ၸုမ်းၵပ်းသၢၼ်လွင်ႈၼၢင်းယိင်းတႆး (SWAN) ဢွၵ်ႇၶေႃႈပိုၼ်ၽၢဝ်ႇ မၢႆတွင်း ဝၼ်းၵေႃႇတင်ႈၸုမ်း(ဝၼ်းၵိူတ်ႇ) ၶွပ်ႈတဵမ် 20 ပီ တုၵ်းယွၼ်း ႁႂ်ႈၵိုတ်း ပၢင်တိုၵ်း ဢၼ်ပဵၼ်ယူႇၼႂ်းမိူင်းတႆးပွတ်းႁွင်ႇၼၼ်ႉ ဝႃႈၼႆ။ မိူဝ်ႈၼႆႉ ဝၼ်းတီႈ 28/03/2019 ပဵၼ်ဝၼ်းၵေႃႇတင်ႈၸုမ်းၵပ်းသၢၼ်လွင်ႈၼၢင်းယိင်းတႆး (Shan Women’s Action Network) တဵမ် 20 ပီလႄႈ ၸတ်းပၢင်ပွႆးမၢႆတွင်းတီႈဝဵင်းလူင်တူၼ်ႈတီး။...

သိုၵ်းလူင်ပွင်ၸိုင်ႈမၢၼ်ႈ လေႃႇယိုဝ်း သိုၵ်းဢူၺ်းလီပွတ်းႁွင်ႇ ၼႂ်းၸႄႈဝဵင်းၼမ်ႉတူႈသေ မၢၵ်ႇလူင် မၢၵ်ႇၵွင်ႈ တူၵ်းသႂ်ႇ ႁိူၼ်းၵူၼ်းဝၢၼ်ႈ 2 လင် လူႉၵွႆ ပဵၼ်ၾႆးႁုပ်ႇမႆႈမူတ်း ဝႃႈၼႆ။ ဝၼ်းတီႈ 27/03/2019 ယၢမ်းဝၢႆးဝၼ်း သိုၵ်းလူင်ပွင်ၸိုင်ႈမၢၼ်ႈ လေႃႇယိုဝ်း သိုၵ်းဢူၺ်းလီပွတ်းႁွင်ႇ တီႈႁိမ်းဝၢၼ်ႈမိူင်းမူႉ ဢိူင်ႇမၢၼ်ႈၸၢမ် ၸႄႈဝဵင်းၼမ်ႉတူႈ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ။ မၢၵ်ႇလူင်...

ၵူၼ်းမိူင်းဢၼ်လႆႈလူႉသုမ်း လိၼ်သူၼ်ႁႆႈၼႃး ယွၼ်ႉၶူင်းၵၢၼ်ၵေႃႇသၢင်ႈ သဵၼ်ႈတၢင်း ငိူင်ႉဝႄႈဝဵင်းၼွင်ၶဵဝ်လႄႈ ၶူဝ်ၵိုတ်ႈမႂ်ႇၼၼ်ႉ မီးယူႇ 280 ပၢႆ။ ဢၼ်လႆႈႁပ်ႉငိုၼ်းၵႃႈသၢႆႈတႅၼ်းတီႈလူင်ပွင်ၸိုင်ႈမီးၵႂႃႇ 90 % ပၢႆယဝ်ႉ ဝႃႈၼႆ။ ဝၼ်းတီႈ 26/03/2019 ၵူၼ်းမိူင်းၼွင်ၶဵဝ် 16 ၵေႃႉ တင်း ပႃႇတီႇႁူဝ်သိူဝ် ၸႄႈဝဵင်းၼွင်ၶဵဝ် ႁူပ်ႉဢုပ်ႇၵၼ် တီႈလုမ်းပႃႇတီႇ ႁူဝ်သိူဝ်...

ၵူၼ်းမိူင်းသီႇပေႃႉ ၵေႃႉၼိုင်ႈ ဢွၵ်ႇၼႄၵၢင်ၸႂ် ႁႂ်ႈၵိုတ်းပၢင်တိုၵ်းၼႂ်းမိူင်းတႆး ႁႂ်ႈလူင်ပွင်ၸိုင်ႈမိူင်းတႆး မိူင်းႁူမ်ႈတုမ် ၸွႆႈႁၢမ်ႈပၢင်တိုၵ်းပၼ် ဝႃႈၼႆ။ ၵူၼ်းမိူင်းသီႇပေႃႉ ၸိုဝ်ႈႁွင်ႉ ၵူဝ်ႇၺီႇလၢတ်ႉ တၢင်ႇယွၼ်းၶႂၢင်ႉ တႃႇၼႄၵၢင်ၸႂ် မိူဝ်ႈဝၼ်းတီႈ 24/03/2019 သေ ထိုင်မႃး ဝၼ်းတီႈ 26/03/2019 မၼ်းၸၢႆး ဢွၵ်ႇၼႄၵၢင်ၸႂ် ၵေႃႉလဵဝ် တုၵ်းယွၼ်းႁႂ်ႈၵိုတ်းပၢင်တိုၵ်း ဢၼ်ပဵၼ်ယူႇၼႂ်းမိူင်းတႆး ပွတ်း...

ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ပိုတ်းယိုဝ်းၵၼ် ႁိမ်းဝၢၼ်ႈမိူင်းမူႉ ၸႄႈဝဵင်းၼမ်ႉတူႈ ၵူၼ်းမိူင်းတူၵ်းပဵၼ်ယိူဝ်ႇတိူဝ်ႉ ၺႃးမၢၵ်ႇၵွင်ႈ လူႉတၢႆၵေႃႉၼိုင်ႈ ဝႃႈၼႆ။ ဝၼ်းတီႈ 22-23/03/2019 ၸုမ်းဢူၺ်းလီပွတ်းႁွင်ႇ တင်း RCSS/SSA ပဵၼ်ပၢင်တိုၵ်းၵၼ် ၶဵင်ႈၶႅင်ၵၢၼ်သိုၵ်း တေႃႇ ၵၼ် ႁၢဝ်ႈႁႅင်း တၢင်းပွတ်းမိူင်းမူႉ ၸႄႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇ။ ၸၢႆးၵျေႃႇ ၵူၼ်းဝၢၼ်ႈၸၢမ် ၵေႃႉလႆႈၶဝ်ႈပႃးၸွႆႈထႅမ် ၵူၼ်းတိူဝ်ႉမၢၵ်ႇၵွင်ႈၼၼ်ႉ လၢတ်ႈတီႈၽူႈတွႆႇႁွၵ်ႈဝႃႈ...

ဝၼ်းသွင်ဝၼ်းၼႆႉ သိုၵ်းတႆး 2 တပ်ႉ တုမ်ႉတိူဝ်ႉပိုတ်းတိုၵ်းၵၼ်ၶိုၼ်းၽွင်ႈသေတႃႉ ၵူၼ်းပၢႆႈၽေးသိုၵ်း ဢၼ်မႃး သွၼ်ႈဝႆႉၸွမ်းဝတ်ႉဝႃးၽႃသိူဝ်ႇ ၸိူဝ်းၼၼ်ႉ ၶိုၼ်းဢွၼ်ၵၼ်ပွၵ်ႈႁိူၼ်းယေးၽႂ်မၼ်းတင်းၼမ်ယဝ်ႉ ဝႃႈၼႆ။ ဝၼ်းတီႈ 24-25/03/2019 ၼႆႉ သိုၵ်း SSPP တင်း RCSS တုမ်ႉလေႃႇၵၼ်ၶိုၼ်းၽွင်ႈသေတႃႉ ၵူၼ်းဝၢၼ်ႈ တႃႈလူင်၊ ႁူဝ်ၼႃး ဢၼ်မႃးသွၼ်ႈဝႆႉတီႈဝတ်ႉ ၼႃးမၢၵ်ႇၶေႃ ၸႄႈဝဵင်းသီႇပေႃႉ...

သိုၵ်းတႆး 2 ၸုမ်း ဢမ်ႇတိုၵ်းတေႃးၵၼ် ယူႇယဵၼ်ဝႆႉႁင်းၽႂ်မၼ်းလႄႈ ၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉ တီႈ ဝတ်ႉဝႃးၽႃသိူဝ်ႇ ၼႂ်းၸႄႈဝဵင်းသီႇပေႃႉၼႆႉ တေႃႈလဵဝ် ဢွၼ်ၵၼ်ပွၵ်ႈ ၶိုၼ်းႁိူၼ်းယေးၽႂ်မၼ်းၵမ်ႈၽွင်ႈယဝ်ႉ။ ဝၼ်းတီႈ 20/03/2019 ယၢမ်းၵၢင်ၼႂ် မွၵ်ႈ 9 မူင်း ၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉတီႈ ဝတ်ႉၽူဝ်းတေႃႇ ပွၵ်ႉၸၢင်ႈ ၶမ်းၸၢၼ်း ၸႄႈဝဵင်းသီႇပေႃႉ...

ၽွင်းသိုၵ်းလူင်ပွင်ၸိုင်ႈမၢၼ်ႈ ႁၢင်ႈသိုၵ်းလေႃႇတိုၵ်း SSPP/SSA ၼႂ်းၸိုင်ႈတႆးပွတ်းၵၢင် မိူဝ်ႈႁူဝ်လိူၼ် March ၼႆႉ ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး SHRF ဢွၵ်ႇလိၵ်ႈပိုၼ်ၽၢဝ်ႇဝႃႈ သိုၵ်းလူင်ပွင်ၸိုင်ႈမၢၼ်ႈ ပူၼ်ႉပႅၼ်ၶေႃႈပိုၼ်ၽၢဝ်ႇ ၵိုတ်းတိုၵ်းၶွင်ၶဝ်သေဢမ်ႇၵႃး ပူၼ်ႉပႅၼ်ပႃးသုၼ်ႇလႆႈၼိူဝ်ၵူၼ်းပိုၼ်ႉတီႈ/ လၢႆလွင်ႈ။ ဝၼ်းတီႈ 20/03/2019 ၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး SHRF ဢွၵ်ႇၽိုၼ်တၢမ်းငဝ်းလၢႆး ယူႇတီႈသိုၵ်းလူင်ပွင်ၸိုင်ႈ မၢၼ်ႈ ၸႂ်ႉႁႅင်းသိုၵ်း 400...

ၸုမ်းယိပ်းၵွင်ႈၵၢင်ႇ တိုၵ်းယိုဝ်းၵၼ်ၼႂ်းၸႄႈဝဵင်းသီႇပေႃႉ ၸၢၵ်ႇမၢၵ်ႇလူင်တိူဝ်ႉၺႃးၵူၼ်းဝၢၼ်ႈၵေႃႉၼိုင်ႈ မၢတ်ႇၸဵပ်း လိူဝ်ႁႅင်းလႄႈ လႆႈသူင်ႇယူတ်းယႃတူဝ်။ ဝၼ်းတီႈ 17/03/2019 ယၢမ်းဝၢႆးဝၼ်း မွၵ်ႈ 4 မူင်းပၢႆ ၸၢႆးပၼ်ႇၸိၵ်ႉတ (ပၼ်ႇတိတ) ဢႃယု 32 ပီ ပဵၼ်ၵူၼ်းဝၢၼ်ႈ တူၼ်ႈၵႅင်း ဢိူင်ႇၼႃးမၢၵ်ႇၶေႃ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ။ မၢၵ်ႇလူင်တူၵ်းသႂ်ႇၼႂ်း ႁိူၼ်းသေ...

ၸၢဝ်းလွႆ တဢၢင်း ၼႂ်းၸိုင်ႈတႆးပွတ်းႁွင်ႇ ႁိမ်း 300 ၵေႃႉ ၼႄး RCSS/SSA တီႉၺွပ်းၵူၼ်းမၢၼ်ႈလီႈ ၸႄႈဝဵင်း ၼမ်ႉတူႈၼႆသေ ႁူမ်ႈၵၼ်ၼႄၵၢင်ၸႂ်တုၵ်းယွၼ်း ႁႂ်ႈပွႆႇပၼ်ၶိုၼ်းၵူၼ်းဝၢၼ်ႈ မၢၼ်ႈလီႈ 12 ၵေႃႉ ဝႃႈၼႆ။ ဝၼ်းတီႈ 17/03/2019 ယၢမ်းၵၢင်ၼႂ် 9 မူင်း ထိုင် 12 မူင်း...

ၵူၼ်းဝၢၼ်ႈၵေႃႉၺႃးၸၢၵ်ႇမၢၵ်ႇ တီႈၵွင်ႇၵေႃႈသေ လႆႈသူင်ႇယူတ်းယႃတူဝ်တီႈဝဵင်းလႃႈသဵဝ်ႈၼၼ်ႉ တေႃႈလဵဝ် ႁၢႆ ၸိုၼ်ႈၶႅၼ်းမႃးသေ မိူဝ်ႈၼႆႉ တေလႆႈလူင်းႁူင်းယႃယဝ်ႉ ဝႃႈၼႆ။ မိူဝ်ႈၼႆႉ ဝၼ်းတီႈ 15/03/2019 ယၢမ်းဝၢႆးဝၼ်း မွၵ်ႈ 2 မူင်းၶိုင်ႈၼႆႉ ၸၢႆးၵႃႇလိင်ႇ ဢႃယု 25 ပီ ပဵၼ်ၵူၼ်းဝၢၼ်ႈ မၢၼ်ႈမႂ်ႇ ဢိူင်ႇၵုင်းသေႃႉ ဢၼ်တိူဝ်ႉၺႃးၸၢၵ်ႇမၢၵ်ႇ ၵႄႈသိုၵ်းၶူဝ်းၶဵဝ်ၶူဝ်းလၢႆးယိုဝ်းၵၼ်...

ၸုမ်းယိပ်းၵွင်ႈၵၢင်ႇ ၽိုတ်ႉႁိမ်ပိုၼ်ႉတီႈၵၼ်လႄႈ ၵူၼ်းပၢႆႈၽေးသိုၵ်း တီႈသီႇပေႃႉ တိူဝ်းၼမ်မႃးထႅင်ႈ တေႃႈလဵဝ် မီး ၵႂႃႇၶိုၼ်း 2,000 ပၢႆယဝ်ႉ ဝႃႈၼႆ။ ဝၼ်းတီႈ 14/03/2019 ၵူၼ်းပၢႆႈၽေးသိုၵ်း ဢၼ်ပၢႆႈမႃးသွၼ်ႈဝႆႉတီႈ ဝတ်ႉဝႃး ၽႃသိူဝ်ႇ ၼႂ်းၸႄႈဝဵင်းသီႇပေႃႉ မိူၼ် ၼင်ႇ ဝတ်ႉၼမ်ႉသိမ်ႇ ႁူဝ်ၵူၼ်း 52 ၵေႃႉ၊ ဝတ်ႉမၢၼ်ႈလီႈ...

ၵူၼ်းၼုမ်ႇမိူင်းယၢင်းလႅင် တုၵ်းယွၼ်း ႁႂ်ႈလူင်ပွင်ၸိုင်ႈၸႄႈမိူင်းယၢင်းလႅင် (ၵယႃး) ၶၢႆႉယၢႆႉ ႁုၼ်ႇႁၢင်ႈ ၸွမ်ႁၢၼ် ဢွင်ႇသၢၼ်း ၶီႇမႃႉ ဢၼ်ပၵ်းဝႆႉၼႂ်းသူၼ်မွၵ်ႇ ၵၢင်ဝဵင်းလွႆၶေႃၼၼ်ႉ ႁႂ်ႈၶၢႆႉယဝ်ႉ ၼႂ်းၵၢင်လိူၼ်ၼႆႉ။ ဝၼ်းတီႈ 17/03/2019 တေမႃးၼႆႉ ပဵၼ်ဝၼ်းလိုၼ်းသုတ်း ႁႂ်ႈၶၢႆႉယၢႆႉ ႁုၼ်ႇႁၢင်ႈၸွမ်ႁၢၼ်ဢွင်ႇသၢၼ်း ၶီႇမႃႉ ဢၼ် ပၵ်း ဝႆႉတီႈၼႂ်းသူၼ်မွၵ်ႇ ၵၼ်ႇတႃႇႁေႇဝၼ်ႇ ၸႄႈဝဵင်းလွႆၶေႃ...

သိုၵ်း SSPP တင်း သိုၵ်း RCSS တိုၵ်းယိုဝ်းၵၼ်ၼႂ်းၸႄႈဝဵင်းသီႇပေႃႉလႄႈ ၵူၼ်းဝၢၼ်ႈၼႂ်းထုင်ႉၼမ်ႉလၼ်ႈ ႁိမ်း ဝၢၼ်ႈၼႃးမၢၵ်ႇၶေႃၼၼ်ႉ ၵူၼ်းမိူင်းၵေႃႉၼိုင်ႈ လႆႈတိူဝ်ႉၺႃးၸၢၵ်ႇမၢၵ်ႇၸွမ်း ဝႃႈၼႆ။ ဝၼ်းတီႈ 12/03/2019 ၸၢႆးၵႃႇလိင်ႇ ဢႃယု 25 ပီ ၵူၼ်းဝၢၼ်ႈ မၢၼ်ႈမႂ်ႇ ဢိူင်ႇၵုင်းသေႃႉ ၸႄႈဝဵင်းသီႇပေႃႉ ၸႄႈတွၼ်ႈ ၵျွၵ်ႉမႄး ၸိုင်ႈတႆးပွတ်းႁွင်ႇ...

ဝၼ်းၼၢင်းယိင်းလုမ်ႈၾႃႉ International Women Day ၸတ်းႁဵတ်းပၢင်ၵႅဝ်ႈ တီႈဝဵင်းလူင်တူၼ်ႈတီး မီးၵူၼ်းၶဝ်ႈႁူမ်ႈ ႁူဝ်ပၢၵ်ႇ ဝႃႈၼႆ။ ပၢင်ၵႅဝ်ႈဝၼ်းၼၢင်းယိင်းလုမ်ႈၾႃႉၼႆႉ ၸတ်းႁဵတ်းတီႈ ႁူင်းႁေႃ ၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းတူၼ်ႈတီး မိူဝ်ႈ ဝၼ်းတီႈ 8/3/2019 တီႈပၢင်ၵႅဝ်ႈၼၼ်ႉ မီးတူဝ်တႅၼ်း ၶႃႈႁၢပ်ႇၵၢၼ် ၼႂ်းလူင်ပွင်ၸိုင်ႈ မိူၼ်ၼင်ႇ ၼႂ်းသၽႃး၊ ၼႂ်းႁူင်း ယႃ...