုတ်းဝႆႉတၢင်းမိူင်းထႆး ဝႃႈၼႆ။ ႁႅင်းၵၢၼ်တႆး မၢင်ၸိူဝ်း ပွၵ်ႈမႃးဢဝ်လုၵ်ႈလၢင်းၶၢမ်ႇသၢင်ႇ ၼုင်ႈလိူင်၊ မၢင်ၵေႃႉသမ်ႉ ပွၵ်ႈမိူဝ်းၸႂ်းႁိူၼ်း ၽွင်းၶၢဝ်း ပွႆးသွၼ်းၼမ်ႉလိူၼ်ႁႃႈ သၢင်းၵျၢၼ်ႇၼႆသေ ဢွၼ်ၵၼ်ပွၵ်ႈၶဝ်ႈမႃး မိူဝ်ႈၽွင်းႁၢင်လိူၼ်ၾႅပ်ႊၿိဝ်ႊရီႊ လႄႈ လိူၼ်မၢတ်ႉၶျ်...

ႁႅင်းၵၢၼ်ၸိူဝ်းလုၵ်ႉမိူင်းၶႄႇ ပွၵ်ႈၶဝ်ႈမႃးၶိုၼ်းတၢင်း ၽၵ်းတူမိူင်း တီႈဝဵင်းၼမ်ႉၽႃႈ (သျိၼ်ႊသူၺ်ႇႁေႃႇ) ၼၼ်ႉယၢမ်း လဵဝ်မီး ႁူဝ်ၵူၼ်း 700 ပၢႆ ႁူပ်ႉလွင်ႈယၢပ်ႇၽိုတ်ႇ လွင်ႈၶဝ်ႈၼမ်ႉတၢင်းၵိၼ်။ ၼႂ်းဝၼ်းတီႈ 21-22/4/2020 ၶၢဝ်းတၢင်း 2 ဝၼ်းမႃးၼႆႉ ၵူၼ်းလုၵ်ႉမိူင်းၶႄႇၶဝ်ႈမႃးမီးၼႂ်းၼႃႈလိၼ်ၽွင်းငဝ်းတူဝ်ၵဝ်ႇ ၵဝ်ႈ ၵၢင်ႉ (ၵူဝ်းၵၢင်ႉ) မီး 300 ပၢႆ ၊...

ၸၼ်ႉၸွမ် ၵဵင်းမႆႇ လူင်းပိုၼ်ႉတီႈ ၸွႆႈထႅမ် ႁႅင်းၵၢၼ်ယၢၼ်မိူင်း ၸိူဝ်းဢမ်ႇမီးၵၢၼ် ဢမ်ႇမီးငၢၼ်း ယၢပ်ႇၽိုတ်ႇ တႃႇႁႃၵိၼ်လဵင်ႉတွင်ႉ ဢမ်ႇၸၢင်ႈမိူဝ်းသေ ယူႇယၢပ်ႇၵိၼ်းၸႂ် လူင်ပွင်ၸိုင်ႈ ၶဵင်ႈၶႅင်မၢႆမီႈ ၵူတ်ႇထတ်း ၸိူဝ်ႉမႅင်းၶူဝ်ႊဝိတ်ႉ 19 ။ ဝၼ်းတီႈ 21/4/2020 ၼႆႉ ယူႇတီႈ ၶူးသွၼ် လႄႈ လုၵ်ႈႁဵၼ်းၸၼ်ႉၸွမ် ၵဵင်းမႆႇ...

သုၼ်တေႃႇဝတ်းဝႂ်ႁႅင်းၵၢၼ် One Stop Service (OSS) လူင်ပွင်ၸိုင်ႈမိူင်းထႆး ပိုတ်ႇပၼ် ႁႅင်းၵၢၼ် တေႃႇဝတ်းဝႂ် ႁႂ်ႈယဝ်ႉ ၼႂ်းဝၼ်းတီႈ 31/3/2020 ၼႆသေတႃႉ ယွၼ်ႉငဝ်းလၢႆးတၢင်းပဵၼ်ၶူဝ်ႊဝိတ်ႉ 19 လၢမ်းၽႄႈႁၢဝ်ႈႁႅင်းသေ လႆႈသင်ႇဢိုတ်း/ ပိၵ်ႉၵႂႃႇၸူဝ်ႈၶၢဝ်း တေႃႇထိုင် ယၢမ်းလဵဝ် ပႆႇပိုတ်ႇၶိုၼ်း။ ယူႇတီႈလူင်ပွင်ၸိုင်ႈမိူင်းထႆး ပိုၼ်ၽၢဝ်ႇၸီႉသင်ႇ ႁႂ်ႈဢိုတ်း/ ပိၵ်ႉဝႆႉ...

မုၵ်ႉၸုမ်းၸၢဝ်းၶိူဝ်းတႆး ၸိုင်ႈထႆး ၸွႆႈထႅမ် တၢင်းၵိၼ် တၢင်းယႅမ်ႉပၼ် ႁႅင်းၵၢၼ်ယၢၼ်မိူင်းၼႂ်းၸိုင်ႈထႆး ၸိူဝ်းတူၵ်းတၢင်း ယၢပ်ႇၽိုတ်ႇ ၽွင်းတၢင်းပဵၼ်ၶူဝ်ႊဝိတ်ႉ 19 လၢမ်းၽႄႈ ။ တႄႇဢဝ် ဝၼ်းတီႈ 16/4/2020 ၼႆႉမႃး ယူႇတီႈမုၵ်ႉၸုမ်းၸၢဝ်းၶိူဝ်းတႆး ဢၼ်မီးၼႂ်းၸိုင်ႈထႆး ဢဝ်ၶူဝ်းၶွင်ၵိၼ် ယႅမ်ႉ လူင်းပိုၼ်ႉတီႈၸွႆႈထႅမ်ႁႅင်းၵၢၼ်ယၢၼ်မိူင်း ၸိူဝ်းလႆႈၵိုတ်းလိုဝ်ႈၵၢၼ်ငၢၼ်း တူၵ်းတၢင်းယၢပ်ႇၽိုတ်ႇ တႃႇယူႇသဝ်း ၵိၼ်ယႅမ်ႉ...