Friday, March 29, 2024

RCSS ၵုမ်းၶင် ၵူၼ်းသူႇသမ်းယႃႈမဝ်းၵမ် တီႈမိူင်းပၼ်ႇ တႃႇမူၼ်ႉမႄးတူဝ်ၸႂ်ပၼ်ၶိုၼ်း

Must read

ၶွင်ႇသီႇဢဝ်ၶိုၼ်းၸိုင်ႈတႆး RCSS ၵူတ်ႇထတ်း တီႉၺွပ်းၵူၼ်းသူႇသမ်းယႃႈမဝ်းၵမ် ၵူၼ်းဝၢၼ်ႈပၢင်ပီႉသေ ဢဝ်ၵႂႃႇ ၵုမ်းၶင်မူၼ်ႉမႄး ပၼ်တူဝ်ၸႂ် ႁႂ်ႈလီၶိုၼ်း ၽူႈၵပ်းသၢၼ်တီႈလုမ်း RCSS တူၼ်ႈတီးလၢတ်ႈ။

Photo by – ၵူၼ်းမိူင်းပၼ်ႇ/ ပၢႆႉၶဝ်ႈဢွၵ်ႇဝဵင်းမိူင်းပၼ်ႇ

ဝၼ်းတီႈ 28/06/2019 ၵေႃႉသိုၵ်းႁၢၼ် ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA တီႉၺွပ်းၵူၼ်းဝၢၼ်ႈ ၵေႃႉၼိုင်ႈ ၸိုဝ်ႈႁွင်ႉ ၶုၼ်ႇၵျေႃႇလႃႉ ဢႃယုမွၵ်ႈ 50 ပီ ပဵၼ်ၵူၼ်းဝၢၼ်ႈပၢင်ပီႉ တီႉၺွပ်းလႆႈ တီႈဝၢၼ်ႈၼႃးလႅင် ၸႄႈဝဵင်း မိူင်းပၼ်ႇ ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း။

- Subscription -

ၸဝ်ႈသိုၵ်း ၸၢႆးဢူး ၽူႈၼင်ႈလုမ်းၵပ်းသၢၼ် RCSS/SSA တီႈဝဵင်းတူၼ်ႈတီး လၢတ်ႈတီႈၽူႈတွႆႇႁွၵ်ႈဝႃႈ “ ၸႂ်ႈၶႃႈဢေႃႈ ဢၼ်ၵူၼ်းသိုၵ်းႁဝ်းတီႉၺွပ်းဝႆႉၼၼ်ႉ မၼ်းၸၢႆးၵဵဝ်ႇၶွင်ႈယႃႈမဝ်းၵမ် သူႇသမ်းၵိၼ်။ ဢၼ်ႁဝ်းၶႃႈ ဢဝ်တူဝ်ၵႂႃႇၼၼ်ႉ တေဢဝ်ၵႂႃႇမူၼ်ႉမႄးပၼ် ႁႂ်ႈလီၶိုၼ်း။ ပေႃးယဝ်ႉၵေႃႈ တေပွႆႇပၼ်တူဝ်ပွၵ်ႈမႃးၶိုၼ်းၵူၺ်း” ဝႃႈၼႆ။

ၵဵဝ်ႇလူၺ်ႈလွင်ႈ RCSS ၵုမ်းတူဝ် ၵူၼ်းဝၢၼ်ႈဢဝ်ၵႂႃႇမူၼ်ႉမႄးပၼ်တူဝ်ၸႂ် ႁႂ်ႈၶိုၼ်းလီမႃးၶိုၼ်းၼၼ်ႉ တေမူၼ်ႉမႄး ပၼ် ႁိုင်ၵႃႈႁိုဝ် တေပွႆႇပၼ်မိူဝ်ႈလႂ် ဢၼ်ဝႃႈၼၼ်ႉ ပႆႇႁူႉ ဝႃႈၼႆ။

ၸဝ်ႈသိုၵ်း ၸၢႆးဢူး လၢတ်ႈဝႃႈ “ လွင်ႈဝႃႈ တေပွႆႇတူဝ်မႃးၶိုၼ်းမိူဝ်ႈလႂ် ၸဵဝ်းႁိုဝ်ၼၢၼ်း ဢၼ်ဝႃႈၼၼ်ႉ လွင်ႈၼႆႉတႄႉ မၼ်းမီးတီႈမၼ်းၸၢႆးမူၼ်ႉမႄးၵူၺ်း။ လွင်ႈဢၼ်ႁဝ်းၶႃႈ ၺွပ်းၵူၼ်းမိူင်းမႃးမူၼ်ႉမႄး တိုတ်းယႃႈပၼ်ၼႆႉ ဢမ်ႇၸႂ်ႈဝႃႈ လႃႈလီႈသေၵႂႃႇၺွပ်း။ မၼ်းမီးသၢၵ်ႈသေႇလၵ်းထၢၼ်မၼ်းသေ ၸင်ႇတေၵႂႃႇၺွပ်းမႃးမူၼ်ႉမႄးပၼ်” ဝႃႈၼႆ။

ထုင်ႉသၼ်လွႆပၢင်ပီႉ၊ ပၢင်ႇတဝိၼႆႉ ပီႈၼွင်ႉတႆးလႄႈ ပီႈၼွင်ႉၸၢဝ်းပဢူဝ်းယူႇသဝ်းၸွမ်းၵၼ်ဝႆႉ။

ၸဝ်ႈသိုၵ်းၸၢႆးဢူး လၢတ်ႈဝႃႈ “ မၼ်းဢမ်ႇၸႂ်ႈဝႃႈ ပဵၼ်ပဢူဝ်းလႄႈၺွပ်း၊ ပဵၼ်တႆးလႄႈၺွပ်း။ ဢမ်ႇဝႃႈၸၢဝ်းၶိူဝ်းလႂ်ၵေႃႈ ယဝ်ႉ ပေႃးၵဵဝ်ႇၵပ်းယႃႈမဝ်းၵမ်ၼႆ တိုၼ်းဢဝ်မႃးၵုမ်းၶင်တူဝ်သေ မူၼ်ႉမႄးတူဝ်ၸႂ်ပၼ်ၼၼ်ႉယဝ်ႉ” ဝႃႈၼႆ။

ၵူၼ်းဝၢၼ်ႈပၢင်ပီႉ ဢၼ်ထုၵ်ႇ RCSS ၵုမ်းတူဝ်သေ ၵႂႃႇမူၼ်းမႄးတူဝ်ၸႂ်ပၼ်ၼၼ်ႉ မိူဝ်ႈဝၼ်းတီႈ 28 ၼၼ်ႉ မၼ်း ၸၢႆး ၵႂႃႇသူင်ႇမေးၼၢင်းမၼ်း တီႈႁူင်းယႃသေ ၶႃသွင်ၵေႃႉပွၵ်ႈမႃး ဝၢႆးပွၵ်ႈမႃးထိုင်တီႈ ဝၢၼ်ႈၼႃးလႅင်ၼၼ်ႉ လႆႈထုၵ်ႇၵုမ်းတူဝ် သေ ဢဝ်မိူဝ်းမူၼ်ႉမႄးတူဝ်ၸႂ်ပၼ် ဝႃႈၼႆ။

ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်းတႆးၼႆႉ ပိုၼ်ၽၢဝ်ႇဝႆႉဝႃႈ ဢမ်ႇဝႃႈၼႃႈတီႈလႂ် ဢၼ်တပ်ႉၶွင်ႇသီႇဢဝ်ၶိုၼ်း ၸိုင်ႈတႆးတူင်ႉၼိုင် ပၵ်းသဝ်းဝႆႉၼၼ်ႉ သင်ဝႃႈ ၵူၼ်းဝၢၼ်ႈ ၵူၼ်းမိူင်း သူႇသမ်းယႃႈမဝ်းၵမ် ၵႃႉၶၢႆယႃႈမဝ်းၵမ်ၸိုင် တေ ၵုမ်းၶင်တူဝ်သေ ႁဵတ်းၵႂႃႇၸွမ်းပၵ်းပိူင် ဢၼ်တမ်းဝၢင်းဝႆႉၼၼ်ႉ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း