ႁၢင်လိူၼ်ဢေႃးၵၢတ်ႉသ်ပူၼ်ႉမႃးၼႆႉ ၶႃႈႁၢပ်ႇၵၢၼ်ၶုၼ်တႂ်ႈသိုၵ်းမၢၼ်ႈယိုတ်းမိူင်း ၽူႈၵွၼ်းႁွင်ႈ ၵၢၼ်ႁဵတ်း မၢႆၾၢင် ၼႂ်းဝဵင်းၵႃလိ ၵမ်ၵိၼ်းႁႂ်ႈၵူၼ်းမိူင်းၸိူဝ်းယူႇၸွမ်းဝၢၼ်ႈၼွၵ်ႈၼႃးပၢင်ႇ ၾၢႆႇၼွၵ်ႈဝဵင်းၼၼ်ႉ ၵႂႃႇႁဵတ်း သမၢတ်ႉၵၢတ်ႉ (Smart Card) တီႈဝဵင်းၵုၼ် ႁိင်းယဝ်ႉ ၸင်ႇမႃးႁဵတ်းမၢႆၾၢင်လႆႈ တီႈဝဵင်းၵႃလိ ဝႃႈၼႆ။
ၵူၼ်းမိူင်းဝဵင်းၵႃလိ လၢတ်ႈတီႈၽူႈတွႆႇႁွၵ်ႈဝႃႈ “ၵူၼ်းၵေႃႉၶိုၼ်းမႃးႁပ်ႉပုၼ်ႈၽွၼ်း တီႈၵႃလိၼႆႉ မၼ်းၶႂ်ႈၼႄပၺ်ႇၺႃႇမၼ်းၼႄႁဝ်းၼႃႇ။ လူဝ်ႇၸိူင်ႉႁိုဝ် တေႁဵတ်းသင်ၼႆၵေႃႈ မၼ်းၸႂ်ႉၵႂႃႇ ယွၼ်းဝႂ်ၵမ်ႉ(ထောက်ခံစာ) တီႈၵုၼ်ႁိင်းတိၵ်းတိၵ်း။ ပေႃးလုၵ်ႉတီႈဝၢၼ်ႈႁႄ ၵႂႃႇၵုၼ် ႁိင်းၼႆႉ မၼ်းသမ်ႉၵႆဝႆႉ တၢၼ်ႇတၢၼ်ႇၵွၼ်ႇ။ သမ်ႉလႆႈၵႂႃႇပႂ်ႉတၢင်းဝၼ်းၵေႃႈ ၽူႈမီးပုၼ်ႈၽွၼ်းၶဝ်ဢမ်ႇႁဵတ်းပၼ်။ ၵူၼ်းတီႈလုမ်း လဝၵ မီးယူႇၵေႃႈ ဢမ်ႇႁဵတ်းပၼ်ၵမ်းလဵဝ်။ တႃႇလႆႈသမၢတ်ႉၵၢတ်ႉ ၼၼ်ႉ လႆႈလုၵ်ႉတီႈဝၢၼ်ႈႁႄ ၵႂႃႇတီႈဝဵင်း ၵႃလိ လုၵ်ႉတီႈၵႃလိ လႆႈသိုပ်ႇၵႂႃႇ ၵုၼ်ႁိင်းထႅင်ႈ” ဝႃႈၼႆ။
ၼင်ႇႁိုဝ် ၵူၼ်းမိူင်းၸိူဝ်းယူႇၼႂ်းပိုၼ်ႉတီႈ ပေႃးတေႁဵတ်းလႆႈမၢႆၾၢင်ငၢႆႈၼၼ်ႉ ၶႂ်ႈႁႂ်ႈၽူႈမီးပုၼ်ႈၽွၼ်း ၸိူဝ်းယူႇၼႂ်းပိုၼ်ႉတီႈၶဝ် ၸွႆႈၵႄႈလိတ်ႈပၼ်။ မိူဝ်ႈပူၼ်ႉမႃးတႃႇႁဵတ်းမၢႆၾၢင်လႆႈၼၼ်ႉ ပေႃးမီးဝႂ်မုင်ႉႁေႃႁိူၼ်း ဢၼ်လဵဝ်ၵူၺ်းၵေႃႈ လႆႈယဝ်ႉလႄႈ ယၢမ်းလဵဝ် ၾၢႆႇၸဝ်ႈၼႃႈ တီႈၶဝ် ႁႂ်ႈႁဵတ်းသမၢတ်ႉၵၢတ်ႉဢွၼ်တၢင်း- ၼႆၵူၼ်းမိူင်းပိုၼ်ႉတီႈလၢတ်ႈၽူႈတွႆႇ ႁွၵ်ႈၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ