ဢိင်ၼိူဝ်လွင်ႈပဵၼ်ပၢင်တိုၵ်းၸိုင်ႈတႆး တၢင်းပွတ်းႁွင်ႇယႂ်ႇၵႂၢင်ႈၶႂၢင်ႁၢဝ်ႈႁႅင်း ၼႂ်းၽၢၵ်ႇလိူၼ်သၢဝ်းဝၼ်းပူၼ်ႉမႃးၼႆႉသေ တေႃႇထိုင်ယၢမ်းလဵဝ် ၵူၼ်းမိူင်း - ၸဝ်ႈရူတ်ႉၵႃး ဢၼ်ၵႂႃႇမႃး တၢင်းလႃႈသဵဝ်ႈ - ၵူတ်ႉၶၢႆ - မူႇၸေႊ ၸိူဝ်းၼၼ်ႉ တိုၵ်ႉမႆႈၸႂ် လွင်ႈႁူမ်ႇလူမ်ႈယူႇ။ ၸၢႆးၼေႃႇသႅင် ၵေႃႁူမ်ႈသၢင်ႈၵူၼ်းၼုမ်ႇတႆး TYN လၢတ်ႈတီႈၽူႈတွႆႇႁွၵ်ႈဝႃႈ “ ဝၢႆးၶဝ်ၽဝ်ၵႃးတီႈၵူတ်ႉၶၢႆ မိူဝ်ႈဝၼ်းတီႈ 3 ၼၼ်ႉသေ...

ပၢင်တိုၵ်းၼႂ်းၵႄႈ ၸုမ်းဢူၺ်းလီ 3 ၸုမ်းလႄႈ တပ်ႉသိုၵ်းလူင်ပွင်ၸိုင်ႈမၢၼ်ႈ ၼႂ်းၸႄႈဝဵင်းၵူတ်ႉၶၢႆယဵၼ်လူင်းဢိတ်းဢီႈ ယဝ်ႉလႄႈ ၵူၼ်းမိူင်းၸိူဝ်းပၢႆႈၽေးသိုၵ်းၼပ်ႉႁူဝ်ႁဵင်ၵေႃႈ ပွၵ်ႈမိူဝ်းႁိူၼ်းၶိုၼ်းၵမ်ႈၽွင်ႈယဝ်ႉ ဝႃႈၼႆ။ ဝၼ်းတီႈ 6/9/2019 ၼႆႉ ၵူၼ်းပၢႆႈၽေးသိုၵ်း ဢၼ်မီးတီႈဝတ်ႉၶူဝ်လူင် ၸႄႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ ၼၼ်ႉ ဢွၼ် ၵၼ်ပွၵ်ႈၶိုၼ်းႁိူၼ်းၽႂ်မၼ်း ႁိမ်းႁူဝ်ၵူၼ်း 500 ၵေႃႉ။ လိူဝ်ၼၼ်ႉ မိူဝ်ႈဝၼ်းတီႈ...

ဢိင်ၼိူဝ်လွင်ႈၶၼ်ငိုၼ်းထႆး ၶိုၼ်ႈသေ ၸွမ်းလႅၼ်လိၼ်တႆး - ထႆး ၵႃႈၶၼ်ၵုၼ်ႇၶူဝ်းၵေႃႈၶိုၼ်ႈၸွမ်းလႄႈ ၵူၼ်းမိူင်းယူႇ ၸွမ်း လႅၼ်လိၼ် တႆး - ထႆး တႃႈၶီႈလဵၵ်း ပဵၼ်ဢၼ်မႆႈၸႂ် ၼၵ်းၸႂ်ၼႂ်းၵၢၼ်ႁႃၵိၼ်လဵင်ႉတွင်ႉ။ တီႈလႅၼ်လိၼ်တႆး - ထႆး တၢင်းၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း တင်ႈဢဝ်ၵၢင်လိူၼ်ဢေႃႊၵတ်ႊသ်မႃး ၶၼ်ငိုၼ်းထႆးၶိုၼ်ႈၵမ်းဢိတ်းဢိတ်း ၶိုၼ်ႈၵူႈဝၼ်း ၶၼ်ၶူဝ်းၵုၼ်ႇၵေႃႈ ၶိုၼ်ႈၸွမ်းလႄႈ...

ပၢင်တိုၵ်းၼႂ်းၸိုင်ႈတႆးပွတ်းႁွင်ႇ ၵႂၢင်ႈၶႂၢင်ႁၢဝ်ႈႁႅင်းမႃးၵူႈမိုဝ်ႉၵူႈဝၼ်းလႄႈ ၸၢတ်ႈၸိုင်ႈလုမ်ႈၾႃႉ ဢွၵ်ႇလိၵ်ႈပိုၼ်ၽၢဝ်ႇ မႆႈၸႂ်ၸွမ်း။ ဝၼ်းတီႈ 4/9/2019 ယူႇတီႈၸၢတ်ႈၸိုင်ႈလုမ်ႈၾႃႉ ဢွၵ်ႇၶေႃႈပိုၼ်ၽၢဝ်ႇဝႃႈ တႄႇဢဝ်ၵၢင်လိူၼ်ဢေႃႊၵတ်ႊသ်ၼၼ်ႉ မႃး ၵူၼ်းမိူင်းလႆႈလူႉတၢႆၸွမ်းပၢင်တိုၵ်း မီး 17 ၵေႃႉ၊ မၢတ်ႇၸဵပ်း 27 ၵေႃႉ။ ၼႂ်းၼၼ်ႉ ၵမ်ႈၼမ်ပဵၼ်ၽူႈယိင်းလႄႈ လုၵ်ႈ ဢွၼ်ႇ ဝႃႈၼႆ။ June kunugi တူဝ်တႅၼ်း...

ဝၼ်းတီႈ 5/9/2019 ၼႆႉ လူင်ပွင်ၸိုင်ႈမၢၼ်ႈၽဵဝ်ႈငိုၼ်းၸေႈ မၢင် 25၊ မၢင် 35 လႄႈ မၢင် 75  ၶွပ်ႈတဵမ် 32 ပီ။ ပူၼ်ႉမႃး 32 ဝၼ်းတီႈ 5/9/1987 ၼၼ်ႉ လူင်ပွင်ၸိုင်ႈ မသလ ၼေႇဝိၼ်း ပိုၼ်ၽၢဝ်ႇ ၽဵဝ်ႈငိုၼ်းၸေႈမၢင် 25၊...

ၵူၼ်းမိူင်းပၢႆႈၽေးသိုၵ်း ဢၼ်သွၼ်ႈယူႇဝႆႉတီႈၵေႃလိၵ်ႈလၢႆးလႄႈၾိင်ႈငႄႈတႆး မိူင်းဝီး ၸႄႈဝဵင်းၼမ်ႉၶမ်း ႁူဝ်ၵူၼ်း 300 ပၢႆၼၼ်ႉ တေဢွၼ်ၵၼ်ၶၢႆႉယၢႆႉယူႇတီႈဝၢၼ်ႈမႂ်ႇဝၢၼ်ႈႁူဝ်ပၢင်ႇ ဝႃႈၼႆ။ ပေႃးထိုင်မႃး ၶၢဝ်းႁႅင်ႈမွၵ်ႈလိူၼ်မၢတ်ႊၶျ် ပီ 2020 ၸိုင် ၵူၼ်းပၢႆႈၽေးသိုၵ်း ႁူဝ်ၵူၼ်း 311 ၵေႃႉ လင်ႁိူၼ်း 74 လင်ၼၼ်ႉ တေၶၢႆႉယူႇဢွင်ႈတီႈမႂ်ႇ ၼႂ်းၵႄႈႁူဝ်ပၢင်ႇလႄႈ ဝၢၼ်ႈမိူင်းဝီး ၸႄႈဝဵင်းၼမ်ႉၶမ်း...

ၸႄႈဝဵင်းလႃႈသဵဝ်ႈ တွၼ်ႈတၢင်းၸၢၼ်း ပွတ်းဢိူင်ႇၼမ်ႉပွင်ႈ ငဝ်းလၢႆးပႆႇၼိမ်သဝ်း ၵူၼ်းမိူင်းတိုၵ်ႉလႆႈမႆႈၸႂ်ဢမ်ႇႁတ်းၵႂႃႇ ၵၢတ်ႇၵႂႃႇသႃး ဝႃႈၼႆ။ ဝၼ်းတီႈ 4/9/2019 ဝၼ်းၵၢတ်ႇၼမ်ႉပွင်ႈ ၵူၼ်းမႃးၶဝ်ႈၵၢတ်ႇဢေႇ တပ်ႉသိုၵ်းလူင်ပွင်ၸိုင်ႈမၢၼ်ႈ ၶလယ 291 ယိုဝ်းၵွင်ႈ လူင်၊ ယိုဝ်းၵွင်ႈၵူႈၶမ်ႈ ၵူၼ်းမိူင်း ၼႂ်းဢိူင်ႇၼမ်ႉပွင်ႈ တူၵ်းၸႂ်/ လႆႈၵူဝ်ႁႄ/ ၾၢင်ႉယူႇတႃႇသေႇ ဝႃႈၼႆ။ “တႄႇၶဝ်ပဵၼ်ပၢင်တိုၵ်းၵၼ်မႃး တၢင်းၼမ်ႉပွင်ႈႁဝ်းၶႃႈၼႆႉ လႆႈငိၼ်းသဵင်ၵွင်ႈသဵင်မၢၵ်ႇတႅၵ်ႈၵူႈဝၼ်းၶႃႈယဝ်ႉ။...

မၢၵ်ႇလူင်တူၵ်းသႂ်ႇၼႂ်းဝၢၼ်ႈ ၵူၼ်းၵူတ်ႉၶၢႆလႆႈလူႉတၢႆ 5 ၵေႃႉၼၼ်ႉ ၸုမ်း ယိပ်းၵွင်ႈၵၢင်ႇတၢင်း 2 ၾၢႆႇၵုမ်ႇၼႄးၵၼ် ဢမ်ႇယွမ်းႁပ်ႉဝႃႈ ပဵၼ်မၢၵ်ႇၽႂ်။ မၢၵ်ႇလူင်တူၵ်းသႂ်ႇၼႂ်းဝၢၼ်ႈ ဝၢၼ်ႈမေႃႇႁဵၵ်ႇ ၸႄႈဝဵင်းၵူတ်ႉၶၢႆ ၸိုင်ႈတႆး ပွတ်းႁွင်ႇ မိူဝ်ႈဝၼ်းတီႈ 31/8/2019 ယၢမ်းၵၢင်ၼႂ် 9 မူင်းၼၼ်ႉ ၵူၼ်းဝၢၼ်ႈလႆႈလူႉတၢႆ 5 ၵေႃႉ။ ႁွင်ႈၵၢၼ်ၾၢႆႇပိုၼ်ၽၢဝ်ႇတပ်ႉသိုၵ်းလူင်ပွင်ၸိုင်ႈမၢၼ်ႈ ဢွၵ်ႇၶေႃႈပိုၼ်...

လုမ်းၽွင်းတၢင် လူင်ပွင်ၸိုင်ႈမိူင်းႁူမ်ႈတုမ် ၶိုင်ပွင်တႃႇတၢင်ႇလိၵ်ႈတုၵ်းယွၼ်း ႁႂ်ႈၸဝ်ႈမုၼ်ယႂ်ႇၶုၼ်ႁေႃၶမ်းထႆးၸွႆႈထႅမ်တူၺ်းလူမဵတ်ႉတႃႇပၼ်ႁႅင်းၵၢၼ်ယၢၼ်မိူင်း မိူင်းႁူမ်ႈတုမ် 2 ၵေႃႉဢၼ်ၺႃးတူတ်ႈတၢမ်ႇတၢႆ ဝႆႉၼၼ်ႉ ႁႂ်ႈပူၼ်ႉလွတ်ႈတၢင်းၽိတ်း ဝႃႈၼႆ။ ယူႇတီႈတူဝ်ၽွင်းလူင်မိူင်းႁူမ်ႈတုမ် ၊ ႁွင်ႈၵၢၼ်ၾၢႆႇဢဵၼ်ႁႅင်းၵူၼ်းမိူင်းလႄႈ ထတ်းၵူၼ်းၶဝ်ႈၵူၼ်းဢွၵ်ႇ ဢူးတဵင်းသူၺ်ႇလၢတ်ႈဝႃႈ -ယူႇတီႈလူင်ပွင်ၸိုင်ႈၵေႃႈတေတႅမ်ႈလိၵ်ႈထိုင် ၸဝ်ႈမုၼ်ယႂ်ႇၶုၼ်ႁေႃၶမ်းထႆး။ လွင်ႈၼႆႉ ၽွင်းတၢင်လူင်မိူင်းမၢၼ်ႈ ဢၼ်မီးတီႈဝဵင်းလူင်ၵုင်းထဵပ်ႈ ၶတ်းၸႂ်ၸတ်းလွင်ႈၼႆႉယူႇ ဝႃႈၼႆ။ ဢူးဢွင်ႇမဵဝ်းတၢၼ်ႉ ၽူႈပၼ်တၢင်းၶႆႈၸႂ် ၾၢႆႇပၵ်းပိူင်မၢႆမီး ၼႂ်းဢမုၶၻီး...

သိုၵ်းလူင်ပွင်ၸိုင်ႈမၢၼ်ႈ ဢဝ်ၶိူင်ႈဝိၼ် ပၼ်ႇလဵပ်ႈ ၼႂ်းၸႄႈဝဵင်းၵူတ်ႉၶၢႆသေ ပွႆႇမၢၵ်ႇသႂ်ႇ ဝတ်ႉဝႃးလႄႈ ႁိူၼ်းယေး ၵူၼ်းဝၢၼ်ႈ လႆႈလူႉၵွႆ ၵူၼ်းမိူင်းပိုၼ်ႉတီႈလၢတ်ႈ။ ဝၼ်းတီႈ 2/9/2019 ယၢမ်းဝၢႆးဝၼ်း 4 မူင်းပၢႆၼၼ်ႉ သိုၵ်းလူင်ပွင်ၸိုင်ႈမၢၼ်ႈ ၸႂ်ႉႁိူဝ်းမိၼ် 2 လမ်း မိၼ်ပၼ်ႇလဵပ်ႈၼႂ်း ၸႄႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇသေ ပွႆႇမၢၵ်ႇလူင်း တိူဝ်ႉသႂ်ႇတီႈဝတ်ႉႁူၺ်ႈၶူၵ်ႉ လႄႈ...

ၵူၼ်းမိူင်းလႆႈလူႉတၢႆ၊ မၢတ်ႇၸဵပ်း ၸွမ်းၼႂ်းပၢင်တိုၵ်းပွတ်းႁွင်ႇၼၼ်ႉ ၸုမ်းတူင်ႇဝူင်းၵူၼ်း ၸိုင်ႈတႆးပွတ်းႁွင်ႇ တုၵ်းယွၼ်း ဝႃႈ ႁႂ်ႈတပ်ႉသိုၵ်းလူင်ပွင်ၸိုင်ႈမၢၼ်ႈလႄႈ ၸုမ်းဢူၺ်းလီ 3 ၸုမ်း ဢဝ်ပုၼ်ႈၽွၼ်းတူၺ်းလူၶိုၼ်း ဝႃႈၼႆ။ တႄႇဢဝ်ဝၼ်းတီႈ 15/8/2019 ၼႆႉမႃး တပ်ႉသိုၵ်းလူင်ပွင်ၸိုင်ႈမၢၼ်ႈ တင်း ၸုမ်းဢူၺ်းလီ 3 ၸုမ်း ပိုတ်းယိုဝ်းၵၼ် ႁၢဝ်ႈ ႁႅင်း ၼႂ်းၸိုင်ႈတႆးပွတ်းႁွင်ႇသေ...

ၸၢႆးၶုၼ်မိူင်းလႄႈ ၸၢႆးလႅင်းၸိုၼ်ႈ ၶူးသွၼ် သွင်ပီႈၼွင်ႉ ဝဵင်းပၢင်ႁူႈ ဢၼ်ၺႃးသိုၵ်း လူင်ပွင်ၸိုင်ႈ မၢၼ်ႈတီႉၺွပ်းဝႆႉၼၼ်ႉ   ႁူဝ်ပဝ်ႈၵေႃလိၵ်ႈလၢႆး လႄႈ ပီႈၼွင်ႉ  ႁပ်ႉႁွင်းသေ ဢဝ်ဢွၵ်ႇၶွၵ်ႈၶင် ႁွတ်ႈထိုင်ႁိူၼ်းၶိုၼ်းၶမ်ႈၼႆႉ  ဝၼ်းတီႈ 2/9/2019 ယဝ်ႉ လႆႈႁူႉၸွမ်းၼင်ႇၼႆ။ ၶူးၸၢႆးဢွမ်ၶမ်း ဢၼ်ၶဝ်ႈပႃးၸွႆႈထႅမ်ႁပ်ႉႁွင်း ဝၼ်းမိူဝ်ႈၼႆႉလၢတ်ႈတီႈၽူႈတွႆႇႁွၵ်ႈဝႃႈ-  “ၵိုင်ႇႁိူဝ်ႉၶႃႈယဝ်ႉ ။ ႁဝ်းၶႃႈၵႂႃႇပႂ်ႉၸွမ်းတၢင်းဝၼ်းဢေႃႈမိူဝ်ႈၼႆႉ။ ဢၢဝ်သၢင်ႇႁေ၊...

ၵူၼ်းမိူင်း ၼႂ်းဢိူင်ႇၼမ်ႉပွင်ႈ ၵမ်ႈၽွင်ႈ ပႆႇႁတ်းပွၵ်ႈႁိူၼ်း ယင်းတိုၵ်ႉမႆႈၸႂ် ၵူဝ်ပဵၼ်ပၢင်တိုၵ်းထႅင်ႈယူႇ ဝႃႈၼႆ။ တႄႇဢဝ်ဝၼ်းတီႈ 28/8/2019 ၼႆႉမႃး တၢင်းဢိူင်ႇၼမ်ႉပွင်ႈ ၸႄႈဝဵင်းလႃႈသဵဝ်ႈ ယူႇတီႈၸုမ်းဢူၺ်းလီ 3 ၸုမ်း ႁူမ်ႈၵၼ် ယိုဝ်းတပ်ႉၶလယ 291 သေ သွင်ၾၢႆႇလႆႈပဵၼ်ပၢင်တိုၵ်းၵၼ်မႃးတေႃႇထိုင် ဝၼ်းမိူဝ်ႈၼႆႉ ၵူၼ်းဝၢၼ်ႈၼႂ်းဢိူင်ႇၼမ်ႉပွင်ႈ ၵမ်ႈၽွင်ႈ ပႆႇႁတ်းပွၵ်ႈႁိူၼ်း ၵူဝ်ပဵၼ်ပၢင်တိုၵ်းထႅင်ႈ...

ၶူးသွၼ် ၸၢႆးၶုၼ်မိူင်းလႄႈ ၸၢႆးလႅင်းၸိုၼ်ႈသွင်ပီႈၼွင်ႉ ဢၼ်ၺႃးသိုၵ်းလူင်ပွင်ၸိုင်ႈၸီႉၼႄးဝႃႈ ၵဵဝ်ႇၶွင်ႈတင်းၸုမ်းမႃးယိုဝ်းၸၼ်ႉၸွမ်ပၢႆးၸၢၵ်ႈသိုၵ်း DSTA ပၢင်ႁူႈၼၼ်ႉၼႆသေ တီႉၺွပ်းယဵတ်ႈၶွၵ်ႈ ဝႆႉၼၼ်ႉ ၵေႃႉၼွင်ႉ ပၢႆးယူႇလီဢမ်ႇပေႃးၶႅမ်ႉဝႃႈၼႆ။ ဝၼ်းတီႈ 2/9/2019 ဝၼ်းမိူဝ်ႈၼႆႉ ၾၢႆႇပလိၵ်ႈမၢၼ်ႈ ဢဝ် ၶႃပီႈၼွင်ႉ ၶိုၼ်ႈလုမ်းတြႃး ၼႆလႄႈ ပေႃႈမႄႈ ပီႈၼွင်ႉလႄႈၵူၼ်းၼုမ်ႇဢူၺ်းၵေႃႈဢူၺ်းသႄႈ ၵႂႃႇႁူပ်ႉထူပ်းတီႈ တပ်ႉပလိၵ်ႈၸေႈဝဵင်း။ ၸၢႆးၼုမ်ႇ ၵူၼ်းၼုမ်ႇပၢင်ႁူႈ လၢတ်ႈတီႈၽူႈတွႆႇႁွၵ်ႈဝႃႈ...

တႆးႁွတ်ႈၵဵင်းမႂ်ႇ ႁူမ်ႈၵၼ်တႆႈတဵၼ်း ယွၼ်းႁႂ်ႈ မေႃသွၼ် 2 ပီႈၼွင်ႉ ဢၼ်သိုၵ်းလူင်ပွင်ၸိုင်ႈမၢၼ်ႈ ၵုမ်းၶင်တူဝ်ဝႆႉၼၼ်ႉ ႁႂ်ႈၸဵဝ်းပွႆႇပၼ် တိူင်ႇၵၢဝ်ႇႁႂ်ႈၸိုင်ႈတႆးၵတ်းယဵၼ် ဝႃႈၼႆ။ ဝၼ်းတီႈ 29/8/2019 ယၢမ်းၵၢင်ၶမ်ႈ မွၵ်ႈ 8 မူင်း ၸုမ်းၼုမ်ႇႁၢႆးၸၢႆးယိင်းတႆး ၼႂ်းဝဵင်းၵဵင်းမႂ်ႇ ႁူမ်ႈၵၼ်တႆႈတဵၼ်းၶၢဝ်း ၵၢင် ဝႃႇသႃ ဝၼ်းလိူၼ်ၵဝ်ႈလပ်းလႄႈ ယွၼ်းသူးသူင်ႇမဵတ်ႉတႃႇထိုင် ၵူၼ်းမိူင်းဢၼ်လႆႈထူပ်းၽေးသိုၵ်း...