ၸွမ်းပွၵ်ႉယွမ်ႇၼႂ်းၸႄႈဝဵင်းတူၼ်ႈတီး ႁွင်ႈၵၢၼ်ၾၢႆႇၾႆးၾႃႉ တတ်းၾႆး ဝၼ်း 3 ပွၵ်ႈ လႄႈ ၵူၼ်းမိူင်းယၢပ်ႇၽိုတ်ႇ။ တႄႇဢဝ်လိူၼ်မေႊ 2019 ၼႆႉမႃး ၾၢႆႇၾႆးၾႃႉ ၸတ်းၶၢဝ်းယၢမ်းပဵၼ် 3 တွၼ်ႈသေ ပၼ်ၾႆးၾႃႉ တႃႇၼႂ်း 22 ပွၵ်ႉ ၼႂ်းၸႄႈဝဵင်းတူၼ်ႈတီး။ ၼၢင်းၸၢမ်ၽူၺ်း ၽူႈႁၢပ်ႇၵၢၼ်ၸုမ်းၶၢဝ်ႇၽူႈတွႆႇႁွၵ်ႈ လၢတ်ႈဝႃႈ “ ၾႆးတီႈလုမ်းႁဝ်းၶႃႈၼႆႉ မွတ်ႇၵူႈဝၼ်းယဝ်ႉၶႃႈ။...

ၵူၼ်းမိူင်းၸႄႈဝဵင်းလႃႈသဵဝ်ႈ ႁူမ်ႈၵၼ်ပႆတၢင်းၼႄၵၢင်ၸႂ် ၵမ်ႉထႅမ် တႃႇမူၼ်ႉမႄးပိူင်ငဝ်ႈပိုင်းမိူင်း 2008 ဢဵၼ်ႁႅင်း ၵူၼ်းၶဝ်ႈႁူမ်ႈမီးႁိမ်းႁဵင်။ ဝၼ်းတီႈ 11/05/2019  ၵူၼ်းမိူင်း၊ ပႃႇတီႇၵၢၼ်မိူင်း၊ ၸုမ်းတူင်ႇဝူင်းၵူၼ်း၊ ၵေႃလိၵ်ႈလၢႆးလႄႈၾိင်ႈငႄႈတႆး၊ ဝႃႉလႄႈ တဢၢင်း ၼႂ်းၸႄႈဝဵင်းလႃႈသဵဝ်ႈလႄႈ ႁိမ်းႁွမ်းလႃႈသဵဝ်ႈ ႁူမ်ႈၵၼ်ပႆတၢင်း  ၼႄၵၢင်ၸႂ် တႃႇမူၼ်ႉ မႄးပိူင်ငဝ်ႈ ပိုင်းမိူင်း 2008။ ၸၢႆးၶမ်းၵေႃႇ ၶွမ်ႊမတီႊ တႃႇပဵၼ်ပၢင်ပွႆးၵမ်ႉထႅမ်မူၼ်ႉမႄး...

ၵူၼ်းဝၢၼ်ႈပွၵ်ႉၵွင်းလၢင်း ၼမ်ႉလၼ်ႈၵေႃႉၼိုင်ႈ ၺႃးၵူၼ်းဢမ်ႇႁူႉၾၢႆႇ ယိုဝ်းတၢႆ။ ဝၼ်းတီႈ 10/05/2019 ယၢမ်းၵၢင်ၶမ်ႈ 8 မူင်းၶိုင်ႈၼၼ်ႉ ၸၢႆးသူဝ်းလၢႆႇ ဢႃယု 45 ပီ ပဵၼ်ၵူၼ်းပွၵ်ႉၵွင်းလၢင်း ဝဵင်းၼမ်ႉ လၼ်ႈ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၺႃးၵူၼ်းႁၢႆႉၶဝ်ႈယိုဝ်းတီႈႁိူၼ်းမၼ်းၸၢႆး၊ မၼ်းၸၢႆး တိူဝ်ႉမၢတ်ႇၸဵပ်း ႁၢဝ်ႈႁႅင်းသေလႆႈလူႉတၢႆၽွင်းၵႂႃႇႁူင်းယႃ။ ၵူဝ်ႇသေႃႇၺီႇၺီႇ ၸုမ်းၸွႆႈထႅမ် ပရႁိတ...

ၵူၼ်းဝၢၼ်ႈၼႂ်းဢိူင်ႇသၢႆးလႅင် ထုင်ႉၼမ်ႉမႃႉ ၸႄႈဝဵင်းသီႇပေႃႉ ႁိမ်း 200 ၵေႃႉ ႁူမ်ႈၵၼ်ပႂ်ႉတႃႇၼႄၵၢင်ၸႂ်သၢၼ်ၶတ်း ၶွမ်ႊပၼီႊသၢင်ႈၾၢႆ ဢၼ်တေလူင်းႁူပ်ႉထူပ်းၵူၼ်းဝၢၼ်ႈ ဝႃႈၼႆ။ ဝၼ်းတီႈ 10/05/2019 ၵူၼ်းဝၢၼ်ႈသၢႆးလႅင်၊ ဝၢၼ်ႈပဵင်းသႃႇလႄႈ ဝၢၼ်ႈၵွင်းသၢၼ်ႈ ႁူမ်ႈၵၼ် ႁူဝ်ၵူၼ်း ႁိမ်း 200 ၵေႃႉ ဢွၼ်ၵၼ်ပႂ်ႉတီႈဝၢၼ်ႈသၢႆးလႅင် ဢိူင်ႇသၢႆးလႅင် ၸႄႈဝဵင်းသီႇပေႃႉ တႃႇၼႄၵၢင်ၸႂ်သၢၼ်ၶတ်းတေႃႇ ၶွမ်ႊပၼီႊ...

လူင်ပွင်ၸိုင်ႈပွႆႇပၼ်ၵူၼ်းတူၵ်းၶွၵ်ႈယူႇၶိူဝ်းယႂ်းသေတႃႉ ၼၵ်းၶၢဝ်ႇဢၼ်ၺႃးတိဝႆႉ ၼၼ်ႉ လူင်ပွင်ၸိုင်ႈတိုၵ်ႉပွႆႇပၼ် 2 ၵေႃႉၵူၺ်းလႄႈ ၸုမ်းပၵ်းတႃပႂ်ႉတူၺ်းသုၼ်ႇလႆႈၵူၼ်း HRW တူၵ်ႇတၵ်ႉ ဝႃႈလွင်ႈလွတ်ႈလႅဝ်းသိုဝ်ႇၶၢဝ်ႇၼၼ်ႉယင်းပႆႇမီးတဵမ်ထူၼ်ႈ ၊ ပႆႇထုၵ်ႇလီပွႆႇမၢင်ဝၢင်းႁဵဝ်ႇၼိူဝ်လွင်ႈၼႆႉ ဝႃႈၼႆ။ လူင်ပွင်ၸိုင်ႈ ပိုၼ်ၽၢဝ်ႇပွႆႇပၼ်ၵူၼ်းတူၵ်းၶွၵ်ႈၵမ်းထူၼ်းသၢၼ် မိူဝ်ႈဝၼ်းတီႈ 7 လိူၼ်မေႊ။ ပွႆႇပၼ်ၵူၼ်းတူၵ်းၶွၵ်ႈ 6500 ၵေႃႉ။ ၼႂ်းၼၼ်ႉပႃးၼၵ်းၶၢဝ်ႇရၢႆႇထိူဝ်ႇ 2 ၵေႃႉ ။...

ၵဵၵ်ႉ/ လၢၼ်ႇသိုၵ်းဝႃႉ ဢၼ်တင်ႈဝႆႉၼႂ်းၵႄႈ မိူင်းသၢတ်ႇ - တႃႈၶီႈလဵၵ်းသေ ၵဵပ်းငိုၼ်းၸဝ်ႈၵႃး မႃးပီယၢဝ်းၶၢဝ်းႁိုင်ၼၼ်ႉ၊ ယုၵ်ႉလိူၵ်ႈ/ ပူတ်းပႅတ်ႈယဝ်ႉလႄႈ ၸဝ်ႈရူတ်ႉၸဝ်ႈၵႃးၸူမ်းသိူဝ်းလီၸႂ် ဝႃႈၼႆ။ တႄႇဢဝ် ဝၼ်းတီႈ 01/05/2019 ၼႆႉမႃး ယူႇတီႈသိုၵ်းဝႃႉ ၼႃႈလိၼ်သိုၵ်း 171 ၵိုတ်းယင်ႉလွင်ႈၵဵပ်းငိုၼ်း တီႈဝၢၼ်ႈမိူင်း ၵၢၼ်းၼၼ်ႉ ဝႃႈၼႆ။ ၸၢႆးလူင် ၸဝ်ႈၵႃး ႁပ်ႉသူင်ႇၵူၼ်း...

ႁုၼ်ႇႁၢင်ႈၸွမ်သိုၵ်းဢွင်ႇသၢၼ်း ဢၼ်ပၵ်းတမ်းဝႆႉတီႈသူၼ်မွၵ်ႇ ၵၼ်ႇတႃႇႁေႇဝုၼ်ႇ ၸႄႈဝဵင်းလွႆၶေႃ ၸႄႈမိူင်း ယၢင်းလႅင်ၼၼ်ႉ ၸွမ်ၽွင်းလူင် ၸႄႈမိူင်းယၢင်းလႅင် ပၼ်ၵႂၢမ်းမၼ်ႈတူၵ်းလူင်းဝႃႈ တေယုၵ်ႉၶၢႆႉပၼ် ဝႃႈၼႆ။   ဝၼ်းတီႈ 07/05/2019 ၸုမ်းၵူၼ်းၼုမ်ႇယၢင်းလႅင် လႄႈ ၽူႈမီးပုၼ်ႈၽွၼ်း ၼႂ်းလူင်ပွင်ၸိုင်ႈမိူင်းယၢင်းလႅင် ႁူပ်ႉထူပ်း ဢုပ်ႇဢူဝ်းငူပ်ႉငီႉၵၼ် တီႈႁူင်းႁႅမ်း ၵိင်ႇၼႃႇရီႇ ဝဵင်းလွႆၶေႃ ၸႄႈမိူင်းယၢင်းလႅင်။ ဢုပ်ႇဢူဝ်းၵၼ် ၵဵဝ်ႇၵပ်းႁုၼ်ႇႁၢင်ႈ...

ၼႂ်းၸိုင်ႈတႆးပွတ်းၸၢၼ်း လၢႆလၢႆတီႈ ၵူၼ်းမိူင်းၶၢတ်ႇၼမ်ႉၵိၼ်/ၸႂ်ႉ ၽွင်းၶၢဝ်းမႆႈၼႆႉ မီးဝၢၼ်ႈၵူၼ်း 50 ဝၢၼ်ႈပၢႆ ႁူပ်ႉ လွင်ႈယၢပ်ႇၽိုတ်ႇ လိူဝ်ႁႅင်း။ ဝၢၼ်ႈၵူၼ်း ႁူဝ်ၵူၼ်း 1,000 ပၢႆ ႁူပ်ႉလွင်ႈယၢပ်ႇၽိုတ်ႇလိူဝ်ႁႅင်း လွင်ႈၼမ်ႉၵိၼ်/ၸႂ်ႉ ၽွင်းၶၢဝ်းမႆႈၼႆႉ မိူၼ်ၼင်ႇ ၼႂ်းၸႄႈ ဝဵင်းမိူင်းၼၢႆး၊ လွႆလႅမ်၊ ၵၢတ်ႇလေႃႉ၊ ယွင်ႁူၺ်ႈ၊ ယႂႃႇငၢၼ်ႇလႄႈ ပၢင်းတရႃႉ...

ဝၼ်းထိ 6 BBC ႁၢႆးငၢၼ်းဝႃႈ ၶုၼ်ႁေႃၶမ်း Sultan  ၸဝ်ႈ Hassan  Bolkiah မိူင်းပရူးၼၢႆး သင်ႇႁႂ်ႈၵိုတ်းလွင်ႈၸႂ်ႉမၢႆမီႈ ပၼ်တူတ်ႈတၢမ်ႇတၢႆ ၸၢႆးတေႃႇၸၢႆးႁၵ်ႉၵၼ် ၊ ယူႇလူၺ်ႈၵၼ် ဢၼ်ပဵၼ်မၢႆမီႈမႂ်ႇၸိုင်ႈမိူင်းဢၼ်တိုၵ်ႉ ပိုၼ်ၽၢဝ်ႇၸႂ်ႉတိုဝ်း မိူဝ်ႈလိူၼ်ဢေႊပရိူဝ်ႊ ပူၼ်ႉမႃးၼႆႉ။ မၢႆမီႈမိူင်းပရူႊၼၢႆႊဢၼ်ဢွၵ်ႇမႂ်ႇၼႆႉတႅမ်ႈဝႆႉဝႃႈ - “သင်ဝႃႈ ၵူၼ်းၸၢႆးတေႃႇၵူၼ်းၸၢႆး ႁၵ်ႉၵၼ် ၊...

ၵူၼ်းမိူင်းသီႇသႅင်ႇ ႁူမ်ႈၵၼ်ပႆတၢင်း ၼႄၵၢင်ၸႂ် တုၵ်းယွၼ်းၶိုၼ်း တီႈလိၼ်သူၼ်ႁႆႈၼႃး ဢၼ်တပ်ႉသိုၵ်းလူင် ပွင်ၸိုင်ႈ မၢၼ်ႈ ယိုတ်းဝႆႉ ပီယၢဝ်းၶၢဝ်းႁိုင်။ ပိူင်လူင်မႆႈၸႂ်တႃႇလုၵ်ႈလၢၼ် ဢမ်ႇမီးတီႈၽုၵ်ႇသွမ်ႈႁႃၵိၼ် ဝႃႈၼႆ။ ဝၼ်းတီႈ 01/05/2019 ဝၼ်းႁႅင်းၵၢၼ်လုမ်ႈၾႃႉ(May Day) ၵူၼ်းမိူင်းသီႇသႅင်ႇ ႁူဝ်ၵူၼ်း 300 ပၢႆ ႁူမ်ႈၵၼ် ပႆတၢင်း ၼႄ ၵၢင်ၸႂ်...

ၸဝ်ႈႁႆႈၸဝ်ႈၼႃး ၵူၼ်းမိူင်း ၼႂ်းၸႄႈဝဵင်းသီႇပေႃႉ ႁူဝ်ၵူၼ်း ႁိမ်း 700 ၵေႃႉ ႁူမ်ႈၵၼ် ယိပ်းပၢႆႉသေ ပိုၼ်ၽၢဝ်ႇၼႄဝႃႈ “ၼႂ်းမိူင်းႁဝ်းၼႆႉ တီႈလိၼ်ပဝ်ႇ လိၼ်ႁၢမ်းဢမ်ႇမီး၊ မီးၸဝ်ႈၶွင်ၸွမ်းၾိင်ႈထုင်းၵူၺ်း” ဝႃႈၼႆ။ ဝၼ်းတီႈ 29/04/2019 ယၢမ်းၵၢင်ၼႂ် 10 ထိုင် 4 မူင်းဝၢႆးဝၼ်း ယူႇတီႈၶွၼ်ႈတုမ်ဢဵၼ်ႁႅင်းၵူၼ်းၼုမ်ႇတႆး (Tai Youth...

ၸၢႆးဢွင်ႇထုၼ်း ဢႃယု 42 ပီ ပဵၼ်ၵူၼ်းဝၢၼ်ႈၸၢၼ်း ဢိူင်ႇမိူင်းတၢင်ႈ ၸႄႈဝဵင်းၵျွၵ်ႉမႄး ၵႂႃႇၼႃးသေ ႁၢႆတူဝ်ၵႂႃႇ လႆႈ 13 ဝၼ်း ပႆႇငိၼ်းၶၢဝ်ႇသင် ၸိူဝ်း ပဵၼ် ပေႃႈမႄႈ ပီႈၼွင်ႉလုၵ်ႈလၢင်းၼၢင်းမေးတၢင်းလင် ဢွၼ်ၵၼ်မႆႈၸႂ်။ ပူၼ်ႉမႃး ဝၼ်းတီႈ 17/04/2019 ယၢမ်းၵၢင်ၼႂ် မွၵ်ႈ 7 မူင်း...

ၸွမ်ၸိုင်ႈ ဢူးဝိၼ်းမျိၼ်ႉ ဢွၵ်ႇလိၵ်ႈပွႆႇပၼ်ၵူၼ်းတူၵ်းၶွၵ်ႈထႅင်ႈ 6000 ပၢႆ ပိုၼ်ၽၢဝ်ႇတီႈၼႃႈဝႅပ်ႉသၢႆႉ လူင်ပွင်ၸိုင်ႈ မိူဝ်ႈၼႆႉၵၢင်ၼႂ်။ ၼႂ်းလိၵ်ႈပိုၼ်ၽၢဝ်ႇ ၸွမ်ၸိုင်ႈၼၼ်ႉပႃးဝႆႉဝႃႈ ဝၼ်းတီႈ 26 လိူၼ်ဢေႊပရိူဝ်ႊၼႆႉ ယူႇတီႈလူင်ပွင်ၸိုင်ႈမိူင်းႁူမ်ႈတုမ် မီးၵၢင်ၸႂ်ႁႂ်ႈပဵၼ်မိင်ႈၶႂၢၼ်ၼႂ်းပီမႂ်ႇမၢၼ်ႈ၊ ႁႂ်ႈၵူၼ်းမိူင်းလႆႈၵတ်းတူဝ်ယဵၼ်ၸႂ်၊ ႁႂ်ႈပဵၼ်လွင်ႈၵူၼ်းတေႃႇၵူၼ်း ဢီးလူတူၺ်းထိုင်ၵၼ်ၼႆသေ  တေပွႆႇပၼ်ၵူၼ်းတူၵ်းၶွၵ်ႈ ဢၼ်မီးၼႂ်းၶွၵ်ႈ ပတ်းပိုၼ်ႉမိူင်းႁူမ်ႈတုမ် တႃႇ 6948 ၵေႃႉ။ ပွႆႇပၼ်လူၺ်ႈ...

ၵူၼ်းမိူင်း ၼႂ်းၸႄႈဝဵင်းၼမ်ႉၶမ်း မူႇၸေႊ ၺႃးၸုမ်းယိပ်းၵွင်ႈၵၢင်ႇ ၵဵပ်းၶွၼ်ႇ ႁၢဝ်ႈႁႅင်း ႁဵတ်းႁႂ်ႈၵူၼ်းမိူင်း မီးလွင်ႈ ယၢပ်ႇၽိုတ်ႇၵိၼ်းၸႂ် ဝႃႈၼႆ။ ၵူၼ်းၼမ်ႉၶမ်း လၢတ်ႈဝႃႈ “ တပ်ႉသိုၵ်းလွတ်ႈလႅဝ်းၶၢင် KIA တပ်ႉၸုမ်း မၢႆ 4 တႅမ်ႈလိၵ်ႈလူင်းလၢႆးမိုဝ်း သူင်ႇထိုင်တီႈ ပေႃႈ မႄႈၵူၼ်းမိူင်း ၼႂ်းၸႄႈ ဝဵင်းၼမ်ႉၶမ်း မူႇၸေႊ...

ပၢင်တိုၵ်းသိုၵ်းသိူဝ်ၼႂ်းၸိုင်ႈတႆးပွတ်းႁွင်ႇယဵၼ်ဝႆႉယဝ်ႉလႄႈ UNOCHA ပိုၼ်ၽၢဝ်ႇဝႃႈ တႄႇဢဝ်ႁူဝ်လိူၼ်ဢေႊပရိူဝ်ႊ ၼႆႉမႃး ဢမ်ႇမီး ၵူၼ်းပၢႆႈၽေးသိုၵ်းယဝ်ႉ ဝႃႈၼႆ။ ဝၼ်းတီႈ 24/04/2019 ယူႇတီႈ လုမ်းၸၢတ်ႈၸိုင်ႈလုမ်ႈၾႃႉ UNOCHA ၾၢႆႇၵွင်ႉသၢၼ်ၵၢၼ်ငၢၼ်းၵဵဝ်ႇလူၺ်ႈဢီးလူၸွႆႈ ထႅမ်ၵူၼ်းတေႃႇၵူၼ်း ပိုၼ်ၽၢဝ်ႇဝႃႈ တႄႇဢဝ် လိူၼ်ၵျႅၼ်ႊၼိဝ်ႊရီႊ 2019 ၼႆႉမႃး ယွၼ်ႉၸုမ်းယိပ်းၵွင်ႈၵၢင်ႇၼင်ႇၵၼ် ပိုတ်းယိုဝ်းၵၼ်သေ ၵူၼ်းမိူင်း မွၵ်ႈ 11,000...