Tuesday, June 18, 2024

ၵူၼ်းမိူင်းၵူတ်ႉၶၢႆ ဢွၼ်ၵၼ်တူၵ်းၸႂ် ယွၼ်ႉငိၼ်းသဵင်ၵွင်ႈလူင်တႅၵ်ႇ

Must read

ၵူၼ်းမိူင်းၵူတ်ႉၶၢႆ လႄႈ ၵူၼ်းၵႂႃႇတၢင်း ဢွၼ်ၵၼ်တူၵ်းၸႂ် တိုၼ်ႇသၢၼ်ႈ ယွၼ်ႉငိၼ်းသဵင်ၵွင်ႈလူင်တႅၵ်ႇ မွၵ်ႈ 4-5 ၵမ်း။

Photo by – ၵူၼ်းမိူင်းၵူတ်ႉၶၢႆ/ ပႆၢႉၶဝ်ႈဢွၵ်ႇဝဵင်း ၵူတ်ႉၶၢႆ

ဝၼ်းတီႈ 8/1/2020 ယၢမ်းဝၢႆးဝၼ်း 4 မူင်းပၢႆ ယွၼ်ႉသဵင်ၵွင်ႈလူင်တႅၵ်ႇလႄႈ ၵူၼ်းမိူင်းၸႄႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ ဢွၼ်ၵၼ်တူၵ်းၸႂ် ၵူၺ်းၵႃႈ သဵင်ၵွင်ႈၼႆႉ တႅၵ်ႇပွတ်းလႂ်တႄႉတႄႉ ဢမ်ႇလႆႈႁူႉတႅတ်ႈတေႃး။

- Subscription -

မၢႆးမၢႆႇ ၵူၼ်းပိုၼ်ႉတီႈ ၸႄႈဝဵင်းၵူတ်ႉၶၢႆ လၢတ်ႈတီႈၽူႈတွႆႇႁွၵ်ႈဝႃႈ “ ႁဝ်းၶႃႈ လႆႈငိၼ်းသဵင်ၵွင်ႈလူင်တႅၵ်ႇ မွၵ်ႈ 4-5 ၵမ်းၼႆႉ။ တီႈပွၵ်ႉ 1 ၶႅၼ်းလႆႈငိၼ်းႁႅင်းၶႃႈယဝ်ႉ။ ႁဝ်းၶႃႈ လႆႈၾၢင်ႉသတိၵၼ်သေ ယူႇၵႂႃႇၶႃႈ” ဝႃႈၼႆ။

မိူဝ်ႈဝၼ်းတီႈ 1/1/2020 ၼႆႉ ၾၢႆႇသိုၵ်းဢူၺ်းလီ 3 ၸုမ်းၵေႃႈ ပိုၼ်ၽၢဝ်ႇသိုပ်ႇၵိုတ်းတိုၵ်းထႅင်ႈ တႃႇၶၢဝ်းတၢင်း 2 လိူၼ်။ မိူဝ်ႈဝၼ်းတီႈ 9/1/2020 ၵေႃႈ ႁွင်ႈၵၢၼ်ၾၢႆႇပွင်ႇၶၢဝ်ႇ တပ်ႉသိုၵ်းတဢၢင်း TNLA ပိုၼ်ၽၢဝ်ႇဝႃႈ ၼႂ်းပီ 2020 ၶၢဝ်းတၢင်း 10 ဝၼ်းၼႆႉ လႆႈပဵၼ်ပၢင်တိုၵ်းၵၼ်တင်းတပ်ႉသိုၵ်းလူင်ပွင်ၸိုင်ႈဢမ်ႇယွမ်း 4 ပွၵ်ႈယဝ်ႉ ဝႃႈၼႆ။

ၸၢႆးဢွင်ႇ ၵူၼ်းမိူင်းၵူတ်ႉၶၢႆ လၢတ်ႈတီႈၽူႈတွႆႇႁွၵ်ႈဝႃႈ “ ႁဝ်းၶႃႈ လႆႈငိၼ်းသဵင်မၢၵ်ႇလူင်တႅၵ်ႇႁၢဝ်ႈႁႅင်းၶႃႈ။ လုၵ်ႉတၢင်း လႂ်သေ ယိုဝ်းၵႂႃႇတၢင်းလႂ် ၵႂႃႇတူၵ်းတိူဝ်ႉတၢင်းလႂ်ဢၼ်ဝႃႈၼၼ်ႉ ဢမ်ႇလႆႈႁူႉ။ တိုၵ်ႉထွမ်ႇတူၺ်းယူႇၶႃႈ” ဝႃႈၼႆ။

ၵမ်ႈၼမ် ၼိူဝ်ဢွၼ်ႊလၢႆႊတႄႉ တႅမ်ႈတၢင်ႇၶိုၼ်ႈဝႆႉ မၢၵ်ႇလူင်ဢၼ်တူၵ်းတႅၵ်ႇၼၼ်ႉ တေပဵၼ်တၢင်းၾၢႆႇသဵၼ်ႈတၢင်း ၵူတ်ႉၶၢႆ – ၼမ်ႉၽၵ်းၵႃလႄႈ မူႇၸေႊ။

ဝၼ်းတီႈ 8/1/2020 ဝၼ်းသဵင်ၵွင်ႈလူင်တႅၵ်ႇပွတ်းၵူတ်ႉၶၢႆၼၼ်ႉ တီႈၼေႇပျီႇတေႃႇၵေႃႈ ယူႇတီႈၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း 10 ၸုမ်း တင်း လူင်ပွင်ၸိုင်ႈလႄႈ တပ်ႉသိုၵ်းလူင်ပွင်ၸိုင်ႈမၢၼ်ႈ ၸတ်းႁဵတ်းပၢင်ၵုမ် JICM ဢုပ်ႇဢူဝ်း ငူပ်ႉငီႉၵၼ် လွင်ႈၽေႃႇၼမ်ႉၼႄတူဝ်ၵၢၼ်ၵိုတ်းတိုၵ်းယူႇ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း