ပီႇတူႉၸိတ်ႉ ဝၢၼ်ႈပၢင်ႇ ႁွင်ႉပၢင်ၵုမ်ၵူၼ်းမိူင်းလၢႆးၶႃႈ ဢုပ်ႇၵုမ် တႃႇၶုတ်းထၢၼ်ႇႁိၼ်။ ဝၼ်းတီႈ 15/2/2020 ယၢမ်းၵၢင်ၼႂ် 9 မူင်း သိုၵ်းပီႇတူႉၸိတ်ႉဝၢၼ်ႈပၢင်ႇ ဢၼ်ပဵၼ်ၶူးတေႃးၼ ဢွၼ်ႁူဝ်ၼၼ်ႉ ႁွင်ႉၵူၼ်း ဝၢၼ်ႈ ၸတ်းႁဵတ်းပၢင်ၵုမ်တီႈၵျွင်းၼွင်ယႃႈသႆး ၸႄႈဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆး ပွတ်းၸၢၼ်းသေ ဢုပ်ႇ လွင်ႈတႃႇတေၶုတ်းထၢၼ်ႇႁိၼ် ဢၼ်မီးၼႂ်းၵႄႈဝၢၼ်ႈပၢင်ႇတင်း ဝၢၼ်ႈၼွင်ယႃႈသႆး ၵူၼ်းဝၢၼ်ႈသူင်ႇၶၢဝ်ႇၸူးၽူႈတွႆႇ...

ၸုမ်းၵပ်းသၢၼ်လွင်ႈၼၢင်းယိင်းတႆး (SWAN) ပိုတ်ႇလုမ်းသုၼ်ၵၢင်လဵပ်ႈႁဵၼ်း တီႈဝဵင်းပၢင်လူင် တႃႇပူၵ်းပွင်ယုၵ်ႉမုၼ်း ၼမ်ႉၵတ်ႉ လုၵ်ႈဢွၼ်ႇၼႂ်းပိုၼ်ႉတီႈ။ ဝၼ်းတီႈ 13/2/2020 ယၢမ်းၵၢင်ၼႂ် 9 မူင်း ထိုင် 4 မူင်းဝၢႆးဝၼ်း ယူႇတီႈၸုမ်းၵပ်းသၢၼ်လွင်ႈၼၢင်းယိင်းတႆး (Shan Women’s Action Network – SWAN) ပိုတ်ႇလုမ်းသုၼ်ၵၢင်လဵပ်ႈႁဵၼ်း တီႈဝၢၼ်ႈဢႅၼ်ႇ ဝဵင်းပၢင်လူင်...

ၵူၼ်းမိူင်းတၢင်ႈ ၸေႈဝဵင်းၵျွၵ်ႉမႄးၵေႃႉၼိုင်ႈ ၺႃးယိုဝ်းၽွင်းမၼ်းၸၢႆးတေၵႂႃႇႁဵတ်းၵၢၼ်သူၼ်။ ဝၼ်းတီႈ 13 /2/2020 မိူဝ်ႈၼႆႉယၢမ်းၵၢင်ၼႂ်မွၵ်ႈ 8 မူင်း  ၸၢႆးၵေႃးထူဝ်ႉ ဢႃယု 30 ပီပၢႆ ပဵၼ်ၵူၼ်းမၢၼ်ႈၸၢၼ်း ၺႃးယိုဝ်းၽွင်းမၼ်းၸၢႆးဢၢင်ႈၵႂႃႇႁဵတ်းသူၼ်။ လုင်းၸၢႆးလ ၵူၼ်းၵျွၵ်ႉမႄးလၢတ်ႈတီႈၽူႈတွႆႇႁွၵ်ႈဝႃႈ - “ယၢမ်းလဵဝ်တူဝ်တၢႆ ၸၢႆးၵေႃးထူဝ်ႉ မီးတီႈႁူင်းယႃၵျွၵ်ႉမႄး။ ပဵၼ်ၽႂ်ယိုဝ်းမၼ်းၸၢႆးၵေႃႈဢမ်ႇႁူႉ။ ၵူၼ်းဝၢၼ်ႈၵႂႃႇသူၼ်သေလႄႈ ၵႂႃႇႁၼ်မႅၼ်ႈ တူဝ်တၢႆမၼ်း။ ဢမ်ႇတၼ်းလႆႈငိၼ်းသဵင်ၵွင်ႈ...

တၢင်းပဵၼ်ၸိူဝ်ႉမႅင်းၶူဝ်ႊရူဝ်ႊၼႃႊ ၽႄႈၼမ်ဝႆး တီႈမိူင်းၶႄႇၼၼ်ႉသေ တုမ်ႉတိူဝ်ႉၵၢၼ်ၵႃႉၶၢႆပၢႆးမၢၵ်ႈမီး ၸွမ်းလႅၼ်လိၼ် တႆး - ၶႄႇ ႁၢဝ်ႈႁႅင်း။ တင်ႈဢဝ် ႁၢင်လိူၼ်ၵျႅၼ်ႊၼိဝ်ႊရီႊ 2020 ၼႆႉမႃး ၾင်ႇမိူင်းၶႄႇ ႁၢမ်ႈႁႄႉၵုမ်းၵမ်ၵူၼ်းမိူင်းၵႂႃႇမႃးၶဝ်ႈဢွၵ်ႇ ၸွမ်းလႅၼ် လိၼ်တႆး - ၶႄႇ တၢင်းပွတ်းၸႄႈဝဵင်းၼမ်ႉၶမ်း၊ မူႇၸေႊ ၼႂ်းၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇၼၼ်ႉလႄႈ ၵၢၼ် တေႃႉသူင်ႇၶူဝ်းၵုၼ်ႇၵႃႉ...

ၽူႈၸၢႆး 2 ၵေႃႉ ၵႂႃႇႁႃၽိုၼ်း(မႆႉလူဝ်) တႃႇမႃးလူႇတၢၼ်း ၼႂ်းလိူၼ် 3 မူၼ်း ၵႂႃႇယဵပ်ႇၺႃးမၢၵ်ႇမႅင်းၾင်လိၼ် တၢႆၵေႃႉ ၼိုင်ႈ မၢတ်ႇၸဵပ်းႁၢဝ်ႈႁႅင်းၵေႃႉၼိုင်ႈ။ ဝၼ်းတီႈ 3/2/2020 ယၢမ်းႁူဝ်ၶမ်ႈ 5 မူင်း မွင်ႇဢႃးသၢမ် ဢႃယု 28 ပီ တင်း မၢႆးမွင်ႇၼၢႆႇ ဢႃယု 20...

ႁေႃလူင်ၵဵင်းတုင် ဢၼ်ၺႃးလူင်ပွင်ၸိုင်ႈသိုၵ်းမၢၼ်ႈယိုတ်း/ယႃႉ ႁဵတ်း ႁူင်းႁႅမ်း ဝႆႉ ၼၼ်ႉ ၽူႈတႅၼ်းၵဵင်းတုင် ၶိုၼ်ႈတုၵ်း ၼႂ်းသၽႃး - ၽူႈမီးပုၼ်ႈၽွၼ်းၼႄႇပျီႇတေႃႇလၢတ်ႈဝႃႈ  ၶၢဝ်းတၢင်း 70 ပီၼႆႉ ပႆႇၸၢင်ႈမွပ်ႈၸူးမိုဝ်းၽူႈၵဵဝ်ႇၶွင်ႈၶိုၼ်း ဝႃႈၼႆ။ ဝၼ်းတီႈ 3/2/2020 ပၢင်ၵုမ်သၽႃးၸိူဝ်ႉၸၢတ်ႈ ၼေႇပျီႇတေႃႇၼၼ်ႉ ၽူႈတႅၼ်းသၽႃးၸိူဝ်ႉၸၢတ်ႈ ၸႄႈတွၼ်ႈၵဵင်းတုင် တွၵ်ႊတိူဝ်ႊၸၢႆးသႆႇၵႅဝ်ႈသၢမ် တွင်ႈထၢမ်ဝႃႈ -...

ပီႇတူႉၸိတ်ႉ မၢၼ်ႈပၢင်ႇ ဢၼ်တူင်ႉၼိုင်ယူႇဝႆႉတၢင်း ဢိူင်ႇၼမ်ႉပွင်ႈ တွၼ်ႈတၢင်းၸၢၼ်းထုင်ႉ ၸႄႈဝဵင်းလႃႈသဵဝ်ႈၼၼ်ႉ ယိုတ်းဢဝ်တီႈ လိၼ်ၵူၼ်းမိူင်းထႅင်ႈ 370 ဢေႊၶိူဝ်ႊပၢႆ။ ၸုမ်းပီႇတူႉၸိတ်ႉ မၢၼ်ႈပၢင်ႇ ဢၼ်ပူဝ်ႇမူၼ်းဢွၼ်ႁူဝ်ၼႆႉ မိူဝ်ႈပီ 2006 ယိုတ်းဢဝ်တီႈလိၼ်ၵူၼ်းဝၢၼ်ႈထုင်ႉၼႆႉ 1,000 ဢေႊၶိူဝ်ႊပၢႆ။ ႁၢင်ပီ 2019 - ႁူဝ်ပီ 2020 ၼႆႉ မႃးယိုတ်းဢဝ်တီႈလိၼ်ၵူၼ်းဝၢၼ်ႈၵုင်းပဝ်းထႅင်ႈ...

လၢၼ်ႇ/ ၵဵတ်ႉ လႅၼ်လိၼ်တႆး-ထႆး ပိၵ်ႉ/ ဢိုတ်း ၸူဝ်ႈၶၢဝ်း တႃႇႁႄႉၵင်ႈတၢင်းပဵၼ်ဝၢႆးရတ်ႊသ်ၶူဝ်ႊရူဝ်ႊၼႃႊ။ ဝၼ်းတီႈ 30/1/2020 လၢၼ်ႇ/ ၵဵတ်ႉလႅၼ်လိၼ် တႆး - ထႆး တီႈပႃၶီး၊ BP1၊ ၼမ်ႉယွၼ်း၊ လၵ်းတႅင်ႇ ဢၼ်တိတ်းၸပ်း ၼႂ်း ၸိုင်ႈတႆးပွတ်းၸၢၼ်းလႄႈ ပွတ်းဢွၵ်ႇၶူင်း ၸိူဝ်းၼၼ်ႉ ႁၢမ်ႈၵူၼ်း ၶဝ်ႈဢွၵ်ႇၵႂႃႇမႃး...

ၽူႈၸၢႆးၵေႃႉၼိုင်ႈ ဢႃယု 48 ပီ ၺႃးယိုဝ်း ၼႂ်းၸႄႈဝဵင်းၼမ်ႉၸၢင် မၢတ်ႇၸဵပ်းသေ လႆႈႁၢမ်သူင်ႇႁူင်းယႃၼမ်ႉၸၢင်။ ဝၼ်းတီႈ 30/1/2020 ယၢမ်းဝၢႆးဝၼ်း မွၵ်ႈ 4 မူင်းပၢႆၼၼ်ႉ ၽူႈၸၢႆး ဢႃယု 48 ပီ ၵေႃႉၼိုင်ႈ ပဵၼ်ၽူႈၵုမ်းတႃႈၵႃး သၢႆထူး သၢၼ်း (ထူးဆန်း ယာဉ်ငယ်လိုင်း ဂိတ်မှူး)...

တပ်ႉသိုၵ်းလူင်ပွင်ၸိုင်ႈမၢၼ်ႈ ဢၼ်မႃးပုတ်ႈတူင်ႉၼိုင်တီႈဢိူင်ႇမိူင်းၵႅတ်ႈ ၸေႈဝဵင်လႃႈသဵဝ်ႈၼၼ်ႉ  တဵၵ်းၶၢၼ်းၵူၼ်းမိူင်းၵႅတ်ႈ သူင်ႇရူတ်ႉၵႃးလႄႈထေႃႈလႃႈၵျီႈ ႁဵတ်းၵၢၼ်ၸွႆႈၼႂ်းတပ်ႉၶဝ်ၵူႈဝၼ်း ၵူၼ်းမိူင်း ယၢပ်ႇၽိုတ်ႇတႃႇ ႁႃၵိၼ်လဵင်ႉတွင်ႉ။ တပ်ႉသိုၵ်းလူင်ပွင်ၸိုင်ႈ ၶမယ 362 ဢၼ်လုၵ်ႉမိူင်းၶျၢင်း မႃးပုတ်ႈလၢႆႈတပ်ႉ 368 တီႈဢိူင်ႇမိူင်းၵႅတ်ႈ ၸေႈဝဵင်းလႃႈသဵဝ်ႈ ၼၼ်ႉ ၼွၵ်ႈလိူဝ် ဢၼ်ၶၢၼ်းၵူၼ်းမိူင်းဝႆႉယဝ်ႉ သင်ဝႃႈလူဝ်ႇၸႂ်ႉရူတ်ႉၵႃး လႄႈထေႃႈလႃႈၵျီႈ ၶၢဝ်းလႂ်ၵေႃႈ ႁွင်ႉၶၢၼ်းထႅင်ႈ ႁဵတ်းႁႂ်ႈၵူၼ်းမိူင်း  ...

ၼၢင်းယိင်း သွင်ၵေႃႉမႄႈလုၵ်ႈၵႂႃႇႁႃၽိုၼ်းသေ ယဵပ်ႇၺႃးမၢၵ်ႇမႅင်းၾင်လိၼ် တႅၵ်ႇသႂ်ႇ မၢတ်ႇၸဵပ်းႁၢဝ်ႈႁႅင်း လႆႈႁၢမ် သူင်ႇႁူင်းယႃ လူင်ဝဵင်းလႃႈသဵဝ်ႈ။ ဝၼ်းတီႈ 28/1/2020 ယၢမ်းၵၢင်ၼႂ်မွၵ်ႈ 10 မူင်းပၢႆၼၼ်ႉ ပႃႈယႃၼူၼ်း ဢႃယု 49 ပီ တင်း လုၵ်ႈယိင်း လူၺ်းသႅင်လၢဝ် ဢႃယု 13 ပီ ယဵပ်ႇၺႃးမၢၵ်ႇမႅင်းၾင်လိၼ် တီႈသူၼ်ၼဵင်ႈ...

မၢႆမီႈယုၵ်းယၢင်ႇတႃႇၵႅတ်ႇၶႄႁေႉၵင်ႈလွင်ႈႁဵတ်းႁၢႆႉၸႃႉၼိူဝ်ၼၢင်းယိင်း ဢၼ်ႁူမ်ႈၵၼ် တိုတ်ႉၸၼ်မႃး ၶၢဝ်းတၢင်း 7 ပီၼၼ်ႉ ယူႇတီႈ သၽႃးလႆႈတမ်းဝၢင်းၼေပၼ်ၵူၼ်းမိူင်းတႃႇလဵပ်ႈႁဵၼ်း မိူဝ်ႈဝၼ်းတီႈ 25 /1/2020။ ၼႂ်းပၵ်းပိူင်ယုၵ်းယၢင်ႇ ၶေႃႈမၢႆမၢတ်ႈတႃႈ 15 ၼၼ်ႉပႃးဝႆႉဝႃႈ ၼၢင်းယိင်းၵေႃႉ ဢၼ်ၺႃး ၵၼ်ႉ ၸၼ် လူလၢႆၼၼ်ႉ ၸၢင်ႈႁႄႉၵင်ႈပတိသၼ်ႇထေႇလႆႈၼင်ႇၸႂ်ၸဝ်ႈၵဝ်ႇ၊ ႁႃတၢင်းႁူႉ လႄႈႁပ်ႉတၢင်း ၸွႆႈထႅမ် တႃႇပၢႆးယူႇလီၵဵဝ်ႇၵပ်းလွင်ႈၽႄႈၸိူဝ်ႉၽၼ်း...

သွင်မႄႈလုၵ်ႈ တိူဝ်ႉၺႃးမၢၵ်ႇၵွင်ႈ လူႉတၢႆထင်တီႈ ၼႂ်းၵႄႈပၢင်တိုၵ်း တပ်ႉသိုၵ်းလူင်ပွင်ၸိုင်ႈမၢၼ်ႈတင်း တပ်ႉသိုၵ်း TNLA ၼႂ်းၸႄႈဝဵင်းၵျွၵ်ႉမႄး။ ဝၼ်းတီႈ 28/1/2020 ယၢမ်းဝၢႆးဝၼ်း 3 မူင်းပၢႆ ၼၢင်းသူၺ်ႇၸိင်ႇ လႄႈ လုၵ်ႈယိင်း ၼၢင်းၶမ်းဢိင်ႇ သွင်မႄႈလုၵ်ႈလႆႈၶမ် ၼႂ်းၵႄႈပၢင်တိုၵ်း တပ်ႉသိုၵ်းလူင်ပွင်ၸိုင်ႈမၢၼ်ႈတင်း တပ်ႉသိုၵ်း TNLA တီႈႁိမ်းဝၢၼ်ႈပၢင်မၢၵ်ႇမိုဝ်း ၸႄႈဝဵင်းၵျွၵ်ႉမႄး ၸိုင်ႈ...

သိုၵ်း TNLA ပိုၼ်ၽၢဝ်ႇ ယွမ်းႁပ်ႉဝႃႈ လႆႈယိုဝ်းမႅၼ်ႈမေႃသွၼ်ႁူင်းႁဵၼ်းၸၼ်ႉငဝ်ႈ တၢႆၵေႃႉၼိုင်ႈ ၼႂ်းၸႄႈဝဵင်းၵူတ်ႉၶၢႆ ၸိုင်ႈတႆး ပွတ်းႁွင်ႇ။ မိူဝ်ႈဝၼ်းတီႈ 24/1/2020 ယၢမ်းၵၢင်ၶမ်ႈမွၵ်ႈ 7 မူင်းၼၼ်ႉ လူၺ်းမျုႉမူၺ်းဢွင်ႇ  မေႃသွၼ် တီႈႁူင်းႁဵၼ်းၸၼ်ႉငဝ်ႈ လူင်ပွင်ၸိုင်ႈမၢၼ်ႈ ၼၼ်ႉၺႃးယိုဝ်းတၢႆ တီႈႁွင်ႈသဝ်းမၼ်းၼၢင်း ဝၢၼ်ႈ ႁူၺ်ႈၶူၵ်ႉ ၸႄႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ။ TNLA ဢွၵ်ႇၶေႃႈပိုၼ်ၽၢဝ်ႇ...

ၽူႈမၢႆ (ၸလေး) ဢိူင်ႇမိူင်းတၢင်ႈ ၸေႈဝဵင်းၵျွၵ်ႉမႄး ၺႃးယိုဝ်းၽွင်းၶီႇရူတ်ႉၶိူင်ႈ၊ မၢတ်ႇၸဵပ်းသူင်ႇယူတ်းယႃတူဝ်တီႈႁူင်းယႃ ၵျွၵ်ႉမႄး။ ၽူႈမၢႆဢိူင်ႇမိူင်းတၢင်ႈ ၸၢႆးမျိၼ်ႉဢူး ၵႂႃႇၵဵပ်းသဵၼ်ႈမၢႆႁူဝ်ၵူၼ်း ၵူၼ်းပႃးတွင်ႉမႄႈလႄႈလုၵ်ႈဢွၼ်ႇ တီႈဢိူင်ႇမိူင်းတၢင်ႈသေပွၵ်ႈၶိုၼ်း ၵျွၵ်ႉမႄးမိူဝ်ႈဝၼ်းတီႈ 22/1/2020 ယၢမ်းႁူဝ်ၶမ်ႈ ၽွင်းမၼ်းၸၢႆးထိုင်တီႈ ႁိမ်းတၢင်းၶွႆႈတူၼ်ႈၺွင်ႇ ဢၼ်မီးၼႂ်းၵႄႈ ဝၢၼ်မိူင်းတၢင်ႈလႄႈ ဝၢၼ်ႈၼမ်ႉသေႃႉၼၼ်ႉ မီးၵူၼ်းသွင်ၵေႃႉၶီႇရူတ်ႉၶိူင်ႈ ၸွမ်းမႃးသေ ယိုဝ်းသႂ်ႇလႄႈ ၸၢႆးမျိၼ်ႉဢူး မၢတ်ႇၸဵပ်းမၢၵ်ႇၵွင်ႈ...